സംസ്ഥാന സർക്കാരിൻ്റെ ലൈഫ് മിഷൻ പദ്ധതിയിലൂടെ അടുത്ത സാമ്പത്തിക വർഷത്തിൽ 1.5 ലക്ഷം വീടുകൾ കൂടി നിർമ്മിച്ചു നൽകുമെന്ന് തദ്ദേശ സ്വയം ഭരണ വകുപ്പു മന്ത്രി എ സി മൊയ്തീൻ തൃശൂരിൽ വാർത്താ സമ്മേളനത്തിൽ അറിയിച്ചു. കേരളത്തിലെ അർഹരായ എല്ലാ ഭവനരഹിതർക്കും അടച്ചുറപ്പുള്ള വീട് എന്ന സ്വപ്നം ഈ പദ്ധതിയിലൂടെ യാഥാർത്ഥ്യമാക്കുമെന്നും മന്ത്രി അറിയിച്ചു.

കൊച്ചി: ഗവ:മഹാരാജാസ് താലൂക്ക് ആശുപത്രി കോമ്പൗണ്ടില്‍ സ്ഥിതി ചെയ്യുന്ന ഒമ്പത് മഴ മരങ്ങളും, ഒരു അക്കേഷ്യ മരവും, ഒരു മഴ മരത്തിന്റെ  ശിഖരങ്ങളും ടെന്‍ഡര്‍ നടപടികള്‍ പാലിച്ചുകൊണ്ട് വില്‍ക്കുന്നു. താല്പര്യമുളള വ്യക്തികളില്‍ നിന്നും/ഏജന്‍സികളില്‍ നിന്നും/കോണ്‍ട്രാക്ടര്‍മാരില്‍ നിന്നും നിബന്ധനകള്‍ക്ക് വിധേയമായി മുദ്രവച്ച ടെന്‍ഡറുകള്‍ ക്ഷണിച്ചു.  ടെന്‍ഡര്‍ ഫോം സ്വീകരിക്കുന്ന അവസാന തീയതി ഫെബ്രുവരി 23-ന് ഉച്ചയ്ക്ക് 12 വരെ. കൂടുതല്‍ വിവരങ്ങള്‍ക്ക് ഫോണ്‍ 0484-2210648.

ജില്ലയിൽ പൊതുവിതരണ വകുപ്പ് വഴി വിവിധ സ്ഥാപനങ്ങളിലെ 10703 അന്തേവാസികൾക്ക് സൗജന്യ ഭക്ഷ്യ കിറ്റുകൾ വിതരണം ചെയ്തു. കോവിഡ്  പശ്ചാത്തലത്തിൽ ജില്ലയിലെ അംഗീകൃതവും അല്ലാത്തതുമായ അഗതി മന്ദിരങ്ങള്‍, ക്ഷേമ സ്ഥാപനങ്ങള്‍, കന്യാസ്ത്രീ മഠങ്ങള്‍, ആശ്രമങ്ങള്‍, മാനസികാരോഗ്യ കേന്ദ്രങ്ങള്‍ തുടങ്ങിയവയിലെ അന്തേവാസികള്‍ക്ക് സൗജന്യ പലവ്യഞ്ജന കിറ്റ് സർക്കാർ അനുവദിച്ചിരുന്നു. ഇതനുസരിച്ച് ജില്ലയിലെ 593 സ്ഥാപനങ്ങളിലെ 10703 അന്തേവാസികൾക്കാണ്  കിറ്റ് വിതരണം ചെയ്തത്. 2434 കിറ്റുകളാണ് ഇവർക്കായി നൽകിയത്. 

കുന്നംകുളം നഗരത്തിൽ ആക്രിസാധനങ്ങള്‍ ശേഖരിക്കുന്ന സ്ഥാപനത്തിലുണ്ടായ അഗ്നിബാധ ശമിപ്പിക്കാൻ അഗ്നിശമനസേനയും സിവിൽ ഡിഫൻസും. ജനുവരി 27ന് പുലർച്ചെ നാലരയോടെയാണ് കടയ്ക്ക് തീപിടിച്ചത്. സംഭവ സമയത്ത് ജീവനക്കാര്‍ ഉണ്ടായിരുന്നുവെങ്കിലും ഇവർക്ക് തീയണയക്കാന്‍ കഴിഞ്ഞില്ല. തീ ആളിപ്പടര്‍ന്നതോടെ സമീപത്തെ ബുക്ക് ബൈന്റിംഗ് സ്ഥാപനവും കത്തി നശിച്ചു. തുടർന്ന്  ഫയര്‍ഫോഴ്‌സിനെ വിവരമറിയിക്കുകയായിരുന്നു.  

ഏഴാമത് സാമ്പത്തിക സെന്‍സസ് സമയബന്ധിതമായി പൂര്‍ത്തിയാക്കുന്നതിന് പൊതുജനങ്ങളും വ്യാപാരികളും സഹകരിക്കണമെന്ന് ജില്ലാഭരണകൂടം. കേന്ദ്ര- സംസ്ഥാന സര്‍ക്കാരുകളുടെ അനുമതിയോടെ തദ്ദേശ സ്ഥാപനങ്ങളെ പൂര്‍ണമായും സഹകരിപ്പിച്ചാണ് സെന്‍സസ് നടപ്പിലാക്കുന്നത്. 

സര്‍ക്കാര്‍ നിശ്ചയിച്ചിട്ടുള്ള കോവിഡ്19 മാനദണ്ഡങ്ങള്‍ പൂര്‍ണമായി പാലിച്ചുകൊണ്ടാണ് സെന്‍സസ് നടത്തുന്നതെന്ന് ഇതുമായി ബന്ധപ്പെട്ടു കളക്ടറേറ്റില്‍ ചേര്‍ന്ന അവലോകന യോഗത്തില്‍ എ.ഡി.എം ഇ.എം. സഫീര്‍ പറഞ്ഞു. 

*അപേക്ഷകള്‍ അക്ഷയ കേന്ദ്രങ്ങള്‍ മുഖേന

***അപേക്ഷകള്‍ക്കു ഫീസ് നല്‍കേണ്ട

പൊതുജനങ്ങളുടെ പരാതികളും പ്രശ്നങ്ങളും നേരിട്ടു കേട്ടു പരിഹാരമുണ്ടാക്കുന്നതിന് സംസ്ഥാന സര്‍ക്കാര്‍ സംഘടിപ്പിക്കുന്ന സാന്ത്വന സ്പര്‍ശം പരാതി പരിഹാര അദാലത്തിലേക്കുള്ള ജില്ലയിലെ അപേക്ഷകള്‍ ഫെബ്രുവരി രണ്ടു വരെ സ്വീകരിക്കും. ഇന്നലെ (ജനുവരി 27) അപേക്ഷകള്‍ സ്വീകരിച്ചുതുടങ്ങി. അക്ഷയ കേന്ദ്രങ്ങള്‍ മുഖേനയാണ് അപേക്ഷകള്‍ സ്വീകരിക്കുന്നത്. അപേക്ഷകള്‍ക്ക് അക്ഷയ സെന്ററുകളില്‍ ഫീസ് നല്‍കേണ്ട. ഫെബ്രുവരി എട്ട്, ഒമ്പത്, 11 തീയതികളിലാണ് ജില്ലയില്‍ അദാലത്ത് നടക്കുന്നത്.