പൊതുജനങ്ങളുടെ പരാതികൾക്കും ആവലാതികൾക്കും ഉടനടി പരിഹാരം കാണുന്നതിനായി സംസ്ഥാന സർക്കാർ സംഘടിപ്പിക്കുന്ന സാന്ത്വന സ്പർശം പരാതി പരിഹാര അദാലത്തിലേക്കുള്ള ജില്ലയിലെ പരാതികൾ നൽകാനുള്ള സമയപരിധി നാളെ(02 ഫെബ്രുവരി) അവസാനിക്കും. ഫെബ്രുവരി എട്ട്, ഒമ്പത്, 11 തീയതികളിലാണ് മൂന്നു കേന്ദ്രങ്ങളിലായി ജില്ലയിലെ അദാലത്ത്. സഹകരണം - ടൂറിസം - ദേവസ്വം മന്ത്രി കടകംപള്ളി സുരേന്ദ്രൻ, ധനമന്ത്രി ഡോ. ടി.എം. തോമസ് ഐസക്, ഫിഷറീസ് മന്ത്രി ജെ. മേഴ്സിക്കുട്ടിയമ്മ എന്നിവരാണു പരാതികൾ പരിശോധിച്ചു പരിഹാരം നിർദേശിക്കുന്നത്. 

ജില്ലയില്‍ ഇന്നലെ(31 ജനുവരി) 2,09,573 കുട്ടികള്‍ക്ക് പള്‍സ് പോളിയോ തുള്ളിമരുന്ന് വിതരണം ചെയ്തു. ജില്ലയുടെ ആകെ കണക്കിന്റെ 97.22 ശതമാനം കുട്ടികളാണ് ഇന്നലെ തുള്ളിമരുന്ന് സ്വീകരിച്ചത്. ജില്ലയില്‍ 2,15,556 കുട്ടികളാണ് തുള്ളിമരുന്ന് സ്വീകരിക്കേണ്ടിയിരുന്നത്. ഇന്നലെ തുള്ളിമരുന്ന് സ്വീകരിക്കാനെത്താത്ത കുട്ടികള്‍ക്ക് ഇന്നും നാളെയുമായി(ഫെബ്രുവരി 1,2) പരിശീലനം സിദ്ധിച്ച വോളണ്ടിയര്‍മാര്‍  വീടുകളിലത്തി കുഞ്ഞുങ്ങൾക്ക് മരുന്ന് നൽകും. . ബസ്  സ്റ്റാന്‍ഡ്,  റെയില്‍വേ സ്റ്റേഷന്‍, വിമാനത്താവളം എന്നിവിടങ്ങളിലെ ട്രാന്‍സിറ്റ് ബൂത്തുകളും ഇന്നും നാളെയും പ്രവര്‍ത്തിക്കും.

തിരുവനന്തപുരത്ത് ഇന്ന് (31 ജനുവരി 2021) 300 പേര്‍ക്കു കൂടി കോവിഡ് 19 സ്ഥിരീകരിച്ചു. 382 പേര്‍ രോഗമുക്തരായി. നിലവില്‍ 4,304 പേരാണു രോഗം സ്ഥിരീകരിച്ചു ചികിത്സയില്‍ കഴിയുന്നത്. ഇന്നു രോഗം സ്ഥിരീകരിച്ചവരില്‍ 201 പേര്‍ക്കു സമ്പര്‍ക്കത്തിലൂടെയാണു രോഗബാധയുണ്ടായത്. ഇതില്‍ 5 പേര്‍ ആരോഗ്യപ്രവര്‍ത്തകരാണ്.

രോഗലക്ഷണങ്ങളെത്തുടര്‍ന്നു ജില്ലയില്‍ 1,522 പേരെക്കൂടി നിരീക്ഷണത്തിലാക്കി. ഇവരടക്കം ആകെ 22,419 പേര്‍ വീടുകളിലും 55 പേര്‍ സ്ഥാപനങ്ങളിലും ക്വാറന്റൈനില്‍ കഴിയുന്നുണ്ട്. ഇന്നലെവരെ നിരീക്ഷണത്തിലുണ്ടായിരുന്ന 1,385 പേര്‍ രോഗലക്ഷണങ്ങളില്ലാതെ നിരീക്ഷണകാലം പൂര്‍ത്തിയാക്കി

** പരിപാടി കർശന കോവിഡ് മാനദണ്ഡങ്ങളോടെ

** പ്രവേശനം സൗജന്യം

സംസ്ഥാന സർക്കാർ കഴിഞ്ഞ അഞ്ചു വർഷത്തിനിടെ കൈവരിച്ച നേട്ടങ്ങൾ അനാവരണംചെയ്ത് ഇൻഫർമേഷൻ - പബ്ലിക് റിലേഷൻസ് വകുപ്പ് സംഘടിപ്പിക്കുന്ന വികസന ഫോട്ടോ എക്‌സിബിഷൻ ഫെബ്രുവരി മൂന്നു മുതൽ അഞ്ചു വരെ വർക്കല മുനിസിപ്പൽ പാർക്കിൽ നടക്കും. തിരുവനന്തപുരം ജില്ലയുടെ സാമൂഹിക - വ്യാവസായിക  - സാമ്പത്തിക - കാർഷിക മേഖലകളിൽ കഴിഞ്ഞ അഞ്ചു വർഷത്തിനിടെ സർക്കാർ നടപ്പാക്കിയ വികസന പദ്ധതികളുടെ നേർച്ചിത്രമാണ് ജില്ലാ ഇൻഫർമേഷൻ ഓഫിസ് ഒരുക്കുന്ന വികസന ഫോട്ടോ എക്‌സിബിഷൻ. ഇതിന്റെ ഭാഗമായി നാടൻ കലാരൂപങ്ങളുടെ അവതരണവും ഒരുക്കിയിട്ടുണ്ട്.

തിരുവനന്തപുരത്ത് ഇന്ന് (30 ജനുവരി 2021) 350 പേര്‍ക്കു കൂടി കോവിഡ് 19 സ്ഥിരീകരിച്ചു. 471 പേര്‍ രോഗമുക്തരായി. നിലവില്‍ 4,386 പേരാണു രോഗം സ്ഥിരീകരിച്ചു ചികിത്സയില്‍ കഴിയുന്നത്. ഇന്നു രോഗം സ്ഥിരീകരിച്ചവരില്‍ 268 പേര്‍ക്കു സമ്പര്‍ക്കത്തിലൂടെയാണു രോഗബാധയുണ്ടായത്. ഇതില്‍ ആറു പേര്‍ ആരോഗ്യപ്രവര്‍ത്തകരാണ്.

രോഗലക്ഷണങ്ങളെത്തുടര്‍ന്നു ജില്ലയില്‍ 1,530 പേരെക്കൂടി നിരീക്ഷണത്തിലാക്കി. ഇവരടക്കം ആകെ 22,316 പേര്‍ വീടുകളിലും 55 പേര്‍ സ്ഥാപനങ്ങളിലും ക്വാറന്റൈനില്‍ കഴിയുന്നുണ്ട്. ഇന്നലെവരെ നിരീക്ഷണത്തിലുണ്ടായിരുന്ന 1,312 പേര്‍ രോഗലക്ഷണങ്ങളില്ലാതെ നിരീക്ഷണകാലം പൂര്‍ത്തിയാക്കി.

**വട്ടിയൂര്‍ക്കാവ് കുടുംബോരോഗ്യ കേന്ദ്രത്തില്‍ സംസ്ഥാനതല ആരംഭം

**മന്ത്രി കെ.കെ. ശൈലജ ടീച്ചര്‍ പങ്കെടുക്കും

അഞ്ചു വയസിന് താഴെ പ്രായമുള്ള കുട്ടികള്‍ക്കുള്ള പള്‍സ് പോളിയോ പ്രതിരോധ തുള്ളിമരുന്ന് ഇന്ന്(31 ജനുവരി) വിതരണം ചെയ്യും. ആരോഗ്യ വകുപ്പ് മന്ത്രി കെ.കെ. ശൈലജ ടീച്ചറുടെ സാന്നിധ്യത്തില്‍ രാവിലെ എട്ടു മണിക്ക് തിരുവനന്തപുരം വട്ടിയൂര്‍ക്കാവ് കുടുംബാരോഗ്യ കേന്ദ്രത്തില്‍ വച്ചാണ് തുള്ളിമരുന്ന് വിതരണത്തിന് തുടക്കമിടുന്നത്. വി.കെ. പ്രശാന്ത് എം.എല്‍.എ., മേയര്‍ ആര്യാ രാജേന്ദ്രന്‍, ജില്ലാ പഞ്ചായത്ത് പ്രസിഡന്റ് ഡി. സുരേഷ്‌കുമാര്‍ തുടങ്ങിയവരും പങ്കെടുക്കും.

കാസര്‍കോട് ജില്ല സായുധ സേന ക്യാമ്പില്‍ ക്യാമ്പ് ഫോളോവര്‍മാരുടെ (സ്വീപ്പര്‍, കുക്ക്, ബാര്‍ബര്‍, ധോബി) ഒഴിവുകളിലേക്ക് അപേക്ഷിക്കാം. അഭിമുഖം ഫെബ്രുവരി അഞ്ചിന് രാവിലെ 10 ന്   ജില്ല സായുധ സേന ക്യാമ്പില്‍  നടക്കും. മുന്‍പരിചയമുള്ളവര്‍ക്ക് മുന്‍ഗണന ലഭിക്കും.

ബേളൂര്‍ ഗവ. യുപി സ്‌കൂളില്‍ നിര്‍മ്മിക്കുന്ന പുതിയ കെട്ടിടങ്ങളുടെ ശിലാസ്ഥാപനം റവന്യൂഭവന നിര്‍മ്മാണ വകുപ്പ് മന്ത്രി ഇ ചന്ദ്രശേഖരന്‍ നിര്‍വഹിച്ചു. സംസ്ഥാന  ബജറ്റ് വിഹിതത്തില്‍ നിന്നും ഒരു കോടി രൂപയും മന്ത്രി ഇ ചന്ദ്രശേഖരന്റെ ആസ്തി വികസന ഫണ്ടില്‍ നിന്ന് 50 ലക്ഷം രൂപയും ഉപയോഗിച്ചാണ് കെട്ടിടങ്ങള്‍ നിര്‍മ്മിക്കുക.   

പുല്ലൂര്‍ ഇരിയ  ഗവ.ഹൈസ്‌കൂളിലെ പുതിയ കെട്ടിടം റവന്യൂഭവന നിര്‍മ്മാണ വകുപ്പ് മന്ത്രി ഇ ചന്ദ്രശേഖരന്‍ ഉദ്ഘാടനം ചെയ്തു.

കെ കുഞ്ഞിരാമന്‍ എംഎല്‍എയുടെ ആസ്തി വികസന ഫണ്ടില്‍ നിന്നും 35 ലക്ഷം രൂപ ചിലവിലാണ് കെട്ടിടം നിര്‍മ്മിച്ചത്. സ്‌കൂളിലെ പ്രധാന ഓഫീസിനോട് ചേര്‍ന്ന് നിര്‍മ്മിച്ച പുതിയ കെട്ടിടത്തില്‍  നാല് ക്ലാസ് മുറികളാണുള്ളത്.

വിവിധ സേവനങ്ങള്‍ക്കായി ജനങ്ങള്‍ സര്‍ക്കാര്‍ ഓഫീസിലെത്തുമ്പോള്‍ സൗഹാര്‍ദ്ദപരമായി ഇടപഴകാന്‍  ജീവനക്കാര്‍ ശ്രദ്ധിക്കണമെന്നും ജോലിത്തിരക്കുകള്‍ക്കിടയില്‍ കഷ്ടപ്പെടുന്ന ജീവനക്കാരെ മനസ്സിലാക്കാന്‍ പൊതുജനങ്ങള്‍ക്ക് കഴിയണമെന്നും റവന്യുഭവന നിര്‍മ്മാണ വകുപ്പ് മന്ത്രി ഇ. ചന്ദ്രശേഖരന്‍ പറഞ്ഞു.  വെള്ളരിക്കുണ്ട് താലൂക്കിലെ ഭീമനടി വില്ലേജ് ഓഫീസിനോട് ചേര്‍ന്ന് നിര്‍മ്മിച്ച ട്വിന്‍ ക്വാര്‍ട്ടേഴ്‌സ് കെട്ടിടത്തിന്റെ ഉദ്ഘാടനം നിര്‍വ്വഹിച്ച് സംസാരിക്കുകയായിരുന്നു മന്ത്രി.