സർക്കാർ അംഗീകൃത സ്വകാര്യ ഐ.റ്റി.ഐ-കളിൽ പഠിക്കുന്ന ന്യൂനപക്ഷ മതവിഭാഗങ്ങളിലെ ദാരിദ്ര്യ രേഖയ്ക്ക് താഴെയുള്ള കുടുംബങ്ങളിലെ വിദ്യാർത്ഥികൾക്ക് ഫീ-റീഇംബേഴ്സ്മെന്റ് സ്‌കീമിലേക്ക് 30 വരെ അപേക്ഷിക്കാം.

വിദ്യാഭ്യാസ വകുപ്പിന്റെ കീഴിലെ മഹിള സമഖ്യ സൊസൈറ്റിയിൽ പത്തനംതിട്ട, കണ്ണൂർ ജില്ലകളിൽ ജില്ലാ റിസോഴ്‌സ് പേഴ്‌സൺ തസ്തികയിലേക്ക് വാക്ക് ഇൻ ഇന്റർവ്യൂ നടത്തുന്നു. അതത് ജില്ലയിലുള്ളവർക്ക് മുൻഗണന. ബിരുദമാണ് യോഗ്യത. പ്രായപരിധി 25 വയസ്സിനും 45 വയസ്സിനും ഇടയ്ക്ക്. രണ്ട് വർഷക്കാലം സാമൂഹ്യ പ്രവർത്തന പരിചയം. പ്രതിമാസ വേതനം 22,000 രൂപ.

*വൃക്ക മാറ്റിവയ്ക്കൽ ശസ്ത്രക്രിയക്ക് 4 ലക്ഷം ലഭ്യമാക്കാൻ ശ്രമം

കോതമംഗലം: സംസ്ഥാന സർക്കാർ ലൈഫ്മിഷൻ വഴി പൂർത്തീകരിച്ച രണ്ടര ലക്ഷം വീടുകളുടെ പ്രഖ്യാപനം മുഖ്യമന്ത്രി പിണറായി വിജയൻ ഓൺ ലൈൻ വഴി നടത്തുന്നതിന്റെ ഭാഗമായി കോതമംഗലം നഗരസഭയിൽ ലൈഫ് ഗുണഭോക്താക്കളുടെ സംഗമവും, അദാലത്തും നടത്തി. ആന്റണി ജോൺ എം എൽ എ ഗുണഭോക്തൃ സംഗമം ഉദ്ഘാടനം ചെയ്തു.  നഗരസഭ വൈസ്  ചെയർപേഴ്സൺ സിന്ധു ഗണേശൻ അധ്യക്ഷത വഹിച്ചു. 

ചടങ്ങിൽ നഗരസഭ സ്റ്റാൻ്റിംഗ് കമ്മറ്റി ചെയർമാൻമാരായ കെ എ നൗഷാദ്,കെ വി തോമസ്,രമ്യ വിനോദ്,സിജോ വർഗീസ്,ബിൻസി തങ്കച്ചൻ,നഗരസഭ സെക്രട്ടറി ഷെർല ബീഗം,കൗൺസിലർമാർ എന്നിവർ പങ്കെടുത്തു.

   എറണാകുളം: കടമക്കുടി ദ്വീപ് സമൂഹത്തിന്‍റെ അടിസ്ഥാന വികസന പ്രവര്‍ത്തനങ്ങളില്‍ ശാശ്വത പരിഹാരം കണ്ടെത്തുന്നതിനായുള്ള നിര്‍ണായക തീരുമാനങ്ങളുമായി മുഖ്യമന്ത്രി പിണറായി വിജയന്‍റെ അദ്ധ്യക്ഷതയില്‍ ചേര്‍ന്ന ഗോശ്രീ ഐലന്‍റ് ഡെവലപ്മെന്‍റ് അതോറിറ്റിയുടെ (ജിഡ) അടിയന്തര യോഗം. തദ്ദേശ സ്വയംഭരണ വകുപ്പ് മന്ത്രി എ.സി മൊയ്തീന്റെ സാന്നിദ്ധ്യത്തില്‍ ചേര്‍ന്ന യോഗത്തില്‍ ദ്വീപ് വികസന പ്രക്രിയയ്ക്കും തീരദേശ വികസന പ്രക്രിയയ്ക്കും ഏറെ ഗുണകരമായ വിവിധ പദ്ധതികള്‍ക്ക് അംഗീകാരം നല്‍കി.

എറണാകുളം: ആലുവയിലും പരിസര പ്രദേശങ്ങളിലും കെട്ടിട നിർമ്മാണജോലികൾ ചെയ്തു വരുന്നതിനിടെ മരിച്ച പശ്ചിമബംഗാളിലെ മൂർഷിദാബാദ് സ്വദേശികളുടെ മൃതദേഹങ്ങൾ തൊഴിൽ വകുപ്പിന്റെ ഇടപെടലിനെ തുടർന്ന് സൗജന്യമായി സ്വദേശത്തേക് അയച്ചു.സോമൻ സേല സർദാർ, അനൂപ് മണ്ഡൽ എന്നിയവരുടെ മൃതദേഹങ്ങളാണ് നാട്ടിലേക്ക് അയച്ചത്.

ജില്ലയില്‍ 15 പൊലീസ് ബാരിക്കേഡുകള്‍ സ്ഥാപിക്കുന്നതിന് ക്വട്ടേഷന്‍ ക്ഷണിച്ചു.  ക്വട്ടേഷന്‍ ജില്ലാ പൊലീസ് മേധാവിയുടെ ഓഫീസില്‍ ഫെബ്രുവരി 12 വരെ സ്വീകരിക്കും.

കല്‍പ്പറ്റ ഗവ.വൊക്കേഷണല്‍ ഹയര്‍സെക്കന്ററി സ്‌കൂളിലെ വി.എച്ച്.എസ്.ഇ വിഭാഗത്തിലെ ഡയറി ഫാമര്‍/എന്റ്ര്‌പ്രെണര്‍ ലാബ്, ഫ്ളോറി കള്‍ച്ചറിസ്റ്റ് പ്രൊട്ടക്ടഡ് കള്‍ട്ടിവേഷന്‍, ഗാര്‍ഡനര്‍ ലാബ് എന്നിവിടങ്ങളിലേക്ക് ആവശ്യമായ സാധനങ്ങള്‍ വിതരണം ചെയ്യുന്നതിന് മുദ്രവെച്ച ക്വട്ടേഷന്‍ ക്ഷണിച്ചു.  ക്വട്ടേഷനുകള്‍ യഥാക്രമം ഫെബ്രുവരി 12 ന് ഉച്ചയ്ക്ക് 2 മണി, ഫെബ്രുവരി 11 രാവിലെ  10 മണി എന്നീ സമയ പരിധിക്കുളളില്‍ ലഭിക്കണം.  കൂടുതല്‍ വിവരങ്ങള്‍ക്ക് -  9995821476, 9947085920