കല്ലട ജലസേചന പദ്ധതിയുടെ ഇടതുകര മെയിന്‍ കനാലിലൂടെ കാര്‍ഷികാവശ്യത്തിനുള്ള വേനല്‍ക്കാല ജലവിതരണം നാളെ(ഫെബ്രുവരി ഒന്ന്) മുതല്‍ പുനരാരംഭിക്കും. തെ•ല ഒറ്റക്കല്‍ വിയറില്‍ നിന്ന് ഇടതുകര മെയിന്‍ കനാലിലേക്ക് ജലം ഒഴുക്കിവിട്ടാണ് ജലവിതരണം ആരംഭിക്കും. ജില്ലയിലെ കരവാളൂര്‍, അഞ്ചല്‍, വെട്ടിക്കവല, ഉമ്മന്നൂര്‍, വെളിയം, കരീപ്ര, എഴുകോണ്‍, കുണ്ടറ, ഇളമ്പള്ളൂര്‍ തുടങ്ങിയ പഞ്ചായത്തുകളിലൂടെയാണ് മെയിന്‍ കനാല്‍ പോകുന്നത്.

നെടുമ്പന സാമൂഹിക ആരോഗ്യ കേന്ദ്രത്തിലേക്ക് കരാര്‍ അടിസ്ഥാനത്തില്‍ മെഡിക്കല്‍ ഓഫീസറെ നിയമിക്കുന്നതിനുള്ള അഭിമുഖം ഫെബ്രുവരി എട്ടിന് രാവിലെ 10 ന് മുഖത്തല പഞ്ചായത്ത് ഓഫീസില്‍ നടക്കും. അസല്‍ സര്‍ട്ടിഫിക്കറ്റുകളും മറ്റു രേഖകളുമായി എത്തണം. വിശദ വിവരങ്ങള്‍ 0474-2593313 നമ്പരില്‍ ലഭിക്കും.
(പി.ആര്‍.കെ നമ്പര്‍.298/2021)

ഐ എച്ച് ആര്‍ ഡി 2020 നവംബറില്‍ നടത്തിയ ഒന്നും രണ്ടും സെമസ്റ്റര്‍ പി ജി ഡി സി എ, ഡി സി എ, സി സി എല്‍ ഐ എസ് എന്നീ കോഴ്‌സുകളുടെ റഗുലര്‍/സപ്ലിമെന്ററി പരീക്ഷകളുടെ ഫലം പ്രസിദ്ധീകരിച്ചു. പരീക്ഷാ ഫലവും മാര്‍ക്കിന്റെ വിശദാംശങ്ങളും അതത് പരീക്ഷാ കേന്ദ്രങ്ങളിലും  www.ihrd.ac.in     സൈറ്റിലും ലഭിക്കും. പുനര്‍മൂല്യനിര്‍ണയത്തിനുള്ള അപേക്ഷ പിഴ കൂടാതെയും ഫെബ്രുവരി 15 വരെയും 200 രൂപ ലേറ്റ് ഫീ സഹിതം ഫെബ്രുവരി 18 വരെ പരീക്ഷാ കേന്ദ്രങ്ങളില്‍ നല്‍കാം.

വനിതാ ശിശുവികസനം ലക്ഷ്യമാക്കി ആവിഷ്‌കരിച്ചിട്ടുള്ള പദ്ധതികളും സേവനങ്ങളും ഉള്‍പ്പെടുത്തി ഇത്തിക്കര  ഐ സി ഡി എസ്  തയ്യാറാക്കിയ കലണ്ടറിന്റെ പ്രകാശനം നടന്നു. ഇത്തിക്കര ബ്ലോക്ക് പഞ്ചായത്ത്  ഓഡിറ്റോറിയത്തില്‍ നടന്ന ചടങ്ങില്‍ പ്രസിഡന്റ് എന്‍ സദാനന്ദന്‍ പിള്ള പരവൂര്‍ മുന്‍സിപ്പാലിറ്റിയിലെ അങ്കണവാടി ജീവനക്കാരിയായ ഷീബയ്ക്ക് കലണ്ടര്‍ നല്‍കി പ്രകാശനം നിര്‍വഹിച്ചു.

ജില്ലാ വെറ്ററിനറി കേന്ദ്രത്തിലെ ഓപ്പറേഷന്‍ തീയേറ്റര്‍ നവീകരണവുമായി ബന്ധപ്പെട്ട് ആര്‍ ഒ പ്ലാന്റ് ആവശ്യമുണ്ട്. വിശദ വിവരങ്ങള്‍ ജില്ലാ മൃഗസംരക്ഷണ ഓഫീസിലും 0474-2793464 നമ്പരിലും ലഭിക്കും.
(പി.ആര്‍.കെ നമ്പര്‍.295/2021)

കോവിഡ് വ്യാപനം കൂടിവരുന്ന സാഹചര്യത്തില്‍ അക്ഷയ കേന്ദ്രങ്ങള്‍ വഴി ചെയ്യുന്ന അപേക്ഷയുമായി നേരിട്ട് താലൂക്ക് സപ്ലൈ ഓഫീസില്‍ എത്തുന്നത് ഒഴിവാക്കണമെക്കും അപേക്ഷ ഓണ്‍ലൈനില്‍ തന്നെ തീര്‍പ്പാക്കുമെന്നും കൊല്ലം താലൂക്ക് സപ്ലൈ ഓഫീസര്‍ അറിയിച്ചു. അപേക്ഷയില്‍ രേഖപ്പെടുത്തിയിട്ടുള്ള മൊബൈല്‍ നമ്പരിലേക്ക് ആപ്ലിക്കേഷന്‍ അപ്രൂവ്ഡ് എന്ന സന്ദേശം ലഭിക്കുകയോ അല്ലെങ്കില്‍ അക്ഷയ കേന്ദ്രത്തില്‍ അന്വേഷിച്ച് അപ്രൂവ്ഡായി എന്ന അറിയിപ്പ് ലഭിച്ച ശേഷം മാത്രം ഓഫീസില്‍ എത്തി റേഷന്‍ കാര്‍ഡില്‍ രേഖപ്പെടുത്തലുകള്‍ വരുത്തിയാല്‍ മതിയാകും.

കോവിഡ് രോഗവ്യാപനം കൂടുന്ന ഗ്രാമീണ മേഖലയില്‍ വിവിധ                സ്‌ക്വാഡുകളുടെ നേതൃത്വത്തില്‍ പരിശോധനകളും നിരീക്ഷണങ്ങളും ഊര്‍ജിതമാക്കും. ജില്ലാ കലക്ടര്‍ ബി അബ്ദുല്‍ നാസറിന്റെ അധ്യക്ഷതയില്‍ ഗൂഗിള്‍ മീറ്റ് വഴി ചേര്‍ന്ന ജില്ലാ വികസന സമിതി യോഗത്തിലാണ് ഇത് സംബന്ധിച്ച തീരുമാനമായത്.

* ഇതുവരെ സംസ്ഥാനത്ത് വാക്‌സിൻ സ്വീകരിച്ചവർ 1,59,325 പേർ

സംസ്ഥാനത്തെ എല്ലാ മുദ്രപത്ര ഇടപാടുകൾക്കും നാളെ (ഫ്രെബുവരി 1) മുതൽ  ഇ സ്റ്റാമ്പിംഗ് സംവിധാനം ഉപയോഗിക്കാൻ ഉത്തരവ്. നിലവിൽ ഒരു ലക്ഷം രൂപയ്ക്ക് മുകളിൽ മുദ്രവിലയുള്ള  ഇടപാടുകൾക്ക് മാത്രമായിരുന്നു ഇ സ്റ്റാമ്പിംഗ് സംവിധാനം ഉപയോഗിച്ചിരുന്നത്. നാളെ മുതൽ (ഫ്രെബുവരി 1)  ഒരു ലക്ഷം രൂപയിൽ താഴെയുള്ള ഇടപാടുകൾക്കും ഇ സ്റ്റാമ്പിംഗ് സംവിധാനമാകും ഉപയോഗിക്കുക.
പി.എൻ.എക്സ്. 536/2021
 

കേരള നിയമസഭയുടെ ഭാഗമായ സഭാ ടിവി തയ്യാറാക്കിയ പ്രത്യേക പരിപാടികൾ വിവിധ ചാനലുകളിൽ ജനുവരി 31 മുതൽ ഫെബ്രുവരി ആറ് വരെ സംപ്രേഷണം ചെയ്യും. സഭയും സമൂഹവും, കേരള ഡയലോഗ് എന്നീ പരിപാടികളുടെ സമയക്രമം പ്രസിദ്ധീകരിച്ചു.