തൃശൂർ ജില്ലയിൽ അന്തിക്കാട്, ചേർപ്പ്, ചൊവ്വന്നൂർ, ഒല്ലൂക്കര എന്നീ ബ്ലോക്കു തല കൃഷി അസിസ്റ്റൻ്റ്‌ ഡയറക്ടർ ഓഫീസുകളിൽ നിലവിലുള്ള ആത്മ ബ്ലോക്ക് ടെക്നോളജി മാനേജർ എന്ന താൽക്കാലിക തസ്തികയിലെ ഒഴിവിലേക്ക് ഒരുവർഷത്തെ കരാർ നിയമനത്തിനായി 

അപേക്ഷ ക്ഷണിച്ചു. പദ്ധതികളുടെ ഫീൽഡ് തല നിർവഹണ ചുമതലയുള്ള ഈ തസ്തികയിലേക്ക് കൃഷി/ മൃഗസംരക്ഷണം/ ഡയറി സയൻസ് /ഫിഷറീസ് അഗ്രികൾച്ചറൽ എൻജിനിയറിങ്ങ് ഇവയിൽ ബിരുദാനന്തരബിരുദമുള്ള 45 വയസ്സിൽ താഴെ പ്രായമുള്ളവരെയാണ്  പരിഗണിക്കുന്നത്. കൃഷി അനുബന്ധ മേഖലകളിൽ കുറഞ്ഞത് രണ്ടു വർഷത്തെ പ്രവൃത്തിപരിചയം 

അഴീക്കോട് മേഖല ചെമ്മീൻ വിത്തുൽപ്പാദന കേന്ദ്രത്തിലെ അക്വാട്ടിക് ആനിമൽ ഹെൽത്ത് ലാബിലേക്ക് സോയിൽ അനാലിസിസ് ഉപകരണം വാങ്ങുന്നതിന് ടെൻഡർ ക്ഷണിച്ചു. അവസാന തിയ്യതി ജനുവരി 20 ന് രാവിലെ 11ന്. ഫോൺ: 0480 2819698

'0000 ഹരിത ഓഫീസുകള്‍' ജില്ലാതല ലോഗോ പ്രകാശനം  ജില്ലാ പഞ്ചായത്ത് പ്രസിഡണ്ട് കാനത്തില്‍ ജമീല നിര്‍വ്വഹിച്ചു. മാലിന്യ മുക്തമായ മാതൃക ഓഫീസുകളാക്കി എല്ലാ ഓഫീസുകളെയും മാറ്റണമെന്ന് ജില്ലാ പഞ്ചായത്ത് പ്രസിഡണ്ട് അഭിപ്രായപ്പെട്ടു. പ്രകാശനം ചെയ്ത ലോഗോ ജില്ലാ ശുചിത്വ മിഷന്‍ കോര്‍ഡിനേറ്റര്‍ പി.എം.സൂര്യക്ക് കൈമാറി.

കോവിഡ് അതിജീവനത്തിന്റെ ഭാഗമായി സംസ്ഥാന സര്‍ക്കാര്‍ നല്‍കി വരുന്ന അതിജീവനക്കിറ്റില്‍  2020  നവംബര്‍ , ഡിസംബര്‍  മാസത്തെ കിറ്റുകള്‍  റേഷന്‍ കാര്‍ഡുടമകള്‍ക്ക്  ഇന്നു (ജനുവരി  16)  കൂടി ലഭിക്കുമെന്ന് സപ്ലൈകോ അധികൃതര്‍  അറിയിച്ചു.

 ഭിന്നശേഷിക്കാര്‍ക്കുള്ള പ്രത്യേക എംപ്ലോയ്മെന്റ് എക്സ്ചേഞ്ചില്‍ രജിസ്റ്റര്‍ ചെയ്തിട്ടുള്ളവരും 2004 ജനുവരി ഒന്ന് മുതല്‍ 2019 ഡിസംബര്‍ 31 വരെ എംപ്ലോയ്മെന്റ് എക്സ്ചേഞ്ച് വഴി താല്‍ക്കാലികമായി ജോലി ചെയ്തവരുമായ ഉദ്യോഗാര്‍ത്ഥികള്‍ ഡിസ്ചാര്‍ജ് സര്‍ട്ടിഫിക്കറ്റും എംപ്ലോയ്മെന്റ് കാര്‍ഡും അതിന്റെ പകര്‍പ്പുകളുമായി കോഴിക്കോട് സിവില്‍ സ്റ്റേഷനിലെ  ഭിന്നശേഷിക്കാര്‍ക്കുള്ള പ്രത്യേക എംപ്ലോയ്മെന്റ് എക്സ്ചേഞ്ചില്‍ ജനുവരി 18 നകം നേരിട്ട് ഹാജരാകണമെന്ന് സബ് റീജ്യണല്‍ എംപ്ലോയ്മെന്റ് ഓഫീസര്‍ അറിയിച്ചു. ഫോണ്‍ : 0495 2373179.
 

താമരശ്ശേരി: താമരശ്ശേരി കോളേജ് ഓഫ് അപ്ലൈഡ് സയന്‍സില്‍ ഒന്നാം വര്‍ഷ എം.എ ഇംഗ്ലീഷ് ഓപ്പണ്‍, ഇ.ടി.ബി, വിഭാഗങ്ങളില്‍ സീറ്റ് ഒഴിവുണ്ട്. യൂണിവേഴ്സിറ്റി റാങ്ക് ലിസ്റ്റില്‍ ഉള്‍പ്പെട്ടവരും  ലേറ്റ്ക്യാപ് രജിസ്ട്രേഷന്‍ പൂര്‍ത്തിയാക്കിയവരുമായവര്‍ക്ക് ഇന്റര്‍വ്യൂവിന് ഹാജരാകാം. 
എം.എ ഇംഗ്ലീഷ് മുന്നോക്കത്തിലെ പിന്നോക്കക്കാര്‍ക്ക് അര്‍ഹതപ്പെട്ട ഇ ഡബ്ല്യൂഎസ്  സീറ്റും ഒഴിവുണ്ട്. വിദ്യാര്‍ത്ഥികള്‍ സംവരണം തെളിയിക്കുന്ന രേഖകളും ബന്ധപ്പെട്ട സര്‍ട്ടിഫിക്കറ്റുകളും സഹിതം ജനുവരി 18ന് 10 മണിയ്ക്കുള്ളില്‍ കോളേജ് ഓഫീസില്‍ ഹാജരാകണം. ഫോണ്‍: 04952 2223243.