സംസ്ഥാന സാക്ഷരതാ മിഷന്റെ ആഭിമുഖ്യത്തിൽ നടപ്പാക്കുന്ന ഭരണഘടന സാക്ഷരതയുടെ രണ്ടാം ഘട്ട ജനകീയ വിദ്യാഭ്യാസ പരിപാടിയുടെ ഭാഗമായി ജില്ലയിൽ ഇന്ത്യ എന്ന റിപ്പബ്ലിക് പുസ്തക വായന പരിപാടി നടത്തി. പരിപാടിയുടെ ഉദ്ഘാടനം പുസ്തകം വായിച്ച് ജില്ലാ പഞ്ചായത്ത് പ്രസിഡന്റ് സംഷാദ് മരക്കാർ നിർവ്വഹിച്ചു.

കൂട്ടിലങ്ങാടി- കുറുവ ഗ്രാമപഞ്ചായത്തുകളെ ബന്ധിപ്പിക്കുന്ന കീരംകുണ്ട് തോടിന് കുറുകെയുള്ള കീരംകുണ്ട് പാലത്തിന്റെ പുനർ നിർമാണ പ്രവൃത്തികളുടെ ഉദ്ഘാടനം പൊതുമരാമത്ത് രജിസ്‌ട്രേഷൻ വകുപ്പ് മന്ത്രി ജി.സുധാകരൻ ഓൺലൈനായി നിർവഹിച്ചു. രണ്ടു പഞ്ചായത്തുകളിലെയും ജനങ്ങളുടെ അഭിലാഷം കണക്കിലെടുത്താണ് സർക്കാർ പാലം പുനർ നിർമിക്കാൻ തീരുമാനിച്ചതെന്ന് മന്ത്രി പറഞ്ഞു.  ടി.എ.അഹമ്മദ് കബീർ എം.എൽ.എ അധ്യക്ഷനായി.

വൈറൽ ഹെപ്പറ്റൈറ്റിസ് നിയന്ത്രിക്കുന്നതിനായി ആരോഗ്യ വകുപ്പിൻ്റെ നേതൃത്വത്തിൽ നടപ്പാക്കുന്ന വൈറൽ ഹെപ്പറ്റൈറ്റിസ് നിയന്ത്രണ പരിപാടിയ്ക്ക് ജില്ലയിൽ തുടക്കമായി. 2030 ഓടെ വൈറൽ ഹെപ്പറ്റൈറ്റിസ് - സിയുടെ നിവാരണം, വൈറൽ ഹെപ്പറ്റൈറ്റിസ് എ, ബി, സി, ഇ  എന്നിവ മൂലമുള്ള മരണനിരക്കും, രോഗാവസ്ഥയും കുറയ്ക്കുക എന്നീ ലക്ഷ്യങ്ങളോടെയാണ് പരിപാടി നടപ്പാക്കുന്നത്. ജില്ലയിൽ കൽപ്പറ്റ ജനറൽ ആശുപത്രിയിലാണ് ചികിത്സാ സൗകര്യം ഏർപ്പെടുത്തിയിട്ടുള്ളത്.

ദേശീയ സമ്മതിദായക ദിനം കലക്ടറേറ്റ് കോണ്‍ഫറന്‍സ് ഹാളില്‍ ആഘോഷിച്ചു. കേരള മുഖ്യതെരഞ്ഞെടുപ്പ് ഓഫീസര്‍ ടിക്കാറാം മീണ ഓണ്‍ലൈനായി പങ്കെടുത്ത ആഘോഷ പരിപാടിയില്‍ ഇന്ത്യയുടെ മുഖ്യതെരഞ്ഞെടുപ്പ് കമ്മീഷണര്‍ സുനില്‍ അറോറയുടെ സന്ദേശം പ്രദര്‍ശിപ്പിച്ചു.  ദേശീയ സമ്മതിദായക ദിനത്തോടനുബന്ധിച്ച്  ജില്ലാ ഇലക്ഷന്‍ വിഭാഗത്തിനുവേണ്ടി പ്രത്യേകം തയ്യാറാക്കിയ ഗാനത്തിന്റെ രചയിതാവ് നിലമ്പൂര്‍ നോര്‍ത്ത് ഡിവിഷണല്‍ ഫോറസ്റ്റ് ഓഫീസിലെ സര്‍വേയര്‍ സി.വിനയചന്ദ്രന്‍ ഗാനം ആലപിച്ച നിലമ്പൂര്‍ താലൂക്ക് വെളളയൂര്‍ വില്ലേജിലെ എ.പി. സുബാഷ് എന്നിവര്‍ക്ക് സ്വീപ്പന്റെ ഭാഗമായി പാരിതോഷികം വിതരണം ചെയ്തു. എ.പി. സുബാഷ് ഗാനം ആലപിച്ചു.

. 69 പേര്‍ക്ക് രോഗമുക്തി
. എല്ലാവര്‍ക്കും സമ്പര്‍ക്കത്തിലൂടെ രോഗബാധ

വയനാട് ജില്ലയില്‍ ഇന്ന് (27.1.21) 241 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക അറിയിച്ചു. 69 പേര്‍ രോഗമുക്തി നേടി. 2 ആരോഗ്യ പ്രവര്‍ത്തകര്‍ ഉള്‍പ്പെടെ എല്ലാവര്‍ക്കും സമ്പര്‍ക്കത്തിലൂടെയാണ് രോഗബാധ. ഇതില്‍ ഏഴ് പേരുടെ സമ്പര്‍ക്ക ഉറവിടം വ്യക്തമല്ല. ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 22509 ആയി. 18701 പേര്‍ ഇതുവരെ രോഗമുക്തരായി. ചികിത്സയിലിരിക്കെ 139 മരണം. നിലവില്‍ 3669 പേരാണ് ചികിത്സയിലുള്ളത്. ഇവരില്‍ 2887 പേര്‍ വീടുകളിലാണ് ഐസൊലേഷനില്‍ കഴിയുന്നത്.

നേരിട്ടുള്ള സമ്പര്‍ക്കത്തിലൂടെ 392 പേര്‍ക്ക്
ഉറവിടമറിയാതെ 10 പേര്‍ക്ക്
രോഗബാധിതരായി ചികിത്സയില്‍ 4,401 പേര്‍
ആകെ നിരീക്ഷണത്തിലുള്ളത് 20,703 പേര്‍

കുറ്റിപ്പുറം വില്ലേജിലെ ഭാരതപ്പുഴയില്‍ നിന്നും കേരള ഭൂസംരക്ഷണ നിയമപ്രകാരം കസ്റ്റഡിയെലടുത്ത് താലൂക്ക് ഓഫീസ് പരിസരത്ത് സൂക്ഷിച്ചു വരുന്ന അഞ്ച് ഡീസല്‍ മോട്ടോറുകള്‍ (5എച്ച്.പി) ഫെബ്രുവരി 10ന് രാവിലെ 11ന് താലൂക്ക് കോണ്‍ഫറന്‍സ് ഹാളില്‍ ലേലം ചെയ്യുന്നു. താത്പര്യമുള്ളവര്‍ക്ക് പങ്കെടുക്കാം. ഫോണ്‍: 0494 2422238.

(തുടരും)

മക്കരപ്പറമ്പ് ഇലക്ട്രിക്കല്‍ സെക്ഷന്‍ പരിധിയിലെ മലപ്പുറം സബ്‌സ്റ്റേഷനില്‍ നവീകരണ പ്രവൃത്തികള്‍ നടക്കുന്നതിനാല്‍ ഇന്ന് (ജനുവരി 28) ഭാഗികമായി വൈദ്യുതിവിതരണം തടസപ്പെടും.

കരിമ്പുഴക്ക് കുറുകെയുള്ള കരുളായി പാലത്തിന്റെ നവീകരണപ്രവൃത്തികള്‍ പൂര്‍ത്തിയാവാത്തതിനാല്‍ ഗതാഗത നിയന്ത്രണം ഫെബ്രുവരി 28വരെ നീട്ടിയതായി എക്‌സിക്യൂട്ടീവ് എഞ്ചിനീയര്‍ അറിയിച്ചു. നിലമ്പൂര്‍ ഭാഗത്ത് നിന്നും വരുന്ന വാഹനങ്ങള്‍ നിലമ്പൂര്‍-ചുങ്കത്തറ വഴി പോകണം.

പാര്‍ട്ട് ടൈം സ്വീപ്പര്‍ തസ്തികയിലേക്ക് ജനുവരി 29ന് രാവിലെ 10ന് കലക്ടറേറ്റ് കോണ്‍ഫറന്‍സ് ഹാളില്‍ നടത്താനിരുന്ന അഭിമുഖം മാറ്റിവച്ചു. അഭിമുഖം ഫെബ്രുവരി 15ന് രാവിലെ 10ന് നടക്കുമെന്ന് എ.ഡി.എം എന്‍.എം മെഹറലി അറിയിച്ചു.