കുന്ദമംഗലം മാതൃകാ പോലീസ് സ്റ്റേഷന് വേണ്ടി പുതുതായി നിർമിച്ച കെട്ടിടത്തിൻ്റെ ഉദ്ഘാടന കർമ്മം ഫെബ്രുവരി  5ന് മുഖ്യമന്ത്രി പിണറായി വിജയൻ നിർവഹിക്കും. പരിപാടിയുടെ സ്വാഗതസംഘം രൂപീകരിക്കുന്നതിനു വേണ്ടി കുന്ദമംഗലം പഞ്ചായത്ത് ഹാളിൽ ചേർന്ന യോഗം പി.ടി.എ റഹീം എം.എൽ.എ ഉദ്ഘാടനം ചെയ്തു. 

വിവിധ പദ്ധതികളുടെ ഭൂമി ഏറ്റെടുക്കൽ: ലാന്റ് അക്യുസിഷൻ 
അവലോകന യോഗം ചേർന്നു 

ജില്ലയിൽ വിവിധ പദ്ധതികളുടെ ഭൂമി ഏറ്റെടുക്കലുമായി ബന്ധപ്പെട്ട പുരോഗതി വിലയിരുത്തുന്നതിന് ജില്ലാ കലക്ടർ എസ് ഷാനവാസിന്റെ അധ്യക്ഷതയിൽ ലാന്റ് അക്യുസിഷൻ അവലോകനയോഗം ചേർന്നു. യോഗത്തിൽ മുപ്പത്തിഒമ്പതോളം പദ്ധതികളുടെ പുരോഗതികൾ വിലയിരുത്തി.  

ചിറങ്ങര ഓവർബ്രിഡ്ജ് ആറ് മാസത്തിനുള്ളിൽ പൂർത്തീകരിക്കുന്നതിനു വേണ്ട നടപടികൾ കൈകൊള്ളാൻ കലക്ടർ നിർദേശം നൽകി. പദ്ധതികളെല്ലാം വിവിധ ഘട്ടങ്ങളിലാണ്. ഭരണാനുമതി ലഭിക്കാത്ത വിവിധ പദ്ധതികൾക്ക് അനുമതി ലഭിക്കാനുള്ള നടപടികൾ സ്വീകരിക്കാൻ അതാത് ഡയറക്ടർമാർക്കും നിർദേശം നൽകി.

കോവിഡ് വാക്സിനേഷന്‍ വിതരണത്തിന്റെ ആദ്യഘട്ടത്തിന്റെ ഭാഗമായി ഇന്ന് (ജനു.27) ഏഴു സെന്ററുകളിലായി 640 പേര്‍ക്ക് കൂടി വാക്സിനേഷന്‍ നല്‍കി. മെഡിക്കല്‍ കോളേജില്‍ 195 പേര്‍ക്കും (മെഡിക്കല്‍ കോളേജില്‍ രണ്ട് സെഷന്‍), ആസ്റ്റര്‍ മിംസ് ആശുപത്രിയില്‍ 100 പേര്‍ക്കും, ഇഖ്റ ആശുപത്രിയില്‍ 77 പേര്‍ക്കും, ബേബി മെമ്മോറിയല്‍ ആശുപത്രിയില്‍ 97 പേര്‍ക്കും, എം.എം.സി ഉള്ള്യേരിയില്‍ 101 പേര്‍ക്കും, മെയ്ത്ര ആശുപത്രിയില്‍ 70 പേര്‍ക്കുമാണ് വാക്സിന്‍ വിതരണം ചെയ്തത്.

ആലപ്പുഴ : സമഗ്ര ശിക്ഷ കേരള യുടെ കീഴിലുള്ള ഓട്ടിസം സെന്ററുകളിലേക്ക് വിവിധ ഉപകരണങ്ങൾ വാങ്ങുന്നതിനായി ടെൻഡർ ക്ഷണിക്കുന്നു. ടെൻഡർ ഫെബ്രുവരി 1 ന് (1/2/2021) മുമ്പ് ഓഫീസിൽ നേരിട്ടോ തപാലിലോ എത്തിക്കേണ്ടതാണ്. ഫെബ്രുവരി രണ്ടിന്(2/2/2021) ടെൻഡർ ഓപ്പൺ ചെയ്യുന്നതായിരിക്കും. കൂടുതൽ വിവരങ്ങൾക്ക് ഫോൺ 0477-2239655,0477-2239155.

രോഗമുക്തി 594

ജില്ലയില്‍ ഇന്ന് 758 പോസിറ്റീവ് കേസുകള്‍ കൂടി റിപ്പോര്‍ട്ട് ചെയ്തതായി ജില്ലാ മെഡിക്കല്‍ ഓഫീസര്‍ അറിയിച്ചു. വിദേശത്തു നിന്നെത്തിയ മൂന്നുപേര്‍ക്ക് പോസിറ്റീവായി. 17 പേരുടെ ഉറവിടം വ്യക്തമല്ല. സമ്പര്‍ക്കം വഴി 738 പേര്‍ക്കാണ് രോഗം ബാധിച്ചത്. 6355 പേരെ പരിശോധനക്ക് വിധേയരാക്കി. ജില്ലയിലെ കോവിഡ് ആശുപത്രികള്‍, എഫ്.എല്‍.ടി.സി കള്‍ എന്നിവിടങ്ങളില്‍ ചികിത്സയിലായിരുന്ന 594 പേര്‍ കൂടി രോഗമുക്തിനേടി ആശുപത്രി വിട്ടു.
 
വിദേശത്ത് നിന്ന് എത്തിയവര്‍  -  3

ആലപ്പുഴ :സമഗ്രശിക്ഷാ കേരള യുടെ കീഴിൽ 11 ബിആർസി കളിലേക്ക് കിടപ്പിലായ കുട്ടികൾക്ക് വേണ്ടി വാട്ടർബെഡ്, ടൈപ്പ് എന്നിവ വാങ്ങുന്നതിനായി ടെൻഡർ ക്ഷണിക്കുന്നു. ടെൻഡർ ഫെബ്രുവരി 1 ന് (1/2/2021) മുമ്പ് ഓഫീസിൽ നേരിട്ടോ തപാലിലോ എത്തിക്കേണ്ടതാണ്. ഫെബ്രുവരി രണ്ടിന്(2/2/2021) ടെൻഡർ ഓപ്പൺ ചെയ്യുന്നതായിരിക്കും. കൂടുതൽ വിവരങ്ങൾക്ക് ഫോൺ 0477-2239655,0477-2239155.
 

കട്ടപ്പന ഗവ. ഐ.ടി.ഐയില്‍ നിന്നും ജൂലൈ 2017 ല്‍ വിജയകരമായി ട്രെയിനിംഗ് പൂര്‍ത്തീകരിച്ച ട്രെയിനികള്‍ കോഷന്‍ മണി, സെക്യൂരിറ്റി ഡെപ്പോസിറ്റ് എന്നിവ ലഭിക്കുന്നതിന് നിശ്ചിത മാതൃകയിലുളള അപേക്ഷ, ബാങ്ക് പാസ്സ് ബുക്കിന്റെ പകര്‍പ്പിനൊപ്പം ജനുവരി 31നകം  ഓഫീസില്‍ നല്‍കണം.  
 

ആലപ്പുഴ: കോടംതുരുത്ത് ഗ്രാമപഞ്ചായത്തിലെ മൊന്തചാല്‍- ചിറയ്ക്കല്‍ വാര്‍ഡുകളെ തമ്മില്‍ ബന്ധിപ്പിക്കുന്ന ചിറയ്ക്കല്‍ പാലത്തിന്റെ നിര്‍മ്മാണം പുരോഗമിക്കുന്നു. മുന്‍പുണ്ടായിരുന്ന ചെറിയ നടപ്പാലം ശോചനീയാവസ്ഥയില്‍ ആയതോടെ പ്രദേശവാസികളുടെ യാത്രാദുരിതം പരിഹരിക്കാനും വാഹനയാത്ര സൗകര്യമുള്ള പാലം നിര്‍മിക്കാനുമായി ജില്ലാ പഞ്ചായത്തിന്റെ ഫണ്ടില്‍ ഉള്‍പ്പെടുത്തി ജില്ല പഞ്ചായത്ത് വൈസ് പ്രസിഡന്റ് ദലീമ ജോജോ മുന്‍കൈയ്യെടുത്താണ് ഫണ്ട് അനുവദിപ്പിച്ചുള്ള  പാലത്തിന്റെ നിര്‍മാണം.

തൃശൂർ ജില്ലാ പോലീസ് കപ്ലയിന്റ് അതോറിറ്റിയുടെ നേതൃത്വത്തിൽ 
അയ്യന്തോൾ കലക്ടറേറ്റ്  കോൺഫറൻസ് ഹാളിൽ പരാതി പരിഹാര അദാലത്ത് നടത്തി.  ലഭിച്ച 33 പരാതികളിൽ ആറെണ്ണം തീർപ്പാക്കി. ബാക്കിയുള്ള  28 പരാതികളുടെ  വിചാരണ ഇന്ന് (ജനുവരി 28) തുടരും. പോലീസ് കംപ്ലെയിന്റ് അതോറിറ്റി ചെയർമാൻ റിട്ടയേഡ് ജില്ലാ ജഡ്ജ് 
പി എസ് ദിവാകരൻ അദാലത്തിന് നേതൃത്വം നൽകി.