* മന്ത്രി രാമചന്ദ്രന്‍ കടന്നപ്പള്ളി സല്യൂട്ട് സ്വീകരിക്കും

മാനന്തവാടി ബ്ലോക്ക് പ്രോഗ്രാം ഓഫീസില്‍ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില്‍ കരാര്‍ അടിസ്ഥാനത്തില്‍ അക്രഡിറ്റഡ് എഞ്ചിനീയര്‍ നിയമനത്തിനുള്ള കൂടിക്കാഴ്ച ഫെബ്രുവരി 1 ന് രാവിലെ 10 ന് നടക്കും.  ബി.ടെക് അഗ്രികള്‍ച്ചറല്‍/സിവില്‍ എഞ്ചിനീയറിംഗ് യോഗ്യതയുള്ള പട്ടികവര്‍ഗ്ഗ വിഭാഗത്തില്‍പ്പെട്ടവര്‍ക്ക് പങ്കെടുക്കാം.  പ്രവൃത്തി പരിചയമുള്ളവര്‍ക്ക് മുന്‍ഗണന.  താല്‍പര്യമുള്ളവര്‍ ബയോഡാറ്റയും സര്‍ട്ടിഫിക്കറ്റിന്റെ ഒറിജിനലുമായി കൂടിക്കാഴ്ചയ്ക്ക് ഹാജരാകണം.  ഫോണ്‍ 04935 240298, 9526593275.

ജില്ലാ സാക്ഷരതാ മിഷന്റെ ആഭിമുഖ്യത്തിൽ ഭരണഘടന സാക്ഷരത 'ഇന്ത്യ എന്ന റിപ്പബ്ലിക്ക്' പുസ്തക വായന പരിപാടി ജനുവരി 26 ന് 12.30 ന് അമ്പുകുത്തി ആദിവാസി കോളനിയിൽ സംഘടിപ്പിക്കും. ജില്ലാ പഞ്ചായത്ത് പ്രസിഡണ്ട് സംഷാദ് മരക്കാർ ഉദ്ഘാടനം ചെയ്യും. മുട്ടിൽ ഗ്രാമ പഞ്ചായത്ത് പ്രസിഡന്റ് നസീമ മങ്ങാടൻ അധ്യക്ഷത വഹിക്കും.  ആദിവാസി സാക്ഷരത ഒന്നാം ഘട്ട പഠിതാക്കൾ പുസ്തകവായന നിർവ്വഹിക്കും. സാക്ഷരതാ മിഷൻ ജില്ലാ കോ-ഓർഡിനേറ്റർ സ്വയ നാസർ, വാർഡ് മെമ്പർ ലീന പി നായർ, പ്രേരക് സക്കീന എന്നിവർ പങ്കെടുക്കും.

അമ്പലവയൽ ഗ്രാമപഞ്ചായത്തിൽ  ലൈഫ് ഭവന പദ്ധതി പ്രകാരം പൂർത്തീകരിച്ച വീടുകളുടെ പൂർത്തീകരണ പ്രഖ്യാപനവും  ഗുണഭോക്താക്കളുടെ സംഗമവും ജനുവരി 28 ന് രാവിലെ 10.30 ന് പഞ്ചായത്ത് ഹാളിൽ നടക്കും.

നെൻമേനി ഗ്രാമപഞ്ചായത്തിലെ അമ്പലക്കുന്ന് പണിയകോളനി ദൈവപുര നിർമ്മാണത്തിന് ഐ.സി.ബാലകൃഷ്ണൻ എം.എൽ.എ.യുടെ പ്രത്യേക വികസന നിധിയിൽ നിന്ന് അഞ്ച് ലക്ഷം രൂപ അനുവദിച്ച് ജില്ലാ കളക്ടർ ഉത്തരവായി.
 

ജനുവരി മാസത്തെ സ്യൂട്ട് കോൺഫറൻസും എംപവേർഡ് കമ്മിറ്റി മീറ്റിംഗും 30 ന് ഉച്ചയ്ക്ക് 3 ന് കളക്ട്രേറ്റ് മിനി കോൺഫറൻസ് ഹാളിൽ നടക്കും.

ദേശീയ ഭക്ഷ്യഭദ്രത കമ്മീഷൻ ജനപ്രതിനിധികൾക്കായി നടത്തുന്ന ബോധവൽകരണ ക്യാമ്പയിന്റെ ഭാഗമായി ജനുവരി 29 ന് രാവിലെ 10 മുതൽ 1 വരെ കളക്ട്രേറ്റ് കോൺഫറൻസ് ഹാളിൽ ക്ലാസ് സംഘടിപ്പിക്കും. തദ്ദേശ സ്വയംഭരണ സ്ഥാപനങ്ങളിലെ അധ്യക്ഷൻമാർ സാമൂഹ്യനീതി ഓഫീസർ, ട്രൈബൽ ഡവലപ്മെന്റ് ഓഫീസർ, വിദ്യാഭ്യാസ വകുപ്പ്, സിവിൽ സപ്ലൈസ് വകുപ്പിലെ ഉദ്യോഗസ്ഥർ തുടങ്ങിയവർക്കായാണ് ശിൽപശാല. സംസ്ഥാന ഭക്ഷ്യകമ്മീഷൻ ചെയർമാൻ കെ.വി.മോഹൻകുമാർ ശിൽപശാലയിൽ പങ്കെടുക്കും.

  ജില്ലാ തെരഞ്ഞെടുപ്പ് വിഭാഗത്തിന്റെ ആഭിമുഖ്യത്തിൽ ദേശീയ സമ്മതി ദായക ദിനാചരണത്തോടനുബന്ധിച്ച് മുചക്ര വാഹന പ്രചരണ റാലി നടത്തി.   കളക്ട്രേറ്റ് പരിസരത്ത് നിന്നും പുതിയ ബസ് സ്റ്റാൻഡ് വരെ നടത്തിയ റാലി അസിസ്റ്റന്റ് കളക്ടർ ഡോ. ബൽപ്രീത് സിങ്ങ് ഫ്‌ളാഗ് ഓഫ് ചെയ്തു. ജനാധിപത്യത്തിന്റെ പ്രാധാന്യം ജനങ്ങളിലെത്തിക്കുന്നതിനും വോട്ടവകാശം വിനിയോഗിക്കുന്നത് പ്രോത്സാഹിപ്പിക്കുവാനുമാണ്  റാലി നടത്തിയത്.  ചടങ്ങിൽ ഇലക്ഷൻ ഡെപ്യൂട്ടി കളക്ടർ കെ. ജയപ്രകാശ്, വിവിധ ഉദ്യോഗസ്ഥർ തുടങ്ങിയവർ പങ്കെടുത്തു.

ജനുവരി 26 ന് നടക്കുന്ന ക്ലീൻ കേരള ചെയിൻ ക്യാമ്പയിനിന്റെ ഭാഗമായി ജില്ലയിലെ വിവിധ ഗ്രാമപഞ്ചായത്തുകളിൽ ഹരിത കർമ്മസേന ശേഖരിച്ച അജൈവ പാഴ്‌വസ്തുക്കൾ ക്ലീൻ കേരള കമ്പനിക്ക് വിപണനം നടത്തിയതിൽ പടിഞ്ഞാറത്തറ ഗ്രാമപഞ്ചായത്ത് ഒന്നാമതായി. 1651.500 കിലോഗ്രാം തരം തിരിച്ച അജൈവ പാഴ്വസ്തുക്കളാണ് ഗ്രാമപഞ്ചായത്ത് ക്ലീൻ കേരള കമ്പനിക്ക് കൈമാറിയത്.

മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ ഉൾപ്പെടുത്തി അടുത്ത അഞ്ചു വർഷ കാലയളവിൽ ഏറ്റെടുക്കുവാൻ പോകുന്ന പ്രവൃത്തികൾ ജി.ഐ.എസ് അധിഷ്ടിത പ്ലാനിങ്ങ് വഴി കണ്ടെത്തുന്നതിനുള്ള  രണ്ടാം ഘട്ട സർവ്വെ ജില്ലയിൽ ആരംഭിച്ചു. പൊഴുതന, മുട്ടിൽ, വേങ്ങപ്പള്ളി, അമ്പലവയൽ, നൂൽപ്പുഴ, നെൻമേനി, മുള്ളൻക്കൊല്ലി, പുൽപ്പള്ളി, പൂതാടി, തിരുനെല്ലി, തൊണ്ടർനാട് എന്നീ ഗ്രാമപഞ്ചായത്തുകളിലാണ് സർവ്വെ നടത്തുന്നത്. ആദ്യഘട്ടത്തിൽ മീനങ്ങാടി, മേപ്പാടി, കണിയാമ്പറ്റ, പനമരം, എടവക, വെള്ളമുണ്ട എന്നീ ഗ്രാമപഞ്ചായത്തുകളിൽ സർവ്വെ നടത്തിയിരുന്നു.