സംസ്ഥാന തലത്തിൽ ജനുവരി 26 ന്  പതിനായിരം സർക്കാർ ഓഫീസുകൾ മുഖ്യമന്ത്രി ഹരിത ഓഫീസുകളായി പ്രഖ്യാപിക്കുന്നതിനോടനുബന്ധിച്ച് ജില്ലയിൽ ആയിരം ഓഫീസുകൾ ഹരിത ഓഫീസുകളായി പ്രഖ്യാപിക്കുമെന്ന് ഹരിതകേരളം മിഷൻ ജില്ലാ കോ-ഓഡിനേറ്റർ വൈ. കല്യാണ കൃഷ്ണൻ അറിയിച്ചു. ജില്ലാ പഞ്ചായത്ത് പ്രസിഡൻ്റ് കെ.ബിനുമോളിന്റെ  അധ്യക്ഷതയിൽ ചേർന്ന  ഹരിതകേരളം ജില്ലാ മിഷൻ യോഗത്തിലാണ് ഇക്കാര്യം അറിയിച്ചത്. ജില്ലാ പഞ്ചായത്ത് പ്രസിഡന്റിന്റെ ചേംബറിൽ നടന്ന യോഗത്തിൽ ഹരിത ഓഫീസ് ലോഗോ പ്രകാശനം ചെയ്തു. 

പാലക്കാട് ജില്ലയില്‍ ഇന്ന് (ജനുവരി 15) 209 പേര്‍ക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതര്‍ അറിയിച്ചു. ഇതില്‍ സമ്പര്‍ക്കത്തിലൂടെ രോഗബാധ ഉണ്ടായ 114 പേര്‍, ഉറവിടം അറിയാതെ രോഗം ബാധിച്ച 88 പേര്‍, വിദേശത്തുനിന്നും ഇതര സംസ്ഥാനത്ത്  നിന്നുമായി വന്ന 3 പേർ, 4 ആരോഗ്യ പ്രവർത്തകർ എന്നിവര്‍ ഉള്‍പ്പെടും. 133 പേര്‍ക്ക് രോഗമുക്തി ഉള്ളതായും അധികൃതര്‍ അറിയിച്ചു.

ഇന്ന് രോഗം സ്ഥിരീകരിച്ചവരുടെ വിവരങ്ങൾ 

പാലക്കാട് സ്വദേശികൾ - 21 പേർ

പുതുപ്പരിയാരം സ്വദേശികൾ - 19 പേർ 

കോങ്ങാട്, ഷോർണൂർ സ്വദേശികൾ - 10 പേർ വീതം

പാലക്കാട് ജില്ലയില്‍ ഇന്ന് (ജനുവരി 14) 210 പേര്‍ക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതര്‍ അറിയിച്ചു. ഇതില്‍ സമ്പര്‍ക്കത്തിലൂടെ രോഗബാധ ഉണ്ടായ 82 പേര്‍, ഉറവിടം അറിയാതെ രോഗം ബാധിച്ച 119 പേര്‍, വിദേശത്തുനിന്നും ഇതര സംസ്ഥാനത്ത്  നിന്നുമായി വന്ന 7 പേർ, 2 ആരോഗ്യ പ്രവർത്തകർ എന്നിവര്‍ ഉള്‍പ്പെടും. 194 പേര്‍ക്ക് രോഗമുക്തി ഉള്ളതായും അധികൃതര്‍ അറിയിച്ചു.

ഇന്ന് രോഗം സ്ഥിരീകരിച്ചവരുടെ വിവരങ്ങൾ

പാലക്കാട് സ്വദേശികൾ - 28 പേർ

ഷൊർണൂർ സ്വദേശികൾ - 18 പേർ

ഒറ്റപ്പാലം സ്വദേശികൾ - 13 പേർ

ചെർപ്പുളശ്ശേരി സ്വദേശികൾ - 10 പേർ

 
അട്ടപ്പാടി സമ്പൂർണ്ണ ആദിവാസി സാക്ഷരതാ പദ്ധതിയിലെ ഇൻസ്ട്രക്ടർമാരുടെ സംഗമവും, തദ്ദേശ   തിരഞ്ഞെടുപ്പിൽ സാക്ഷരതാ പ്രേരക് ,ഇൻസ്ട്രക്ടർ,  പഠിതാക്കൾ എന്നിവരിൽ നിന്നും മത്സരിച്ച്  തിരഞ്ഞെടുക്കപ്പെട്ട ജനപ്രതിനിധികൾക്കുള്ള സ്വീകരണവും സംഘടിപ്പിച്ചു. അഗളി ഇ.എം.എസ് ടൗൺ ഹാളിൽ നടന്ന പരിപാടി  ജില്ലാ പഞ്ചായത്ത് പ്രസിഡൻ്റ് കെ.ബിനുമോൾ ഉദ്ഘാടനം ചെയ്തു. അട്ടപ്പാടിയെ സമ്പൂർണ്ണ സാക്ഷരതയിലേക്കെത്തിക്കാൻ ജില്ലാ പഞ്ചായത്തും സർക്കാരും  എല്ലാ വിധ പിന്തുണയും നൽകുമെന്ന് ജില്ലാ പഞ്ചായത്ത്  പ്രസിഡൻ്റ് പറഞ്ഞു. 

നാഷണൽ ഹെൽത്ത് മിഷനിലേക്ക് നഴ്‌സുമാരെ തിരഞ്ഞെടുക്കാനുള്ള എഴുത്തു പരീക്ഷയ്ക്ക് തയ്യാറെടുക്കാൻ ഓൺലൈൻ ക്രാഷ് കോച്ചിംഗുമായി റീച്ച് ഫിനിഷിംഗ് സ്‌കൂൾ.വനിതാ വികസന കോർപ്പറേഷന്റെ പരിശീലന സ്ഥാപനമായ 'റീച്ച്' ഏഴ് ദിവസം നീളുന്ന ക്രാഷ് കോഴ്‌സാണ് നഴ്‌സുമാർക്കായി തയ്യാറാക്കിയിട്ടുള്ളത്. ഓൺലൈൻ ക്ലാസുകൾ ജനുവരി 17 മുതൽ ആരംഭിക്കും. താത്പര്യമുള്ളവർക്ക് കൂടുതൽ വിവരങ്ങൾ 9496015002, 0471-2365445, 0497-2800572, 9496015018 എന്നീ നമ്പരുകളിലോ www.kswdc.org, www.reach.org.in എന്നീ വെബ്‌സൈറ്റുകളിലോ ലഭിക്കും.

വനിതാ പോലീസ് കോണ്‍സ്റ്റബിള്‍, പോലീസ് കോണ്‍സ്റ്റബിള്‍ ( അട്ടപ്പാടി ബ്ലോക്കിലെ പട്ടികവര്‍ഗ വിഭാഗത്തില്‍പ്പെട്ടവര്‍ക്കുള്ള പ്രത്യേക നിയമനം)  തസ്തികകളിലേക്ക് തെരഞ്ഞെടുക്കപ്പെട്ടവര്‍ക്കുള്ള നിയമനശിപാര്‍ശ അറിയിപ്പ് കൈമാറിയതായി പി.എസ്.സി ജില്ലാ ഓഫീസര്‍ അറിയിച്ചു. അട്ടപ്പാടിയില്‍ നടത്തിയ കായികക്ഷമത പരീക്ഷ, അഭിമുഖം എന്നിവയുടെ അടിസ്ഥാനത്തിലാണ് 2020 ഡിസംബര്‍ 28 നാണ് റാങ്ക് പട്ടിക പ്രസിദ്ധീകരിച്ചത്.

അട്ടപ്പാടി ആര്‍.ജി.എം ഗവ. കോളെജില്‍ എം.എ പബ്ലിക് അഡ്മിനിസ്‌ട്രേഷന്‍ കോഴ്‌സിന് എസ്.സി, വിഭിന്ന ശേഷി, ലക്ഷദ്വീപ്, സ്‌പോര്‍ട്‌സ് ക്വാട്ടകളില്‍ സീറ്റൊഴിവുണ്ട്. കാലിക്കറ്റ് യൂണിവേഴ്‌സിറ്റി പി.ജി ക്യാപ് രജിസ്‌ട്രേഷനുള്ള മേല്‍വിഭാഗത്തില്‍പ്പെട്ട വിദ്യാര്‍ഥികള്‍ ജനുവരി 19 ന് വൈകീട്ട് മൂന്നിനകം കോളെജില്‍ റിപ്പോര്‍ട്ട് ചെയ്യണമെന്ന് പ്രിന്‍സിപ്പാള്‍ അറിയിച്ചു. ഫോണ്‍: 9447939937.