അനെര്‍ട്ടും എനര്‍ജി എഫിഷ്യന്‍സി സര്‍വ്വീസ് ലിമിറ്റഡുമായി സഹകരിച്ച് ജില്ലയില്‍ ചാര്‍ജിംഗ് സ്റ്റേഷനുകള്‍ ആരംഭിക്കുന്നു.  സംസ്ഥാന, ദേശീയ പാതകള്‍, എം.സി റോഡ് ഉള്‍പ്പടെയുള്ള പ്രധാന റോഡുകള്‍, താലൂക്ക് ആസ്ഥാനങ്ങള്‍ എന്നിവിടങ്ങളിലാണ് ആദ്യ ഘട്ടത്തില്‍ ആരംഭിക്കുന്നത്.  കുറഞ്ഞത് അഞ്ചു സെന്റ് സ്ഥലമുള്ള സര്‍ക്കാര്‍ വകുപ്പുകള്‍ക്കും സ്ഥാപനങ്ങള്‍ക്കും പദ്ധതിയുടെ ഭാഗമാകാം. പ്രധാന റോഡിന്റെ അരികില്‍ അഞ്ചുമുതല്‍ പത്തു സെന്റ് സ്ഥലം പത്തു വര്‍ഷത്തേക്കു അനെര്‍ട്ടിനു നല്‍കിയാല്‍ ഒരു യൂണിറ്റ് വൈദ്യുതിക്ക് 0.70 രൂപ നിരക്കില്‍ സ്ഥല വാടക ലഭിക്കും.

മണ്ണ് സംരക്ഷണത്തില്‍ കയര്‍ ഭൂവസ്ത്രത്തിന്റെ സാധ്യതകളും നേട്ടങ്ങളും പരിചയപ്പെടുത്തുന്നതിനായി കയര്‍ വികസന വകുപ്പ് സംഘടിപ്പിച്ച ഏകദിന സെമിനാര്‍ ജില്ലാ പഞ്ചായത്ത് പ്രസിഡന്റ് ഡി. സുരേഷ്‌കുമാര്‍ ഉദ്ഘാടനം ചെയ്തു.  പെരുങ്കടവിള, നേമം, അതിയന്നൂര്‍, പാറശാല, വെള്ളനാട് എന്നീ ബ്ലോക്ക് പഞ്ചായത്തുകള്‍ക്ക് കീഴിലുള്ള 34 ഗ്രാമ പഞ്ചായത്തുകളിലെ പ്രസിഡന്റുമാര്‍, പഞ്ചായത്ത് സെക്രട്ടറി, അക്രഡിറ്റഡ് എഞ്ചിനീയര്‍മാര്‍ എന്നിവരാണ് സെമിനാറില്‍ പങ്കെടുത്തത്. വരുന്ന ഫെബ്രുവരിയില്‍ നടക്കുന്ന വെര്‍ച്വല്‍ കയര്‍ കേരളയ്ക്ക് മുന്നോടിയായാണ് സെമിനാര്‍ സംഘടിപ്പിച്ചത്.

ജനുവരി 27 മുതല്‍ മ്യൂസിയം റേഡിയോ പാര്‍ക്കില്‍ ഇന്‍ഫര്‍മേഷന്‍-പബ്ലിക് റിലേഷന്‍സ് വകുപ്പ് സംഘടിപ്പിച്ചിരുന്ന വികസന ഫോട്ടോ എക്സിബിഷനും കലാ സന്ധ്യയും സമാപിച്ചു.  സംസ്ഥാന സര്‍ക്കാര്‍ തിരുവനന്തപുരം ജില്ലയില്‍ നടപ്പാക്കിയ വിവിധ വികസന പ്രവര്‍ത്തനങ്ങളുടെ സമഗ്ര ചിത്രങ്ങളും ദൃശ്യങ്ങളും ഉള്‍പ്പെടുത്തി സംഘടിപ്പിച്ച പ്രദര്‍ശനം ആരോഗ്യവകുപ്പ് മന്ത്രി കെ.കെ ശൈലജ ടീച്ചറാണ് ഉദ്ഘാടനം ചെയ്തത്.  നാലു ദിവസങ്ങളിലായി രണ്ടായിരത്തിലധികം പേര്‍ ജില്ലയില്‍ നടന്ന വികസന പ്രവര്‍ത്തനങ്ങള്‍ കാണാനും കലാസന്ധ്യ ആസ്വദിക്കാനും ഇവിടെയെത്തി.

കുടപ്പനക്കുന്ന് ഇലക്ട്രിക്കല്‍ സെക്ഷന്‍ പരിധിയില്‍ തണ്ണിപ്പറമ്പ് ട്രാന്‍സ്‌ഫോര്‍മര്‍ പരിധിയില്‍ രാവിലെ 09.00 മുതല്‍ 05.00 വരെ നാളെ (ഫെബ്രുവരി 01) വൈദ്യുതി മുടങ്ങുമെന്ന് കെ.എസ്.ഇ.ബി. അറിയിച്ചു

സിവില്‍ ഡിഫന്‍സ് അംഗങ്ങള്‍ക്കുള്ള ജില്ലാതല പരിശീലനം തൈക്കാട് മോഡല്‍ ബോയ്സ് ഹയര്‍ സെക്കന്‍ഡറി സ്‌കൂളില്‍ ആര്‍.എഫ്.ഒ സിദ്ധകുമാര്‍ ഉദ്ഘാടനം ചെയ്തു.  ജില്ലയില്‍ 150 പേര്‍ക്കാണ് കോവിഡ് മാനദണ്ഡങ്ങള്‍ പാലിച്ചുപരിശീലനം നല്‍കുന്നത്.  അടിയന്തര സാഹചര്യങ്ങളില്‍ രക്ഷാപ്രവര്‍ത്തനത്തിന് ഉപയോഗിക്കുന്ന ബര്‍മാബ്രിഡ്ജ്, കമാന്‍ഡോ ബ്രിഡ്ജ്, ഗ്രൗണ്ട് മെഷീന്‍, റാഫ്റ്റ് എന്നിവയുടെ നിര്‍മ്മാണത്തിലും കമ്മ്യൂണിക്കേഷന്‍, പ്രഥമ ശുശ്രൂഷ, റാഫ്റ്റിംഗ് എന്നിവയിലും പരിശീലനം നല്‍കും.  ഫെബ്രുവരി 10 ന് നടക്കുന്ന പാസിംഗ് ഔട്ട് പരേഡില്‍ തൃശൂര്‍ ഫയര്‍ ആന്റ് റെസ്‌ക്യൂ അക്കാദമിയിലും ജില്ലാ ആസ്ഥാനങ്ങളിലുമായി 1,500 സിവില്‍ ഡിഫന്‍സ് അ

ഐ.എച്ച്.ആര്‍.ഡി 2020 നവംബറില്‍ നടത്തിയ ഒന്നും രണ്ടും സെമസ്റ്റര്‍ പി.ജി.ഡി.സി.എ, ഡി.സി.എ, സര്‍ട്ടിഫിക്കറ്റ് കോഴ്സ് ഇന്‍ ലൈബ്രറി ആന്റ് ഇന്‍ഫര്‍മേഷന്‍ സയന്‍സ് എന്നീ കോഴ്സുകളുടെ റഗുലര്‍, സപ്ലിമെന്ററി പരീക്ഷാ ഫലം പ്രസിദ്ധീകരിച്ചു.  www.ihrd.ac.in എന്ന വെബ്സൈറ്റിലും അതത് പരീക്ഷാ കേന്ദ്രങ്ങളിലും ഫലവും മാര്‍ക്കിന്റെ വിശദാംശങ്ങളും ലഭിക്കും. പുനര്‍മൂല്യനിര്‍ണ്ണയത്തിനുള്ള അപേക്ഷകള്‍ സംബന്ധിച്ച കൂടുതല്‍ വിവരങ്ങള്‍ക്ക് 0471-2322985, 2322501.

കണ്ണൂര്‍ പറശ്ശിനിക്കടവ് എം.വി.ആര്‍ ആയുര്‍വേദ മെഡിക്കല്‍ കോളേജില്‍ ബി.എസ്.സി നഴ്സിംഗ്(ആയുര്‍വേദം, ബി.ഫാം(ആയുര്‍വേദം) എന്നീ കോഴ്സുകളിലേക്ക് ഓണ്‍ലൈനായി സമര്‍പ്പിച്ച ഓപ്ഷനുകള്‍ പ്രകാരമുള്ള അലോട്ട്മെന്റ് പ്രസിദ്ധീകരിച്ചു.  www.lbscentre.kerala.gov.in എന്ന വെബ്സൈറ്റില്‍ അലോട്ട്മെന്റ് വിവരങ്ങള്‍ ലഭിക്കും.  അലോട്ട്മെന്റ് ലഭിച്ചവര്‍ ഫെബ്രുവരി മൂന്നിനകം പ്രവേശനം നേടണം.  കൂടുതല്‍ വിവരങ്ങള്‍ക്ക് 0471-2560363, 364.

കുളത്തൂര്‍ ഗവ. കോളേജില്‍ സ്പോര്‍ട്സ് ഉപകരണങ്ങള്‍ വാങ്ങുന്നതിനും ലാബ് ഉപകരണങ്ങള്‍ വാങ്ങുന്നതിനുമായി മുദ്രവച്ച ടെണ്ടറുകള്‍ ക്ഷണിച്ചു.  രണ്ടിനും വെവ്വേറെ ടെണ്ടറുകള്‍ സമര്‍പ്പിക്കണം.  ഫെബ്രുവരി 25 രാവിലെ 11 മണിവരെ സ്പോര്‍ട്സ് ഉപകരണങ്ങള്‍ വാങ്ങുന്നതിനുള്ള ടെണ്ടറും ഉച്ചയ്ക്കു രണ്ടുവരെ ലാബ് ഉപകരണങ്ങള്‍ വാങ്ങുന്നതിനുള്ള ടെണ്ടറും സമര്‍പ്പിക്കാം.  കൂടുതല്‍ വിവരങ്ങള്‍ക്ക് 0471-2210300.

കോവിഡ് രോഗവ്യാപനം നിയന്ത്രിക്കുന്നതിന്റെ ഭാഗമായി തിരുവനന്തപുരം കോര്‍പ്പറേഷനു കീഴിലെ മണ്ണന്തല(ഒരുവാതില്‍കോണം റസിഡന്‍സ് അസോസിയേഷന്‍ പ്രദേശം), അഴൂര്‍ ഗ്രാമപഞ്ചായത്തിലെ കന്നുകാലിവനം(ശക്തിപുരം പ്രദേശം) എന്നീ പ്രദേശങ്ങളെ കണ്ടെയിന്‍മെന്റ് സോണായി ജില്ലാ കളക്ടര്‍ ഡോ. നവജ്യോത് ഖോസ പ്രഖ്യാപിച്ചു.  ഇവിടെ കര്‍ശന ലോക്ഡൗണ്‍ നിയന്ത്രണങ്ങള്‍ ഏര്‍പ്പെടുത്തും.  അടിയന്തര ആവശ്യങ്ങള്‍ക്കല്ലാതെ ആരുംതന്നെ കണ്ടെയിന്‍മെന്റ് സോണിനു പുറത്തു പോകരുത്.  ഇവയോടു ചേര്‍ന്നുള്ള പ്രദേശങ്ങളിലും ജാഗ്രത പുലര്‍ത്തണമെന്നും കളക്ടര്‍ അറിയിച്ചു.

തലസ്ഥാനത്തിന്റെ ഗതാഗത മേഖലയിലെ പ്രധാന പദ്ധതികളിലൊന്നായ പേട്ട - ആനയറ - ഒരുവാതില്‍ക്കോട്ട റോഡ് വികസനത്തിനുള്ള ഭൂമി ഏറ്റെടുക്കല്‍ നടപടി അടുത്തയാഴ്ച ആരംഭിക്കും.  ഭൂമി ഏറ്റെടുക്കലിന്റെ പുതിയ നിയമപ്രകാരമുള്ള പ്രഖ്യാപനം അടുത്തയാഴ്ചയുണ്ടാകുമെന്ന് ഇന്നലെ (30) ചേര്‍ന്ന ജില്ലാ വികസന സമിതി യോഗത്തില്‍ ജില്ലാ കളക്ടര്‍ ഡോ. നവ്ജ്യോത് ഖോസ അറിയിച്ചു.