ജില്ലയില്‍ സ്മാര്‍ട്ട് വില്ലേജ് ഓഫീസുകളുടെ പട്ടികയില്‍ ആറു എണ്ണം കൂടി. ഇന്ന്(ജനുവരി 28) റവന്യൂ വകുപ്പ് മന്ത്രി ഇ ചന്ദ്രശേഖരന്‍  ഉദ്ഘാടനം നിര്‍വ്വഹിക്കുന്നതോടെ  ജില്ലയിലെ സ്മാര്‍ട്ടായ വില്ലേജ് ഓഫീസുകളുടെ എണ്ണം 16 ആകും. അയണിവേലികുളങ്ങര രാവിലെ 10.30 നും മൈനാഗപ്പള്ളി 11.30 നും തലവൂര്‍ വില്ലേജ് ഓഫീസ്  ഉച്ചകഴിഞ്ഞ് രണ്ടിനും ഇടമണ്‍ വില്ലേജ് ഓഫീസ് ഉച്ചകഴിഞ്ഞ് മൂന്നിനും കുളക്കട വില്ലേജ് ഓഫീസ് വൈകിട്ട് നാലിനും വെളിനല്ലൂര്‍ വൈകിട്ട് അഞ്ചിനും ഉദ്ഘാടനം ചെയ്യും.
ദേശീയ ചുഴലിക്കാറ്റ് പ്രതിരോധ പദ്ധതിയില്‍ തഴവയില്‍ നിര്‍മ്മിച്ച  ദുരിതാശ്വാസ അഭയകേന്ദ്രം ഉദ്ഘാടനം രാവിലെ 11 ന് നടക്കും

സംസ്ഥാന സര്‍ക്കാരിന്റെ ഭക്ഷ്യ സുരക്ഷാ പദ്ധതിയുടെ ഭാഗമായി അറയ്ക്കല്‍, പവിത്രേശ്വരം സര്‍വീസ് സഹകരണ ബാങ്കുകളുടെ നേതൃത്വത്തില്‍ മത്സ്യഫെസ് ഫിഷ് മാര്‍ട്ട് പ്രവര്‍ത്തനമാരംഭിച്ചു. ഫിഷറീസ് വകുപ്പ് മന്ത്രി ജെ മേഴ്സിക്കുട്ടിയമ്മ വീഡിയോ കോണ്‍ഫറന്‍സിംഗ് വഴി ഫിഷ് മാര്‍ട്ടുകളുടെ ഉദ്ഘാടനം നിര്‍വഹിച്ചു.

*ഇതുവരെ സംസ്ഥാനത്ത് വാക്സിൻ സ്വീകരിച്ചവർ 83,645 പേർ
*സംസ്ഥാനത്താകെ 5,10,502 പേരുടെ രജിസ്ട്രേഷൻ പൂർത്തിയായി

* ശബരിമല മാതൃകയിൽ ഓൺലൈൻ രജിസ്ട്രേഷൻ
* കോവിഡ് പശ്ചാത്തലത്തിൽ പൊങ്കാല ക്ഷേത്രകോമ്പൗണ്ടിൽ മാത്രം

മികച്ച പ്രവർത്തനം കാഴ്ചവച്ച തദ്ദേശസ്വയംഭരണ സ്ഥാപനങ്ങൾക്കുളള 2019-20 ലെ  സ്വരാജ് ട്രോഫി അവാർഡിന് അപേക്ഷ ക്ഷണിച്ചു. panchayatday.lsgkerala.gov.in ൽ ഓൺലൈനായി 29 വരെ അപേക്ഷ നൽകാം.
പി.എൻ.എക്സ്. 455/2021

സംസ്ഥാനത്ത് കോവിഡ് കേസുകൾ വർധിക്കുന്ന സാഹചര്യത്തിൽ നിയന്ത്രണങ്ങൾ കർശനമാക്കാൻ മുഖ്യമന്ത്രി പിണറായി വിജയന്റെ അധ്യക്ഷതയിൽ ചേർന്ന കോവിഡ് അവലോകന യോഗം തീരുമാനിച്ചു. നിയന്ത്രണങ്ങളിൽ അയവുവന്നതും പൊതുവെയുള്ള ജാഗ്രത കുറഞ്ഞതും കോവിഡ് വ്യാപനത്തിന് കാരണമാണെന്ന് യോഗം വിലയിരുത്തി. നിയന്ത്രണങ്ങൾ കർശനമായി പാലിച്ചില്ലെങ്കിൽ സ്ഥിതി ഗുരുതരമാകും.

* 13,000 പട്ടയം വിതരണം ചെയ്യും, തൊഴിലവസരങ്ങൾ 50,000
സർക്കാരിന്റെ രണ്ടാംഘട്ട 100 ദിന പരിപാടികളുടെ പുരോഗതി ചൊവ്വാഴ്ച മുഖ്യമന്ത്രി പിണറായി വിജയൻ വിലയിരുത്തി. 27 വകുപ്പുകളിലായി 150 പദ്ധതികളാണ് പൂർത്തിയാക്കുകയോ അവയ്ക്ക് തുടക്കം കുറിക്കുകയോ ചെയ്യുന്നത്. ഡിസംബർ 17-ന് പ്രഖ്യാപിച്ച പരിപാടി മാർച്ച് 27-ന് പൂർത്തിയാക്കാനാണ് ലക്ഷ്യം. ഇതിനകം 9 പദ്ധതികൾ പൂർത്തിയായി. ഇതിൽ ആറും വൈദ്യുതി വകുപ്പിന്റേതാണ്. 141 പദ്ധതികൾ പുരോഗമിക്കുന്നു.

സിറ്റി പോലീസ് കമ്മീഷണറുടെ അധീനതയിലുള്ള ഉപയോഗശൂന്യമായ വകുപ്പിന്റെ 33 വാഹനങ്ങളുടെ ലേലം ഫെബ്രുവരി 16 ന് രാവിലെ 11 ന് ജില്ലാ സായുധ ക്യാമ്പില്‍ നടക്കും. വിശദ വിവരങ്ങള്‍ 0474-2764422 നമ്പരില്‍ ലഭിക്കും.
(പി.ആര്‍.കെ നമ്പര്‍.258/2021)

കുണ്ടറ ചിറ്റുമല മണ്‍ട്രോതുരുത്ത് റോഡില്‍ ചിറ്റുമല മുതല്‍ സി വി കെ എം എച്ച് എസ് എസ് വരെ പുനരുദ്ധാരണ പ്രവൃത്തികള്‍ നടക്കുന്നതിനായി ജനുവരി 29, 30 തീയതികളില്‍ അതുവഴിയുള്ള ഗതാഗതത്തിന് നിയന്ത്രണം ഏര്‍പ്പെടുത്തുമെന്ന് പൊതുമരാമത്ത് നിരത്ത് വിഭാഗം അസിസ്റ്റന്റ് എഞ്ചിനീയര്‍ അറിയിച്ചു.
(പി.ആര്‍.കെ നമ്പര്‍.257/2021)

കൊട്ടാരക്കര കില ഇ റ്റി സി യില്‍ നിര്‍മ്മാണം പൂര്‍ത്തിയായ  പുതിയ ഹോസ്റ്റല്‍ കെട്ടിടത്തിന്റെ ഉദ്ഘാടനം നാളെ (ജനുവരി 29) വൈകിട്ട് നാലിന് തദ്ദേശ സ്വയംഭരണ വകുപ്പ് മന്ത്രി എ സി മൊയ്തീന്‍ നിര്‍വഹിക്കും. പി അയിഷാ പോറ്റി എല്‍ എല്‍ എ അധ്യക്ഷത വഹിക്കും. കൊടിക്കുന്നില്‍ സുരേഷ് എം പി  മുഖ്യാതിഥിയാകും.
കൊട്ടാരക്കര നഗരസഭാ ചെയര്‍മാന്‍ എ ഷാജു, ബ്ലോക്ക് പഞ്ചായത്ത് പ്രസിഡന്റ് എം ശിവപ്രസാദ്, നഗരസഭാ ഡെപ്യൂട്ടി ചെയര്‍പേഴ്‌സണ്‍ അനിതാ ഗോപകുമാര്‍, ഗ്രാമവികസന കമ്മീഷണര്‍ വി ആര്‍ വിനോദ്, കില ഡയറക്ടര്‍ ജനറല്‍ ഡോ ജോയ് ഇളമണ്‍  തുടങ്ങിയവര്‍ പങ്കെടുക്കും.
(പി.ആര്‍.കെ നമ്പര്‍.256/2021)