2020 സെപ്റ്റംബറിൽ നടന്ന (ഏപ്രിൽ 2020) ഡി.എഡ്/ഡി.എൽ.എഡ് പരീക്ഷകളുടെ പുനർമൂല്യനിർണയത്തിന്റെയും സൂക്ഷ്മ പരിശോധനയുടെയും ഫലം www.keralapareekshabhavan.in ൽ പ്രസിദ്ധീകരിച്ചു.
പി.എൻ.എക്സ്. 474/2021
 

കേരളത്തിലെ ദേശീയപാത വികസന പദ്ധതികൾ വളരെ വേഗത്തിൽ പുരോഗമിക്കുന്നതായി കേന്ദ്ര ഉപരിതല ഗതാഗത മന്ത്രി നിതിൻ ഗഡ്ഗരി പറഞ്ഞു. മുഖ്യമന്ത്രി പിണറായി വിജയനൊപ്പം ആലപ്പുഴ ബൈപ്പാസ് ജനങ്ങൾക്ക് തുറന്നു നൽകിക്കൊണ്ട് സംസാരിക്കുകയായിരുന്നു അദ്ദേഹം. 2024ഓടെ 52,007 കോടി രൂപയുടെ പദ്ധതികൾ കമ്മീഷൻ ചെയ്യും. 177 കിലോമീറ്റർ റോഡ് 604 കോടി രൂപ ചെലവിൽ പൂർത്തിയാക്കാനുള്ള പ്രവർത്തനങ്ങൾ നടക്കുന്നു.

കേരളത്തിലെ റോഡപകടങ്ങൾ 50 ശതമാനമായി കുറയ്ക്കാനാണ് സർക്കാർ ലക്ഷ്യമിടുന്നതെന്ന് മുഖ്യമന്ത്രി പിണറായി വിജയൻ പറഞ്ഞു. ഇതിനാവശ്യമായ നടപടികളുമായി മുന്നോട്ടു പോകും. റോഡ് അപകടങ്ങളിൽ പൊലിയുന്ന ജീവനുകളെ സർക്കാർ ഗൗരവമായാണ് കാണുന്നതെന്നും അദ്ദേഹം പറഞ്ഞു. കേന്ദ്ര  ഉപരിതല ഗതാഗത മന്ത്രി നിതിൻ ഗഡ്ഗരിക്കൊപ്പം ആലപ്പുഴ ബൈപ്പാസ് ജനങ്ങൾക്കായി തുറന്നു കൊടുത്തുകൊണ്ട് സംസാരിക്കുകയായിരുന്നു മുഖ്യമന്ത്രി.

റോഡ് സുരക്ഷ ഉറപ്പാക്കാൻ എല്ലാവരും ശ്രദ്ധിക്കണമെന്ന് ജില്ലാ കലക്ടർ എസ് ഷാനവാസ് പറഞ്ഞു. റോഡ് സുരക്ഷാ മാസാചരണത്തിൻ്റെ ഭാഗമായി നടത്തിയ പാർലമെൻ്ററി  റോഡ് സുരക്ഷാസമിതി യോഗത്തിലാണ് കലക്ടർ ഇക്കാര്യം വ്യക്തമാക്കിയത്. ദേശീയ പാതയിലും സാധാരണ റോഡിലുമെല്ലാം അപകടങ്ങൾ വർധിച്ചു വരുന്ന സാഹചര്യങ്ങൾ മോട്ടോർ വാഹന വകുപ്പ് ഗൗരവമായെടുക്കണം. രാത്രികാലങ്ങളിൽ തൃശൂർ നഗരത്തിലടക്കം സൈലൻസർ പോലും ഇല്ലാത്ത ഇരുചക്രവാഹനങ്ങൾ അമിത വേഗതയിൽ ഓടി അപകടമുണ്ടാക്കുന്നുണ്ട്. ഒരാഴ്ചക്കകം ഇതിനെതിരെ നടപടിയെടുണമെന്ന് ബന്ധപ്പെട്ടവരോട് കലക്ടർ നിർദ്ദേശിച്ചു.

ജില്ലയിൽ താലൂക്ക് അടിസ്ഥാനത്തിൽ നടത്തുന്ന സാന്ത്വനസ്പർശം പരാതിപരിഹാര അദാലത്ത് ഫെബ്രു. 2 ന് കുന്നംകുളത്ത് നടക്കും.  കുന്നംകുളം, തലപ്പിള്ളി, ചാവക്കാട് താലൂക്കുകളിലെ പരാതി പരിഹാര അദാലത്താണ് രാവിലെ മുതൽ കുന്നംകുളം നഗരസഭ ടൗൺ ഹാളിൽ നടക്കുക. 

തദ്ദേശ സ്വയംഭരണ വകുപ്പു മന്ത്രി എ സി മൊയ്തീൻ, കൃഷി വകുപ്പു മന്ത്രി വി എസ് സുനിൽകുമാർ, പൊതുവിദ്യാഭ്യസ വകുപ്പു മന്ത്രി പ്രൊഫ. സി രവീന്ദ്രനാഥ്, ഗവ. ചീഫ് വിപ്പ് കെ രാജൻ തുടങ്ങിയവർ കുന്നംകുളം ടൗൺ ഹാളിൽ പരാതി കേൾക്കാനെത്തും. 

ഇൻസ്റ്റിറ്റ്യൂട്ട് ഓഫ് അഡ്വാൻസ്ഡ് സ്റ്റഡി ഇൻ എഡ്യൂക്കേഷൻ കോളേജിലേക്കയാവശ്യമായ കായികോപകരണങ്ങൾ  വാങ്ങുന്നതിനായി ക്വട്ടേഷൻ ക്ഷണിച്ചു. 2020-21 പ്ലാൻ ഫണ്ടിൽ നിന്നും കായികോപകരണങ്ങൾ വിതരണം ചെയ്യുന്നതിനുള്ള ക്വട്ടേഷൻ  എന്നെഴുതി പ്രിൻസിപ്പാൾ ഇൻസ്റ്റിറ്റ്യൂട്ട് ഓഫ് അഡ്വാൻസ് ഡ് സ്റ്റഡി ഇൻ എഡ്യൂക്കേഷൻ, തൃശൂർ 680020 എന്ന വിലാസത്തിൽ ഫെബ്രുവരി 11ന് ഉച്ചയ്ക്ക് 2 ന് മുമ്പായി അപേക്ഷിക്കണം. ഫോൺ: 0487-2331185

ജില്ലാ ഉപഭോക്തൃ തർക്ക പരിഹാര കമ്മീഷൻ കെട്ടിടത്തിൻ്റെ നിർമാണോദ്ഘാടനവും മീഡിയേഷൻ സെൻ്ററിൻ്റെ ശിലാസ്ഥാപനവും ഇന്ന് (ജനു. 29) ന് വൈകീട്ട് 5ന്  കലക്ടറേറ്റ് കോൺഫറൻസ് ഹാളിൽ  ഭക്ഷ്യ പൊതുവിതരണ ഉപഭോക്തൃ കാര്യ വകുപ്പ് മന്ത്രി പി. തിലോത്തമൻ ഓൺലൈനായി നിർവ്വഹിക്കും.

ആരോഗ്യ സർവകലാശാല ക്യാംപസ് ഇനി മുതൽ പ്ലാസ്റ്റിക്, ഇതര മാലിന്യമുക്ത ഇടം. സർവകലാശാലയിലെ ശുചിത്വ പൂർണതയ്ക്ക് ഹരിതകേരള മിഷന്റെ എ ഗ്രേഡ് സർട്ടിഫിക്കറ്റും സർവകലാശാല സ്വന്തമാക്കി. സർക്കാർ ഓഫീസുകളെ മാലിന്യമുക്തമാക്കുന്നതിന്റെ ഭാഗമായിട്ടാണ് ഹരിത കേരള മിഷൻ ആദരവ് നൽകിയത്.

65 ഏക്കറിൽ വരുന്ന ക്യാംപസ് മുഴുവനായും പ്ലാസ്റ്റിക് മുക്തമായി.

കൃഷി, മൃഗസംരക്ഷണം, മത്സ്യകൃഷി, സുവോളജിക്കൽ പാർക്ക്, കായൽ സൗന്ദര്യവൽക്കരണം തുടങ്ങിയ വികസന പദ്ധതികളിലൂടെ പൂത്തൂർ ഗ്രാമപഞ്ചായത്ത് സമഗ്ര കാർഷിക ടൂറിസം ഹബ്ബായി മാറുമെന്ന് ഗവ. ചീഫ് വിപ്പ് കെ രാജൻ. പുത്തൂർ ഗ്രാമപഞ്ചായത്തിലെ തുളിയാൻകുന്ന് ചിറ മുതൽ പുത്തൂർ കായൽ വരെയുള്ള ഇറിഗേഷൻ കനാലിന്റെ നവീകരണവും പുത്തൂർ കായലിന്റെ ജലസംഭരണശേഷി വർധിപ്പിക്കുന്നതിന്റെയും നിർമാണോദ്‌ഘാടന ചടങ്ങിൽ അധ്യക്ഷത വഹിച്ച് സംസാരിക്കുകയായിരുന്നു അദ്ദേഹം. പദ്ധതികളുടെ ശിലാസ്ഥാപനവും അദ്ദേഹം നിർവഹിച്ചു.

തൃശൂർ ജില്ലാ പോലീസ് കംപ്ലയിന്റ് അതോറിറ്റിയുടെ നേതൃത്വത്തിൽ  കലക്ടറേറ്റ്  കോൺഫറൻസ് ഹാളിൽ പരാതി പരിഹാര അദാലത്ത് നടത്തി.  ലഭിച്ച 60 പരാതികളിൽ 11 എണ്ണം തീർപ്പാക്കി. 22 പരാതികൾ തുടർ നടപടികൾക്കായി മാറ്റിവച്ചു. 

രണ്ട് ദിവസമായാണ്

പരാതി പരിഹാര അദാലത്ത് നടത്തിയത്. പോലീസ് കംപ്ലയിന്റ് അതോറിറ്റി ചെയർമാൻ റിട്ട. ജില്ലാ ജഡ്ജ് 

പി എസ് ദിവാകരൻ അദാലത്തിന് നേതൃത്വം നൽകി.