ജില്ലാ പൊലീസിന്റെ നേതൃത്വത്തില്‍ വിവിധ പൊലീസ് സ്റ്റേഷന്‍ പരിധികളിലായി സംഘടിപ്പിച്ച് വരുന്ന റോഡ് സുരക്ഷാ മാസാചരണത്തിന്റെ ഭാഗമായി മലപ്പുറം ട്രാഫിക് എന്‍ഫോഴ്‌സ്‌മെന്റ് ബോധവത്കരണ റാലി സംഘടിപ്പിച്ചു. മലപ്പുറം എം.എസ്.പി മൈതാനിയില്‍ നിന്നാരംഭിച്ച റാലി ജില്ലാ കലക്ടര്‍ കെ. ഗോപാലകൃഷ്ണന്‍, ജില്ലാ പൊലീസ് മേധാവി യു. അബ്ദുല്‍ കരീം എന്നിവരുടെ സാന്നിധ്യത്തില്‍ ഡി.ഐ.ജി പ്രകാശ് ഫ്‌ലാഗ് ഓഫ് ചെയ്തു. സ്‌പെഷ്യല്‍ ബ്രാഞ്ച് ഡി.വൈ.എസ്പി സാജു കെ. അബ്രഹാം, ട്രാഫിക് എന്‍ഫോഴ്‌സ്‌മെന്റ് സബ് ഇന്‍സ്‌പെക്ടര്‍ എ. അശോകന്‍ എന്നിവര്‍ നേതൃത്വം നല്‍കി.

മുന്‍ഗണനാ  കാര്‍ഡുകള്‍ക്കായി ജനുവരി 27-ന് വടകര മുനിസിപ്പാലിറ്റിയില്‍ നിന്നുള്ള അപേക്ഷകര്‍ക്കുളള  അദാലത്ത് നടക്കും.  കോവിഡ് ജാഗ്രത കണക്കിലെടുത്ത് ബുധനാഴ്ച മുന്‍ഗണനാ കാര്‍ഡു കള്‍ക്കടക്കം വടകര മുനിസിപ്പാലിറ്റിയില്‍ നിന്നുള്ളവരുടെ അപേക്ഷകള്‍ മാത്രമേ സ്വികരിക്കുകയുള്ളൂ എന്ന്  താലൂക്ക് സപ്ലൈ ഓഫീസര്‍ അറിയിച്ചു.

ലളിതമായ ചടങ്ങുകളുമായി ജില്ലാ ആസ്ഥാനത്ത് 72-ാം റിപ്പബ്ലിക് ദിനാഘോഷം നടന്നു

'യു.എല്‍. കെയര്‍ മടിത്തട്ടി'ല്‍ വയോജനങ്ങള്‍ക്ക് ഇനി അതിവിദഗ്ദ്ധവൈദ്യസേവനവും. വിവിധ സ്പെഷ്യാലിറ്റികളിലെ അതിവിദഗ്ദ്ധഡോക്റ്റര്‍മാരുടെ ഓണ്‍ലൈന്‍ ചികിത്സാസൗകര്യമൊരുക്കി ടെലിമെഡിസിന്‍ പദ്ധതിക്ക് റിപ്പബ്ലിക് ദിനത്തില്‍ തുടക്കമാകും. ആരോഗ്യ, സാമൂഹികനീതി മന്ത്രി കെ.കെ. ശൈലജ ഉച്ചയ്ക്കു രണ്ടിന്  ഉദ്ഘാടനം ചെയ്യും.

മേലെ കോഴിച്ചെനയിലുള്ള ക്ലാരി ആര്‍.ആര്‍.ആര്‍.എഫ് ക്യാമ്പില്‍ കെട്ടിടങ്ങള്‍ക്ക് ഭീഷണിയായി നില്‍ക്കുന്ന വിവിധ ഇനങ്ങളിലുള്ള 31 മരങ്ങള്‍ ജനുവരി 28ന് രാവിലെ 11ന് ക്യാമ്പില്‍ ലേലം ചെയ്യുന്നു. കൂടുതല്‍ വിവരങ്ങള്‍ക്ക് ഫോണ്‍: 0494 2489398.

ജില്ലാ പഞ്ചായത്തിന്റെ തെരുവുനായ പ്രജനന നിയന്ത്രണ പദ്ധതിയുടെ  (എ.ബി.സി) നിര്‍വഹണ ഏജന്‍സിയായി പ്രവര്‍ത്തിക്കുന്നതിന് തെരുവുനായ പിടിത്തം, ഓപ്പറേഷന്‍, പരിപാലനം, തിരിച്ച് ആവാസകേന്ദ്രങ്ങളില്‍ വിടുതല്‍ ചെയ്യല്‍  എന്നിവയില്‍ പ്രാഗത്ഭ്യവും പരിചയ സന്നദ്ധതയും അടിസ്ഥാന സൗകര്യവുമുള്ള  അംഗീകൃത ഏജന്‍സി/ കുടുംബശ്രീ യൂനിറ്റുകളില്‍ നിന്നും ക്വട്ടേഷന്‍ ക്ഷണിച്ചു. താത്പര്യമുള്ളവര്‍ ഫെബ്രുവരി 16ന് ഉച്ചയക്ക് രണ്ടിനകം ഡെപ്യൂട്ടി ഡയറക്ടര്‍ (എ.എച്ച്), മൃഗസംരക്ഷണ  വകുപ്പ്, ജില്ലാ മൃഗസംരക്ഷണ ഓഫീസ് മലപ്പുറം എന്ന വിലാസത്തിലോ നേരിട്ടോ  നല്‍കണം. 0483: 2734917.

ഡിപ്ലോമ ഇന്‍ എലിമെന്റട്രി എഡ്യൂക്കേഷന്‍ (ഹിന്ദി, ഉറുദു, സംസ്‌കൃതം) കോഴ്‌സുകളിലേക്ക് അഡ്മിഷന്‍ ലഭിക്കുന്നതിന് അപേക്ഷിച്ചവരുടെ റാങ്ക് ലിസ്റ്റ് പൊതുവിദ്യാസ ഡയറക്ടര്‍ പ്രസിദ്ധീകരിച്ചു. മലപ്പുറം ഗവ.ടി.ടി.ഐയിലേക്ക് തെരഞ്ഞെടുക്കപ്പെട്ട ഉറുദു റാങ്ക് ലിസ്റ്റില്‍ ഉള്‍പ്പെട്ടവര്‍ ജനുവരി 27, 18 തീയതികളില്‍ സര്‍ട്ടിഫിക്കറ്റുകളുടെ അസ്സല്‍ ടി.സി സഹിതം നേരിട്ട് ഹാജരായി പ്രവേശനം നേടണം. ഫോട്ടോ: 09446336837.

നിലമ്പൂര്‍ ഗവ. ഐ.ടി.ഐയില്‍ എംപ്ലോയ്ബിലിറ്റി സ്‌കില്‍സ് വിഷയത്തില്‍ ഒരു ഇന്‍സ്ട്രക്ടറുടെ താത്ക്കാലിക ഒഴിവുണ്ട്. താത്പര്യമുള്ളവര്‍ ജനുവരി 29ന് രാവിലെ 11ന് നടക്കുന്ന കൂടിക്കാഴ്ചയില്‍ സര്‍ട്ടിഫിക്കറ്റുകളുടെ അസലും പകര്‍പ്പും സഹിതം നേരിട്ട് ഹാജരാകണം. എംബിഎ/ബിബിഎയും രണ്ടു വര്‍ഷ പ്രവൃത്തി പരിചയവും അല്ലെങ്കില്‍ സോഷ്യോളജി, സോഷ്യല്‍ വെല്‍ഫയര്‍, എക്കണോമിക്‌സ് എന്നിവയില്‍ ഏതെങ്കിലും ബിരുദവും രണ്ടു വര്‍ഷത്തെ പ്രവൃത്തി പരിചയവും അല്ലെങ്കില്‍ ഡിജിഇറ്റിയില്‍ നിന്നും എംപ്ലോയബിലിറ്റി സ്‌കില്ലില്‍ പരിശീലനം ലഭിച്ചിട്ടുള്ള രണ്ടു വര്‍ഷ പരിചയമുള്ള ബിരുദമോ ഡിപ്ലോമയുമാണ് യോഗ്യത.ഫോണ്‍: 04931 222932.