മലയാള ദിനാചരണത്തിന്റെയും  ഭരണഭാഷാ വാരാഘോഷത്തിന്റെയും ഭാഗമായി ജില്ലാ ഇന്‍ഫര്‍മേഷന്‍ ഓഫീസ്, വിദ്യാഭ്യാസ വകുപ്പ്  എന്നിവയുടെ സംയുക്താഭിമുഖ്യത്തില്‍  സ്‌കൂള്‍ വിദ്യാര്‍ഥികള്‍ക്കായി സംഘടിപ്പിച്ച റവന്യൂ ജില്ലാതല മത്സരവിജയികളെ  പ്രഖ്യാപിച്ചു. 

ഓണ്‍ലൈനായി നടത്തിയ  കവിതാലാപന മത്സരത്തില്‍ തിരുവല്ല വിദ്യാഭ്യാസ ജില്ലയിലെ വെണ്ണിക്കുളം  സെന്റ് ബെഹനാന്‍സ്  എച്ച്.എസിലെ പത്താംക്ലാസ് വിദ്യാര്‍ഥിനിയായ സാന്ദ്ര എസ് പിളള ഒന്നാം സ്ഥാനവും, തിരുവല്ല വിദ്യാഭ്യാസ ജില്ലയിലെ കുളത്തൂര്‍ സെന്റ്‌ജോസഫ് സ്  എച്ച്.എസിലെ ഒന്‍പതാം ക്ലാസ് വിദ്യാര്‍ഥിനിയായ നീതു എലിസബത്ത് ജോസഫ് രണ്ടാം സ്ഥാനവും നേടി. 

ദേശീയ പക്ഷി നിരീക്ഷണ ദിനത്തോടനുബന്ധിച്ച് പത്തനംതിട്ട ജില്ലാ ഭരണകൂടമൊരുക്കിയ 'കൂടൊരുക്കാം' പദ്ധതിയുടെ ഭാഗമായി പക്ഷികളുടെ ചിത്രങ്ങളുടെ പ്രദര്‍ശനോദ്ഘാടനം കളക്ടറേറ്റ് വിസിറ്റേഴ്‌സ് റൂമില്‍ നടന്ന ചടങ്ങില്‍ ജില്ലാ കളക്ടര്‍ പി.ബി നൂഹ് നിര്‍വഹിച്ചു. കളക്ടറേറ്റ് പരിസരത്ത് എത്തുന്ന  പക്ഷികളുടെ ചിത്രങ്ങളും അവയേക്കുറിച്ചുള്ള വിവരങ്ങളുമാണ് ക്യുആര്‍ കോഡ് സഹിതം കോണ്‍ഫറന്‍സ് ഹാളിലും വിസിറ്റേഴ്‌സ് റൂമിലും സ്ഥാപിച്ചത്. ക്യുആര്‍ കോഡ് സ്‌കാന്‍ ചെയ്താല്‍ പക്ഷികളുടെ ശബ്ദമുള്‍പ്പടെയുള്ള വിവരങ്ങള്‍ അറിയാം. 

 ഇടുക്കി എക്‌സൈസ് ഡിവിഷനില്‍ വിവിധ അബ്കാരി കേസുകളില്‍പ്പെട്ട് കണ്ടുകെട്ടിയ എട്ട് ഓട്ടോറിക്ഷകള്‍, ആറ് മോട്ടോര്‍സൈക്കിളുകള്‍, രണ്ടു കാറുകള്‍, ആറ സ്‌കൂട്ടറുകള്‍ എന്നിവ വ്യവസ്ഥകള്‍ക്കു വിധേയമായി നവംബര്‍ 24ന് രാവിലെ 11 ന് ഇടുക്കി എകസൈസ് ഡിവിഷന്‍ ഓഫീസില്‍ ലേലം ചെയ്യും. വാഹനങ്ങള്‍ പീരുമേട്, തൊടുപുഴ, ഉടുമ്പന്‍ചോല എന്നിവിടങ്ങളിലെ റേഞ്ച് ഓഫീസുകളിലും സര്‍ക്കിള്‍ ഓഫീസ് മൂന്നാര്‍, സെപെഷ്യല്‍ സ്‌ക്വാഡ് ഇടുക്കി എന്നിവിടങ്ങളിലും സൂക്ഷിച്ചിട്ടുണ്ട്. കൂടുതല്‍ വിവരങ്ങള്‍ക്ക് ഫോണ്‍: 04862 222493, 09447178058.

 കേരള ലോട്ടറി തൊഴിലാളി ബോര്‍ഡില്‍ അംഗങ്ങളായുള്ളവരുടെ മക്കള്‍ക്ക് വിദ്യാഭ്യാസ അവാര്‍ഡിനും സ്‌കോളര്‍ഷിപ്പിനും അപേക്ഷിക്കാന്‍ അവസരം.

കെ.എ.പി 5 ഇടുക്കി ആംഡ് ബറ്റാലിയന്റെ അധീനതയില്‍ ഉളളതും കാലഹരണപ്പെട്ടതുമായ 21 വാഹനങ്ങള്‍ വിവിധ ദിനങ്ങളിലായി ലേലം. ഇതിനായി ക്വട്ടേഷന്‍ ക്ഷണിച്ചു.  

ഇരവിപേരൂര്‍ ഗ്രാമപഞ്ചായത്തിലെ വാര്‍ഡ് 3 (വൈ.എം.സി.എ മുതല്‍ പൊടിപ്പാറ വട്ടക്കോട്ട ഭാഗം വരെ )പ്രദേശങ്ങളെ കണ്ടെയ്ന്‍മെന്റ് സോണ്‍ നിയന്ത്രണത്തില്‍ നിന്നും ഒഴിവാക്കി ജില്ലാ കളക്ടര്‍ പി.ബി നൂഹ് ഉത്തരവ് പുറപ്പെടുവിച്ചു.

നിലവില്‍ പ്രഖ്യാപിച്ച കണ്ടെയന്‍മെന്റ് സോണ്‍ നിയന്ത്രണം അവസാനിക്കുന്ന സാഹചര്യത്തിലും, കണ്ടെയ്ന്‍മെന്റ് സോണ്‍ നിയന്ത്രണം ദീര്‍ഘിപ്പിക്കണമെന്നുള്ള പത്തനംതിട്ട ജില്ലാ മെഡിക്കല്‍ ഓഫീസറുടെ (ആരോഗ്യം)ശുപാര്‍ശ ലഭ്യമാകാത്ത സാഹചര്യത്തിലുമാണ് ഉത്തരവായത്.

കേരള ഗവണ്‍മെന്റ് പരീക്ഷാകമ്മീഷണര്‍ സര്‍ട്ടിഫിക്കറ്റ് നല്‍കുന്ന അപ്പര്‍ പ്രൈമറി സ്‌ക്കൂളിലെ അധ്യാപകയോഗ്യതയായ ഹിന്ദി ഡിപ്ലോമ ഇന്‍ എലിമെന്ററി എഡ്യൂക്കേഷന്‍ കോഴ്‌സിന് അപേക്ഷ ക്ഷണിച്ചു.50 ശതമാനം മാര്‍ക്കോടുകൂടിയുളള പ്ലസ് ടൂ അല്ലെങ്കില്‍ ഹിന്ദി ഭൂഷണ്‍, സാഹിത്യവിശാരദ് പ്രവീണ്‍, സാഹിത്യാചാര്യ എന്നിവയും പരിഗണിക്കും. പട്ടികജാതി മറ്റര്‍ഹവിഭാഗത്തിന് അഞ്ച് ശതമാനം മാര്‍ക്ക് ഇളവ്  ലഭിക്കും. പൂരിപ്പിച്ച അപേക്ഷകള്‍ പ്രിന്‍സിപ്പല്‍, ഭാരത് ഹിന്ദി പ്രചാര കേന്ദ്രം, അടൂര്‍ പോസ്റ്റ്, പത്തനംതിട്ട എന്ന വിലാസത്തില്‍ നവംബര്‍ 20 ന് മുന്‍പായി അയക്കണം. ഫോണ്‍ 8547126028