താനൂര്‍ ഗവ. റീജിയനല്‍ ഫിഷറീസ് ടെക്ക്‌നിക്കല്‍ വൊക്കേഷണല്‍ ഹയര്‍സെക്കന്‍ഡറി സ്‌കൂളില്‍ ഹൈസ്‌കൂള്‍ വിഭാഗത്തില്‍ 2020-21 അധ്യയന വര്‍ഷത്തില്‍ കമ്മ്യൂണിക്കേറ്റീവ് ഇംഗ്ലീഷ് ട്രൈയിനറെ താത്കാലികാടിസ്ഥാനത്തില്‍ നിയമിക്കുന്നു. കമ്മ്യൂണിക്കേറ്റീവ് ഇംഗ്ലീഷില്‍ ബിരുദമോ മാസ്റ്റര്‍ ബിരുദമോ  ബന്ധപ്പെട്ട വിഷയത്തില്‍ ബി.എഡ്/എം.എഡ് എന്നിവയാണ് യോഗ്യത. താത്പര്യമുള്ളവര്‍ ജനുവരി 29ന് രാവിലെ 10ന് സര്‍ട്ടിഫിക്കറ്റുകളുമായി കൂടിക്കാഴ്ചക്ക് ഹാജരാകണം. ഫോണ്‍: 9495410133, 7025955694.

വെളളക്കരം കുടിശ്ശിക വരുത്തിയതും കേടായ വാട്ടര്‍ മീറ്ററുകളുളളതായ 38 കുടിവെളള കണക്ഷനുകള്‍ വിഛേദിച്ചതായി കേരള വാട്ടര്‍ അതോറിറ്റി പി.എച്ച് ഡിവിഷന്‍ എക്‌സിക്യൂട്ടീവ് എഞ്ചിനീയര്‍ അറിയിച്ചു. വെളളക്കരം കുടിശിക വരുത്തിയവരും കേടായ വാട്ടര്‍ മീറ്ററുകളുളളവരും എത്രയും പെട്ടെന്ന് കുടിശിക അടക്കുകയും കേടായ വാട്ടര്‍ മീറ്റര്‍ മാറ്റിവെക്കുകയും ചെയ്യാത്ത പക്ഷം കണക്ഷനുകള്‍ വിഛേദിച്ച് റവന്യൂ റിക്കവറി നടപടികള്‍ സ്വീകരിക്കും.

കുമ്പള പഞ്ചായത്ത് മഹാത്മ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില്‍ ഓവര്‍സിയറുടെ ഒഴിവുണ്ട്. അഭിമുഖം ഫെബ്രുവരി രണ്ടിന് രാവിലെ 11 ന് കുമ്പള പഞ്ചായത്തില്‍ നടക്കും. അംഗീകൃത സ്ഥാപനത്തില്‍ നിന്നുള്ള സിവില്‍ എഞ്ചിനീയറിങ് ഡിപ്ലോമയാണ് യോഗ്യത. ഫോണ്‍: 04998 213033

പുറത്തൂര്‍-മംഗലം പഞ്ചായത്തുകളെ ബന്ധിപ്പിക്കുന്ന നായര്‍തോട് പാലം യാഥാര്‍ത്ഥ്യത്തിലേക്ക്. തീരദേശ മേഖലയുടെ കുതിപ്പിന് ആക്കം കൂട്ടുന്ന നായര്‍ തോട് പാലത്തിന്റെ നിര്‍മാണവുമായി ബന്ധപ്പെട്ട് ഡല്‍ഹിയിലുള്ള ഇന്‍ലാന്റ് നാവിഗേഷന്റെ ആസ്ഥാനത്തു നിന്നുള്ള അനുമതി ലഭ്യമായതോടെ പാലം നിര്‍മാണത്തിനുണ്ടായിരുന്ന അവസാന തടസവും നീങ്ങിയതായി ഉന്നത വിദ്യാഭ്യാസ വകുപ്പ് മന്ത്രി ഡോ. കെ.ടി ജലീല്‍ അറിയിച്ചു. ഇന്‍ലാന്റ് നാവിഗേഷന്‍ അനുമതി ലഭിച്ചതിന് പിന്നാലെ പി.ഡബ്ലു.ഡി പാലത്തിന്റെ ടെന്‍ഡര്‍ അപേക്ഷ ക്ഷണിച്ചിരിക്കുകയാണ്.