ഗ്രീക്കോ റോമന്‍ സ്റ്റൈല്‍ റസ്ലിങ്  സംസ്ഥാന ഓപ്പണ്‍ സെലക്ഷന്‍ ട്രയല്‍സ് ഫെബ്രുവരി ആറിന് തിരുവനന്തപുരത്ത് നടക്കും. ജില്ലയില്‍ നിന്ന് ട്രയല്‍സില്‍ പങ്കെടുക്കാന്‍ താത്പര്യമുള്ളവര്‍ ഫെബ്രുവരി  മൂന്നിനകം ജില്ലാ റസ്ലിങ് ഓഫീസില്‍ ബന്ധപ്പെടണം. പങ്കെടുക്കുന്നവര്‍  നാലിനകം കോവിഡ് ആന്റിജന്‍ ടെസ്റ്റ് നടത്തി നെഗറ്റീവ് സര്‍ട്ടിഫിക്കറ്റ് സെക്രട്ടറിയുടെ 9895802441 എന്ന നമ്പറില്‍ അയക്കണം. ഫോണ്‍: 9895802441.

ഭാവി കേരളത്തിന്റെ സൃഷ്ടിക്ക് ദിശാബോധം നല്‍കുക എന്ന ലക്ഷ്യത്തോടെ ഒന്‍പതു സുപ്രധാന മേഖലകളില്‍ നടപ്പിലാക്കേണ്ട പരിപാടികള്‍ നിര്‍ദേശിക്കാന്‍ സംസ്ഥാന ആസൂത്രണ ബോര്‍ഡ്  'കേരള ലുക്‌സ് എഹെഡ്ഡ്' എന്ന വിപുലമായ രാജ്യാന്തര സമ്മേളനം ഫെബ്രുവരി ഒന്നു മുതല്‍ മൂന്നുവരെ സംഘടിപ്പിക്കുന്നു. ലോകപ്രശസ്തരായ വിദഗ്ധര്‍ പങ്കെടുത്ത് സംസാരിക്കും. കോവിഡിന്റെ പ്രത്യേക സാഹചര്യത്തില്‍ കോണ്‍ഫറന്‍സ് പൂര്‍ണമായും ഓണ്‍ലൈനായാണ് സംഘടിപ്പിക്കുന്നത്.
 

ജില്ലയില്‍ 166 ആരോഗ്യ ഉപകേന്ദ്രങ്ങള്‍ ആരോഗ്യ സൗഖ്യ കേന്ദ്രങ്ങളാകുന്നു
 

പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി നിലമ്പൂര്‍ ഗവ. മാനവേദന്‍ സ്‌കൂള്‍ മികവിന്റെ കേന്ദ്രം പദ്ധതി ഫെബ്രുവരി ആറിന് മുഖ്യമന്ത്രി പിണറായി വിജന്‍ നാടിന് സമര്‍പ്പിക്കും. രാവിലെ 10ന് വീഡിയോ കോണ്‍ഫറന്‍സിലൂടെയാണ് ഉദ്ഘാടനം. വിദ്യാഭ്യാസ വകുപ്പ് മന്ത്രി സി. രവീന്ദ്രനാഥ് അധ്യക്ഷനാകും. പി.വി അന്‍വര്‍  എം.എല്‍.എ ശിലാസ്ഥാപനം നിര്‍വഹിക്കും. എം.പിമാരായ പി.വി അബ്ദുള്‍ വഹാബ്, രാഹുല്‍ഗാന്ധി, നിലമ്പൂര്‍ ആയിഷ എന്നിവര്‍ പരിപാടിയില്‍ മുഖ്യാതിഥികളാവും.