സംസ്ഥാന ഭക്ഷ്യകമ്മീഷന്‍ ചെയര്‍മാന്‍ കെ.വി. മോഹന്‍കുമാറും കമ്മീഷന്‍ അംഗങ്ങളും ഫെബ്രുവരി നാലിന് രാവിലെ 10 ന് മലമ്പുഴയിലെ ആദിവാസി ഊരുകള്‍ സന്ദര്‍ശിക്കും. ഭക്ഷ്യ വിതരണവുമായി ബന്ധപ്പട്ട പ്രശ്നങ്ങള്‍, പോഷകാഹാരക്കുറവ്, ആദിവാസി മേഖലയില്‍ നിലനില്‍ക്കുന്ന മറ്റു പ്രശ്നങ്ങള്‍ എന്നിവയുമായി ബന്ധപ്പെട്ട് ഊരുനിവാസികളുമായി ചര്‍ച്ച ചെയ്യും. സിവില്‍ സപ്ലൈസ്, ട്രൈബല്‍ ഡെവലപ്മെന്റ്, ഐ.സി.ഡി.എസ്, ഫോറസ്റ്റ്, തദ്ദേശസ്വയംഭരണം, പോലീസ് ഉദ്യോഗസ്ഥര്‍ ഒപ്പമുണ്ടാകും.

കഴിഞ്ഞ അഞ്ചു വര്‍ഷക്കാലയളവില്‍ ജില്ലയില്‍ സര്‍ക്കാര്‍ നടപ്പാക്കിയ വികസന നേട്ടങ്ങള്‍ സമന്വയിപ്പിച്ച് ജില്ലാ ഇന്‍ഫര്‍മേഷന്‍ ഓഫീസ് തയ്യാറാക്കിയ വീഡിയോ പ്രദര്‍ശനം 'അഞ്ചു  വര്‍ഷങ്ങള്‍ നെല്ലറയുടെ വികസനം' ഇന്ന് (ഫെബ്രുവരി മൂന്ന്) ആലത്തൂര്‍, കൊല്ലങ്കോട് ബ്ലോക്കുകളിലെ വിവിധ സ്ഥലങ്ങളില്‍ പര്യടനം നടത്തും. രാവിലെ 8.30 ന് ആലത്തൂരില്‍ നിന്നും ആരംഭിക്കുന്ന പര്യടനം എരുമയൂര്‍, കുനിശ്ശേരി, പുതുനഗരം, വടവന്നൂര്‍, കൊല്ലങ്കോട്, നന്തന്‍കിഴായ, കാമ്പ്രത്ത്ചള്ള, മുതലമട
എന്നിവിടങ്ങളില്‍ പ്രദര്‍ശനം നടത്തും.

തനത്, പാരമ്പര്യ കലകളുടെ നിലനില്‍പ്പിനും പ്രചാരണത്തിനുമായി വിനോദസഞ്ചാര വകുപ്പ് സംഘടിപ്പിക്കുന്ന 'ഉത്സവം' ജില്ലയില്‍ ഫെബ്രുവരി 20 മുതല്‍ 26 വരെ നടക്കും.  പരിപാടിയുടെ സംസ്ഥാനതല ഉദ്ഘാടനം ടൂറിസം വകുപ്പ് മന്ത്രി കടകംപള്ളി സുരേന്ദ്രന്‍ ഫെബ്രുവരി 20 ന് ഉദ്ഘാടനം ചെയ്യും. പാലക്കാട് രാപ്പാടി ഓപ്പണ്‍ എയര്‍ ഓഡിറ്റോറിയം,  ശ്രീകൃഷ്ണപുരം ബാപ്പൂജി പാര്‍ക്ക്, ഒ. വി വിജയന്‍ സ്മാരകം, കുഞ്ചന്‍ സ്മാരകം എന്നിങ്ങനെ നാലു വേദികളിലായാണ് പരിപാടികള്‍ നടക്കുന്നത്.

പട്ടികജാതി വികസന വകുപ്പിന് കീഴിലുള്ള രാജ്യത്തെ ആദ്യത്തെ മെഡിക്കല്‍ കോളേജായ പാലക്കാട് ഗവ. മെഡിക്കല്‍ കോളേജിലെ ഒ.പി, ജനറല്‍ മെഡിസിന്‍ ഐ പി വിഭാഗങ്ങള്‍ ഫെബ്രുവരി നാലിന് രാവിലെ 10 ന് മുഖ്യമന്ത്രി പിണറായി വിജയന്‍ ഓണ്‍ലൈനായി ഉദ്ഘാടനം ചെയ്യും. പട്ടികജാതി, പട്ടികവര്‍ഗ,  പിന്നാക്ക ക്ഷേമ,  നിയമ,  സാംസ്‌കാരിക,  പാര്‍ലമെന്ററികാര്യ മന്ത്രി എ.കെ ബാലന്‍ അധ്യക്ഷനാകും. ജലവിഭവ വകുപ്പ് മന്ത്രി കെ. കൃഷ്ണന്‍കുട്ടി,  ആരോഗ്യ മന്ത്രി കെ. കെ ശൈലജ ടീച്ചര്‍, പൊതുമരാമത്ത് വകുപ്പ് മന്ത്രി ജി.സുധാകരന്‍ എന്നിവര്‍ വിശിഷ്ടാതിഥികളാകും.

പോളിയോ തുള്ളിമരുന്ന് വിതരണത്തിനുള്ള എല്ലാ ഒരുക്കങ്ങളും ജില്ലയില്‍ പൂര്‍ത്തിയായതായി ജില്ലാ മെഡിക്കല്‍ ഓഫീസര്‍ (ആരോഗ്യം) ഇന്‍ ചാര്‍ജ് ഡോ എം പ്രീത  അറിയിച്ചു. അഞ്ച് വയസ്സില്‍ താഴെയുള്ള 184771 കുട്ടികള്‍ക്ക് ജനുവരി 31 ഞായറാഴ്ച പള്‍സ് പോളിയോ തുള്ളിമരുന്ന് നല്‍കും. ദേശീയതലത്തില്‍ നടക്കുന്ന പള്‍സ് പോളിയോ ഇമ്മ്യൂണൈസേഷന്‍ പരിപാടിയുടെ ഭാഗമായാണ് തുള്ളിമരുന്ന് വിതരണം നടക്കുന്നത്. പോളിയോയുടെ മേല്‍ രാജ്യം നേടിയ വിജയം നിലനിര്‍ത്തുകയാണ് പരിപാടിയുടെ ലക്ഷ്യം.ജില്ലയില്‍ 13 ആരോഗ്യ ബ്ലോക്കുകളിലായി 1903 തുള്ളിമരുന്നു വിതരണ ബൂത്തുകളാണ് സജ്ജീകരിച്ചിട്ടുള്ളത്.  

ജില്ലയില്‍ വ്യാഴാഴ്ച  275 പേര്‍ക്ക് കോവിഡ് ബാധ സ്ഥിരീകരിച്ചു. 244 പേര്‍ക്ക് സമ്പർക്കം മൂലമാണ് രോഗബാധ. ആറ് പേർ ഇതര സംസ്ഥാനത്ത് നിന്നെത്തിയവരും 14 പേർ വിദേശത്തു നിന്നെത്തിയവരും 11 ആരോഗ്യ പ്രവര്‍ത്തകരുമാണ്.

രക്തസാക്ഷിദിനാചാരണം: രണ്ട് മിനുട്ട് മൗനമാചരിക്കണം

ഗാന്ധിജിയുടെ എഴുപത്തി മൂന്നാമത് രക്തസാക്ഷിത്വ വാര്‍ഷികദിനമായ ജനുവരി 30ന് (ശനിയാഴ്ച )രാവിലെ 11 മണിക്ക് സ്വാതന്ത്ര്യസമരത്തില്‍ പങ്കെടുത്ത് വീരമൃത്യുവരിച്ചവരെ അനുസ്മരിച്ച് രണ്ടുമിനിട്ട് മൗനം ആചരിക്കണമെന്ന് പ്രിന്‍സിപ്പല്‍ സെക്രട്ടറി നിര്‍ദ്ദേശിച്ചു. എല്ലാ വകുപ്പ് മേധാവികളും ജില്ലാ കലക്ടര്‍മാരും പൊതുമേഖലാ /സ്വയംഭരണ സ്ഥാപനങ്ങളിലെ മേധാവികളും അവരവരുടെ ഓഫീസുകളിലും കീഴിലുള്ള ഓഫീസുകളിലും ആവശ്യമായ നടപടികള്‍ സ്വീകരിക്കണം എന്ന് ഉത്തരവില്‍ പറയുന്നു.

 
ഡി എല്‍ എഡ് (ടി ടി സി) ഇന്റര്‍വ്യൂ

'കരുത്തുറ്റ ജനാധിപത്യത്തിന് തെരഞ്ഞെടുപ്പ് സാക്ഷരത' സന്ദേശവുമായി പതിനൊന്നാമത് ദേശീയ സമ്മതിദായക ദിനം ജില്ലയില്‍ ആചരിച്ചു. കലക്ടറേറ്റ് ഓഡിറ്റോറിയത്തില്‍ പിന്നണി ഗായകന്‍ വി ടി മുരളി ഉദ്ഘാടനം ചെയ്തു. തെരഞ്ഞെടുപ്പ് പ്രക്രിയയില്‍ പങ്കാളിയാകുന്നതിന് യുവാക്കളില്‍ അവബോധമുണ്ടാക്കുക എന്ന ലക്ഷ്യത്തോടെയാണ് ദേശീയ സമ്മതിദായക ദിനം ആഘോഷിച്ചത്.