കർഷകർക്കുള്ള പരിശീലന ക്ലാസ്സുകൾ ഫെബ്രുവരി 2 മുതൽ

കൃഷിവകുപ്പിന്റെ എറണാകുളം, തൃശൂര്‍ ജില്ലകളുടെ പരിശീലന കേന്ദ്രമായ ആര്‍.എ.റ്റി.റ്റി.സി നെട്ടൂരില്‍ ഫെബ്രുവരി മാസത്തില്‍ കര്‍ഷകര്‍ക്കായി വിവിധ വിഷയങ്ങളില്‍ പരിശീലന ക്ലാസ്സുകള്‍ സംഘടിപ്പിക്കുന്നു. ഓരോ ക്ലാസ്സിലും ആദ്യം രജിസ്റ്റര്‍ ചെയ്യുന്ന 25 പേർക്ക് പങ്കെടുക്കാം. ഫെബ്രുവരി 2ന് വാഴക്കൃഷി, 3, 4 തീയതികളില്‍ മത്സ്യക്കൃഷി, അക്വാപോണിക്‌സ്, മഴമറ, 5ന് നെൽക്കൃഷി എന്ന വിഷയങ്ങളിലാണ് ക്ലാസ്സുകള്‍ നടക്കുക. രജിസ്‌ട്രേഷനും വിശദ വിവരങ്ങൾക്കും 0484 2703094 എന്ന നമ്പറില്‍ ബന്ധപ്പെടുക.

അപേക്ഷ ക്ഷണിച്ചു

പട്ടികജാതി വിഭാഗത്തിൽപ്പെട്ട വിദ്യാർത്ഥികൾക്ക് മെഡിക്കൽ/എൻജിനീയറിങ് പരീക്ഷാ പരിശീലനത്തിന് അപേക്ഷ ക്ഷണിച്ചു.
അസ്സൽ ജാതി, വരുമാന സർട്ടിഫിക്കറ്റുകൾ എസ്.എസ്.എൽ.സി മാർക്ക് ലിസിസ്റ്റ് സാക്ഷ്യപ്പെടുത്തിയ പകർപ്പ്, ബാങ്ക് പാസ്സ് ബുക്കിൻ്റെ കോപ്പി എന്നിവ സഹിതം ബ്ലോക്ക് / മുൻസിപ്പാലിറ്റി / കോർപ്പറേഷൻ പട്ടികജാതി വികസന ഓഫീസർക്ക് ഫെബ്രുവരി 12 ന് വൈകീട്ട് 5ന് മുമ്പ് സമർപ്പിക്കണം.
 ഫോൺ: 0487 2360381, 0487 2362381
ഇ-മെയിൽ:ddosctcr@gmail.com

റോഡ് സുരക്ഷാ മാസാചരണവുമായി ബന്ധപ്പെട്ട് മോട്ടോർ വാഹന വകുപ്പിൻ്റെ എൻഫോഴ്സ്മെൻ്റ് വിഭാഗം പൊതുജനങ്ങളിൽ നിന്നും റോഡ് സുരക്ഷയെ ബാധിക്കുന്ന പരാതികൾ സ്വീകരിക്കുന്നു. ജില്ലയുടെ പരിധിയിൽ വരുന്ന ഏതു പ്രദേശങ്ങളിലെയും റോഡ് സുരക്ഷയുമായി ബന്ധപ്പെട്ട അപാകതകൾ ചൂണ്ടിക്കാണിക്കുന്നതിനാണിത്. ഇങ്ങനെ പൊതുജനങ്ങളാൽ കണ്ടെത്തുന്ന സുരക്ഷാ ദീക്ഷണികൾക്ക് സമഗ്രമായ പ്രശ്ന പരിഹാരം നടപ്പാക്കുന്നതിനും അപകടരഹിത ജില്ലയാക്കി മാറ്റുന്നതിനുമാണ് വകുപ്പ് ലക്ഷ്യം വയ്ക്കുന്നത്.  

നിയമസഭാ തിരഞ്ഞെടുപ്പ്: വോട്ടിങ് മെഷീനുകളിൽ മോക് പോൾ നടത്തി 

2021 ലെ കേരള നിയമസഭാ മണ്ഡലങ്ങളിലേക്കുള്ള പൊതു തിരഞ്ഞെടുപ്പിന് മുന്നോടിയായി  ഇലക്ട്രോണിക് വോട്ടിംഗ് മെഷീനുകളിൽ മോക് പോൾ നടത്തി.
തിരഞ്ഞെടുപ്പ് സജ്ജീകരണങ്ങളുടെ ഒന്നാം ഘട്ട 
പരിശോധനയുടെ ഭാഗമായി 
 ജില്ലാ കലക്ടർ എസ് ഷാനവാസിന്റെ നേതൃത്വത്തിലായിരുന്നു  മോക് പോൾ.

സാന്ത്വന സ്പർശം; ജില്ലയിൽ ലഭിച്ചത് 6383 പരാതികൾ 

സാന്ത്വന സ്പർശം പരാതി പരിഹാര അദാലത്തിൽ ജില്ലയിൽ ഏഴ് താലൂക്കുകളിലായി 6383 ഓൺലൈൻ പരാതികൾ ലഭിച്ചു. തലപ്പിള്ളി 604, ചാവക്കാട് 1182, തൃശ്ശൂർ 1772, കൊടുങ്ങല്ലൂർ 624, മുകുന്ദപുരം 773, ചാലക്കുടി 990, കുന്നംകുളം 961 എന്നിങ്ങനെയാണ് താലൂക്കുകളിൽ വന്ന പരാതികളുടെ എണ്ണം. ജില്ലയിൽ ലഭിച്ച പരാതികളിൽ അധികവും പ്രളയവുമായി ബന്ധപ്പെട്ട സാമ്പത്തിക സഹായം, പ്രസവാനന്തര ആനുകൂല്യം, റേഷൻ കാർഡ്, ദുരിതാശ്വാസ നിധി എന്ന വിഭാഗങ്ങളിൽ നിന്നാണ്.

മതിലകത്തും മുനയ്ക്കലും മുസിരിസ് ബോട്ട് ജെട്ടി; നിർമാണോദ്ഘാടനം ഫെബ്രു. ഒന്നിന്

മുസിരിസ് ബോട്ട് ജെട്ടി ശൃംഖലയിലെ പതിനൊന്നാമത്തെയും പന്ത്രണ്ടാമത്തെയും ബോട്ട് ജെട്ടികളുടെ നിർമാണം ആരംഭിക്കുന്നു. മതിലകം ബംഗ്ലാവ് കടവിലും മുനയ്ക്കൽ മുസിരിസ് ഡോൾഫിൻ ബീച്ചിലുമായാണ് ബോട്ട് ജെട്ടികൾ നിർമിക്കുക. നിർമാണോദ്ഘാടനം ഫെബ്രു. ഒന്നിന് ടൂറിസം വകുപ്പ്മന്ത്രി കടകംപള്ളി സുരേന്ദ്രൻ ഓൺലൈനായി നിർവഹിക്കും. 

നഗരസുരക്ഷയ്ക്ക് കുന്നംകുളത്ത് ജനകീയ ക്യാംപെയ്ൻ  

അഗ്നിരക്ഷയ്ക്ക് പുതിയ സംവിധാനം

നഗര സുരക്ഷയുടെ ഭാഗമായി കുന്നംകുളത്ത് ജനകീയ ക്യാംപെയ്ൻ സംഘടിപ്പിക്കും. തദ്ദേശ സ്വയം ഭരണ വകുപ്പു മന്ത്രി എ സി മൊയ്തീൻ നഗരസഭയിൽ വിളിച്ചു ചേർത്ത യോഗത്തിലാണ് തീരുമാനം. കഴിഞ്ഞ ദിവസം യേശുദാസ് റോഡിലെ ആക്രി സാധനങ്ങൾ കൂട്ടിയിട്ട സ്ഥലങ്ങളിൽ തീപിടിച്ചതിനെ തുടർന്ന് സമീപത്തെ കടകൾക്കു നാശനഷ്ടമുണ്ടായ സാഹചര്യത്തിലാണ് മന്ത്രി അടിയന്തിര യോഗം വിളിച്ചത്.

കലാസാഗര്‍ പുരസ്‌കാരത്തിന് നാമനിര്‍ദ്ദേശം ക്ഷണിച്ചു

തൃശ്ശൂര്‍ ജില്ലയില്‍ 524 പേര്‍ക്ക് കൂടി കോവിഡ്, 524 പേര്‍ രോഗമുക്തരായി.

സംസ്ഥാന സര്‍ക്കാരിന്റെ നൂറുദിന കര്‍മ്മപരിപാടിയുടെ ഭാഗമായി പത്തനംതിട്ട ജില്ലയില്‍ ഫെബ്രുവരി 15, 16, 18 തീയതികളില്‍ മൂന്നു മന്ത്രിമാരുടെ നേതൃത്വത്തില്‍ നടക്കുന്ന സാന്ത്വന സ്പര്‍ശം പരാതി പരിഹാര അദാലത്തില്‍ പരമാവധി പരാതികള്‍ തീര്‍പ്പാക്കുമെന്ന് ഭക്ഷ്യപൊതുവിതരണ വകുപ്പ് സെക്രട്ടി പി.വേണുഗോപാല്‍ പറഞ്ഞു. ഫെബ്രുവരി മൂന്നു മുതല്‍ ഒന്‍പതു വരെ പരാതികള്‍ സ്വീകരിക്കും. അദാലത്തിനു മുമ്പുതന്നെ ലഭിക്കുന്ന പരാതികള്‍ പരിഹരിക്കാന്‍ ശ്രമിക്കുമെന്നും അദ്ദേഹം പറഞ്ഞു.