പൊതുമരാമത്ത് വകുപ്പ് നിരത്തുകള്‍ അമ്പലവയല്‍ സെക്ഷന്റെ കീഴില്‍ വരുന്ന ഫലമൂലാദികള്‍ ഫെബ്രുവരി 2 ന് രാവിലെ 10.30 ന് അമ്പലവയല്‍ സെക്ഷന്‍ പരിസരത്തും ചേരമ്പാടി റോഡിലെ 11 മരങ്ങളും രണ്ട് മരങ്ങളുടെ ഓരോ ശിഖരവും ചെമ്പകച്ചുവട് ഉള്ള ഗുല്‍മോഹര്‍, മാടക്കരയുള്ള അയനി മരത്തിന്റെ രണ്ട് ശിഖരങ്ങളും മാവും കരയമരത്തിന്റെ മൂന്ന് ശിഖരങ്ങളും ഒന്നേയാര്‍ ക്രിസ്ത്യന്‍ പള്ളിക്ക് സമീപമുള്ള വീട്ടിമരത്തിന്റെ 2 ശിഖരങ്ങളും അതത് സ്ഥലത്തും ഫെബ്രുവരി 2 ന് രാവിലെ 11 ന് ലേലം ചെയ്യും.

ദേശീയ കുഷ്ഠരോഗ നിര്‍മ്മാര്‍ജ്ജന പദ്ധതിയുടെ ഭാഗമായുളള അശ്വമേധം പദ്ധതിയുടെ മൂന്നാം ഘട്ടത്തിന് നാളെ മുതല്‍ ( ശനി)  തുടക്കമാകും. ഫിബ്രവരി 12 വരെ നടക്കുന്ന കാമ്പയിനില്‍ സ്പര്‍ശ് ലപ്രസി അവേയര്‍നസ് കാമ്പയിന്‍ (സ്ലാക്ക്),  പരിശീലനം നേടിയ വളണ്ടിയര്‍മാര്‍ മുഖേന നടപ്പാക്കുന്ന എ.സി.ഡി & ആര്‍.എസ്, സമഗ്ര ബോധവല്‍ക്കരണ പദ്ധതിയായ എല്‍സ എന്നീ പദ്ധതികളാണ് ഉളളത്. സ്പര്‍ശ് ലപ്രസി അവേയര്‍നസ് കാമ്പയിന്റെ (സ്ലാക്ക്) ഉദ്ഘാടനം ശനിയാഴ്ച്ച മേപ്പാടി സാമൂഹ്യാരോഗ്യ കേന്ദ്രത്തില്‍ നടക്കും.

സംസ്ഥാന ഭക്ഷ്യ കമ്മീഷന്‍ നടപ്പിലാക്കുന്ന ബോധവത്കരണ, ജനസമ്പര്‍ക്ക പരിപാടി ജില്ലയില്‍ ഇന്ന് (വെള്ളി) നടക്കും. ഭക്ഷണം ഔദാര്യമല്ല അവകാശമാണ് എന്ന ആശയം പ്രചരിപ്പിക്കുന്നതിനും, ദേശീയ ഭക്ഷ്യ ഭദ്രതാ നിയമത്തിന്റെ പ്രാധാന്യം, ഭക്ഷ്യഭദ്രതാ നിയമത്തിന്റെ പരിധിയിലുള്ള പദ്ധതികള്‍ എന്നിവ സംബന്ധിച്ച് തദ്ദേശ സ്വയം ഭരണ സ്ഥാപന അധ്യക്ഷന്മാര്‍ക്ക് ക്ലാസുകള്‍ നല്‍കും. കളക്ട്രേറ്റ് കോണ്‍ഫറന്‍സ് ഹാളില്‍ രാവിലെ 11 ന്  നാണ് പരിപാടി. ഉച്ചയ്ക്ക് 2.30 മുതല്‍ 5 വരെ ജനസമ്പര്‍ക്ക പരിപാടിയും നടക്കും.

സർക്കാർ ഉദ്യോഗസ്ഥർക്ക് ഡിപ്പാർട്ടുമെന്റൽ പരീക്ഷയ്ക്കായി ഐ.എം.ജി നടത്തുന്ന ഓൺലൈൻ പരീശീലനത്തിന് ഫെബ്രുവരി ആറുവരെ അപേക്ഷിക്കാം.

ഉപലോകായുക്തയായി ജസ്റ്റിസ് ഹാറുൺ അൽ റഷീദ് ഫെബ്രുവരി ഒന്നിന് സ്ഥാനമേൽക്കും. രാവിലെ 11 ന് നിയമസഭാ കോംപ്ലക്സിലെ  ബാങ്ക്വറ്റ് ഹാളിലാണ് ചടങ്ങ്.
പി.എൻ.എക്സ്. 465/2021

*ലൈഫിലൂടെ രണ്ടര ലക്ഷം വീടൊരുക്കിയതിന്റെ പ്രഖ്യാപനം നിർവഹിച്ചു

'ലൈഫി'ലൂടെ യാഥാർഥ്യമായ സ്വപ്നവീടിലേക്ക് വാഴോട്ടുകോണം പാപ്പാട് വള്ളുക്കോണത്ത് വീട്ടിൽ ശശിധരൻ-പ്രഭ ദമ്പതികൾ ചുവടുവെക്കുമ്പോൾ സാക്ഷിയായി എത്തിയത് മുഖ്യമന്ത്രി പിണറായി വിജയൻ.