യി

മൂവാറ്റുപുഴ: റീബില്‍ഡ് കേരളം 2020-21 പദ്ധതിയില്‍ ഉള്‍പ്പെടുത്തി മൂവാറ്റുപുഴ നിയോജക മണ്ഡലത്തില്‍ നടപ്പാക്കുന്ന വിവിധ പദ്ധതികള്‍ക്ക് ആയവന ഗ്രാമപഞ്ചായത്തില്‍ തുടക്കമായി. പദ്ധതിയുടെ ഉദ്ഘാടനം എല്‍ദോ എബ്രഹാം എം എല്‍ എ നിര്‍വ്വഹിച്ചു.

കോതമംഗലം : കോതമംഗലത്തിന്റെ സ്വപ്ന പദ്ധതിയായ തങ്കളം - കോഴിപ്പിള്ളി ന്യൂ ബൈപാസ് റോഡ് യാഥാർത്ഥ്യമാകുന്നു.റോഡ് നിർമ്മാണത്തിനാവശ്യമായ മുഴുവൻ സ്ഥലവും ഏറ്റെടുത്ത് ടെണ്ടർ നടപടികൾ പൂർത്തീകരിച്ചതായും എം എൽ എ അറിയിച്ചു.ബൈപാസിന്റെ  നിർമ്മാണോദ്ഘാടനം ജനുവരി 27 ബുധനാഴ്ച 3 PM ന് പൊതുമരാമത്ത് വകുപ്പ് മന്ത്രി ജി സുധാകരൻ നിർവ്വഹിക്കും.

പത്തനംതിട്ട ജില്ലയുടെ പുതിയ ജില്ലാ കളക്ടറായി ഡോ. നരസിംഹുഗാരി തേജ് ലോഹിത് റെഡ്ഡി ചുമതലയേറ്റു. വരുന്ന നിയമസഭാ തെരഞ്ഞെടുപ്പ്,  സാന്ത്വന സ്പര്‍ശം അദാലത്ത് എന്നിവ ഭംഗിയായി നടത്തുന്നതിനു പ്രാധാന്യംനല്‍കി ജില്ലയുടെ നന്മയ്ക്കായി പ്രവര്‍ത്തിക്കുമെന്ന് ജില്ലാ കളക്ടര്‍ ഡോ. നരസിംഹുഗാരി ടി.എല്‍. റെഡ്ഡി പറഞ്ഞു. ജില്ലാ കളക്ടറായി ചുമതലയേറ്റ  ശേഷം സംസാരിക്കുകയായിരുന്നു അദ്ദേഹം. മുന്‍ ജില്ലാ കളക്ടര്‍ പി.ബി. നൂഹുമായി ചര്‍ച്ച ചെയ്ത വിഷയങ്ങള്‍ പഠിച്ചതിനുശേഷം ആവശ്യമായ ഇടപെടല്‍ നടത്തുമെന്നും അദ്ദേഹം പറഞ്ഞു.

സംസ്ഥാന സര്‍ക്കാര്‍ വനിതാ ശിശുവികസന വകുപ്പിന്റെ നേതൃത്വത്തില്‍ സമ്പുഷ്ട കേരളം പദ്ധതിയുടെ ഭാഗമായി പത്തനംതിട്ട ജില്ലയില്‍ വളരെ ഫലപ്രദമായി നടത്തിവരുന്ന പദ്ധതികളിലൊന്നാണ് 'കൂടെയുണ്ട് അങ്കണവാടി' എന്ന പദ്ധതി. പേര് സൂചിപ്പിക്കുംപോലെ അങ്കണവാടികള്‍ ഗുണഭോക്താക്കളിലേക്കു നേരിട്ടെത്തുന്നു എന്നതാണ് ഈ പദ്ധതിയുടെ പ്രത്യേകത. ജില്ലയില്‍ ഗര്‍ഭിണികള്‍, മുലയൂട്ടുന്ന അമ്മമാര്‍, കുട്ടികള്‍, കൗമാരപ്രായക്കാരായ പെണ്‍കുട്ടികള്‍ തുടങ്ങി മുക്കാല്‍ ലക്ഷം ഗുണഭോക്താക്കളിലേക്ക് പദ്ധതി നേരിട്ടെത്തി.

കാക്കനാട് : കഥാകൃത്ത് ടി പത്മനാഭന്‍ വസ്തുതകള്‍ മനസ്സിലാക്കാതെ നടത്തിയ പ്രസ്താവനകള്‍ വളരെ വേദനാജനകമാണെന്ന് വനിതാ കമ്മീഷന്‍ അധ്യക്ഷ എം സി ജോസഫൈന്‍. സംഭവത്തെക്കുറിച്ച് വസ്തുതകള്‍ മനസിലാക്കാതെയാണ് തനിക്കെതിരെ പരാമര്‍ശം ഉന്നയിച്ചിരിക്കുന്നത്. സാഹിത്യകാരന്മാരോട് ബഹുമാനമുണ്ടെന്നും എന്താണ് ഉണ്ടായത് എന്ന് അദ്ദേഹത്തിന് വിളിച്ചു ചോദിക്കാമായിരുന്നു എന്നും അവര്‍ പറഞ്ഞു. യഥാര്‍ത്ഥ വസ്തുതകള്‍ മനസ്സിലാക്കാനുള്ള  ധാര്‍മിക ബാധ്യത അദ്ദേഹം കാണിക്കണമായിരുന്നു എന്നും ജോസഫൈന്‍ പറഞ്ഞു.
എറണാകുളം ജില്ലാ പഞ്ചായത്ത് ഹാളില്‍ വെച്ച് നടന്ന വനിതാ കമ്മീഷന്‍ മെഗാ അദാലത്തില്‍ സംസാരിക്കുകയായിരുന്നു അവര്‍.

കൊച്ചി:   എറണാകുളം ജനറല്‍ ആശുപത്രിയിലേക്ക് ഡ്രൈവര്‍മാരെ കരാടറിസ്ഥാനത്തില്‍ താത്കാലികമായി നിയമിക്കുന്നു. പത്താം ക്ലാസ് യോഗ്യതയും നിലവില്‍ ഹെവി ഡ്യൂട്ടി ലൈസന്‍സ് ഉളളവര്‍ ജനുവരി 29-ന് രാവിലെ 11-ന് എറണാകുളം ജനറല്‍ ആശുപത്രിയില്‍ നടക്കുന്ന വാക്-ഇന്‍-ഇന്റര്‍വ്യൂവില്‍ പങ്കെടുക്കണം. പങ്കെടുക്കുന്നവര്‍ അപേക്ഷയോടൊപ്പം ഒറിജിനല്‍ സര്‍ട്ടിഫിക്കറ്റുകള്‍ സഹിതം ഹാജരാകണം. ഇന്റര്‍വ്യൂവില്‍ പങ്കെടുക്കുന്നവര്‍ കോവിഡ് മാനദണ്ഡങ്ങള്‍ കര്‍ശനമായി പാലിക്കണം. 

സംസ്ഥാന സർക്കാരിന്റെ സാന്ത്വന സ്പർശം പദ്ധതിയുടെ ഭാഗമായുള്ള പരാതി കൗണ്ടർ ചാവക്കാട് ബ്ലോക്കിന് കീഴിലും നഗരസഭയിലും ആരംഭിച്ചു. പൊതുജനങ്ങളുടെ പരാതികൾക്ക് അടിയന്തിരമായി പരിഹാരം കാണുന്നതിനുള്ള സാന്ത്വന സ്പർശം പരാതി കൗണ്ടർ ചാവക്കാട്‌ നഗരസഭ, പുന്നയൂർക്കുളം പഞ്ചായത്ത് എന്നിവിടങ്ങളിലാണ് തുറന്നത്. ചാവക്കാട്‌ നഗരസഭയിലെ പരാതി കൗണ്ടർ പ്രവർത്തനം നഗരസഭാധ്യക്ഷ ഷീജ പ്രശാന്തും പുന്നയൂർക്കുളം പഞ്ചായത്തിലെ കൗണ്ടർ പഞ്ചായത്ത് പ്രസിഡന്റ് ജാസ്മിൻ ഷഹീറും ഉദ്ഘാടനം ചെയ്തു. 

കൊച്ചി:   സംസ്ഥാന സര്‍ക്കാര്‍ സ്ഥാപനമായ മോഡല്‍ ഫിനിഷിങ് സ്‌കൂള്‍  കലൂരില്‍ ആരംഭിക്കുന്ന സൗജന്യ സായാഹ്ന പി ജി ഡി സി എ കോഴ്‌സിലേക്ക് അപേക്ഷ ക്ഷണിച്ചു. അപേക്ഷകര്‍ ഡിഗ്രി കഴിഞ്ഞവരും മൂന്നു ലക്ഷം താഴെ വരുമാനമുള്ള ഒബിസി വിഭാഗത്തില്‍ പെട്ടവരോ ഒരു  ലക്ഷത്തില്‍ താഴെ വരുമാനമുള്ള ജനറല്‍ / മറ്റു സംവരണ വിഭാഗത്തില്‍ പെട്ടവരോ ആയിരിക്കണം. കൂടുതല്‍ വിവരങ്ങള്‍ക്ക് ഫോണ്‍ 0484 2985252

 തുളസീവനം പദ്ധതിക്ക് വടക്കുംനാഥക്ഷേത്രത്തിലെ കൊക്കർണി പറമ്പിൽ തുടക്കമായി.

കൃഷി വകുപ്പ് മന്ത്രി അഡ്വ വി എസ് സുനിൽകുമാർ പദ്ധതി ഉദ്ഘാടനം ചെയ്തു. സംസ്ഥാന കൃഷി വകുപ്പിന്റെ നേതൃത്വത്തിൽ കൊച്ചിൻ ദേവസ്വം ബോർഡിന്റെ സഹകരണത്തോടെ 

പതിനായിരത്തോളം തുളസി തൈകൾ ക്ഷേത്രമൈതാനിയിൽ നടുന്ന പദ്ധതിയാണിത്.

തുളസി തൈകൾക്ക് പുറമേ 

കദളീവനം 

പദ്ധതിയും വടക്കുന്നാഥ ക്ഷേത്രത്തിൽ 

തുടങ്ങും. 

കൊച്ചിൻ ദേവസ്വം പ്രസിഡണ്ട് വി  നന്ദകുമാർ അധ്യക്ഷനായി.

ചടങ്ങിൽ വാർഡ് കൗൺസിലർ പൂർണിമ, കൊച്ചിൻ ദേവസ്വം ബോർഡ് മെമ്പർമാരായ എം  ജി നാരായണൻ, കെ അയ്യപ്പൻ,