പറമ്പുകളിലും പരിസര പ്രാദേശങ്ങളിലും  മറ്റും പാമ്പിനെ കണ്ടാല്‍ ഇനി മുതല്‍ ഉടന്‍ തന്നെ പിടിക്കാമെന്ന് കരുതണ്ട. പാമ്പിനെ പിടിക്കാന്‍ യോ?ഗ്യത ഉള്ളവര്‍ക്ക് മാത്രമേ അതിന് അനുവാദമുണ്ടാകു. വനംവകുപ്പ് നല്‍കുന്ന സര്‍ട്ടിഫിക്കറ്റ് ഉള്ളവര്‍ക്കാണ്   സംസ്ഥാനത്ത് പാമ്പുകളെ പിടികൂടുന്നതിന് അനുവാദമുള്ളൂ. ഇതിനായി വിശദമായ മാര്‍ഗനിര്‍ദ്ദേശങ്ങള്‍ ആവിഷ്‌കരിച്ചിരിക്കുകയാണ് സംസ്ഥാന വനംവകുപ്പ്. രാജ്യത്ത് ആദ്യമായാണ് ഒരു സംസ്ഥാനത്ത് ഇത്തരത്തില്‍ മാര്‍ഗനിര്‍ദ്ദേശങ്ങള്‍ തയ്യാറാക്കി പരിശീലനം നല്‍കുന്നത്.

ഇടുക്കി ജില്ലയില്‍ 8,95,109 വോട്ടര്‍മാരാണുള്ളത്. ഇതില്‍ 4,43,105 പുരുഷന്‍മാരും 4,52,002 സ്ത്രീകളും രണ്ട് ട്രാന്‍സ്‌ജെന്‍ഡറും ഉള്‍പ്പെടുന്നു. തൊടുപുഴ നഗരസഭയില്‍ 19,972 സ്ത്രീകളും 19,143 പുരുഷന്‍മാരും ഉള്‍പ്പെടെ 39,115 വോട്ടര്‍മാരാണുള്ളത്. കട്ടപ്പന നഗരസഭയില്‍ 16,912 സ്ത്രീകളും 16,010 പുരുഷന്‍മാരും ഉള്‍പ്പെടെ 32,922 വോട്ടര്‍മാരാണ്. 52 പഞ്ചായത്തുകളിലായി 4,15,118 സ്ത്രീകളും 4,07952 പുരുഷന്‍മാരും രണ്ട് ട്രാന്‍സ്ജന്‍ഡറും ഉള്‍പ്പെടെ 8,23,072 വോട്ടര്‍മാരാണ് ഉള്ളത്.

കേരള പഞ്ചായത്ത്‌രാജ് ആക്ട് 124-ാം വകുപ്പ്/ കേരള മുനിസിപ്പാലിറ്റി ആക്ട് 148-ാം വകുപ്പ് അനുശാസിക്കുന്ന വിധത്തില്‍ ഓരോ ലഘുലേഖയും അച്ചടിക്കുന്ന പ്രസ്‌കാരനും പ്രസാധകനും അവരുടെ പേരും വിലാസവും പ്രസിദ്ധീകരണത്തില്‍ രേഖപ്പെടുത്തണം.

അച്ചടിച്ച തീയതി മുതല്‍ 10 ദിവസത്തിനകം അതിന്റെ ഒരു പ്രതിയും പ്രസാധകന്‍ നല്‍കിയ പ്രഖ്യാപനത്തിന്റെ  പകര്‍പ്പും എത്ര പ്രതികളാണ് അച്ചടിച്ചത് എന്നും, എന്ത് കൂലിയാണ് ഈടാക്കിയതെന്നും മറ്റും കമ്മീഷന്‍ നിര്‍ണ്ണയിച്ചിട്ടുളള ഫാറത്തില്‍ രേഖപ്പെടുത്തി ഒപ്പ് വെച്ച് സാക്ഷ്യപ്പെടുത്തി ജില്ലാ തിരഞ്ഞെടുപ്പ് ഉദ്യോഗസ്ഥന്‍ കൂടിയായ ജില്ലാ കളക്ടര്‍ക്ക് സമര്‍പ്പിക്കണം.

തദ്ദേശ സ്വയംഭരണ സ്ഥാപനങ്ങളിലേക്കുള്ള പൊതു തിരഞ്ഞെടുപ്പിന്  നിയോഗിക്കുന്ന ഉദ്യോഗസ്ഥര്‍ക്കുള്ള മാര്‍ഗ്ഗ നിര്‍ദേശങ്ങള്‍ പുറത്തിറങ്ങി.  തെരഞ്ഞെടുപ്പ് ഉദ്യോഗസ്ഥരെ നിയോഗിക്കുന്നതിനുള്ള പോസ്റ്റിംങ് നടപടിക്രമങ്ങള്‍ ലറൃീു.സലൃമഹമ.ഴീ്.ശി വെബ്‌സൈറ്റ് വഴിയാണ് നടത്തുന്നത്. ഓരോ സ്ഥാപനത്തിലെയും മേധാവികളാണ് അവരുടെ സ്ഥാപനത്തില്‍ നിലവില്‍ ജോലി ചെയ്യുന്ന ഉദ്യോഗസ്ഥരുടെ വിവരങ്ങള്‍ ഡാറ്റ  എന്‍ട്രി നടത്തേണ്ടത്.  

ഇടുക്കി ജില്ലാ  ആശുപത്രിയില്‍ വച്ച് നവംബര്‍ 18 രാവിലെ 11ന് ലാബ് ടെക്‌നീഷ്യന്‍/ബ്ലഡ് ബാങ്ക് ടെക്‌നീഷ്യന്‍, ഫാര്‍മസിസ്റ്റ്, എക്‌സ്‌റേ, ഇസിജി ടെക്‌നീഷ്യന്‍, ലാബ് അറ്റന്‍ഡര്‍ എന്നീ തസ്തികയിലേക്ക് നടത്താനിരുന്ന ഇന്റര്‍വ്യൂ മറ്റൊരു ഉത്തരവുണ്ടാകുന്നതുവരെ മാറ്റിവച്ചു.

കോഴിക്കോട് ഇംഹാന്‍സില്‍ പോസ്റ്റ് ബേസിക് ഡിപ്ലോമ ഇന്‍ സൈക്യാട്രിക്  നഴ്‌സിംഗ് 2020-21 കോഴ്‌സിലേക്ക് അപേക്ഷ ക്ഷണിച്ചു. യോഗ്യത- ജനറല്‍ നഴ്‌സിംഗ്/ബി.എസ്.സി നഴ്‌സിംഗ്/പോസ്റ്റ് ബേസിക് ബി.എസ്.സി നഴ്‌സിംഗ് ബിരുദം. അപേക്ഷ അയക്കേണ്ട അവസാന തീയതി നവംബര്‍ 30. അപേക്ഷ ഫോറം ഇംഹാന്‍സ് ഓഫീസില്‍ നിന്നും നേരിട്ടും www.imhans.ac.in  എന്ന വെബ്‌സൈറ്റ് വഴിയും ലഭിക്കും. വിശദ വിവരങ്ങള്‍ക്ക് 9745156700, 9605770068
 

സമഗ്രശിക്ഷ ഇടുക്കിയിലെ വിവിധ ബിആര്‍സികളെ ആലപ്പുഴ ജില്ലയിലെ വിവിധ ബിആര്‍സികളുമായി ചേര്‍ത്ത് ജാലകങ്ങള്‍ക്കപ്പുറം എന്ന പേരില്‍ സംയോജിത  പരിപാടിയ്ക്ക്  നവംബര്‍ 14 ശിശുദിനത്തില്‍ തുടക്കം കുറിക്കും. ഭിന്നശേഷിക്കാരായ കുട്ടികള്‍, അധ്യാപകര്‍, രക്ഷിതാക്കള്‍, ഡോക്ടര്‍മാര്‍, മനശാസ്ത്രജ്ഞ•ാര്‍, കൗണ്‍സിലര്‍മാര്‍, ജനപ്രതിനിധികള്‍, ഉദ്യോഗസ്ഥര്‍ എന്നിവരുടെ കൂട്ടായ്മയിലൂടെ തുടര്‍ന്നുളള എല്ലാ ബുധനാഴ്ചകളിലും വിവിധ പരിപാടികള്‍ നടത്തും.