സഹകരണ മേഖല ജനങ്ങള്‍ക്ക്  നല്‍കുന്നത് മികച്ച പിന്തുണയാണെന്നും ജനപക്ഷത്ത് നിന്നാണ് പ്രവര്‍ത്തിക്കുന്നതെന്നും സഹകരണ വകുപ്പ്  മന്ത്രി കടകംപള്ളി സുരേന്ദ്രന്‍. സഹകരണ വകുപ്പിന്റെ  കെയര്‍ ഹോം പദ്ധതിയില്‍ ഇടുക്കി ജില്ലാ പോലീസ് സഹകരണ സംഘത്തിന്റെ മേല്‍ നോട്ടത്തില്‍  നിര്‍മാണം പൂര്‍ത്തികരിച്ച ചെറുതോണി പാറെപ്പറമ്പില്‍  സജീവന്റെ  വീടിന്റെ താക്കോല്‍ ദാന ചടങ്ങ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഭവനരഹിതര്‍ക്ക് ഭവനമുണ്ടാക്കി നല്‍കുന്നത് സംസ്ഥാന സര്‍ക്കാരിന്റെ വികസന നേട്ടങ്ങളില്‍ ഒന്നാണ്.

ജില്ലയിലെ ആദ്യടേക്ക് എ ബ്രേക്ക് ടോയ്‌ലറ്റ് സമുച്ചയവും വിശ്രമകേന്ദ്രവും കൊടുമണ്‍ ഗ്രാമപഞ്ചായത്തില്‍ ആരംഭിച്ചു. മുഖ്യമന്ത്രി പ്രഖ്യാപിച്ചിട്ടുള്ള സര്‍ക്കാരിന്റെ പ്രാധാന്യം നല്‍കേണ്ട പന്ത്രണ്ടിന പരിപാടികളില്‍ ഏറ്റവും പ്രധാനപ്പെട്ടതാണ് 'ടേക്ക് എ ബ്രേക്ക്' പദ്ധതി. 

കൊടുമണ്‍ സ്റ്റേഡിയത്തിനു സമീപത്തായി ആരംഭിച്ച ടേക്ക് എ ബ്രേക്ക് കേന്ദ്രത്തിന്റെ ഉദ്ഘാടനം അഡീഷണല്‍ ഡിസ്ട്രിക്ട് മജിസ്‌ട്രേറ്റ് അലക്‌സ് പി. തോമസ് നിര്‍വഹിച്ചു. 

മഞ്ചേരി പോളിടെക്‌നിക്ക് കോളജ് പ്രവേശനത്തിന് www.polyadmission.org ല്‍ പ്രസിദ്ധീകരിച്ച രണ്ടാം അലോട്ട്‌മെന്റ്‌ലിസ്റ്റ് പ്രകാരം അലോട്ട്‌മെന്റ് ലഭിച്ചവര്‍ പ്രവേശനം നേടുന്നതിന്  വെബ്‌സൈറ്റില്‍ നിന്ന് ലഭിക്കുന്ന അലോട്ട്‌മെന്റ് സ്ലിപ്പിന് പുറമെ ടി.സി., സി.സി, മറ്റു അസ്സല്‍ സര്‍ട്ടിഫിക്കറ്റുകള്‍, നിശ്ചിത ഫീസും സഹിതം  നവംബര്‍ ആറ്, ഒന്‍പത്, 10 തീയതികളില്‍ ഹാജരാകണം.  കിട്ടിയ ഓപ്ഷന്‍ നിലനിര്‍ത്തി ഉയര്‍ന്ന ഓപ്ഷന് ശ്രമിക്കണമെങ്കില്‍ അസ്സല്‍ സര്‍ട്ടിഫിക്കറ്റുകള്‍ സഹിതം അതത് ദിവസം രാവിലെ 10 മുതല്‍ വൈകീട്ട് നാല് വരെ കോളജിലെത്തി രജിസ്റ്റര്‍ ചെയ്യണം.

കേരള സര്‍ക്കാര്‍ സ്ഥാപനമായ സി-ആപ്റ്റും സാങ്കേതിക വിദ്യാഭ്യാസ വകുപ്പും സംയുക്തമായി നടത്തുന്ന കെ.ജി.ടി.ഇ പ്രീ-പ്രസ്സ് ഓപ്പറേഷന്‍, കെ.ജി.ടി.ഇ പ്രസ്സ് വര്‍ക്ക് കോഴ്‌സുകളില്‍ കോഴിക്കോട് ഉപകേന്ദ്രത്തില്‍ സീറ്റൊഴിവുണ്ട്. പട്ടികജാതി/പട്ടികവര്‍ഗ/മറ്റര്‍ഹ വിഭാഗക്കാര്‍ക്ക് നിയമാനുസൃതമായ ഫീസ് ആനുകൂല്യം ലഭിക്കും. ഒ.ബി.സി/എസ്.ഇ.ബി.സി/ മുന്നോക്ക സമുദായങ്ങളിലെ സാമ്പത്തികമായി പിന്നാക്കം നില്‍ക്കുന്ന വിദ്യാര്‍ഥികള്‍ക്ക്  വരുമാന പരിധിക്ക് വിധേയമായി ഫീസ് ആനുകൂല്യം ലഭിക്കും.

സംസ്‌കാരങ്ങളുടെ സംഗമ സ്ഥാനമാണ് ഇടുക്കി  ജില്ലയെന്ന് മന്ത്രി രാമചന്ദ്രന്‍ കടന്നപ്പള്ളി. ബഹുത്വവും വൈവിധ്യവുമായ സംസ്‌കാരവുമായി  ആയിരത്താണ്ടുകള്‍ക്ക് മുന്‍പ് മനുഷ്യന്‍ ഇവിടെ ജീവിച്ചിരുന്നു എന്നതിന്  ധാരാളം തെളിവുകളും ഇടുക്കിയിലുണ്ട്. മറയൂരിലും  കാന്തല്ലൂരിലുമായി പതിനഞ്ചോളം ഗുഹാ സങ്കേതങ്ങള്‍ സംസ്ഥാന പുരാവസ്തുവകുപ്പ് ജില്ലയില്‍ നിന്ന്   കണ്ടെത്തുകയും ഡോക്യുമെന്റു ചെയ്യുകയും ചെയ്തിട്ടുണ്ട്.    സംസ്‌ക്കാരവുമായി ബന്ധപ്പെട്ട പ്രധാനപ്പെട്ട  ചിത്രങ്ങള്‍ സംരക്ഷിതമായി സര്‍ക്കാര്‍  പ്രഖ്യാപിച്ചിട്ടുമുണ്ട്.

പോണ്ടിച്ചേരി കേന്ദ്ര സര്‍വകലാശാലയുടെ മാഹി സെന്ററില്‍ ഡിഗ്രി കോഴ്സുകളായ ജേര്‍ണലിസം, ഫാഷന്‍ ടെക്നോളജി എന്നിവയിലും ഡിപ്ലോമ കോഴ്സുകളായ റേഡിയോഗ്രഫി, ടൂറിസം എന്നിവയിലും സീറ്റുകള്‍ ഒഴിവുണ്ടെന്ന് സെന്റര്‍ ഹെഡ് അറിയിച്ചു. നവംബര്‍ 12 വരെ അപേക്ഷിക്കാം. പ്ലസ്ടു/ തത്തുല്യയോഗ്യതയുള്ള വിദ്യാര്‍ഥികള്‍ക്ക് സര്‍ട്ടിഫിക്കറ്റുകള്‍ സഹിതം കേന്ദ്രത്തില്‍ ഹാജരാകാം. ഫോണ്‍: 9207982622, 04902332622.

മഞ്ചേശ്വരം ബ്ലോക്ക് പഞ്ചായത്ത് വാര്‍ഷിക പദ്ധതിയുള്‍പ്പെടുത്തി വിദ്യാഭ്യാസ സാംസ്‌കാരിക മേഖലയില്‍ നടപ്പാക്കുന്ന  അക്ഷര വെളിച്ചം പദ്ധതി യുടെ ഭാഗമായി ഗ്രന്ഥശാലകള്‍ക്ക് സൗജന്യ പുസ്തകം വിതരണം ചെയ്തു. ജില്ലാ സെഷന്‍സ് ജഡ്ജി ജസ്റ്റീസ് എസ് എച്ച് പഞ്ചാപകേശന്‍ ഉദ്്ഘാടനം ചെയ്തു. ലൈബ്രറി കൗണ്‍സില്‍ അംഗീകാരമുള്ള 30 ഗ്രന്ഥശാലകള്‍ക്കാണ് വിവിധ വിഷയ മേഖലകളിലെ 30 പുസ്തകങ്ങള്‍ വീതം വിതരണം ചെയ്തത്.  കഴിഞ്ഞ വര്‍ഷം ഗ്രന്ഥശാലകള്‍ക്ക്     ഫര്‍ണീച്ചര്‍ നല്‍കിയിരുന്നു.

മടിക്കൈ ഗവ.ഐ.ടി.ഐയിലെ എക വത്സര,ദ്വിവത്സരകോഴ്‌സുകളിലേക്കുള്ള രണ്ടാമത്തെ ചാന്‍സ് ഇന്റര്‍വ്യൂ ലിസ്റ്റ് പ്രസിദ്ധീകരിച്ചു. ഇന്റര്‍വ്യൂവില്‍ പങ്കെടുക്കുവാന്‍ താല്‍പര്യമുളളവര്‍ കോവിഡ്‌പ്രോട്ടോകോള്‍ പാലിച്ചുനവംബര്‍ ആറിന് രാവിലെ 10ന  സര്‍ട്ടിഫിക്കറ്റുകളുമായിഐ.ടി.ഐയില്‍ഹാജരാകണം.   റാങ്ക്‌ലിസ്റ്റ്‌ഐ.ടി.ഐവെബ്‌സൈറ്റായ www.itimadikkai.kerala.gov.in യില്‍ ലഭ്യമാണ്.  കൂടുതല്‍ വിവരങ്ങള്‍ക്ക് 0672240282, 9497639626

ഗാര്‍ഹിക ഉപഭോക്താക്കള്‍ക്ക് സബ്‌സിഡി പദ്ധതിയില്‍ അനെര്‍ട്ട് മുഖേന സൗരോര്‍ജ നിലയം സ്ഥാപിക്കുന്നതിനായി അപേക്ഷിക്കാം. താത്പര്യമുള്ളവര്‍ക്ക് www.buymysun.com വെബ് പോര്‍ട്ടലില്‍ രജിസ്റ്റര്‍ ചെയ്ത് ആവശ്യമായ രേഖകള്‍ സമര്‍പ്പിക്കാം. ആദ്യ മൂന്ന് കിലോവാട്ടിന് 40 ശതമാനം സബ്‌സിഡിയും, തുടര്‍ന്ന് 10 കിലോവാട്ട് വരെയുള്ള നിലയങ്ങള്‍ക്ക് ഓരോ കിലോവാട്ടിനും 20 ശതമാനം സബ്‌സിഡിയും ലഭിക്കും. കൂടുതല്‍ വിവരങ്ങള്‍ www.buymysun.com ലും ടോള്‍ ഫ്രീ നമ്പറായ 1800 425 1803 ലും ലഭിക്കും.