കുടപ്പനക്കുന്ന്  ഇലക്ട്രിക്കല്‍ സെക്ഷനു കീഴില്‍ തണ്ണിപ്പറമ്പ് ട്രാന്‍സ്‌ഫോര്‍മറില്‍ അറ്റകുറ്റപണികള്‍ നടക്കുന്നതിനാല്‍ ഇന്ന് (06 ഫെബ്രുവരി) രാവിലെ 8.50  മുതല്‍ വൈകുന്നേരം 5.30 മണി വരെ  വൈദ്യുതി മുടങ്ങും. വട്ടിയൂര്‍ക്കാവ്  ഇലക്ട്രിക്കല്‍ സെക്ഷനുകീഴില്‍ അറപ്പുര ട്രാന്‍സ്‌ഫോര്‍മറില്‍ അറ്റകുറ്റപണികള്‍ നടക്കുന്നതിനാല്‍ ഇന്ന് (06 ഫെബ്രുവരി) രാവിലെ ഒന്‍പതു മുതല്‍ വൈകുന്നേരം അഞ്ചുവരെ വൈദ്യുതി മുടങ്ങുമെന്നും കെ.എസ്.ഇ.ബി അറിയിച്ചു.

പട്ടികജാതി വിദ്യാര്‍ത്ഥികള്‍ക്ക് പ്രൈവറ്റ് അക്കോമഡേഷന്‍ ആനുകൂല്യം അനുവദിക്കുന്നതിന് പട്ടികജാതി വികസന വകുപ്പ് അപേക്ഷ ക്ഷണിച്ചു.  സര്‍ക്കാര്‍/ എയ്ഡഡ്/ അംഗീകൃത സ്വാശ്രയ സ്ഥാപനങ്ങള്‍ എന്നിവിടങ്ങളില്‍ 2020-21 അധ്യയനവര്‍ഷത്തില്‍ പോസ്റ്റ്‌മെട്രിക് കോഴ്‌സിന് പഠിക്കുന്ന വിദ്യാര്‍ത്ഥികള്‍ക്ക് അപേക്ഷിക്കാം. അപേക്ഷകരുടെ കുടുംബ വാര്‍ഷിക വരുമാനം രണ്ടരലക്ഷം രൂപയില്‍ കൂടാന്‍ പാടില്ല.

കൊല്ലയില്‍ പഞ്ചായത്തിലെ പൂവത്തൂരില്‍ നിര്‍മിക്കുന്ന മൊട്ടക്കാവ് പാലത്തിന്റെയും മൊട്ടക്കാവ് - മേക്കൊല്ല ശ്രീ ഭഗവതി ക്ഷേത്ര റോഡിന്റെ പുനരുദ്ധാരണത്തിന്റെയും നിര്‍മ്മാണോദ്ഘാടനം സി. കെ ഹരീന്ദ്രന്‍ എം.എല്‍.എ നിര്‍വഹിച്ചു. എം.എല്‍.എയുടെ ആസ്തി വികസന ഫണ്ടില്‍ നിന്നും 30 ലക്ഷം രൂപ ചെലവിട്ടാണ് ഇവ നിര്‍മ്മിക്കുന്നത്. മൊട്ടക്കാവ് ക്ഷേത്രത്തിനു സമീപം നടന്ന ചടങ്ങില്‍ കൊല്ലയില്‍ പഞ്ചായത്ത് പ്രസിഡന്റ് നവനീത് കുമാര്‍ അധ്യക്ഷത വഹിച്ചു. ബ്ലോക്ക് - ഗ്രാമ പഞ്ചായത്ത് അംഗങ്ങള്‍ പങ്കെടുത്തു. 

*മന്ത്രി കെ. കൃഷ്ണന്‍കുട്ടി ഉദ്ഘാടനം ചെയ്തു

*സംസ്ഥാനത്ത് ഇതുവരെ 2,90,112 പേർ വാക്‌സിൻ സ്വീകരിച്ചു
സംസ്ഥാനത്ത് വെള്ളിയാഴ്ച 15,033 ആരോഗ്യ പ്രവർത്തകർ കോവിഡ്-19 വാക്‌സിൻ സ്വീകരിച്ചതായി ആരോഗ്യ വകുപ്പ് മന്ത്രി കെ.കെ. ശൈലജ ടീച്ചർ അറിയിച്ചു. 298 വാക്‌സിനേഷൻ കേന്ദ്രങ്ങളിലാണ് വാക്‌സിൻ കുത്തിവയ്പ്പ് ഉണ്ടായിരുന്നത്. എറണാകുളം ജില്ലയിലാണ് ഏറ്റവും കൂടുതൽ (62) വാക്‌സിനേഷൻ കേന്ദ്രങ്ങളുണ്ടായിരുന്നത്. ആലപ്പുഴ 15, എറണാകുളം 62, ഇടുക്കി 10, കണ്ണൂർ 36, കൊല്ലം 8, കോട്ടയം 25, കോഴിക്കോട് 26, മലപ്പുറം 42, പാലക്കാട് 6, പത്തനംതിട്ട 3, തിരുവനന്തപുരം 38, തൃശൂർ 21, വയനാട് 6 എന്നിങ്ങനെയാണ് കോവിഡ് വാക്‌സിനേഷൻ കേന്ദ്രങ്ങളുടെ എണ്ണം.

ഭൂപരിപാലനത്തിന് കാലഘട്ടത്തിനനുസൃതമായി ആധുനിക വിവര സാങ്കേതികവിദ്യ പ്രയോജനപ്പെടുത്താൻ നൂതന ജിയോസ്പേഷ്യൽ സാങ്കേതിക വിദ്യയായ കണ്ടിന്യൂവസ് ഓപറേറ്റിംഗ് റെഫറൻസ് സ്റ്റേഷനുകൾ (CORS) സംസ്ഥാനത്ത് സ്ഥാപിക്കാനുള്ള നടപടിയ്ക്ക് തുടക്കമാകുന്നു.
സി.ഒ.ആർ സ്റ്റേഷനുകൾ സ്ഥാപിക്കുന്നതിലൂടെ സർവേ പ്രവർത്തനങ്ങൾക്ക് വേണ്ടിവരുന്ന മാനവശേഷിയും, സർവെ ജോലികളുടെ കാലതാമസവും കുറച്ച്, കൂടുതൽ കൃത്യതയിൽ നിർവഹിക്കാനാകും. പൂർണ്ണമായും ഡിജിറ്റൽ രീതിയിൽ സർവേ റിക്കാർഡുകൾ തയാറാക്കുന്നതിനാൽ ആധുനിക വിവര സാങ്കേതികവിദ്യയുടെ സഹായത്താൽ ഓൺലൈനായി ഭൂവുടമകൾക്ക് സേവനം നൽകാനുമാകും.

മികച്ച തൊഴിലാളികൾക്കായി സംസ്ഥാന സർക്കാർ ഏർപ്പെടുത്തിയ തൊഴിലാളിശ്രേഷ്ഠ പുരസ്‌കാരങ്ങൾ തൊഴിൽ മന്ത്രി ടി.പി. രാമകൃഷ്ണൻ വിതരണം ചെയ്തു. തൊഴിലാളിശ്രേഷ്ഠ പുരസ്‌കാരങ്ങൾ കൂടുതൽ തൊഴിൽ മേഖലകളിലേക്ക് വ്യാപിപ്പിക്കുമെന്ന് മന്ത്രി പറഞ്ഞു. സർക്കാർ തൊഴിൽ നയങ്ങൾ ആവിഷ്‌കരിക്കുന്നത് തൊഴിലാളികളുടെയും തൊഴിലാളി സംഘടനകളുടെയും അഭിപ്രായം പരിഗണിച്ചാണ്. തോട്ടം തൊഴിലാളികളെ ഇ.എസ്.ഐ പരിധിയിൽ കൊണ്ടുവരാനുള്ള ശ്രമങ്ങളാണ് സർക്കാർ നടത്തുന്നത്. തൊഴിൽ നൈപുണ്യ പരിശീലം നൽകുന്ന കരിയർ സെന്ററുകൾ എല്ലാ ജില്ലകളിലേക്കും വ്യാപിപ്പിക്കാനുള്ള നടപടികളെടുക്കുമന്നും അദ്ദേഹം പറഞ്ഞു.

ഐ. ടി മേഖലയിലും കൂടുതൽ തൊഴിൽ അവസരങ്ങൾ സൃഷ്ടിക്കാൻ സർക്കാരിനായെന്ന് മുഖ്യമന്ത്രി പിണറായി വിജയൻ പറഞ്ഞു.
സ്റ്റാർട്ടപ്പുകളുടെ എണ്ണം 300ൽ നിന്ന് 2900 ആയി വർധിച്ചു. സ്റ്റാർട്ടപ്പുകൾക്കുള്ള കോർപ്പസ് ഫണ്ട് മുൻ സർക്കാരിന്റെ കാലത്തുണ്ടായിരുന്നില്ല. 739 കോടി രൂപ ഈ സർക്കാരിന്റെ കാലത്ത് കോർപ്പസ് ഫണ്ട് നൽകി കഴിഞ്ഞു. 57,000 ചതുരശ്ര അടിയായിരുന്ന പശ്ചാത്തല സൗകര്യം നാലു ലക്ഷം ചതുരശ്ര അടിയായി ഉയർന്നു. ഇക്കാലയളവിൽ 30,000 ത്തിലധികം അഭ്യസ്തവിദ്യർക്ക് സ്റ്റാർട്ടപ്പുകൾ നേരിട്ട് തൊഴിൽ നൽകി.

ഈ സർക്കാർ അധികാരത്തിൽ വന്നതിനു ശേഷം 1,55,544 പേർക്ക് പി. എസ്. സി വഴി നിയമനം നൽകിയതായി മുഖ്യമന്ത്രി പിണറായി വിജയൻ പറഞ്ഞു. മുൻ സർക്കാരിന്റെ കാലത്ത് അഡൈ്വസ് മെമ്മോ നൽകിയ 4031 കെഎസ്ആർടിസി കണ്ടക്ടർമാരുടെ നിയമനം നടത്തിയതും ഈ സർക്കാരാണ്.

ഏപ്രിൽ മാസത്തെ ക്ഷേപെൻഷൻ വിഷുവിന് മുൻപ് വിതരണം ചെയ്യുമെന്ന് മുഖ്യമന്ത്രി പിണറായി വിജയൻ പറഞ്ഞു. ക്ഷേമപെൻഷനുകൾ 1600 രൂപയായി വർധിപ്പിച്ച് ഉത്തരവ് ഇറക്കിയിട്ടുണ്ട്. വിഷുവിന് മുൻപ് മുഴുവൻ വിതരണം ചെയ്യുന്നതിലൂടെ ഒരു മാസത്തെ പെൻഷൻ മുൻകൂറായി ലഭിക്കും. അങ്കണവാടി, പ്രീ പ്രൈമറി അധ്യാപകർ, പാചകത്തൊഴിലാളികൾ എന്നിവർക്ക് പ്രഖ്യാപിച്ച ആനുകൂല്യവർദ്ധന നടപ്പാക്കാനുള്ള ഉത്തരവ് ഉടൻ പുറപ്പെടുവിക്കാൻ നിർദ്ദേശം നൽകിയിട്ടുണ്ടെന്ന് മുഖ്യമന്ത്രി അറിയിച്ചു.
പി.എൻ.എക്സ്. 654/2021