പാലക്കാട് വ്യാവസായിക ട്രൈബ്യൂണൽ സാബു സെബാസ്റ്റ്യൻ ഫെബ്രുവരി ഒന്ന്, രണ്ട്, എട്ട്, ഒൻപത്, 15, 16, 22, 23 തിയതികളിൽ പാലക്കാട് റവന്യൂ ഡിവിഷണൽ മജിസ്‌ട്രേറ്റ് കോടതി ഹാളിൽ സിറ്റിംഗ് നടത്തുന്നു. അഞ്ചിനും 11നും പെരിന്തൽമണ്ണ സബ്ബ് ഡിവിഷണൽ മജിസ്‌ട്രേറ്റ് കോടതി ഹാളിലും 19നും 26നും മഞ്ചേരി ഇന്ദിരാഗാന്ധി ബസ് ടെർമിനൽ ബിൽഡിംഗിലെ ഒന്നാംനിലയിലെ കോടതി ഹാളിലും തൊഴിൽ തർക്ക കേസ്സുകളും, ഇൻഷൂറൻസ് കേസ്സുകളും എംപ്ലോയീസ് കോമ്പൻസേഷൻ കേസ്സുകളും വിചാരണ ചെയ്യും.
പി.എൻ.എക്സ്. 498/2021

മഹാത്മാ ഗാന്ധിയുടെ ചരമ വാർഷിക ദിനാചരണത്തിന്റെ ഭാഗമായി ഇന്ന് (ജനുവരി 30) രാവിലെ 9.30 ന് നിയമസഭാ സമുച്ചയത്തിലെ ഗാന്ധിപ്രതിമയിൽ സ്പീക്കർ പി. ശ്രീരാമകൃഷ്ണനും ഡെപ്യൂട്ടി സ്്പീക്കർ വി. ശശിയും ഹാരാർപ്പണവും പുഷ്്പാർച്ചനയും നടത്തും.
പി.എൻ.എക്സ്. 497/2021

കേരള സംസ്ഥാന നിയമ സേവന അതോറിറ്റിയുടെ കീഴിലുള്ള തിരുവനന്തപുരത്തുള്ള സ്ഥിരംലോക് അദാലത്തിലേക്ക് അംഗമായി നിയമിക്കുന്നതിനുള്ള അപേക്ഷ ക്ഷണിച്ചു. വിശദവിവരങ്ങൾക്ക്:www.kelsa.nic.in.
പി.എൻ.എക്സ്. 496/2021

പാലോട് ജവഹർലാൽ നെഹ്‌റു ട്രോപ്പിക്കൽ ബൊട്ടാണിക് ഗാർഡൻ ആന്റ് റിസർച്ച് ഇൻസ്റ്റിറ്റ്യൂട്ടിലെ ഗവേഷണ പദ്ധതിയിൽ ജൂനിയർ റിസർച്ച് ഫെല്ലോ ഒഴിവുണ്ട്. ബയോഇൻഫോർമാറ്റിക്‌സിൽ ഒന്നാം ക്ലാസ്സ് ബിരുദാനന്തര ബിരുദവും നെറ്റ്/ഗേറ്റ്/ബിഇറ്റി/ബിഐഎൻസി എന്നിവയിൽ ഏതിലെങ്കിലുമുള്ള യോഗ്യതയും എംഎസ്സി പ്രോജക്റ്റ് വർക്കിലും ഗവേഷണ പ്രസിദ്ധീകരണത്തിലും ഉള്ള പരിചയവും ഉണ്ടായിരിക്കണം. പ്രായം 36 വയസ്സുവരെ. നിയമാനുസൃതമുള്ള വയസ്സിളവ് ബാധകം.

സ്ത്രീകളുടെ ക്ഷേമത്തിനും ഉന്നമനത്തിനും ശാക്തീകരണത്തിനുമായി മികച്ച പ്രവർത്തനങ്ങൾ കാഴ്ച വെച്ച സ്ഥാപനങ്ങൾക്കും വ്യക്തികൾക്കും കേന്ദ്ര സർക്കാർ നൽകുന്ന നാരിശക്തി പുരസ്‌കാരത്തിന് അപേക്ഷ ക്ഷണിച്ചു. സ്ത്രീകളുടെ ഉന്നമനത്തിനും, സ്ത്രീകളുടെ വിവിധ പ്രശ്‌നങ്ങളുമായി ബന്ധപ്പെട്ട് പ്രവർത്തിക്കുന്ന സ്ഥാപനങ്ങൾ, ഗ്രൂപ്പുകൾ എന്നിവയ്ക്കും സ്ത്രീകൾക്കെതിരെയുള്ള അതിക്രമങ്ങൾ തടയുന്നതിനായി ധീരമായി പ്രവർത്തിച്ചിട്ടുള്ളതും സ്ത്രീകളുടെ ശാക്തീകരണത്തിനും ക്ഷേമത്തിനുമായി അസാധാരണ പ്രവർത്തനങ്ങൾ കാഴ്ചവയ്ക്കുന്ന വനിതകൾക്കുമാണ് അവാർഡ്.

സംസ്ഥാന പട്ടികജാതി പട്ടികവർഗ വികസന കോർപ്പറേഷൻ തിരുവനന്തപുരം ജില്ലാ ഓഫീസിന്റെ ആഭിമുഖ്യത്തിൽ വായ്പാമേള നടത്തുന്നു. കുടുംബശ്രീ ഗ്രൂപ്പുകൾക്കുള്ള വായ്പ വിതരണം, സ്വയംതൊഴിൽ പദ്ധതികളുടെ പരിചയപ്പെടുത്തൽ, വിവിധ വായ്പ പദ്ധതികളുടെ അപേക്ഷ വിതരണം, പരാതി പരിഹാര ക്യാമ്പ് എന്നീ പരിപാടികളും മൂന്നിന് രാവിലെ 10.30 മുതൽ ഒരു മണിവരെ സെക്രട്ടറിയേറ്റിനു സമീപമുള്ള അദ്ധ്യാപക ഭവൻ ഹാളിൽ കോവിഡ് മാനദണ്ഡങ്ങൾ പാലിച്ച് നടക്കും.

ക്ഷേമനിധി അംഗങ്ങളായ ഭാഗ്യക്കുറി വിൽപ്പനക്കാർക്കുള്ള ചികിത്സാധനസഹായം 5,000 രൂപ മുതൽ 50,000 രൂപ വരെയും, വിവാഹ ധനസഹായം 25,000 രൂപയായും, പ്രസവാനുകൂല്യം 10,000 രൂപയായും വർദ്ധിപ്പിച്ചു. കൂടാതെ ക്ഷേമനിധി അംഗങ്ങളുടെ മക്കൾക്ക് ഹയർ സെക്കന്ററി പഠനത്തിന് പ്രതിവർഷം 1,500 രൂപയായും, ബിരുദ ബിരുദാനന്തര കോഴ്‌സുകൾക്ക് വർഷം തോറും 2,000 രൂപയായും, പ്രൊഫഷണൽ കോഴ്‌സുകൾക്ക് 3,000 രൂപ മുതൽ 7,000 രൂപ വരെയും ധനസഹായം വർദ്ധിപ്പിച്ചു. അപേക്ഷാ ഫോറങ്ങൾ തമ്പാനൂർ ബസ് ടെർമിനലിന്റെ മൂന്നാംനിലയിലുള്ള ജില്ലാ ഭാഗ്യക്കുറി ക്ഷേമനിധി ഓഫീസിൽ ലഭിക്കും. ഫോൺ: 0471-2325582.
പി.എൻ.എക്സ്. 492/2021

തിരു-കൊച്ചി മെഡിക്കൽ കൗൺസിലിൽ രജിസ്റ്റർ ചെയ്തിട്ടുള്ള ഭാരതീയ ചികിത്സാസമ്പ്രദായം ഡോക്ടർമാർക്ക് ഹോളോഗ്രാം പതിച്ച അതീവ സുരക്ഷാസർട്ടിഫിക്കറ്റിന് മാർച്ച് 31വരെ അപേക്ഷിക്കാം. കൂടുതൽ വിവരങ്ങൾക്ക്: www.automation.medicalcouncil.kerala.gov.in സന്ദർശിക്കുക.
പി.എൻ.എക്സ്. 491/2021

തിരുവനന്തപുരം ബാർട്ടൺഹിൽ സർക്കാർ എൻജിനിയറിങ് കോളേജിൽ സിവിൽ എൻജിനിയറിങ് വിഭാഗത്തിൽ സ്ട്രങ്ത് ഓഫ് മെറ്റിരിയൽ തസ്തികയിൽ ദിവസവേതനാടിസ്ഥാനത്തിൽ ട്രേഡ്‌സ്മാന്റെ ഒരു ഒഴിവുണ്ട്. ബന്ധപ്പെട്ട ട്രേഡിൽ സിവിൽ എൻജിനിയറിങിൽ ഐ.ടി.ഐ അല്ലെങ്കിൽ ഡിപ്ലോമ/ബി.ടെക് യോഗ്യതയുള്ളവർക്ക് അപേക്ഷിക്കാം. ഫെബ്രുവരി ഒന്നിന് രാവിലെ 10 ന് സിവിൽ എൻജിനിയറിങ് വിഭാഗത്തിലാണ് അഭിമുഖം. ഫോൺ: 0471-2300484.
പി.എൻ.എക്സ്. 490/2021