ആലപ്പുഴ : ജില്ലയിൽ അമ്പലപ്പുഴ വടക്ക് ഗ്രാമപഞ്ചായത്തിൽ വലിയതുരുത്ത് - ചെറിയ തുരുത്ത് പാടശേഖരത്തിൽ നിന്നും 2020-21ലെ പുഞ്ചകൃഷി നെല്ല് സംഭരണം ആരംഭിച്ചു. സപ്ലൈകോ നിഷ്കർഷിച്ചിരിക്കുന്ന ഗുണനിലവാര മാനദണ്ഡങ്ങൾ പാലിച്ചു വേണം നെല്ല് നൽകാനെന്നും ഓൺലൈൻ കർഷക രജിസ്ട്രേഷൻ ഫെബ്രുവരി 15ന് അവസാനിക്കുമെന്നും മങ്കൊമ്പ് പാഡി മാർക്കറ്റിങ് ഓഫീസർ അറിയിച്ചു.

ആലപ്പുഴ:ചേര്‍ത്തല താലൂക്ക് കഞ്ഞിക്കുഴി വില്ലേജില്‍ റീസര്‍വ്വെ ബ്ലോക്ക്33ല്‍ റിസര്‍വെ നമ്പര്‍ 512/2, 512/5എന്നിവയില്‍ ഉള്‍പ്പെട്ട സര്‍ക്കാര്‍ തരിശ് പുറമ്പോക്കില്‍ നിന്നിരുന്ന ചെറുപുന്ന മരത്തിന്റെ തടി കഷണങ്ങള്‍ജനുവരി 29്  രാവിലെ11ന് ലേലം ചെയ്യും. വിശദവിവരത്തിന് ഫോണ്‍: 0478 2813103

റാണിപുരം വനമേഖലയില്‍ വനം വന്യജീവി വകുപ്പിന്റെ നേതൃത്വത്തില്‍ ജനുവരി 30, 31 തിയ്യതികളില്‍ പക്ഷി സര്‍വ്വെ സംഘടിപ്പിക്കും. സര്‍വ്വെയുടെ ഭാഗമാകാന്‍ താല്‍പര്യമുള്ളവര്‍ കാഞ്ഞങ്ങാട് റെയിഞ്ച് ഓഫീസുമായി ബന്ധപ്പെടണം. ഫോണ്‍: 8547602600.

ആലപ്പുഴ:തദ്ദേശ സ്വയംഭരണ സ്ഥാപനങ്ങളുടെ2020-21വാര്‍ഷിക പദ്ധതി ഭേദഗതി സമര്‍പ്പിച്ചിരിക്കുന്ന തദ്ദേശ സ്വയംഭരണ സ്ഥാപനങ്ങളുടെ വാര്‍ഷിക പദ്ധതിയ്ക്ക് അംഗീകാരം നല്‍കുന്നതിനായി   ജില്ല ആസൂത്രണ സമിതിയുടെ 22 ന് നടത്താന്‍ നിശ്ചയിച്ചിരുന്ന യോഗം  ഈ മാസം 27ലേക്ക് മാറ്റി വച്ചു.  27ന് ഉച്ചയ്ക്കശേഷം2.30ന് ജില്ലാ ആസൂത്രണസമിതി കോണ്‍ഫറന്‍സ് ഹാളിലാണ് യോഗം ചേരുന്നതെന്ന് ് ജില്ല പ്ലാനിങ് ഓഫീസര്‍ അറിയിച്ചു.

ചീമേനി-പാലാവയല്‍-ഓടക്കൊല്ലി റോഡിലെ ഏണിച്ചാല്‍ പാലത്തിന്റെ  നിര്‍മ്മാണ പ്രവൃത്തി നടക്കുന്നതിനാല്‍ അതുവഴിയുള്ള വാഹന ഗതാഗതം ജനുവരി 25 മുതല്‍ നിരോധിക്കും. ഇതുവഴി കടന്നുപോകേണ്ട വലിയ വാഹനങ്ങള്‍ ചിറ്റാരിക്കാല്‍-നല്ലോംപുഴ-ചെറുപുഴ-പുളിങ്ങോം വഴി പാലാവയലിലേക്ക് തിരിച്ചുവിടും. ചെറിയ വാഹനങ്ങള്‍ നിരത്തുംത്തട്ട്-മലാംകാവ്-പാലാവയല്‍ റോഡിലൂടെയാണ് കടന്നു  പോകേണ്ടത്.

ആലപ്പുഴ : ജില്ലാ കൃഷി വിജ്ഞാന കേന്ദ്രത്തിന്റെ ( കായംകുളം ) ആഭിമുഖ്യത്തില്‍ ആട് വളര്‍ത്തല്‍ എന്ന വിഷയത്തില്‍ സൗജന്യ ഓണ്‍ലൈന്‍ പരിപാടി സംഘടിപ്പിക്കുന്നു. ഇന്ന് ( ജനുവരി 21) വൈകിട്ട് 3 -നാണ് പരിപാടി. പരിപാടിയില്‍ പങ്കെടുക്കാന്‍ താല്‍പ്പര്യമുള്ളവര്‍ 0479- 2959268, 9447790268 എന്ന നമ്പരില്‍ ബന്ധപ്പെട്ട് രജിസ്റ്റര്‍ ചെയ്യേണ്ടതാണ്.

സംസ്ഥാന സാക്ഷരതാ മിഷന്റെയും പൊതുവിദ്യാഭ്യാസ വകുപ്പിന്റെയും ആഭിമുഖ്യത്തിലുള്ള 10 -ാം തരം തുല്യതയുടെയും ഹയര്‍സെക്കന്‍ഡറി തുല്യതയുടെയും 2021-22 ബാച്ചിലേക്കുള്ള രജിസ്‌ട്രേഷന്‍ ആരംഭിച്ചു. 17 വയസ്സ് പൂര്‍ത്തിയായവര്‍ക്ക് 10-ാം തരത്തിലേക്കും  22 വയസ് പൂര്‍ത്തിയായവര്‍ക്ക് ഹയര്‍സെക്കന്‍ഡറി തുല്യതയ്ക്കും രജിസ്റ്റര്‍ ചെയ്യാം. കോഴ്‌സ് ഫീസ് സൗജന്യം. ഫോണ്‍: 9349429596, 9605623396.

ആലപ്പുഴ : ജില്ലയില്‍ സംഘടിപ്പിച്ചുവരുന്ന സ്വീപ് ബോധവല്‍ക്കരണ പരിപാടിയുടെ ഭാഗമായി സെന്റ് ജോസഫ് കോളേജില്‍ നടന്ന വോട്ടര്‍ പട്ടികയില്‍ പേര് ചേര്‍ക്കല്‍  ജില്ല കളക്ടര്‍ എ അലക്‌സാണ്ടര്‍ ഉദ്ഘാടനം ചെയ്തു. വോട്ടര്‍ പട്ടികയില്‍ പുതുതായി പേര് ചേര്‍ക്കുന്നതിന്റെ ഭാഗമായി ആദ്യം രജിസ്റ്റര്‍ ചെയ്ത ആറ് വിദ്യാര്‍ത്ഥിനികള്‍ക്ക് കളക്ടര്‍ രജിസ്‌ട്രേഷന്‍ സര്‍ട്ടിഫിക്കറ്റ് നല്‍കിയാണ് പരിപാടി ഉദ്ഘാടനം ചെയ്തത്.

ആലപ്പുഴ: കൈനകരിയില്‍ അഞ്ഞൂറോളം  താറാവുള്‍പ്പടെയുള്ള  പക്ഷികള്‍ ചത്തത് പക്ഷിപ്പനി മൂലമാണെന്ന് സ്ഥിരീകരിച്ചു. ഇവിടെ നിന്ന് എടുത്ത സാമ്പിളുകള്‍ ഭോപ്പാലിലെ ഹൈ സെക്യൂരിറ്റി അനിമല്‍ ഡിസീസസ് ലബോറട്ടറിയില്‍ പരിശോധിച്ചതിന്റെ ഫലം എത്തിയതോടെയാണ് വൈറസ് സ്ഥിരീകരിച്ചത്. പരിശോധനാ ഫലം വന്നതോടെ തന്നെ ജില്ല കളക്ടര്‍ എ.അലക്സാണ്ടറുടെ നേതൃത്വത്തില്‍ വിവിധ വകുപ്പുതല ഉദ്യോഗസ്ഥരുടെ അടിയന്തിര യോഗം കളക്ട്രേറ്റില്‍ ചേര്‍ന്നിരുന്നു.