* അർഹർക്ക് ക്വാർട്ടേഴ്സ് ലഭ്യമാക്കുക സർക്കാർ നയം -മുഖ്യമന്ത്രി
തിരുവനന്തപുരം മ്യൂസിയം ഒബ്സർവേറ്ററി ഹില്ലിൽ സർക്കാർ ജീവനക്കാർക്കായി രണ്ട് ബഹുനില ക്വാർട്ടേഴ്സുകളുടെ ഉദ്ഘാടനം മുഖ്യമന്ത്രി പിണറായി വിജയൻ വീഡിയോ കോൺഫറൻസിലൂടെ നിർവഹിച്ചു. ഏറ്റവും അർഹർക്ക് ഇത്തരം ക്വാർട്ടേഴ്സുകൾ ലഭ്യമാക്കുകയാണ് സർക്കാർ നയമെന്ന് മുഖ്യമന്ത്രി പിണറായി വിജയൻ പറഞ്ഞു.

ജില്ലയില്‍ ഇന്നലെ(ജനുവരി 30) 688 പേര്‍ക്ക് കോവിഡ് സ്ഥിരീകരിച്ചു. 430 പേര്‍ രോഗമുക്തി നേടി. മുനിസിപ്പാലിറ്റികളില്‍ പരവൂര്‍, പുനലൂര്‍, കരുനാഗപ്പള്ളി എന്നിവിടങ്ങളിലും ഗ്രാമപഞ്ചായത്തുകളില്‍ കുലശേഖരപുരം, വെട്ടിക്കവല, ഇളമ്പള്ളൂര്‍, കുളക്കട, ചവറ, തെക്കുംഭാഗം, ചിതറ, വിളക്കുടി, തൃക്കരുവ, തേവലക്കര, ഇട്ടിവ, കൊറ്റങ്കര, തലവൂര്‍, അലയമണ്‍, ഇടമുളയ്ക്കല്‍, പത്തനാപുരം, മയ്യനാട്, പവിത്രേശ്വരം, ആദിച്ചനല്ലൂര്‍, ഇളമാട്, ഏരൂര്‍, പ•ന ഭാഗങ്ങളിലുമാണ് രോഗബാധിതര്‍ കൂടുതലുള്ളത്.

ജില്ലയില്‍ ഇതുവരെ 9747 പേര്‍ക്ക് കോവിഡ് വാക്‌സിന്‍ നല്‍കി. ഇന്നലെ(ജനുവരി 30) 834 പേര്‍ക്കാണ് വാക്‌സിന്‍ നല്‍കിയത്. കേന്ദ്രം, വാക്‌സിന്‍ നല്‍കിയ കണക്ക് എന്ന ക്രമത്തില്‍ ചുവടെ.
പാരിപ്പള്ളി സര്‍ക്കാര്‍ മെഡിക്കല്‍ കോളജ്-129, ജില്ലാ അയുര്‍വേദ ആശുപത്രി-82, മെഡിസിറ്റി മെഡിക്കല്‍ കോളജ്-100, സി എച്ച് സി അഞ്ചല്‍-101, സി എച്ച് സി തൃക്കടവൂര്‍-77, നായേഴ്‌സ് ആശുപത്രി-85, സി എച്ച് സി ഓച്ചിറ-80, ഹോളിക്രോസ് ആശുപത്രി-100, അസീസിയ മെഡിക്കല്‍ കോളജ്-80.
(പി.ആര്‍.കെ നമ്പര്‍.306/2021)

മഹാത്മാഗാന്ധിയുടെ രക്തസാക്ഷിത്വ ദിനം വിവിധ ചടങ്ങുകളോടെ ആചരിച്ചു. കൊല്ലം ഗാന്ധിപാര്‍ക്കില്‍ നടന്ന ചടങ്ങില്‍ മേയര്‍ പ്രസന്ന ഏണസ്റ്റ്, എം നൗഷാദ് എം എല്‍ എ, എന്‍ കെ പ്രേമചന്ദ്രന്‍ എം പി, ജില്ലാ കലക്ടര്‍ ബി അബ്ദുല്‍ നാസര്‍, ഡെപ്യൂട്ടി മേയര്‍ കൊല്ലം മധു തുടങ്ങിയവര്‍ ഗാന്ധി പ്രതിമയില്‍ ഹാരാര്‍പ്പണം നടത്തി. തുടര്‍ന്ന്  മേയര്‍ രക്തസാക്ഷിത്വ ദിന സന്ദേശം നല്‍കി.

കുളത്തൂപ്പുഴ സര്‍ക്കാര്‍ ഐ ടി ഐ യില്‍ എസ് സി വി ടി ഫിറ്റര്‍(മെട്രിക്), പ്ലംബര്‍(നോണ്‍ മെട്രിക്) ട്രേഡുകളില്‍ പ്രവേശനത്തിന് ഫെബ്രുവരി അഞ്ചുവരെ അപേക്ഷിക്കാം. അപേക്ഷാ ഫോമും അനുബന്ധ വിവരങ്ങളും കുളത്തൂപ്പുഴ അഅര്‍ പി എല്‍ എസ്റ്റേറ്റ് ഓഫീസിലും ഇളമാട് സര്‍ക്കാര്‍ ഐ ടി ഐ യിലും ലഭിക്കും. ഫോണ്‍: 0474-2671715.
(പി.ആര്‍.കെ നമ്പര്‍.300/2021)