കൊച്ചി: കൃഷി വകുപ്പിന്റെ എറണാകുളം, തൃശൂര്‍ ജില്ലകളുടെ പരിശീലന കേന്ദ്രമായ ആര്‍.എ.റ്റി.റ്റി.സി നെട്ടൂരില്‍ ഫെബ്രുവരി മാസത്തില്‍ കര്‍ഷകര്‍ക്കായി വിവിധ വിഷയങ്ങളില്‍ പരിശീലന ക്ലാസ്സുകള്‍ സംഘടിപ്പിക്കുന്നു. ഓരോ ക്ലാസ്സിലും ആദ്യം രജിസ്റ്റര്‍ ചെയ്യുന്ന 25 പേര്‍ക്കായിരിക്കും പങ്കെടുക്കുവാന്‍ സാധിക്കുന്നത്. രണ്ടിന് വാഴക്കൃഷി, മൂന്ന്, നാല് തീയതികളില്‍ മത്സ്യക്കൃഷി, അക്വാപോണിക്‌സ്, മഴമറ, അഞ്ചിന് നെല്‍കൃഷി എന്ന വിഷയത്തിലുമായിരിക്കും ക്ലാസ്സുകള്‍ നടക്കുന്നത്. രജിസ്‌ട്രേഷനായി 0484 2703094 നമ്പറില്‍ ബന്ധപ്പെടുക.

കളമശ്ശേരി: അറിവും കഴിവുകളും വികസിപ്പിച്ച് തൊഴിൽമേഖലയിലെ അവസരങ്ങൾ പ്രയോജനപ്പെടുത്താൻ യുവതലമുറയ സജ്ജരാക്കുന്നതിന് നൈപുണ്യവികസന പദ്ധതികൾ വ്യാപിപ്പിക്കുമെന്ന് തൊഴിൽ, നൈപുണ്യ വകുപ്പ് മന്ത്രി ടി. പി. രാമകൃഷ്ണൻ. കളമശ്ശേരി ഗവൺമെൻ്റ് ഐ. ടി. ഐ. യുടെ പുതിയ വർക് ഷോപ്പ് കോംപ്ലെക്സിന്റെയും നവീകരിച്ച ആർ. ഐ. സെന്ററിന്റെയും  ഉദ്ഘാടനം  നിർവഹിക്കുകയായിരുന്നു അദ്ദേഹം.

കേരള മീഡിയ അക്കാദമി വനിതാ ഹോസ്റ്റൽ മേട്രൺ തസ്തികയിലേക്ക് നിയമനം നടത്തുന്നു. ഇതിനുള്ള വാക്ക് ഇൻ ഇൻറർവ്യൂ എട്ടിന് രാവിലെ 11.30ന് കാക്കനാട് മീഡിയ അക്കാദമിയിൽ നടക്കും.

കെൽട്രോണിന്റെ മൂന്ന് മാസം ദൈർഘ്യമുള്ള അഡ്വാൻസ്ഡ് ലാൻഡ് സർവ്വെ, സിവിൽ ആർക്കിറ്റെക്ചർ ഡ്രോയിങ്ങ്, ഓട്ടോ കാഡ്, ഒരു മാസം ദൈർഘ്യമുള്ള ടോട്ടർ സ്റ്റേഷൻ സർവ്വെ എന്നീ ഹ്രസ്വകാല സർട്ടിഫിക്കറ്റ് കോഴിസുകളിലേക്ക് എസ്.എസ്.എൽ.സി, ഐ.റ്റി.ഐ, ഡിപ്ലോമ, ബി.ടെക് യോഗ്യതയുള്ളവർക്ക് അപേക്ഷിക്കാം. വിശദവിവരങ്ങൾക്ക് കെൽട്രോൺ നോളജ് സെന്റർ, രണ്ടാം നില, ചെമ്പിക്കലം ബിൽഡിംഗ്, ബേക്കറി ജംഗ്ഷൻ, വഴുതയ്ക്കാട് എന്ന വിലാസത്തിൽ ബന്ധപ്പെടുക. ഫോൺ: 8136802304, 0471 2325154.
പി.എൻ.എക്സ്. 516/2021
 

മൃഗക്ഷേമവുമായി ബന്ധപ്പെട്ട്  പെറ്റ് ഷോപ്പ് റൂൾ, മാർക്കറ്റ് റൂൾ, നാട്ടാന പരിപാലന നിയമം, ഡോഗ് ബ്രീഡിങ് റൂൾ, പി.സി.എ ആക്ട്, എ.ബി.സി ഡോഗ് റൂൾ, പഞ്ചായത്ത് രാജ് ആക്ട് എന്നീ നിയമങ്ങളെ സംബന്ധിച്ച് തിരുവനന്തപുരം ജില്ലാ വെറ്ററിനറി കേന്ദ്രം ബോധവത്കരണ വെബിനാർ സംഘടിപ്പിക്കുന്നു. വെബിനാറിൽ പങ്കെടുക്കുന്നതിന് താല്പര്യമുള്ളവർ 9387294797 നമ്പറിൽ ബന്ധപ്പെട്ട്  ഫെബ്രുവരി ഏഴിനകം രജിസ്റ്റർ ചെയ്യണം.
പി.എൻ.എക്സ്. 515/2021

ഇൻസ്റ്റിറ്റ്യൂട്ട് ഓഫ് മാനേജ്‌മെന്റ് ഇൻ ഗവൺമെന്റിന്റെ (ഐ.എം.ജി) കൊച്ചി, കോഴിക്കോട് കേന്ദ്രങ്ങളിൽ ഡെപ്യൂട്ടേഷൻ വ്യവസ്ഥയിൽ ഫാക്കൽറ്റിമാരെ നിയമിക്കുന്നു. നിശ്ചിത യോഗ്യതയുള്ള ഗവൺമെന്റ് ജീവനക്കാർക്ക് മാർച്ച് ഒന്നു വരെ അപേക്ഷ നൽകാം. വിശദവിവരങ്ങൾക്ക്:www.img.kerala.gov.in.    
പി.എൻ.എക്സ്. 514/2021
 

 1.ഓൺലൈൻ രജിസ്‌ട്രേഷൻ 2021 ജനുവരി 30ന് ആരംഭിക്കും. പൂർണമായും കോവിഡ് മാനദണ്ഡങ്ങൾ പാലിച്ചുകൊണ്ട് തിരുവനന്തപുരത്ത് ഫെബ്രുവരി 10 മുതൽ 14 വരെയും കൊച്ചിയിൽ ഫെബ്രുവരി 17 മുതൽ 21 വരെയും തലശ്ശേരിയിൽ ഫെബ്രുവരി 23 മുതൽ 27 വരെയും പാലക്കാട് മാർച്ച് 1 മുതൽ 5 വരെയും ആണ് മേള നടക്കുന്നത്.

2  ജനുവരി 30 മുതൽ ആണ് മേള നടക്കുന്ന നാല് മേഖലകളിലേയും (തിരുവനന്തപുരം ,എറണാകുളം ,കണ്ണൂർ ,പാലക്കാട് ) ഓൺലൈൻ രജിസ്‌ട്രേഷൻ ആരംഭിക്കുന്നത്.

ജില്ലയില്‍ 26 കേന്ദ്രങ്ങളിലായി ഇന്ന്(ജനുവരി 29) കോവിഡ് വാക്‌സിന്‍ ഒന്നാം ഡോസ് കുത്തിവെപ്പെടുത്തത് 2269 ആരോഗ്യ പ്രവർത്തകര്‍ (514 പുരുഷൻമാരും 1755 സ്ത്രീകൾ). രജിസ്റ്റർ ചെയ്തവരിൽ 2600 പേർക്കാണ് ഇന്ന് കുത്തിവെപ്പ് നിശ്ചയിച്ചിരുന്നത്. വാക്സിൻ എടുത്ത ആർക്കും തന്നെ പറയത്തക്ക ആരോഗ്യ പ്രശ്നങ്ങളോ അസ്വസ്തതകളോ റിപ്പോർട്ട് ചെയ്തിട്ടില്ല. ഇതോടെ ആദ്യ ഡോസ് വാക്സിൻ സ്വീകരിച്ചവരുടെ ആകെ എണ്ണം 11259 ആയി.
 

പാലക്കാട് ജില്ലയില്‍ ഇന്ന് (ജനുവരി 29) 259 പേര്‍ക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതര്‍ അറിയിച്ചു. ഇതില്‍ സമ്പര്‍ക്കത്തിലൂടെ രോഗബാധ ഉണ്ടായ 130 പേര്‍, ഉറവിടം അറിയാതെ രോഗം ബാധിച്ച 113 പേര്‍,  ഇതര സംസ്ഥാനത്ത്  നി ന്നും വിദേശത്തുനിന്നുമായി വന്ന 13 പേര്‍, 3 ആരോഗ്യ പ്രവർത്തകൻ എന്നിവര്‍ ഉള്‍പ്പെടും. 821 പേര്‍ക്ക് രോഗമുക്തി ഉള്ളതായും അധികൃതര്‍ അറിയിച്ചു.

ഇന്ന് രോഗം സ്ഥിരീകരിച്ചവരുടെ വിവരങ്ങൾ

പാലക്കാട് സ്വദേശികൾ - 28 പേർ

ചെർപ്പുളശ്ശേരി സ്വദേശികൾ - 18 പേർ

ഒറ്റപ്പാലം, ശ്രീകൃഷ്ണപുരം സ്വദേശികൾ - 13 പേർ വീതം