ആശ്രിത നിയമനവുമായി ബന്ധപ്പെട്ട് 2016 ൽ അപേക്ഷ സമർപ്പിച്ചവർക്കുള്ള അദാലത്ത് ഫെബ്രുവരി മൂന്ന് മുതൽ അഞ്ചുവരെ രാവിലെ 10.30 മുതൽ 1.15 വരെയും ഉച്ചയ്ക്ക് ശേഷം 2.15 മുതൽ അഞ്ച് വരേയും ഗവ.സെക്രട്ടറിയേറ്റ് ദർബാർ ഹാളിൽ നടത്തും.
പി.എൻ.എക്സ്. 461/2021

തിരുവനന്തപുരം വികസന അതോറിറ്റിയിൽ ഒഴിവുള്ള അസിസ്റ്റന്റ് ഗ്രേഡ്-1 (26500-56700), അസിസ്റ്റന്റ് ഗ്രേഡ്-2 (22200-48000) തസ്തികകളിൽ ഡെപ്യൂട്ടേഷൻ നിയമനത്തിന് അപേക്ഷ ക്ഷണിച്ചു. ഓരോ ഒഴിവാണുള്ളത്. സമാന തസ്തികകളിൽ സേവനമനുഷ്ഠിക്കുന്നവർ ബയോഡാറ്റയും മാതൃസ്ഥാപനത്തിന്റെ എൻ.ഒ.സിയും സഹിതം കെ.എസ്.ആർ പാർട്ട് (1) റൂൾ നമ്പർ 144 പ്രകാരം നിശ്ചിത ഫോറത്തിലുള്ള അപേക്ഷകൾ ഫെബ്രുവരി 10 വൈകിട്ട് അഞ്ചിന് മുമ്പ് സെക്രട്ടറി, തിരുവനന്തപുരം വികസന അതോറിറ്റി, ജയമൻഷൻ, വഴുതക്കാട്, ശാസ്തമംഗലം പി.ഒ., പിൻ-695 010. ഫോൺ: 0471-2722748, 2722238. ഇ-മെയിൽ:tridasecretary@gmail.com.

തിരുവനന്തപുരത്ത് ഇന്ന് (27 ജനുവരി 2021) 353 പേര്‍ക്കു കൂടി കോവിഡ് 19 സ്ഥിരീകരിച്ചു. 354 പേര്‍ രോഗമുക്തരായി. നിലവില്‍ 4,336 പേരാണു രോഗം സ്ഥിരീകരിച്ചു ചികിത്സയില്‍ കഴിയുന്നത്. ഇന്നു രോഗം സ്ഥിരീകരിച്ചവരില്‍ 250 പേര്‍ക്കു സമ്പര്‍ക്കത്തിലൂടെയാണു രോഗബാധയുണ്ടായത്. ഇതില്‍ 2പേര്‍ ആരോഗ്യപ്രവര്‍ത്തകരാണ്.

രോഗലക്ഷണങ്ങളെത്തുടര്‍ന്നു ജില്ലയില്‍ 1,428 പേരെക്കൂടി നിരീക്ഷണത്തിലാക്കി. ഇവരടക്കം ആകെ 22,113 പേര്‍ വീടുകളിലും 55 പേര്‍ സ്ഥാപനങ്ങളിലും ക്വാറന്റൈനില്‍ കഴിയുന്നുണ്ട്. ഇന്നലെവരെ നിരീക്ഷണത്തിലുണ്ടായിരുന്ന 1,146 പേര്‍ രോഗലക്ഷണങ്ങളില്ലാതെ നിരീക്ഷണകാലം പൂര്‍ത്തിയാക്കി.

'ഈറ്റ് റൈറ്റ്' ക്യാമ്പയിനിന്റെ ജില്ലയിലെ പ്രവര്‍ത്തനങ്ങള്‍ വിലയിരുത്തുന്നതിനായി എ.ഡി.എം ഇ. മുഹമ്മദ് സഫീറിന്റെ നേതൃത്വത്തില്‍ കളക്ടറേറ്റില്‍ യോഗം ചേര്‍ന്നു. പദ്ധതിയുടെ ഭാഗമായി  ജില്ലയില്‍ ഭക്ഷ്യ സുരക്ഷാ വിഭാഗം നടത്തിവരുന്ന പ്രവര്‍ത്തനങ്ങള്‍ യോഗത്തില്‍ ചര്‍ച്ച ചെയ്തു. പൊതുജനാരോഗ്യം മെച്ചപ്പെടുത്തുക ലക്ഷ്യമിട്ട് രാജ്യത്തെ 150-ലധികം നഗരങ്ങളെ ഏകോപിപ്പിച്ചു ഫുഡ് സേഫ്റ്റി ആന്റ് സ്റ്റാന്‍ഡേര്‍ഡ്‌സ് അതോറിറ്റി ഓഫ് ഇന്ത്യ നടത്തുന്ന പദ്ധതിയാണ് 'ഈറ്റ് റൈറ്റ്'. ഇതിന്റെ ഭാഗമായി നഗരപരിധിയലെ ഭക്ഷണശാലകളിലെ ഭക്ഷ്യപദാര്‍ത്ഥങ്ങളുടെ പരിശോധന നിലവില്‍ നടന്നുവരുന്നുണ്ട്.

സര്‍ക്കാര്‍ നിശ്ചയിച്ച ഗ്രീന്‍ പ്രൊട്ടോക്കോള്‍ പ്രവര്‍ത്തനങ്ങള്‍ നടപ്പിലാക്കിയ ജില്ലാ പഞ്ചായത്ത്  ഓഫിസ് ഇനിമുതല്‍ ഹരിത ഓഫീസ്. ഗ്രീന്‍ ഓഫീസ് സര്‍ട്ടിഫിക്കേഷന്റെ ഭാഗമായിട്ടുള്ള സാക്ഷ്യപത്രം സബ് കളക്ടര്‍ എം.എസ്. മാധവിക്കുട്ടി ജില്ലാ പഞ്ചായത്ത് പ്രസിഡന്റ് ഡി. സുരേഷ്‌കുമാറിന് കൈമാറി. കൂടുതല്‍ സര്‍ക്കാര്‍ ഓഫീസുകളെയും വിദ്യാഭ്യാസ സ്ഥാപനങ്ങളെയും ഹരിത ഓഫീസുകളാക്കി മാറ്റുന്നതിന് ആവശ്യമായ ഇടപെടലുകള്‍ നടത്തുമെന്നും ജില്ലാ പഞ്ചായത്ത് പ്രസിഡന്റ് പറഞ്ഞു. ചടങ്ങില്‍ ജില്ലാ വൈസ് പ്രസിഡന്റ് അഡ്വ.

പാറശ്ശാല ബ്ലോക്ക്പഞ്ചായത്തില്‍ പുതുതായി തെരഞ്ഞെടുക്കപ്പെട്ട ജനപ്രതിനിധികളെ ആദരിക്കുന്ന സ്‌നേഹാദരം പരിപാടിയും ഭിന്നശേഷി വിദ്യാര്‍ഥികള്‍ക്കുള്ള സ്‌കോളര്‍ഷിപ്പ് വിതരണ പദ്ധതിയായ സ്‌നേഹസ്പര്‍ശവും സഹകരണ -ടൂറിസം മന്ത്രി കടകംപള്ളി സുരേന്ദ്രന്‍ ഉദ്ഘാടനം ചെയ്തു. ജനപ്രതിനിധികള്‍ ജനങ്ങളുടെ പരാതികളും ആവശ്യങ്ങളും കേള്‍ക്കുന്ന മികച്ച കേള്‍വിക്കാരാകണമെന്നും അവര്‍ക്കിടയില്‍ നിന്ന് പ്രവര്‍ത്തിക്കാനുള്ള മനസ്സുണ്ടാകണമെന്നും അദ്ദേഹം ചടങ്ങില്‍ പറഞ്ഞു. 

*ആരോഗ്യമന്ത്രി കെ.കെ.ശൈലജ ടീച്ചര്‍ ഉദ്ഘാടനം ചെയ്തു

**വികസനത്തിന്റെ നേര്‍ക്കാഴ്ചയെന്ന് മന്ത്രി

സംസ്ഥാന സര്‍ക്കാരിന്റെ തിരുവനന്തപുരം ജില്ലയിലെ വിവിധ വികസന പ്രവര്‍ത്തനങ്ങളുടെ സമഗ്ര ചിത്രങ്ങളും ദൃശ്യങ്ങളും ഉള്‍പ്പെടുത്തി ഇന്‍ഫര്‍മേഷന്‍ - പബ്ലിക് റിലേഷന്‍സ് വകുപ്പ് സംഘടിപ്പിക്കുന്ന വികസന ഫോട്ടോ എക്‌സിബിഷന്‍ ആരോഗ്യ വകുപ്പ് മന്ത്രി കെ.കെ ശൈലജ ടീച്ചര്‍ ഉദ്ഘാടനം ചെയ്തു.

അവണാകുഴി-കൊടങ്ങാവിള, ഓലത്താന്നി - കൂട്ടപ്പന റോഡിന്റെ ഒന്നാംഘട്ട ടാറിംഗ് പ്രവര്‍ത്തനങ്ങള്‍ നടക്കുന്നതിനാല്‍ ജനുവരി 28 മുതല്‍ ഫെബ്രുവരി അഞ്ച് വരെ ഇതുവഴി പോകേണ്ടവര്‍ രാമപുരം-അരംഗമുകള്‍ - ഊരൂട്ടുകാല വഴി തിരിഞ്ഞു പോകേണ്ടതാണെന്ന് പൊതുമരാമത്ത് വകുപ്പ് നെയ്യാറ്റിന്‍കര റോഡ്‌സ് സെക്ഷന്‍ അസിസ്റ്റന്റ് എഞ്ചിനീയര്‍ അറിയിച്ചു.