കോഴിക്കോട് ജില്ലയിലെ അംശക്കച്ചേരി - ചെറുകുളം റോഡില്‍ ടാറിംഗ് പ്രവൃത്തി തുടങ്ങുന്നതിനാല്‍ ജനുവരി 19 മുതല്‍ പ്രവൃത്തി തീരുന്നത് വരെ ഈ റോഡിലൂടെയുളള വാഹന ഗതാഗതം നിരോധിച്ചതായി എക്സിക്യൂട്ടീവ് എഞ്ചിനീയര്‍ അറിയിച്ചു.  കൂടത്തും പൊയില്‍ നിന്നും ഒറ്റത്തെങ്ങ് വഴി ചെറുകുളം ഭാഗത്തേക്ക് പോകേണ്ട വാഹനങ്ങള്‍ കൂടത്തും പൊയില്‍ - ചെലപ്രം വഴിയും തിരിച്ചും പോകണം. കൂടത്തുംപൊയില്‍ ഭാഗത്ത് നിന്നും ചെറുകുളം പാലം വഴി ബൈപ്പാസിലേക്ക് പോകേണ്ട വാഹനങ്ങള്‍ കക്കോടി വഴി ബൈപ്പാസിലേക്ക് പ്രവേശിക്കണം.

സപ്ലൈകോയുമായി ബന്ധപ്പെട്ട  സപ്ലൈയര്‍മാര്‍ക്ക്  പരാതി  നല്‍കുന്നതിനായി  എറണാകുളം  ഗാന്ധിനഗറിലെ  സപ്ലൈകോ   ഹെഡ്  ഓഫീസില്‍   പ്രത്യേക  പരാതി   പരിഹാരസെല്‍  ആരംഭിച്ചതായി  സിഎംഡി  അലി അസ്ഗര്‍ പാഷ  അറിയിച്ചു.  പേയ്മെന്റ്, മറ്റു ബില്ലുകള്‍  തുടങ്ങിയവയെക്കുറിച്ചുളള  സപ്ലൈകോ വിവരങ്ങള്‍ ഗ്രൗണ്ട് ഫ്ളോറിലുളള റിസപ്ഷനില്‍ ലഭിക്കും.  വിവരങ്ങള്‍ക്ക്   0484 2206775,   ഇ - മെയില്‍ : supplycogrievance@gmail.com
 

കോഴിക്കോട് താലൂക്ക് തൃക്കരിങ്ങമണ്ണ മഹാവിഷ്ണു  ക്ഷേത്രത്തിലെ  പാരമ്പര്യേതര ട്രസ്റ്റിമാരുടെ ഒഴിവിലേക്ക് ഹിന്ദുമത വിശ്വാസികളായ തദ്ദേശവാസികളില്‍ നിന്നും അപേക്ഷ ക്ഷണിച്ചു. അപേക്ഷ ജനുവരി 30 ന്് വൈകീട്ട്  അഞ്ചിനകം കോഴിക്കോട് അസിസ്റ്റന്റ് കമ്മീഷണറുടെ ഓഫീസില്‍ ലഭിക്കണം. ഫോണ്‍ : 0495 2374547.
 

ജനുവരി 21 ന് സ്പെഷ്യല്‍ തിരഞ്ഞെടുപ്പ് നടക്കുന്ന ജി 65 മാവൂര്‍ ഗ്രാമപഞ്ചായത്ത് (11-താത്തൂര്‍പ്പൊയില്‍)  നിയോജകമണ്ഡലത്തില്‍   ജനുവരി 19 ന് വൈകീട്ട് ആറ് മണിക്ക് ശേഷവും ജനുവരി 20, 21, 22 തീയതികളിലും സമ്പൂര്‍ണ്ണ മദ്യനിരോധനം ഏര്‍പ്പെടുത്തിയതായി ജില്ലാ തിരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ അറിയിച്ചു.

ഡി.എല്‍.എഡ് (ടിടിസി) കോഴ്സിന്റെ 2020-22 വര്‍ഷത്തിലെ ഗവ. വിഭാഗം അന്തിമ ലിസ്റ്റില്‍ ഉള്‍പ്പെട്ടിട്ടും സെലക്ഷന്‍ ഓര്‍ഡര്‍ ലഭിക്കാത്തവര്‍ കോഴിക്കോട് വിദ്യാഭ്യാസ ഉപഡയറക്ടറുടെ കാര്യാലയവുമായി ബന്ധപ്പെടണമെന്ന് ഉപഡയറക്ടര്‍ അറിയിച്ചു.
 

c

ജനുവരി മാസത്തെ കോഴിക്കോട് ജില്ലാ വികസന സമിതി യോഗം ജനുവരി 30 ന് രാവിലെ 10.30ന് കളക്ടറേറ്റ് കോണ്‍ഫറന്‍സ് ഹാളില്‍ ചേരും.
 

കോഴിക്കോട് കര്‍ഷക പരിശീലന കേന്ദ്രത്തിന്റെ നേതൃത്ത്വത്തില്‍ ഉദ്യാന കൃഷിയില്‍ ഫെബ്രുവരി ആദ്യവാരം 30 കര്‍ഷകര്‍ക്ക് ത്രിദിന പരിശീലനം നടത്തും.  താല്‍പര്യമുള്ള കര്‍ഷകര്‍ 04952373582 ,9383471793  ഫോണ്‍ നമ്പറില്‍  ജനുവരി 28 നകം പേര് രജിസ്റ്റര്‍ ചെയ്യണം.   മുന്‍പ് ഈ കേന്ദ്രത്തില്‍ നിന്നും പരിശീലനം ലഭിച്ചവര്‍ക്ക് രജിസ്ട്രേഷന്‍ അനുവദിക്കില്ല. രാവിലെ 10 മുതല്‍ 5 വരെ മൂന്ന് ദിവസം തുടര്‍ച്ചയായി ക്ലാസ്സ് ഉണ്ടായിരിക്കും.  മുന്‍ഗണന അടിസ്ഥാനത്തിലാണ് കര്‍ഷകരെ തിരഞ്ഞെടുക്കുക.