ഇന്ന് ആലപ്പുഴ ജില്ലയിൽ 353 പേർക്ക് കോവിഡ് സ്ഥിരീകരിച്ചു .ഒരാൾ വിദേശത്തു  നിന്നും എത്തിയതാണ് . 344പേർക്ക് സമ്പർക്കത്തിലൂടെയാണ് രോഗം ബാധിച്ചത്   . 8പേരുടെ  സമ്പർക്ക ഉറവിടം വ്യക്തമല്ല.234പേരുടെ പരിശോധനാഫലം നെഗറ്റീവായി. ആകെ 57959പേർ രോഗ മുക്തരായി.4493പേർ ചികിത്സയിൽ ഉണ്ട്.

ആലപ്പുഴ : ഉപയോഗശൂന്യമായ മാസ്കുകൾ അണുവിമുക്തമാക്കാനും,കൈകൾ സാനിറ്റൈസർ ഉപയോഗിച്ച് ശുദ്ധീകരിക്കാനുമായി ഓട്ടോമാറ്റിക് സംവിധാനമായ 'ബിൻ 19' മെഷീൻ കളക്ടറേറ്റിൽ സ്ഥാപിച്ചു. കളക്ടർ എ. അലക്സാണ്ടർ മെഷീന്റെ പ്രവർത്തനോദ്ഘാടനം നിർവ്വഹിച്ചു. ദിനം പ്രതി ഒട്ടേറെ ആളുകൾ വന്നുപോകുന്ന കളക്ടറേറ്റിൽ കോവിഡ് പ്രതിരോധത്തിന് ഈ നൂതന സംവിധാനം ഏറെ പ്രയോജനകരമാകും. കൊച്ചി കേന്ദ്രമാക്കി പ്രവർത്തിക്കുന്ന വി. എസ്. റ്റി മൊബൈൽ സൊല്യൂഷൻസ് എന്ന സ്റ്റാർട്ടപ്പ് കൂട്ടായ്മയാണ് ബിൻ -19 സംവിധാനം തയ്യാറാക്കിയത്.

നിയമസഭ  തെരഞ്ഞെടുപ്പിനുള്ള വോട്ടർപട്ടിക സംബന്ധിച്ച് ഇന്ത്യൻ  തെരഞ്ഞെടുപ്പ് കമ്മീഷൻ നിയോഗിച്ച നിരീക്ഷകൻ ഗോപാലകൃഷ്ണ ഭട്ട് ഐ.എ.എസ് ഇന്ന്‌ (തിങ്കള്‍) ജില്ലയിലെത്തും. ജില്ലയിലെ മൂന്ന് താലൂക്കുകളിലും വോട്ടർപട്ടിക സംബന്ധിച്ച് നിരീക്ഷകൻ പരിശോധന നടത്തും.

ജില്ലയില്‍ 9 വാക്‌സിനേഷന്‍ കേന്ദ്രങ്ങളില്‍ ജനുവരി 16 ന് കോവിഡ് 19 പ്രതിരോധ കുത്തിവയ്പ് നടത്തും്. ജില്ല വാക്‌സിന്‍ സ്റ്റോറില്‍ സംഭരിച്ചിരിക്കുന്ന വാക്‌സിന്‍ അതാത് കേന്ദ്രങ്ങളിലെത്തിച്ചിട്ടുണ്ട്.

.179 പേര്‍ക്ക് രോഗമുക്തി

.223 പേര്‍ക്ക് സമ്പര്‍ക്കത്തിലൂടെ രോഗബാധ

വയനാട് ജില്ലയില്‍ ഇന്ന് (17.1.21) 226 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക അറിയിച്ചു. 179 പേര്‍ രോഗമുക്തി നേടി. പത്ത് ആരോഗ്യ പ്രവര്‍ത്തകര്‍ ഉള്‍പ്പെടെ 223 പേര്‍ക്ക് സമ്പര്‍ക്കത്തിലൂടെയാണ് രോഗബാധ. ഇതില്‍ 4 പേരുടെ സമ്പര്‍ക്ക ഉറവിടം വ്യക്തമല്ല. ഇതര സംസ്ഥാനത്ത് നിന്നും എത്തിയ മൂന്ന് പേര്‍ക്കും രോഗം സ്ഥിരീകരിച്ചിട്ടുണ്ട്.

കോവിഡ് പ്രതിരോധ വാക്സിൻ കോവി ഷീൽഡ് വിതരണം ജില്ലയിൽ ആരംഭിച്ചു. ജനറൽ ആശുപത്രിയിൽ നടന്ന കോവിഡ് വാക്സിൻ വിതരണത്തിൽ ജില്ലാ മെഡിക്കൽ ഓഫിസർ എൽ. അനിതകുമാരി ആദ്യമായി വാക്സിൻ സ്വീകരിച്ചു. തുടർന്ന് ഡോക്ടർ വേണു ഗോപാൽ, ആർ സി എച് ഓഫീസർ ഡോക്ടർ മോഹൻദാസ്, എന്നിവരും വാക്സിൻ സ്വീകരിച്ചു.

ആലപ്പുഴ: വിദ്യാഭ്യാസ ജില്ലയുടെ പരിധിയിൽ നടന്ന വിവിധ വർഷങ്ങളിലെ കെ-ടെറ്റ് പരീക്ഷ വിജയിച്ച് വെരിഫിക്കേഷൻ പൂർത്തിയാക്കിയ പരീക്ഷാർഥികളുടെ കെ-ടെറ്റ് സർട്ടിഫിക്കറ്റ് വിതരണം ജില്ല വിദ്യാഭ്യാസ ഓഫീസിൽ നടന്നു വരുന്നു. ഈ സർട്ടിഫിക്കറ്റുകൾ കൈപ്പറ്റുന്നതിനായി പരീക്ഷാർഥികൾ നിർബന്ധമായും തങ്ങളുടെ ഹാൾടിക്കറ്റുമായി ഹാജരാകണമെന്ന് ജില്ല വിദ്യാഭ്യാസ ഓഫീസർ അറിയിച്ചു.