കിടങ്ങൂർ എഞ്ചിനീയറിംഗ് കോളേജിൽ നിർമ്മിച്ച 186 കിലോവാട്ട് സൗരോർജ്ജ പ്ലാൻ്റിൻ്റെ ഉദ്ഘാടനം വൈദ്യുതിവകുപ്പ് മന്ത്രി എം.എം മണി ജനുവരി 30ന്  നിർവഹിക്കും.  

രാവിലെ 10ന് കോളേജ് അങ്കണത്തിൽ നടക്കുന്ന ചടങ്ങിൽ മോൻസ് ജോസഫ് എം.എൽ.എ അധ്യക്ഷത വഹിക്കും. തോമസ് ചാഴികാടൻ എം.പി മുഖ്യ പ്രഭാഷണം നടത്തും.സൗര പദ്ധതിയുടെ സ്റ്റേറ്റ് നോഡൽ ഓഫീസർ എ. നസറുദീൻ റിപ്പോർട്ട്  അവതരിപ്പിക്കും.

 റിപ്പബ്ലിക് ദിനാഘോഷത്തിന്‍റെ ഭാഗമായുള്ള ജില്ലാതല ചടങ്ങ് ഇന്ന്(ജനുവരി 26) രാവിലെ ഒന്‍പതു മുതല്‍ കോട്ടയം പോലീസ് പരേഡ് ഗ്രൗണ്ടില്‍ നടക്കും. ജില്ലയുടെ ചുമതലയുള്ള ഭക്ഷ്യ-പൊതുവിതരണ വകുപ്പ് മന്ത്രി പി. തിലോത്തമന്‍ ദേശീയ പതാക ഉയര്‍ത്തി പരേഡിന്‍റെ അഭിവാദ്യം സ്വീകരിച്ച് സന്ദേശം നല്‍കും.

കോവിഡ് പ്രതിരോധ നിയന്ത്രണങ്ങള്‍ നിലനില്‍ക്കുന്ന സാഹചര്യത്തില്‍ ചടങ്ങില്‍ പോലീസിന്‍റെ മൂന്നു പ്ലറ്റൂണുകളും വനം വകുപ്പിന്‍റെയും എക്സൈസിന്‍റെയും  ഓരോ പ്ലറ്റൂണുകളും മാത്രമാണ് പങ്കെടുക്കുക. ജില്ലാ കളക്ടര്‍ എം. അഞ്ജനയും ജില്ലാ പോലീസ് മേധാവി ജി.ജയദേവും അഭിവാദ്യം സ്വീകരിക്കും. 

ആരോഗ്യ വകുപ്പ് നടപ്പാക്കുന്ന വൈറല്‍ ഹെപ്പറ്റൈറ്റിസ് നിയന്ത്രണ പരിപാടിയുടെ ഭാഗമായി മെഡിക്കൽ കോളേജിലും കോട്ടയം ജനറൽ ആശുപത്രിയിലും സൗജന്യ ക്ലിനിക്ക് ജനുവരി 27ന് പ്രവര്‍ത്തനമാരംഭിക്കും.  മഞ്ഞപ്പിത്ത രോഗങ്ങളായ ഹെപ്പറ്റൈറ്റിസ് ബി, സി എന്നിവ സ്ഥിരീകരിച്ചാൽ 0481 - 2304110, 2597367 എന്നീ ഫോൺ നമ്പറുകളിൽ ബന്ധപ്പെടാമെന്ന് ജില്ലാ മെഡിക്കല്‍ ഓഫീസര്‍ ഡോ. ജേക്കബ് വര്‍ഗീസ് അറിയിച്ചു.

കോട്ടയം രാജീവ് ഗാന്ധി ഇൻസ്റ്റിറ്റ്യൂട്ട് ഓഫ് ടെക്നോളജിയിൽ ദിവസ വേതനാടിസ്ഥാനത്തിൽ ഫൈൻ ആർട്സ് എക്സ്പെർട്ടിനെ നിയമിക്കുന്നു.

സർക്കാർ അംഗീകൃത സ്ഥാപനത്തിൽ നിന്നും ഫൈൻ ആർട്സിലോ കോമേർഷ്യൽ ആർട്സിലോ ഒന്നാം ക്ലാസ് ബിരുദമാണ് യോഗ്യത. ബിരുദാനന്തര ബിരുദമുള്ളവർക്ക് മുൻഗണന ലഭിക്കും. 

 അപേക്ഷയും അനുബന്ധ രേഖകളുടെ പകർപ്പുകളും ജനുവരി 27ന് വൈകുന്നേരം നാലിന് മുൻപ് hod.arch@rit.ac.in എന്ന ഇ-മെയിൽ വിലാസത്തിൽ നൽകണം. അഭിമുഖം ജനുവരി 29ന് രാവിലെ 10ന് ആർക്കിടെക്ച്ചർ വിഭാഗത്തിൽ നടത്തും.
ഫോൺ: 0481 2506153, 2507763

===================

കോട്ടയം ജില്ലയില്‍  311 പേര്‍ക്ക് കൂടി കോവിഡ് സ്ഥിരീകരിച്ചു. 309 പേര്‍ക്കും സമ്പര്‍ക്കം മുഖേനയാണ് വൈറസ് ബാധിച്ചത്. ഇതിൽ ഒരു ആരോഗ്യ പ്രവർത്തകയും ഉൾപ്പെടുന്നു. സംസ്ഥാനത്തിനു പുറത്തുനിന്നെത്തിയ രണ്ടു പേര്‍ രോഗബാധിതരായി. പുതിയതായി  2155 പരിശോധനാഫലങ്ങളാണ് ലഭിച്ചത്. 

രോഗം ബാധിച്ചവരില്‍ 168 പുരുഷന്‍മാരും 123 സ്ത്രീകളും 20 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 65 പേര്‍ക്ക് കോവിഡ് സ്ഥിരീകരിച്ചിട്ടുണ്ട്.

പുതിയ ഏഴു കേന്ദ്രങ്ങളില്‍ വിതരണം തുടങ്ങി

കോട്ടയം ജില്ലയില്‍ പുതിയതായി ഏഴു കേന്ദ്രങ്ങളില്‍ കൂടി കോവിഡ് പ്രതിരോധ വാക്സിന്‍ വിതരണം ആരംഭിച്ചു. ഇതോടെ ജില്ലയിലെ ആകെ വാക്സിന്‍ വിതരണ കേന്ദ്രങ്ങളുടെ എണ്ണം 16 ആയി. എല്ലാ കേന്ദ്രങ്ങളിലും കൂടി ഇന്നലെ 1484 പേര്‍ക്ക് വാക്സിന്‍ നല്‍കി. ജില്ലയില്‍ ഇതുവരെ വാക്സിന്‍ സ്വീകരിച്ചവരുടെ എണ്ണം 4964 ആയി.

ഇന്നലെ വിവിധ കേന്ദ്രങ്ങളില്‍ വാക്സിന്‍ സ്വീകരിച്ചവരുടെ കണക്ക്

പുതിയ കേന്ദ്രങ്ങള്‍

====================
പതിനൊന്നാമത് ദേശീയ സമ്മതിദായക ദിനം കോട്ടയം ജില്ലയില്‍ കോവിഡ് പ്രതിരോധ മുന്‍കരുതലുകളോടെ ആചരിച്ചു. ഇതോടനുബന്ധിച്ച് വിവിധ കേന്ദ്രങ്ങളില്‍ പരിപാടികളും നവ വോട്ടര്‍മാര്‍ക്കായി മത്സരങ്ങളും സംഘടിപ്പിച്ചു. വോട്ട് ചെയ്യുക എന്നത് ഓരോരുത്തരുടെയും അവകാശവും  പൗരന്‍ എന്ന നിലയിലുള്ള ഉത്തരവാദിത്വവുമാണെന്ന് നവ വോട്ടര്‍മാരെ വീഡിയോ കോണ്‍ഫറന്‍സിലൂടെ അഭിസംബോധന ചെയ്ത ജില്ലാ കളക്ടര്‍ എം. അഞ്ജന പറഞ്ഞു.

കുറവിലങ്ങാട് മര്‍ത്ത മറിയം ഫൊറോനാപ്പള്ളിയിലെ തിരുനാളിനോടനുബന്ധിച്ച് ജനുവരി 27 വരെ പള്ളിയുടെ മൂന്നു കിലോമീറ്റര്‍ ചുറ്റളവിലുള്ള പ്രദേശം ഉത്സവ മേഖലയായി പ്രഖ്യാപിച്ച് ജില്ലാ കളക്ടര്‍ ഉത്തരവായി.

കോവിഡ് മുന്‍കരുതലുകളോടെ റിപ്പബ്ലിക് ദിനാഘോഷം

=============
രാജ്യതലസ്ഥാനത്ത് സമരമുഖത്തുള്ള കര്‍ഷകരുടെ ആശങ്കകള്‍ പരിഹരിക്കുന്നതിന് അടിയന്തര നടപടി വേണ്ടതുണ്ടെന്ന് ഭക്ഷ്യ-പൊതു വിതരണ വകുപ്പ് മന്ത്രി പി. തിലോത്തമന്‍ പറഞ്ഞു. ഉത്തരേന്ത്യയിലെ കാര്‍ഷിക മേഖലയില്‍ ഉണ്ടാകുന്ന ചെറു ചലനങ്ങള്‍ പോലും രാജ്യത്തെ ആകമാനം ബാധിക്കുന്നതാണെന്ന യാഥാര്‍ത്ഥ്യം മനസിലാക്കിയുള്ള ഇടപെടലാണ് ആവശ്യമെന്ന് അദ്ദേഹം അഭിപ്രായപ്പെട്ടു. 

ആശിച്ചു വാങ്ങിച്ച സൈക്കിള്‍ മോഷ്ടിക്കപ്പെട്ടതിന്‍റെ വിഷമത്തിലായിരുന്ന കണിച്ചേരില്‍ വീട്ടിലേക്ക് ഇന്നലെ (ജനുവരി 26)ഉച്ചയ്ക്ക് പുതുപുത്തന്‍ സൈക്കിളെത്തി. കൊണ്ടുവന്നത് കോട്ടയം ജില്ലാ കളക്ടര്‍ എം. അഞ്ജന. ഭിന്നശേഷിക്കാരനായ സുനീഷിന്‍റെ കുടുംബത്തിന്‍റെ സങ്കടത്തെക്കുറിച്ചുള്ള പത്രവാര്‍ത്ത ശ്രദ്ധയില്‍പെട്ടതിനെത്തുടര്‍ന്ന് മുഖ്യമന്ത്രി പിണറായി വിജയന്‍ നിര്‍ദേശിച്ചതനുസരിച്ചാണ് പുതിയ സൈക്കിള്‍ നല്‍കിയത്.