ദേശീയ സമ്മതിദായകദിനത്തിന്റെ പ്രചാരണാര്‍ഥം kzo¸nsâ(knÌamänIv thmt«gv--kv FUpt¡j³ B³Uv Ce{Π]mÀ«nknt¸j³ t{]m{Kmw) ആഭിമുഖ്യത്തില്‍ ജില്ലയില്‍ ഭിന്നശേഷിക്കാരുടെ മുച്ചക്ര വാഹന റാലിയും സൗഹൃദ ക്രിക്കറ്റ് മത്സരവും സംഘടിപ്പിച്ചു. കലക്ടറേറ്റില്‍ നിന്ന് ആരംഭിച്ച റാലി  ജില്ലാ കലക്ടര്‍ കെ. ഗോപാലകൃഷ്ണന്‍ ഫ്ളാഗ് ഓഫ് ചെയ്തു. എം.എസ്.പി എല്‍.പി സ്‌കൂള്‍ ഗ്രൗണ്ട് വരെ നടത്തിയ റാലിയില്‍ മുപ്പതിലധികം ഭിന്നശേഷിക്കാര്‍ പങ്കെടുത്തു.
 

കാലടി ഗ്രാമപഞ്ചായത്തിലെ കാലടി - അംബേദ്ക്കര്‍ കോളനി റോഡ് ഉന്നത വിദ്യാഭ്യാസ മന്ത്രി ഡോ. കെ.ടി ജലീല്‍ ഉദ്ഘാടനം ചെയ്തു. പൊന്നാനി ബ്ലോക്ക് പഞ്ചായത്ത് പ്രസിഡന്റ് സി. രാമകൃഷ്ണന്‍ അധ്യക്ഷനായി. 127 മീറ്റര്‍ നീളമുള്ള റോഡ് ഏകദേശം ഒരു മാസം കൊണ്ടാണ് പണി പൂര്‍ത്തീകരിച്ചത്. എം.എല്‍.എയുടെ പ്രാദേശിക വികസന ഫണ്ടില്‍ നിന്നും അഞ്ച് ലക്ഷം രൂപയാണ് പദ്ധതിക്കായി വകയിരുത്തിയിരുന്നത്. കാലടി ഗ്രാമപഞ്ചായത്ത് പ്രസിഡന്റ് കെ. അസ്ലം മറ്റ് ജനപ്രതിനിധികള്‍ നാട്ടുകാര്‍ എന്നിവര്‍ പങ്കെടുത്തു.

തവനൂര്‍ നിയോജക മണ്ഡലത്തിലെ ജനപ്രതിനിധി കോണ്‍ക്ലേവ് മന്ത്രി ഉദ്ഘാടനം ചെയ്തു
 

നേരിട്ടുള്ള സമ്പര്‍ക്കത്തിലൂടെ 515 പേര്‍ക്ക് വൈറസ്ബാധ
16 പേര്‍ക്ക് ഉറവിടമറിയാതെ രോഗബാധ
രോഗബാധിതരായി ചികിത്സയില്‍ 4,600 പേര്‍
ആകെ നിരീക്ഷണത്തിലുള്ളത് 20,444 പേര്‍

മലപ്പുറം ജില്ലയില്‍ ശനിയാഴ്ച (ജനുവരി 23) 535 പേര്‍ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു. നേരിട്ടുള്ള സമ്പര്‍ക്കത്തിലൂടെ 515 പേര്‍ക്കാണ് വൈറസ്ബാധയുണ്ടായത്. ഉറവിടമറിയാതെ 16 പേരും രോഗബാധിതരായവരില്‍ ഉള്‍പ്പെടുന്നു. രോഗം സ്ഥിരീകരിച്ചവരില്‍ ഒരാള്‍ വിദേശ രാജ്യത്ത് നിന്നും മൂന്ന് പേര്‍ ഇതര സംസ്ഥാനങ്ങളില്‍ നിന്നും ജില്ലയില്‍ തിരിച്ചെത്തിയവരാണ്.

മലപ്പുറം നിരത്തുപരിപാലന ഉപവിഭാഗം അസിസ്റ്റന്റ് എക്‌സിക്യൂട്ടീവ് എഞ്ചിനീയറുടെ കാര്യാലയത്തില്‍ ആര്‍.എം.എമ്മിന്റെ വിവര ശേഖരണത്തിന് മാസവാടകയ്ക്ക് വാഹനം( മഹീന്ദ്ര ബൊലോറോ തത്തുല്യ ഗണത്തില്‍പ്പെട്ട വാഹനങ്ങള്‍) ലഭ്യമാക്കുന്നതിന് ദര്‍ഘാസ് ക്ഷണിച്ചു.  ദര്‍ഘാസ് സ്വീകരിക്കുന്ന അവസാന തീയതി ജനുവരി 30.

മലപ്പുറം എക്‌സൈസ് എന്‍ഫോഴ്‌സ്‌മെന്റ് ആന്‍ഡ് ആന്റി നാര്‍ക്കോട്ടിക് സ്‌പെഷ്യല്‍ സ്‌ക്വാഡ് പിടിച്ചെടുത്ത 500 പാക്കറ്റ് സുവാരി സിമന്റ് ജനുവരി 27ന് രാവിലെ 11ന് സിവില്‍ സ്റ്റേഷനിലെ നാര്‍ക്കോട്ടിക് സ്‌പെഷ്യല്‍ സ്‌ക്വാഡ് ഓഫീസില്‍  ലേലം ചെയ്യും. താത്പര്യമുള്ളവര്‍ക്ക് ലേലത്തില്‍ പങ്കെടുക്കാം. കൂടുതല്‍ വിവരങ്ങള്‍ക്ക്  ഫോണ്‍: 0483: 273541, 9496002870.

ജില്ലാ എംപ്ലോയബിലിറ്റി സെന്ററിലേക്ക് ദിവസവേതനാടിസ്ഥാനത്തില്‍ ഒരു സപ്പോര്‍ട്ടിങ് സ്റ്റാഫിനെ നിയമിക്കുന്നു. 750 രൂപ ദിവസവേതനാടിസ്ഥാനത്തിലാണ് നിയമനം. മലപ്പുറം എംപ്ലോയബിലിറ്റി സെന്ററില്‍ പേര് രജിസ്റ്റര്‍ ചെയ്തിട്ടുള്ള ബിരുദവും കമ്പ്യൂട്ടര്‍ പരിജ്ഞാനവും എംപ്ലോയബിലിറ്റി സെന്ററുകളില്‍ ജോലി ചെയ്ത്  മുന്‍പരിചയമുള്ളവരുമായ ഉദ്യോഗാര്‍ഥികള്‍ക്ക് മാത്രം കൂടിക്കാഴ്ചയില്‍ പങ്കെടുക്കാം. പ്രായ പരിധി: 21-35. താത്പര്യമുള്ളവര്‍ മലപ്പുറം എംപ്ലോയബിലിറ്റി സെന്ററില്‍ ജനുവരി 29ന് രാവിലെ 11ന് നടക്കുന്ന കൂടിക്കാഴ്ചയില്‍ പങ്കെടുക്കണം. ഫോണ്‍: 0483 - 2734737.