എന്‍മകജെ ഗ്രാമപഞ്ചായത്തിലെ പുതുതായി തിരഞ്ഞെടുക്കപ്പെട്ട പഞ്ചായത്ത് അംഗങ്ങള്‍ക്ക് ആരോഗ്യവകുപ്പിന്റെ നേതൃത്വത്തില്‍ പരിശീലനം സംഘടിപ്പിച്ചു. ഗ്രാമപഞ്ചായത്ത് പ്രസിഡന്റ് ജെ.എസ് സോമശേഖര ഉദ്ഘാടനം ചെയ്തു. ആരോഗ്യ സ്ഥിരം സമിതി ചെയര്‍പേഴ്‌സണ്‍ ജയശ്രീ കുലാല്‍ അധ്യക്ഷത വഹിച്ചു. ബ്ലോക്ക് ഹെല്‍ത്ത് സൂപ്പര്‍വൈസര്‍ ബി.അഷ്‌റഫ്, പി.എച്ച്.എന്‍ ഒ.ടി സല്‍മത്ത് എന്നിവര്‍ ക്ലാസെടുത്തു. 

കേന്ദ്ര സ്റ്റാറ്റിസ്റ്റിക്സ് മന്ത്രാലയം നടത്തുന്ന ഏഴാം സാമ്പത്തിക സെന്‍സസിന്റെ ഭാഗമായി സംരംഭങ്ങള്‍ ഇല്ലാത്ത വീടുകളിലും സ്ഥാപനങ്ങളിലും എത്തുന്ന സി.എസ്.സി. എന്യൂമറേറ്റര്‍മാര്‍ ഗൃഹനാഥന്റെ പേര്, വീട്ടുവിലാസം, കുടുംബത്തിലെ അംഗങ്ങളുടെ എണ്ണം തുടങ്ങിയ അടിസ്ഥാന വിവരങ്ങള്‍ മാത്രമാണ് ശേഖരിക്കുന്നതെന്ന് കോഴിക്കോട് നാഷനല്‍ സ്റ്റാറ്റിസ്റ്റിക്കല്‍ ഓഫീസ് ഡയറക്ടര്‍ എഫ്. മുഹമ്മദ് യാസിര്‍ അറിയിച്ചു.

  
ഡിസംബർ കിറ്റ് വിതരണം 23.01.2021 (ശനിയാഴ്ച) വരെ നീട്ടിയിരിക്കുന്നു.

ജില്ലയിൽ 9കേന്ദ്രങ്ങളിലായി 523പേർക്ക് വാക്‌സിൻ നൽകി .കായംകുളം താലൂക്ക് ആശുപത്രി -52, ഹരിപ്പാട് താലൂക്ക് ആശുപത്രി -62,ചേർത്തല താലൂക്ക് ആശുപത്രി -77,ജില്ല ആശുപത്രി ചെങ്ങന്നൂർ -47,ജില്ല ആശുപത്രി മാവേലിക്കര -62,മെഡിക്കൽ കോളേജ് -84,സേക്രഡ് ഹാർട്ട് ആശുപത്രി ചേർത്തല -56ആലപ്പുഴ ജനറൽ ആശുപത്രി -38,RHTC ചെട്ടികാട് -45

സ്‌കൂളുകളും കോളജുകളും തുറന്ന സാഹചര്യത്തില്‍ കോവിഡ് മാനദണ്ഡം പാലിക്കുന്നതില്‍ സ്വയംനിയന്ത്രണം ഏര്‍പ്പെടുത്തുന്നതിന്റെ ഭാഗമായി ജില്ലയിലെ സ്‌കൂളുകളിലും കോളേജുകളിലും പ്രത്യേകം സ്റ്റുഡന്റ് കോവിഡ് സെല്ലുകളായ കോവിഡ് അവേര്‍നെസ് ലിറ്റില്‍ ലീഡേഴ്സ്-'കോള്‍ അറ്റ് സ്‌കൂള്‍', 'കോള്‍ അറ്റ് കോളജ്' എന്നിവ രൂപീകരിക്കാന്‍ ജില്ലാ കളക്ടര്‍ ഡോ. ഡി. സജിത് ബാബുവിന്റെ അധ്യക്ഷതയില്‍ ചേര്‍ന്ന കൊറോണ കോര്‍ കമ്മിറ്റി യോഗം തീരുമാനിച്ചു. സ്‌കൂളുകളില്‍ ക്ലാസ് ലീഡര്‍മാര്‍, സ്‌കൂള്‍ ലീഡര്‍ എന്നിവരും കോളജുകളില്‍ ക്ലാസ് പ്രതിനിധികള്‍, യൂനിയന്‍ ഭാരവാഹികള്‍ എന്നിവരുമായിരിക്കും സമിതിയില്‍.

ഇന്ന് ആലപ്പുഴ ജില്ലയിൽ 475 പേർക്ക് കോവിഡ് സ്ഥിരീകരിച്ചു .മൂന്ന്  പേർ വിദേശത്തു നിന്നുംമൂന്ന് പേർ മറ്റ് സംസ്ഥാനത്തു നിന്നും  എത്തിയതാണ് . 463പേർക്ക് സമ്പർക്കത്തിലൂടെയാണ് രോഗം ബാധിച്ചത്   . 6പേരുടെ  സമ്പർക്ക ഉറവിടം വ്യക്തമല്ല.203പേരുടെ പരിശോധനാഫലം നെഗറ്റീവായി. ആകെ 59675പേർ രോഗ മുക്തരായി.4088പേർ ചികിത്സയിൽ ഉണ്ട്.

ആലപ്പുഴ: അര്‍ത്തുങ്കല്‍ സെന്റ് ആന്‍ഡ്രൂസ് ബസിലിക്കയിലെ തിരുന്നാള്‍ പ്രമാണിച്ച് ജനുവരി 20 (ഇന്ന്)  ചേര്‍ത്തല താലൂക്കിലെ സര്‍ക്കാര്‍ ഓഫീസുകള്‍ക്കും വിദ്യാഭ്യാസ സ്ഥാപനങ്ങള്‍ക്കും പ്രാദേശിക അവധി പ്രഖ്യാപിച്ച് ജില്ല കളക്ടര്‍ ഉത്തരവായി.