പ്രളയത്തിൽ തകർന്ന ഇടതുകര കനാലിന് ശാശ്വതപരിഹാരം: അക്വഡക്റ്റിന്റെ നിർമാണം ഉടൻ

പ്രളയത്തിൽ തകർന്ന പീച്ചി ഇടതുകര കനാലിന് ശാശ്വത പരിഹാരമാകുന്ന അക്വഡക്റ്റിന്റെ നിർമാണോദ്ഘാടനം കേരള ജലവിഭവ വകുപ്പ് മന്ത്രി കെ കൃഷ്ണൻകുട്ടി ഓൺലൈനായി നിർവഹിച്ചു. ജലസേചന വകുപ്പ് പീച്ചി പദ്ധതിയുടെ ഭാഗമായി അക്വഡക്റ്റ് നിർമാണപ്രവർത്തനങ്ങൾക്ക് റീബിൽഡ് കേരളയിൽ ഉൾപ്പെടുത്തി 2.90 കോടി ഫണ്ട് അനുവദിച്ചു. മലയോര മേഖയിലെ കൃഷിക്കും കുടിവെള്ള പദ്ധതികൾക്കും പ്രയോജനമാകുന്ന ഇടതുകര കനാലിന്റെ പുത്തൂർ ഗ്രാമപഞ്ചായത്തിലൂടെ കടന്നു പോകുന്ന ഭാഗമാണ് 2018ലെ പ്രളയത്തിൽ തകർന്നത്. 

ഓണ്‍ലൈനായി നടത്തിയ ജില്ലാ കളക്ടറുടെ കോഴഞ്ചേരി താലൂക്ക്തല പൊതുജന പരാതി പരിഹാര അദാലത്തില്‍ 7 പരാതി ലഭിച്ചതില്‍ 5 എണ്ണം പരിഹരിച്ചു. രണ്ടെണ്ണം അടുത്ത ഹിയറിംഗിനായി മാറ്റി. ജില്ലാ കളക്ടര്‍ ഡോ.നരസിംഹുഗാരി തേജ് ലോഹിത് റെഡ്ഡിയുടെ അധ്യക്ഷതയിലാണ് ഓണ്‍ലൈന്‍ അദാലത്ത് നടന്നത്. പരാതിക്കാര്‍ അക്ഷയ കേന്ദ്രങ്ങള്‍ മുഖേനയാണ് അദാലത്തില്‍ പങ്കെടുത്തത്. അക്ഷയകേന്ദ്രങ്ങളിലൂടെ മുന്‍കൂട്ടി പരാതി രജിസ്റ്റര്‍ ചെയ്തവര്‍ക്കാണ് ഓണ്‍ലൈനായി ഹാജരായി പ്രശ്‌നങ്ങള്‍ക്കു പരിഹാരം കാണാന്‍ അവസരം ലഭിച്ചത്.

ചാവക്കാട് ലൈഫ് മിഷൻ ഗുണഭോക്തൃ സംഗമം നടത്തി 

ചാവക്കാട് നഗരസഭയിൽ ലൈഫ് മിഷൻ തദ്ദേശ സ്ഥാപനതല ഗുണഭോക്തൃ സംഗമവും അദാലത്തും സംഘടിപ്പിച്ചു. രണ്ടര ലക്ഷം വീടുകൾ പൂർത്തീകരിച്ചതിന്റെ പ്രഖ്യാപനവും തദ്ദേശസ്ഥാപന തല ഗുണഭോക്തൃ സംഗമം, അദാലത്ത് എന്നിവയുടെ സംസ്ഥാനതല ഉദ്ഘാടനവും മുഖ്യമന്ത്രി പിണറായി വിജയൻ ഓൺലൈനായി നിർവഹിച്ചതിന്റെ ഭാഗമായി ചാവക്കാട് നഗരസഭയിലെ പരിപാടികൾ കെ വി അബ്ദുൽ ഖാദർ എംഎൽഎ ഉദ്ഘാടനം ചെയ്തു. 

കിഫ്ബി പദ്ധതി പ്രകാരം പീച്ചി ഗവ. ഹയർസെക്കൻഡറി സ്‌കൂളിന് അനുവദിച്ച മൂന്ന് കോടി രൂപയിൽ ഉൾപ്പെടുത്തി  നിർമ്മാണം പൂർത്തിയാക്കിയ പുതിയ ബ്ലോക്കിന്റെ ഉദ്ഘാടനം ഫെബ്രു. 6  ശനിയാഴ്ച രാവിലെ 9ന് മുഖ്യമന്ത്രി പിണറായി വിജയൻ നിർവഹിക്കും. വിദ്യാഭ്യാസ വകുപ്പ് മന്ത്രി പ്രൊഫ. സി. രവീന്ദ്രനാഥ് അധ്യക്ഷത വഹിക്കും. 

ലൈഫ്മിഷൻ : ഗുണഭോക്തൃ സംഗമവും അദാലത്തും നടത്തി

ലൈഫ്മിഷൻ 2.5 ലക്ഷം വീടുകളുടെ പൂർത്തീകരണ പ്രഖ്യാപനത്തിൻ്റെ ഭാഗമായി കാറളം പഞ്ചായത്തിൽ ഗുണഭോക്തൃ സംഗമവും അദാലത്തും സംഘടിപ്പിച്ചു.  ലൈഫ്മിഷൻ സമ്പൂർണ പാർപ്പിട സുരക്ഷാ പദ്ധതിയിൽ കാറളം പഞ്ചായത്തിൽ 91 ഭവന കരാറിലായി 75 വീടുകളുടെ നിർമാണം പൂർത്തീകരിച്ചു. ആദ്യഘട്ടത്തിൽ പഞ്ചായത്തിലെ 15 ഗുണഭോക്താക്കൾക്കും രണ്ടാം ഘട്ടത്തിൽ 60 ഗുണഭോക്താക്കൾക്കുമാണ് വീടുകൾ നിർമിച്ച് നൽകിയത്. ബാക്കിയുള്ള 16 വീടുകളിൽ 6 എണ്ണത്തിൻ്റെ നിർമാണം പുരോഗമിക്കുകയണ്. മറ്റ് 10 വീടുകളുടെ നിർമാണ തുകയിലേയ്ക്കായി ആദ്യ ഗഡുവും നൽകി കഴിഞ്ഞിട്ടുണ്ട്. 

ലൈഫ്മിഷൻ: 
മാടക്കത്തറ ഗ്രാമപഞ്ചായത്ത്  100 ശതമാനം വീടുകളുടെ പൂർത്തികരണത്തിലേക്ക്

ഒല്ലുക്കര ബ്ലോക്കിൽ ലൈഫ്മിഷൻ പദ്ധതിയിൽ രണ്ടാഘട്ടം പൂർത്തിയാക്കിയത് 319 ഭവനങ്ങൾ. 379 ഗുണഭോക്തകളാണ് കരാറിൽ ഏർപ്പെട്ടത്. ലൈഫ്മിഷൻ പദ്ധതയിൽ ബ്ലോക്കിൽ ഏറ്റവും കൂടുതൽ വീടുകളുടെ നിർമ്മാണം പൂർത്തിയാക്കിയത് പാണഞ്ചേരി ഗ്രാമപഞ്ചായത്താണ്.

മാടക്കത്തറ ഗ്രാമ പഞ്ചായത്തിൽ ലൈഫ്മിഷൻ പദ്ധതിയിൽ 73 വീടുകളുടെ നിർമ്മാണം പൂർത്തിയാക്കി . രണ്ടാം ഘട്ടം വീടുനിർമ്മാണം 98.2 ശതമാനവും മൂന്നാം ഘട്ടം 79 ശതമാനവും ഭവന നിർമാണം പൂർത്തിയാക്കാൻ ഗ്രാമ പഞ്ചായത്തിന് കഴിഞ്ഞു.79 ഗുണഭോക്തക്കളുമായാണ് കരാർ ഏർപ്പെട്ടത്.

ആരോഗ്യ സർവ്വകലാശാലയിൽ ബിരുദദാനച്ചടങ് നടന്നു 

കേരള ആരോഗ്യ സർവകലാശാലയിൽ പതിമൂന്നാമത് ബിരുദദാനച്ചടങ്ങ് നടന്നു. ഗവർണർ ആരിഫ് മുഹമ്മദ്‌ ഖാൻ ഓൺലൈനിലൂടെ ബിരുദദാന ചടങ്ങ് നിർവഹിച്ചു. 

രാജ്യം കണ്ടതിൽ ഏറ്റവും വലിയ വാക്സിനേഷൻ നടക്കുന്ന സമയത്താണ് ആരോഗ്യ സർവകലാശാലയുടെ ബിരുദ ദാനച്ചടങ്ങ് നടക്കുന്നതെന്ന് അദ്ദേഹം പറഞ്ഞു.300 മില്യൺ ജനങ്ങൾക്ക് ഈ വർഷം ജൂലായ്‌ മാസത്തിനകം കുത്തിവെയ്പ്പ് നൽകാനാണ് ഉദ്ദേശിക്കുന്നതെന്നും അദ്ദേഹം പറഞ്ഞു. 

ഡോക്ടർമാരും ശാസ്ത്രജ്ഞരും കൂടി റെക്കോർഡ് സമയത്തിനകം കണ്ടു പിടിച്ച രണ്ട് കോവിഡ് വാക്സിനുകളും ശാസ്ത്രത്തിന്റെ മഹത്തായ നേട്ടമാണെന്നും അദ്ദേഹം കൂട്ടിച്ചേർത്തു.

സംസ്ഥാന പരിസ്ഥിതി കാലാവസ്ഥ വ്യതിയാന ഡയറക്ടറേറ്റിന്റെ ഭൂമിത്രസേന ക്ലബ് പദ്ധതിയിലേക്ക് അപേക്ഷ ക്ഷണിച്ചു. സംസ്ഥാനത്തെ സർക്കാർ/ എയ്ഡഡ് കോളേജുകൾക്കും ഹയർസെക്കണ്ടറി/ വൊക്കേഷണൽ ഹയർ സെക്കണ്ടറി സ്‌കൂളുകൾക്കും അപേക്ഷ നൽകാം.

സംസ്ഥാനത്തിന്റെ വികസനപ്രവർത്തനങ്ങളുടെ ധനശേഖരണാർഥം 2000 കോടി രൂപയുടെ കടപ്പത്രം പുറപ്പെടുവിക്കുന്നു. ഇതിനായുള്ള ലേലം ഫെബ്രുവരി രണ്ടിന് റിസർവ് ബാങ്കിന്റെ മുംബൈ ഫോർട്ട് ഓഫീസിൽ ഇ-കുബേർ സംവിധാനം വഴി നടക്കും. ലേലം സംബന്ധിച്ച വിജ്ഞാപനത്തിനും (നമ്പർ: എസ്.എസ്-1/26/2021 ഫിൻ. തിയതി 28.01.2021, എസ്.എസ്-1/27/2021ഫിൻ. തിയതി 28.01.2021) വിശദാംശങ്ങൾക്കും ധനവകുപ്പിന്റെ വെബ്‌സൈറ്റ് (www.finance.kerala.gov.in) സന്ദർശിക്കുക.
പി.എൻ.എക്സ്. 475/2021