* ആത്മവിശ്വാസത്തോടെ പറയും ഇനിയും ധീരമായി നിൽക്കും: മന്ത്രി കെ.കെ. ശൈലജ ടീച്ചർ
കോവിഡ്-19 വ്യാപനം നിലനിൽക്കുന്ന സമയത്ത് കോവിഡ് പ്രതിരോധത്തിൽ നമ്മൾ ആദ്യം പഠിച്ച പാഠങ്ങൾ മറക്കാതിരിക്കാൻ ബാക് ടു കാമ്പയിൻ സംഘടിപ്പിക്കുമെന്ന് ആരോഗ്യ വകുപ്പ് മന്ത്രി കെ.കെ. ശൈലജ ടീച്ചർ പറഞ്ഞു. ആരും സോപ്പും മാസ്‌കും സാമൂഹിക അകലവും മറക്കരുത്. നമ്മൾ തുടർന്നുവന്ന കാര്യങ്ങൾ ശക്തമായി പിന്തുടരണമെന്നും മന്ത്രി വ്യക്തമാക്കി.

റേഷൻ കാർഡുകളുടെ താലൂക്ക് അടിസ്ഥാനത്തിൽ മുൻഗണനാ വിഭാഗങ്ങളുടെ പരിവർത്തനം സംസ്ഥാനത്തിൽ ഡയറക്ടർ തലത്തിൽ പരിശോധിച്ച് നൽകുന്ന ഉത്തരവിൽ മാറ്റം വരുത്തിയിട്ടില്ലെന്ന് സിവിൽ സപ്ലൈസ് ഡയറക്ടർ അറിയിച്ചു.
അതേസമയം, ഫെബ്രുവരിയിൽ ജില്ലാ അടിസ്ഥാനത്തിൽ നടക്കുന്ന സാന്ത്വന സ്പർശം അദാലത്തുകളിൽ റേഷൻ കാർഡ് സംബന്ധ പരാതികളിൽ മുൻഗണനാ വിഭാഗത്തിലേക്ക് മാറ്റാൻ അടിയന്തിര പ്രാധാന്യമുള്ള അപേക്ഷകളിൽ തുടർനടപടി സ്വീകരിക്കാനാണ് ജില്ലാ സപ്ലൈ ഓഫീസർമാർക്ക് അധികാരം നൽകിയിട്ടുള്ളത്.
പി.എൻ.എക്സ്. 531/2021
 

* വട്ടിയൂർക്കാവ് കുടുംബാരോഗ്യ കേന്ദ്രത്തിൽ സംസ്ഥാനതല ആരംഭം
സംസ്ഥാനത്തെ 5 വയസിന് താഴെ പ്രായമുള്ള കുട്ടികൾക്കുള്ള പൾസ് പോളിയോ പ്രതിരോധ തുള്ളിമരുന്ന് വിതരണത്തിന് ആരോഗ്യ വകുപ്പ് മന്ത്രി കെ.കെ. ശൈലജ ടീച്ചറുടെ സാന്നിധ്യത്തിൽ ഞായറാഴ്ച (ജനുവരി 31) രാവിലെ 8 മണിക്ക് തിരുവനന്തപുരം വട്ടിയൂർക്കാവ് കുടുംബാരോഗ്യ കേന്ദ്രത്തിൽ തുടക്കം കുറിക്കുന്നു. മേയർ ആര്യാ രാജേന്ദ്രൻ, വി.കെ. പ്രശാന്ത് എം.എൽ.എ., ജില്ലാ പഞ്ചായത്ത് പ്രസിഡന്റ് അഡ്വ. ഡി. സുരേഷ്‌കുമാർ എന്നിവരും പങ്കെടുക്കും.

മുഖ്യമന്ത്രിയുടെ പൊതുജന പരാതി പരിഹാര സംവിധാനത്തിലേക്ക് സെക്രട്ടേറിയറ്റിലെ നോർത്ത്, സൗത്ത്, അനക്സ്-1 സന്ദർശക സഹായകേന്ദ്രങ്ങളിൽ ഫെബ്രുവരി ഒന്നുമുതൽ പരാതികളും അപേക്ഷകളും സ്വീകരിക്കും.
കോവിഡ് പശ്ചാത്തലത്തിൽ സെക്രട്ടേറിയറ്റിലേക്കുള്ള പ്രവേശനത്തിന് നിയന്ത്രണങ്ങൾ ഏർപ്പെടുത്തിയിരുന്ന സാഹചര്യത്തിൽ പൊതുജനങ്ങൾക്ക് സെക്രട്ടേറിയറ്റിലെ 'സ്ട്രെയിറ്റ് ഫോർവേഡ്' സംവിധാനത്തിൽ നേരിട്ട് എത്തി പരാതികളും ദുരിതാശ്വാസ നിധിയിൽനിന്ന് ധനസഹായത്തിനുള്ള അപേക്ഷകളും സമർപ്പിക്കാൻ സാധിച്ചിരുന്നില്ല.
ഈ പ്രശ്നത്തിന് പരിഹാരമായാണ് പുതിയ സംവിധാനം ഏർപ്പെടുത്തുന്നതെന്ന് മുഖ്യമന്ത്രിയുടെ കമ്പ്യൂട്ടർ സെൽ അറിയിച്ചു.

2020-21 പ്രൊഫഷണൽ ഡിപ്ലോമ ഇൻ ഫാർമസി, ഹെൽത്ത് ഇൻസ്‌പെക്ടർ മറ്റ് പാരാമെഡിക്കൽ കോഴ്‌സുകളിലേക്ക് അപേക്ഷിച്ചവരുടെ പ്രവേശനത്തിനുള്ള റാങ്ക് ലിസ്റ്റും കാറ്റഗറി ലിസ്റ്റും www.lbscentre.kerala.gov.in ൽ പ്രസിദ്ധീകരിച്ചു. ഫോൺ: 0471-2560363, 364.
പി.എൻ.എക്സ്. 527/2021

തദ്ദേശ സ്ഥാപനങ്ങൾ ഉറവിട മാലിന്യ സംസ്കരണത്തിന് പ്രാധാന്യം നൽകണം: ജില്ലാ വികസന സമിതി

തദ്ദേശ സ്ഥാപനങ്ങൾ ഉറവിട മാലിന്യ സംസ്കരണത്തിന് പ്രാധാന്യം നൽകണമെന്ന് ജില്ലാ വികസന സമിതി യോഗത്തിൽ നിർദേശം. ജില്ലാ വാർഷിക വികസന പദ്ധതികളുടെ ഭാഗമായി എല്ലാ തദ്ദേശ സ്ഥാപനങ്ങളും ഇത്തരത്തിലുള്ള പ്രവർത്തനങ്ങളിൽ ശ്രദ്ധ കേന്ദ്രീകരിക്കണം. 

ജില്ലയിൽ 30 പഞ്ചായത്തുകളിൽ മാലിന്യ സംസ്കരണ പദ്ധതികൾ ഇല്ലെന്നു കണ്ടെത്തിയിട്ടുണ്ട്. 10 ലക്ഷം ജനങ്ങളാണ് ഇവിടെയുള്ളതെന്നും ഇവിടെ മാലിന്യ സംസ്കരണത്തിന് ശാസ്ത്രീയ മാതൃക കണ്ടെത്തണമെന്നും യോഗത്തിൽ അധ്യക്ഷത വഹിച്ച ജില്ലാ കലക്ടർ എസ് ഷാനവാസ് നിർദ്ദേശിച്ചു.

വാർഷിക പദ്ധതികളിൽ പൊതുജന പങ്കാളിത്തമുറപ്പിക്കാൻ
വടക്കാഞ്ചേരി ബ്ലോക്ക് 

2021 - 22 വർഷത്തേക്കുള്ള കർമ പദ്ധതികളുടെ  ആസൂത്രണം വടക്കാഞ്ചേരി ബ്ലോക്ക് പഞ്ചായത്ത്‌ ആരംഭിച്ചു. ബ്ലോക്ക് പഞ്ചായത്തിന്റെ പുതിയ ഭരണ സമിതിയുടെ നേതൃത്വത്തിലാണ് വിവിധ മേഖലകളിൽ  ആസൂത്രണങ്ങൾ നടക്കുന്നത്.

വാർഷിക പദ്ധതി രൂപീകരണത്തിന്റെ ഭാഗമായി ബ്ലോക്ക് പഞ്ചായത്ത് കോൺഫറൻസ് ഹാളിൽ വെച്ച്  വർക്കിംഗ് ഗ്രൂപ്പ് യോഗം സംഘടിപ്പിച്ചു. ബ്ലോക്ക് പഞ്ചായത്ത് വൈസ് പ്രസി. സി.വി.സുനിൽകുമാറിന്റെ അധ്യക്ഷതയിലായിരുന്നു യോഗം.
ബ്ലോക്ക് പ്രസിഡന്റ്  കെ.വി.നഫീസ ഉദ്ഘാടനം നിർവഹിച്ചു.