ആലപ്പുഴ : സർക്കാരിന്റെ നൂറുദിന കർമ്മ പരിപാടിയുടെ ഭാഗമായി സംസ്ഥാന പട്ടികജാതി - പട്ടികവർഗ്ഗ വികസന കോർപ്പറേഷന്റെ ആഭിമുഖ്യത്തിൽ വായ്പാ പദ്ധതി വിശദീകരണവും ഗുണഭോക്താക്കളുടെ സംശയ നിവാരണ പരാതിപരിഹാര ക്യാമ്പും സംഘടിപ്പിക്കുന്നു. ഈ മാസം 22 ന് രാവിലെ 10 മുതൽ അമ്പലപ്പുഴ ബ്ലോക്ക് പഞ്ചായത്ത് മിനി കോൺഫറൻസ് ഹാളിലാണ് ക്യാമ്പ്.  ഗുണഭോക്താക്കളുടെ സംശയനിവാരണത്തിനും പരാതി പരിഹാരത്തിനുമായി നടത്തുന്ന ക്യാമ്പിൽ കോർപറേഷൻ ചെയർമാൻ ബി രാഘവൻ പങ്കെടുക്കും. വിശദ വിവരങ്ങൾക്ക് 0 4 77- 2 2 6 2 3 2 6.

ആലപ്പുഴ: കേരള കയർ തൊഴിലാളി ക്ഷേമനിധി ബോർഡിൽ നിന്നു   മസ്റ്ററിങ് പൂർത്തീകരിക്കാൻ കഴിയാത്തതിനാൽ പെൻഷൻ ലഭിക്കാത്തവർ ജനുവരി 21 മുതൽ ഫെബ്രുവരി 10 വരെ യുള്ള കാലയളവിൽ ആധാർ കാർഡും, പെൻഷൻ രേഖകളുമായി അക്ഷയ കേന്ദ്രങ്ങളിൽ നേരിട്ടു ഹാജരായി മസ്റ്ററിങ് നടത്തണം. ശാരീരിക ബുദ്ധിമുട്ട് ഉള്ളവർ,  കിടപ്പുരോഗികൾ എന്നിവർ ബന്ധപ്പെട്ട തദ്ദേശസ്വയംഭരണ സ്ഥാപനങ്ങളിൽ അപേക്ഷ നൽകിയാൽ  അവരുടെ വീടുകളിൽ വന്നു മസ്റ്ററിങ് നടത്തും.

മുതിര്‍ന്ന പൗരന്മാര്‍ക്ക് വേണ്ടിയുള്ള കേന്ദ്ര സര്‍ക്കാര്‍ പദ്ധതിയായ നാഷണല്‍ ആക്ഷന്‍ പ്ലാന്‍ ഫോര്‍ സീനിയര്‍ സിറ്റിസണ്‍സ്, സമൂഹത്തില്‍ കഷ്ടതയനുഭവിക്കുന്ന വയോജനങ്ങള്‍ക്കായി സേവനം നല്‍കുന്ന ട്രസ്റ്റ്, ചാരിറ്റബിള്‍ സൊസൈറ്റി, സന്നദ്ധ സംടനകള്‍ എന്നിവയ്ക്ക് നല്‍കുന്ന പുരസ്‌കാരത്തിന് അപേക്ഷിക്കാം. അപേക്ഷകള്‍ ജനുവരി 25 ന് വൈകീട്ട് അഞ്ചിനകം ജില്ലാ സാമൂഹ്യനീതി ഓഫീസര്‍, കാസര്‍കോട് സിവില്‍സ്റ്റേഷന്‍, വിദ്യാനഗര്‍ പി ഒ, 671123 എന്ന വിലാസത്തില്‍  ലഭിക്കണം. അപേക്ഷാ ഫോം www.swd.kerala.gov.in ല്‍ ലഭ്യമാണ്. ഫോണ്‍: 04994 255074.

2020 ഡിസംബറിലെ ഭക്ഷ്യകിറ്റ് വിതരണം ജനുവരി 23 വരെ നീട്ടി. കിറ്റ് കൈപ്പറ്റാത്തവര്‍ ബന്ധപ്പെട്ട റേഷന്‍ കടകളില്‍ നിന്ന് കൈപ്പറ്റണമെന്ന് ജില്ലാ സപ്ലൈ ഓഫീസര്‍ അറിയിച്ചു.

കോവിഡ് പ്രതിസന്ധിയിലും ജില്ലയില്‍ പാലുല്‍പാദനത്തില്‍ 35% വളര്‍ച്ച. 2020 ഏപ്രില്‍ മാസത്തില്‍ ജില്ലയിലെ പ്രതിദിന പാല്‍സംഭരണം 55,263 ലിറ്റര്‍ ആയിരുന്നു. കഴിഞ്ഞ 8 മാസത്തിനുള്ളില്‍ പ്രതിദിന സംഭരണത്തില്‍ 19196 ലിറ്റര്‍ പാലാണ് ജില്ലയില്‍ കൂടിയത്. 144 ക്ഷീരസംഘങ്ങളില്‍നിന്നായി ഉല്‍പാദിപ്പിച്ചത് 74458 ലിറ്റര്‍ പാല്‍. ഏറ്റവും കൂടുതല്‍ പ്രതിദിന പാല്‍ സംഭരണം പരപ്പ ബ്ലോക്കിലാണ്-23944 ലിറ്റര്‍. ഇവിടെ 42 ക്ഷീരസംഘങ്ങളുണ്ട്.

മാവേലിക്കര : മാവേലിക്കര നഗരത്തിലെ ഗതാഗത കുരുക്കിന് ശാശ്വത പരിഹാരമെന്നോണം നിര്‍ദ്ദേശിക്കപ്പെട്ട കണ്ടിയൂര്‍ ബൈപാസ് പദ്ധതിക്ക് കാലങ്ങളുടെ പഴക്കമുണ്ട്.  മാവേലിക്കര നിവാസികളുടെ പതിറ്റാണ്ടുകളായുള്ള ഈ സ്വപ്ന പദ്ധതി ഇപ്പോള്‍ പൂര്‍ത്തീകരണത്തിന്റെ അവസാന ഘട്ടത്തിലാണ്. 90 ശതമാനം നിര്‍മ്മാണ പ്രവര്‍ത്തനങ്ങളും പൂര്‍ത്തീകരിച്ച കണ്ടിയൂര്‍ ബൈപാസ് ഫെബ്രുവരി പകുതിയോടെ നാടിനു സമര്‍പ്പിക്കാനാവുമെന്നാണ് പ്രതീക്ഷിക്കുന്നത്.

 ആലപ്പുഴ: ഭരണിക്കാവ് ബ്ലോക്ക് പഞ്ചായത്തിന്റെ നേതൃത്വത്തില്‍ മഹാത്മാഗാന്ധി തൊഴിലുറപ്പ് പദ്ധതിയുമായി ബന്ധപ്പെട്ട് ജനപ്രതിനിധികള്‍ക്ക് പരിശീലനം നല്‍കി.ബ്ലോക്ക് പഞ്ചായത്ത് കോണ്‍ഫറന്‍സ് ഹാളില്‍ നടന്ന പരിപാടി ഭരണിക്കാവ് ബ്ലോക്ക് പഞ്ചായത്ത് പ്രസിഡന്റ് എസ്. രജനി ഉദ്ഘാടനം ചെയ്തു. തൊഴിലുറപ്പ് പദ്ധതിയെ കുറിച്ച് പുതിയ ജനപ്രതിനിധികള്‍ക്ക് പരിചയപ്പെടുത്തുന്നതിനും, പദ്ധതികള്‍ വിശദീകരിക്കുന്നതിനും ആയിട്ടാണ് പരിശീലന പരിപാടി സംഘടിപ്പിച്ചത്.

കേരള ബീഡി- ചുരുട്ട് തൊഴിലാളി ക്ഷേമനിധി ബോര്‍ഡില്‍ നിന്നും പെന്‍ഷന്‍ കൈപ്പറ്റുന്നവരില്‍ 2019, 2021 വര്‍ഷങ്ങളില്‍ മസ്റ്ററിങ് നടത്താന്‍ സാധിക്കാത്തവര്‍ക്ക് ഫെബ്രുവരി 10 വരെ മസ്റ്ററിങ് നടത്താന്‍ അവസരം. അക്ഷയ കേന്ദ്രങ്ങള്‍ വഴിയാണ് മസ്റ്ററിങ് നടത്തേണ്ടത്. ശാരീരിക ബുദ്ധിമുട്ടുള്ളവര്‍, കിടപ്പുരോഗികള്‍ എന്നിവര്‍ക്ക് ഹോം മസ്റ്ററിങ്ങിനും അവസരമുണ്ടാകും. ബയോമെട്രിക് മസ്റ്ററിങ് പരാജയപ്പെട്ടവര്‍ ഫെബ്രുവരി 10 നകം ക്ഷേമനിധി ഓഫീസില്‍ ലൈഫ് സര്‍ട്ടിഫിക്കറ്റ് സമര്‍പ്പിക്കണം