വൈത്തിരി താലൂക്കിലെ കണിയാമ്പറ്റ, മുട്ടില്‍, പൊഴുതന, പടിഞ്ഞാറത്തറ, തരിയോട്, കോട്ടത്തറ പഞ്ചായത്തുകളില്‍ എസ്.ടി.പ്രൊമോട്ടര്‍ ഒഴിവിലേക്ക് ഉദ്യോഗാര്‍ത്ഥികളെ നിയമിക്കുന്നതിനുള്ള വാക് ഇന്‍ ഇന്‍രവ്യൂ ഫെബ്രുവരി 5 ന് ഐ.റ്റി.ഡി.പി. ഓഫീസില്‍ നടക്കും.  കണിയാമ്പറ്റ, മുട്ടില്‍, പൊഴുതന പഞ്ചായത്തിലുള്ളവര്‍ക്ക് രാവിലെ 10 നും പടിഞ്ഞാറത്തറ, തരിയോട്, കോട്ടത്തറ പഞ്ചായത്തിലുള്ളവര്‍ക്ക് ഉച്ചയ്ക്ക് 1.30 നുമാണ് കൂടിക്കാഴ്ച.  ഫോണ്‍ 04936 202232.

ജില്ലയിലെ കോവിഡ് ടര്‍ഷ്യറി കെയര്‍ സെന്ററായ ഡി.എം. വിംസ് ആശുപത്രിയില്‍ കാരുണ്യ ആരോഗ്യ ഇന്‍ഷുറന്‍സ് കാര്‍ഡ് ഇല്ലാത്തവര്‍ക്കും കോവിഡ് ചികിത്സ സൗജന്യം. സ്റ്റേറ്റ് ഹെല്‍ത്ത് ഏജന്‍സിയുടെ മാര്‍ഗനിര്‍ദേശപ്രകാരമുള്ള റഫറല്‍ കത്ത് ആശുപത്രിയില്‍ എത്തിക്കുന്നവര്‍ക്കാണ് ഈ സൗകര്യം ലഭിക്കുകയെന്ന് ജില്ലാ പ്രൊജക്ട് കോഓഡിനേറ്റര്‍ വിപിന്‍ മാത്യു അറിയിച്ചു. അതത് പ്രദേശങ്ങളിലെ മെഡിക്കല്‍ ഓഫിസര്‍ സാക്ഷ്യപ്പെടുത്തിയ റഫറല്‍ കത്താണ് നല്‍കേണ്ടത്. കാരുണ്യ ആരോഗ്യ ഇന്‍ഷുറന്‍സ് കാര്‍ഡ് ഉള്ളവര്‍ക്ക് നിലവില്‍ വിംസ് ആശുപത്രിയില്‍ കോവിഡ് ചികിത്സ സൗജന്യമാണ്.

സുല്‍ത്താന്‍ ബത്തേരി ജി.വി.എച്ച്.എസ് (ടി.എച്ച്.എസ്)  എന്‍.എസ്.ക്യൂ.എഫ്. ലാബിലേക്ക് ആവശ്യമായ സാധനങ്ങള്‍ വാങ്ങുന്നതിന് ടെണ്ടര്‍ ക്ഷണിച്ചു.  കൂടുതല്‍ വിവരങ്ങള്‍ vhsths.sby@gmail.com, http/gvhsthsbathery.in/ എന്നിവയില്‍ ലഭിക്കും അവസാന തീയതി ഫെബ്രുവരി 8 ഉച്ചയ്ക്ക് 12 വരെ.

പൂതാടി, പുല്‍പ്പള്ളി ഗ്രാമപഞ്ചായത്തുകളില്‍ എസ്.ടി.പ്രൊമോട്ടര്‍ ഒഴിവിലേക്ക് ഉദ്യോഗാര്‍ത്ഥികളെ നിയമിക്കുന്നതിനുള്ള കൂടിക്കാഴ്ച ഫെബ്രുവരി 8 ന് രാവിലെ 11 ന്  സുല്‍ത്താന്‍ ബത്തേരി പട്ടികവര്‍ഗ്ഗ വികസന ഓഫീസില്‍ നടക്കും.  പൂതാടി, പുല്‍പ്പള്ളി ഗ്രാമപഞ്ചായത്തില്‍ സ്ഥിര താമസക്കാരായ പട്ടികവര്‍ഗ്ഗക്കാര്‍ക്ക് അപേക്ഷിക്കാം. യോഗ്യത: എട്ടാം ക്ലാസ്. ഉയര്‍ന്ന വിദ്യാഭ്യാസ യോഗ്യതയുള്ളവര്‍ക്ക് മുന്‍ഗണന. പ്രായം 25 നും 50 നും ഇടയില്‍.  ഉദ്യോഗാര്‍ത്ഥികള്‍ ജാതി, വയസ്, വിദ്യാഭ്യാസ യോഗ്യത തെളിയിക്കുന്ന സര്‍ട്ടിഫിക്കറ്റുകളുമായി ഹാജരാകണം. ഫോണ്‍ 04936 221074.

ജില്ലാ പോലീസ് കംപ്ലയിന്റ് അതോറിറ്റിയുടെ ഫെബ്രുവരി മാസത്തെ സിറ്റിങ് 16 ന് രാവിലെ 11 മണിക്ക് കളക്ടറേറ്റ് മിനി കോണ്‍ഫറന്‍സ് ഹാളില്‍ ചേരും.

കോവിഡ് മഹാമാരിക്കെതിരെ പ്രവര്‍ത്തിക്കുന്ന ആരോഗ്യ പ്രവര്‍ത്തകര്‍ക്കും ഇതര വകുപ്പ് ജീവനക്കാര്‍ക്കും ജനപ്രതിനിധികള്‍ക്കും സന്നദ്ധ സേവകര്‍ക്കും അഭിവാദനമര്‍പ്പിച്ച് ജില്ലാ ആരോഗ്യ വകുപ്പിന്റെ അഭിവാദന ഗാനം പുറത്തിറക്കി. കോവിഡിനെതിരെ രാപ്പകലില്ലാതെ പ്രവര്‍ത്തിക്കുന്ന മുന്നണി പോരാളികള്‍ക്ക് പ്രചോദ നമേകുക എന്ന ലക്ഷ്യത്തോടെ ആരോഗ്യ മേഖലയില്‍ പ്രവര്‍ത്തിക്കുന്നവര്‍ രചനയും സംഗീതവും ആലാപനവും സാങ്കേതിക നിര്‍വഹണവും പൂര്‍ത്തിയാക്കിയ സംഗീത ശില്‍പം ആരോഗ്യ മന്ത്രി കെ. ശൈലജ ടീച്ചര്‍ ഓണ്‍ലൈനായി പുറത്തിറക്കി.

ആരോഗ്യവകുപ്പിന്റെ നേതൃത്വത്തില്‍ കോവിഡ് 19 സീറോ പ്രിവലന്‍സ് പഠനം നടത്തുന്നതിനുളള പ്രാരംഭ നടപടികള്‍ ജില്ലയില്‍ തുടങ്ങി. പഠനത്തിന് മുന്നോടിയായി ആരോഗ്യ വകുപ്പ് ജീവനക്കാര്‍ക്ക് പരിശീലനം നല്‍കി. ആരോഗ്യപ്രവര്‍ത്തകര്‍,  മുന്‍നിര പ്രതിരോധ പ്രവര്‍ത്തകര്‍, രോഗികളുമായി ബന്ധപ്പെട്ട മറ്റുള്ളവര്‍, ശ്വാസകോശ അണുബാധയുള്ളവര്‍, നിരീക്ഷണത്തിന് വിധേയമാക്കപ്പെട്ടവര്‍ തുടങ്ങി സമൂഹത്തില്‍ എത്ര ശതമാനം പേര്‍ക്ക് കോവിഡ് രോഗബാധയുണ്ടായി എന്ന്  കണ്ടെത്തുന്നതിനാണ് പഠനം നടത്തുന്നത്.

കൊണ്ടോട്ടിയിൽ നവീകരിച്ച പൊന്നാട്- വാഴക്കാട് റോഡ് പൊതുമരാമത്ത് രജിസ്ട്രേഷൻ വകുപ്പ് മന്ത്രി ജി.സുധാകരൻ ഓൺലൈനായി  ഉദ്ഘാടനം ചെയ്തു.2017-2018 വർഷത്തെ സംസ്ഥാന ബഡ്ജറ്റിൽ ഉൾപ്പെടുത്തിയാണ് റോഡ്  ബി.എം.ആൻഡ്.ബി.സി ചെയ്തിട്ടുള്ളത്. മൂന്നു കോടി രൂപ ചെലവിലാണ്   പൊന്നാട് വഴക്കാട് റോഡ് നവീകരിച്ചത്.ചീക്കോട് വാഴക്കാട് പഞ്ചായത്തുകള്‍ തമ്മില്‍ ബന്ധപ്പിക്കുന്ന 3.3 കിലോമീറ്ററാണ് ദൂരമാണ് റോഡിനുള്ളത്. റോഡിന് മാര്‍ക്കിങ്  നടത്തി സിഗ് നല്‍ ബോര്‍ഡുകള്‍ സ്ഥാപിച്ചിട്ടുണ്ട്.

 ചടങ്ങിൽ  ടി.വി ഇബ്രാഹിം എം.എൽ. എ  അധ്യക്ഷനായി. റോഡിന്റെ ശിലാഅനാച്ഛാദനവും  എം. എൽ.എ നിർവഹിച്ചു.