കോഴിക്കോട് ജില്ലയില്‍ വിവിധ വകുപ്പുകളില്‍ എല്‍.ഡി ക്ലാര്‍ക്ക് (എസ്.ആര്‍ ഫോര്‍ ഡി.എ) (കാറ്റഗറി നം 258/2012) തസ്തികയുടെ റാങ്ക് പട്ടികയുടെ കാലാവധി അവസാനിച്ചതിനാല്‍ റദ്ദായതായി ജില്ലാ പി.എസ്.സി ഓഫീസര്‍ അറിയിച്ചു.
 

കട്ടപ്പന നഗരസഭാ പ്രദേശത്തും, സമീപ പഞ്ചായത്തുകളിലും കഴിഞ്ഞ ഒരു മാസമായി കോവിഡ് 19 വ്യാപന തോത് ഉയര്‍ന്ന നിരക്കില്‍ കാണപ്പെടുന്നതിനാല്‍ നഗരസഭയുടെയും, താലൂക്ക് ആശുപത്രി ആരോഗ്യവിഭാഗത്തിന്റെയും ആഭിമുഖ്യത്തില്‍ ജനുവരി 23ന് രാവിലെ 10.30 മുതല്‍ പുതിയ ബസ് സ്റ്റാന്റില്‍ കോവിഡ് പരിശോധന ക്യാമ്പ് നടത്തും.. ടൗണിലെ വ്യാപാര സ്ഥാപനങ്ങളിലെ ജീവനക്കാര്‍, ഉടമകള്‍, ഹോട്ടല്‍ തൊഴിലാളികള്‍, ബസ് ജീവനക്കാര്‍, ലോട്ടറി ടിക്കറ്റ് വ്യാപാരികള്‍ തുടങ്ങിയവര്‍ ക്യാമ്പില്‍ പങ്കെടുത്ത് കോവിഡ്  പരിശോധന നടത്തണമെന്ന് നഗരസഭ ആരോഗ്യവിഭാഗം അറിയിച്ചു.    

കാര്‍ഷിക കടാശ്വാസ കമ്മിഷന്‍ സിറ്റിങ്ങില്‍ 26 പേര്‍ക്കായി 21,55,000 രൂപ അനുവദിച്ചു. കോഴിക്കോട് ഗവ. റസ്റ്റ്ഹൗസില്‍ നടന്ന സിറ്റിങ്ങില്‍ 60 കേസുകളാണ് പരിഗണിച്ചത്. കമ്മിഷന്‍ ചെയര്‍മാന്‍ ജസ്റ്റിസ് ശശിധരന്‍ നമ്പ്യാര്‍, കമ്മിഷന്‍ അംഗങ്ങളായ അഡ്വ. കൊല്ലങ്കോട് രവീന്ദ്രന്‍നായര്‍, മുന്‍ എം.എല്‍.എ ചന്ദ്രമോഹന്‍ എന്നിവരാണ് കേസുകള്‍ കേട്ടത്.ജില്ലയിലെ സഹകരണ ബാങ്കുകളില്‍ നിന്ന് കാര്‍ഷികാവശ്യത്തിന് വായ്പയെടുത്തവരുടെ അപേക്ഷകളാണ് പരിഗണിച്ചത്. ബാങ്ക് അധികൃതരെയും വായ്പയെടുത്ത കക്ഷികളെയും ഒന്നിച്ചിരുത്തിയാണ് അപേക്ഷകളില്‍ തീര്‍പ്പു കല്‍പ്പിച്ചത്.

അംഗപരിമിതര്‍ക്ക് അടിയന്തിര ഘട്ടങ്ങളില്‍ ചികിത്സാ സഹായം നല്‍കുന്നതിന് സാമൂഹ്യനീതി വകുപ്പ് വഴി നടപ്പിലാക്കുന്ന പരിരക്ഷ പദ്ധതിക്ക് അപേക്ഷ ക്ഷണിച്ചു .
അംഗപരിമിതയായ വ്യക്തികള്‍ക്ക്  പെട്ടെന്ന് ഉണ്ടാകുന്ന അപകടങ്ങള്‍, അസുഖങ്ങള്‍ എന്നിവയുടെ ചികിത്സാ സഹായം ലഭ്യമാകുന്നതിനായി അര്‍ഹരായവര്‍  വെള്ള പേപ്പറില്‍ എഴുതി തയ്യാറാക്കിയ അപേക്ഷയും അനുബന്ധ ആശുപത്രി രേഖകളും സഹിതം ജില്ലാ സാമൂഹ്യനീതി ഓഫീസില്‍ അപേക്ഷ നല്‍കണം. വിലാസം- ജില്ലാ സാമൂഹ്യനീതി ഓഫീസര്‍, ഇടുക്കി, മിനി സിവില്‍ സ്റ്റേഷന്‍, പുതിയ കെട്ടിടം മൂന്നാം നില. ഫോണ്‍: 04862 228160

മൂഴാപ്പാലം പാലത്തിന്റെ പുനര്‍ നിര്‍മ്മാണം നടക്കുന്നതിനാല്‍ പാലത്തിലൂടെയുള്ള വാഹന ഗതാഗതം നാളെ (ജനുവരി 22) മുതല്‍ പാലം നിര്‍മ്മാണം പൂര്‍ത്തിയാകുന്നതുവരെ നിരോധിച്ചതായി എക്സിക്യൂട്ടീവ് എഞ്ചിനീയര്‍ അറിയിച്ചു. ചാത്തമംഗലത്തു നിന്ന് വെളളനൂര്‍ - മൂഴാപ്പാലം വഴി മാവൂരിലേക്ക് പോകുന്ന വാഹനങ്ങള്‍ കോട്ടോല്‍താഴം - ബൈപ്പാസ് - വെളളലശ്ശേരി - കൈത്തൂട്ടിമുക്ക് - പടാരുകുളങ്ങര വഴിയും, മാവൂരില്‍ നിന്ന് കുന്ദമംഗലത്തേക്കുളള വാഹനങ്ങള്‍ മേച്ചേരിക്കുന്ന് - പടാരുകുളങ്ങര - കൈത്തുട്ടിമുക്ക് - വെളളലശ്ശേരി - ബൈപ്പാസ് - കോട്ടോല്‍ത്താഴം വഴിയും പോകണം.

ആലപ്പുഴ: ലൈനിൽ പണി നടക്കുന്നതിനാൽ 22/01/2021 വെള്ളിയാഴ്ച രാവിലെ 9.00 മണി മുതൽ വൈകിട്ട് 6 മണി വരെ ചെമ്പ്തോട് ട്രാൻസ്ഫോർമർ പരിധിയിൽ വൈദ്യുതി വിതരണത്തിൽ തടസ്സം നേരിടുമെന്ന് കെ എസ് ഇ ബി ഹരിപ്പാട് സെക്ഷൻ അറിയിച്ചു.

തൊടുപുഴ താലൂക്കുതല ഭൂമി പതിവ് കമ്മറ്റി യോഗം ജനുവരി 27ന് രാവിലെ 11ന് തൊടുപുഴ താലൂക്കാഫീസില്‍  ചേരും.

ഇടുക്കി ജില്ലാ വികസന സമിതിയുടെ  ഈ  മാസത്തെ യോഗം ജനുവരി 30 രാവിലെ 11 ന് കളക്‌ട്രേറ്റ് കോണ്‍ഫറന്‍സ് ഹാളില്‍ ചേരും.
 

ഗ്രാമീണ വികസനം സംബന്ധിച്ച പാര്‍ലമെന്റ് സമിതിയുടെ സന്ദര്‍ശനം മൂന്നാറിന് വ്യത്യസ്ത അനുഭവമായി. ഗ്രാമീണ മേഖലയില്‍ കേന്ദ്രാവിഷ്‌കൃത പദ്ധതികളുടെയും ഫണ്ടിന്റെയും നടത്തിപ്പും വിനിയോഗവും അവലോകനം ചെയ്യുന്നതിനാണ് പ്രതാപ് റാവു ജാദവിന്റെ നേതൃത്വത്തിലുള്ള സമിതിയിലെ 31 അംഗ എം പിമാരില്‍ 17 പേര്‍ മൂന്നാറിലെത്തിയത്. ചൊവ്വാഴ്ച വൈകുന്നേരം നെടുമ്പാശേരിയില്‍ നിന്ന് മൂന്നാറിലെത്തിയ സംഘത്തിന് അടിമാലിയില്‍ സ്വീകരണം നല്‍കി.