ആലപ്പുഴ: ഗവ. റ്റി.ഡി മെഡിക്കല്‍ കോളജ് കാമ്പസില്‍ പ്രവര്‍ത്തിക്കുന്ന കോളജ് കാന്റീന്‍  2021  മുതല്‍ രണ്ട് വര്‍ഷത്തേക്കുള്ള നടത്തിപ്പിനായി പ്രമുഖ സ്ഥാപനങ്ങളില്‍ പ്രവൃത്തി പരിചയമുള്ള ഏജന്‍സികള്‍/ സന്നദ്ധസംഘടനകള്‍/ കരാറുകാര്‍/ സഹകരണ സ്ഥാപനങ്ങള്‍/ കുടുംബശ്രീ യൂണിറ്റ് എന്നിവയില്‍ നിന്ന് മുദ്രവെച്ച ക്വട്ടേഷനുകള്‍ ക്ഷണിച്ചു. ഫെബ്രുവരി 11ന് ഉച്ചയ്ക്ക് 12വരെ മെഡിക്കല്‍ കോളജ് സീനിയര്‍ അഡ്മിനിസ്‌ട്രേറ്റീവ് ഓഫീസര്‍ക്ക് നല്‍കാം. അന്നേ ദിവസം 2.30ന് തുറക്കും. കൂടുതല്‍ വിവരങ്ങള്‍ ഓഫീസ് സമയങ്ങളില്‍ കോളജ് ഓഫീസില്‍ നിന്നും അറിയാം.

ആലപ്പുഴ :മത്സ്യഫെഡ് ആലപ്പുഴ ജില്ലാ ഓഫീസിന്റെ  ശിലാസ്ഥാപനം  ജനുവരി 27ന്   രാവിലെ 11ന്  വളഞ്ഞ വഴി   ഫിഷറീസ് കോംപ്ലക്‌സില്‍ പൊതുമരാമത്ത് രജിസ്‌ട്രേഷന്‍ വകുപ്പ് മന്ത്രി. ജി.സുധാകരന്‍  നിര്‍വഹിക്കും.    

ആലപ്പുഴ : സമഗ്ര ശിക്ഷ കേരള യുടെ കീഴിലുള്ള ഓട്ടിസം സെന്ററുകളിലേക്ക് വിവിധ ഉപകരണങ്ങൾ വാങ്ങുന്നതിനായി ടെൻഡർ ക്ഷണിക്കുന്നു. ടെൻഡർ ഫെബ്രുവരി 1 ന് (1/2/2021) മുമ്പ് ഓഫീസിൽ നേരിട്ടോ തപാലിലോ എത്തിക്കേണ്ടതാണ്. ഫെബ്രുവരി രണ്ടിന്(2/2/2021) ടെൻഡർ തുറക്കും. കൂടുതൽ വിവരങ്ങൾക്ക് ഫോൺ 0477-2239655.

ആലപ്പുഴ :സമഗ്രശിക്ഷാ കേരള യുടെ കീഴിൽ 11 ബിആർസി കളിലേക്ക് കിടപ്പിലായ കുട്ടികൾക്ക് വേണ്ടി വാട്ടർബെഡ്, ടൈപ്പ് എന്നിവ വാങ്ങുന്നതിനായി ടെൻഡർ ക്ഷണിക്കുന്നു. ടെൻഡർ ഫെബ്രുവരി 1 ന് (1/2/2021) മുമ്പ് ഓഫീസിൽ നേരിട്ടോ തപാലിലോ എത്തിക്കേണ്ടതാണ്. ഫെബ്രുവരി രണ്ടിന്(2/2/2021) ടെൻഡർ തുറക്കും. കൂടുതൽ വിവരങ്ങൾക്ക് ഫോൺ 0477-2239655.

ആലപ്പുഴ : കേരള സർക്കാരിന്റെ ഇലക്ട്രിക് വാഹനനയം നടപ്പാക്കുന്നതിന്റെ ഭാഗമായി അനേർട്ടും കേന്ദ്ര ഊർജ്ജ മന്ത്രാലയത്തിന് കീഴിലുള്ള എനർജി എഫിഷ്യൻസി സർവീസസ് ലിമിറ്റഡ് (EESL)എന്ന സ്ഥാപനവുമായി യോജിച്ച കേരളത്തിലെ എല്ലാ ജില്ലകളിലും ചാർജിങ് സ്റ്റേഷനുകൾ സ്ഥാപിക്കുന്നു.

ആലപ്പുഴ : സർക്കാരിന്റെ നൂറുദിന കർമ്മ പരിപാടിയുടെ ഭാഗമായി സംസ്ഥാന പട്ടികജാതി - പട്ടികവർഗ്ഗ വികസന കോർപ്പറേഷന്റെ ആഭിമുഖ്യത്തിൽ വായ്പാ പദ്ധതി വിശദീകരണവും ഗുണഭോക്താക്കളുടെ സംശയ നിവാരണ പരാതിപരിഹാര ക്യാമ്പും സംഘടിപ്പിച്ചു. ജില്ലാ ഓഫീസിന്റെ ആഭിമുഖ്യത്തിൽ സംഘടിപ്പിച്ച പരിപാടി പട്ടികജാതി പട്ടികവർഗ്ഗ വികസന കോർപ്പറേഷൻ ചെയർമാൻ ബി രാഘവൻ ഉദ്ഘാടനം ചെയ്തു. അമ്പലപ്പുഴ ബ്ലോക്ക് പഞ്ചായത്ത് പ്രസിഡന്റ് അഡ്വ. ഷീബ രാകേഷ് ചടങ്ങിൽ അധ്യക്ഷത വഹിച്ചു.

ആലപ്പുഴ : വെള്ളക്കരം കുടിശ്ശികയുള്ള ഉപഭോക്താക്കളുടെ കണക്ഷനുകൾ വിച്ഛേദിച്ച് തുടങ്ങിയിരിക്കുന്നതിനാൽ കേരള ജല അതോറിറ്റി ജില്ല പി എച്ച് സബ് ഡിവിഷനു കീഴിൽ കണക്ഷൻ എടുത്തിട്ടുള്ള ഉപഭോക്താക്കൾ ഈ മാസം 31ന് മുൻപായി വെള്ളക്കരം കുടിശ്ശിക അടച്ചു തീർത്ത് ഡിസ്കണക്ഷൻ, റവന്യൂ റിക്കവറി നടപടികളിൽ നിന്നും ഒഴിവാകേണ്ടതാണെന്ന് പി എച് സബ് ഡിവിഷൻ അസിസ്റ്റന്റ് എക്സിക്യൂട്ടീവ് എഞ്ചിനീയർ അറിയിച്ചു.

ആലപ്പുഴ : ജില്ലാ കളക്ടറുടെ ചെങ്ങന്നൂർ താലൂക്കിലെ പൊതുജന പരാതി പരിഹാര അദാലത്തിൽ 20 പരാതികളിൽ 18 എണ്ണം തീർപ്പാക്കി. ഒരു പരാതി തഹസിൽദാരുടെ റിപ്പോർട്ടിന്റെ അടിസ്ഥാനത്തിൽ തുടർപരിശോധനക്കായി ആർ ടി ഒയ്ക്ക് നിർദ്ദേശം നൽകി.

ആലപ്പുഴ : മത്സ്യഫെഡ് ജില്ലാ ഓഫീസ്, മത്സ്യത്തൊഴിലാളികളുടെ ഔട്ട് ബോർഡ് എൻജിനുകൾ സർവീസ് ചെയ്യുന്ന ഔട്ട് ബോർഡ് മോട്ടോർ വർക്ക്‌ ഷോപ്പ്, മത്സ്യബന്ധന ഉപകരണങ്ങളുടെ വില്പനശാലയായ വ്യാസാസ്റ്റോർ, മത്സ്യഫെഡിന്റെ ക്ലസ്റ്റർ ഓഫീസ് എന്നിവയെല്ലാം ഒരു സമുച്ചയത്തിന്റെ കീഴിൽ പ്രവർത്തിക്കുന്നതിനായി നിർമ്മിക്കുന്ന കെട്ടിടത്തിന്റെ നിർമ്മാണ ഉദ്ഘാടനം ഈ മാസം 27 ന് ഫിഷറീസ് വകുപ്പ് മന്ത്രി ജെ മേഴ്സിക്കുട്ടിയമ്മ നിർവഹിക്കും. രാവിലെ 11ന് നടക്കുന്ന ചടങ്ങിൽ പൊതുമരാമത്ത് - രജിസ്ട്രേഷൻ വകുപ്പ് മന്ത്രി ജി സുധാകരൻ അധ്യക്ഷത വഹിക്കും.