പെരിന്തല്‍മണ്ണ ഗവ. പോളിടെക്‌നിക്ക് കോളജില്‍ സിവില്‍, മെക്കാനിക്കല്‍, ഇലക്ട്രിക്കല്‍, ഇലക്‌ട്രോണിക്‌സ് എഞ്ചിനീയറിങ്  എന്നീ ഡിപ്ലോമ കോഴ്‌സിലേക്കുളള പ്രവേശനം നവംബര്‍ 16, 17, 18, 19 തീയതികളില്‍ രാവിലെ ഒന്‍പത് മുതല്‍ വൈകീട്ട് നാല് വരെ കോളജില്‍ നടത്തും. നവംബര്‍ 16ന് ഇലക്ട്രിക്കല്‍ എഞ്ചിനീയറിങ്,  ഇലക്‌ട്രോണിക്‌സ് എഞ്ചിനീയറിങ് വിഷയങ്ങളിലേക്കും 17ന് മെക്കാനിക്കല്‍,

കോഴിക്കോട് ഇംഹാന്‍സില്‍ പോസ്റ്റ് ബേസിക്  ഡിപ്ലോമ ഇന്‍ സൈക്യാട്രിക് നഴ്‌സിങ് കോഴ്‌സിലേക്ക് അപേക്ഷ ക്ഷണിച്ചു. ജനറല്‍ നഴ്‌സിങ്/ ബി.എസ്.സി നഴ്‌സിങ്/ പോസ്റ്റ് ബേസിക് ബി.എസ്.സി നഴ്‌സിങ് ബിരുദം എന്നിവയാണ് യോഗ്യത. അപേക്ഷ സ്വീകരിക്കുന്ന അവസാന തീയതി നവംബര്‍ 30. അപേക്ഷ ഫോം ഇംഹാന്‍സ് ഓഫീസില്‍ നിന്ന് നേരിട്ടും www.imhans.ac.in ലും ലഭിക്കും. ഫോണ്‍: 9745156700, 9605770068.

സ്വിമ്മിങ് ഫെഡറേഷന്‍ ഓഫ് ഇന്‍ഡ്യ രാജ്യത്തെ മുഴുവന്‍ നീന്തല്‍ താരങ്ങളെയും  പരിശീലകരെയും  കേന്ദ്രീകൃത രജിസ്‌ട്രേഷന്‍ പദ്ധതിക്ക് കീഴില്‍  കൊണ്ടുവരുന്നു.  നീന്തല്‍ ഒരു കായിക പ്രൊഫഷനായി എടുത്തിട്ടുള്ള മുഴുവന്‍ പേരും നിര്‍ബന്ധമായും ഈ പദ്ധതിയില്‍ ചേര്‍ന്ന് സ്വിമ്മിങ് ഫെഡറേഷന്‍ ഓഫ് ഇന്ത്യയുടെ ഐഡി കാര്‍ഡ് കരസ്ഥമാക്കണം.  രജിസ്റ്റര്‍   ചെയ്യാത്ത നീന്തല്‍ താരത്തിനും പരിശീലകനും അംഗീകൃത മത്സരങ്ങളില്‍ പങ്കെടുക്കുവാനാവില്ല. രജിസ്‌ട്രേഷനുള്ള അവസാന തീയതി ഡിസംബര്‍ 31. http://15.206.216.26/swimming/ORS/login.  ഐഡിയില്‍  ലോഗിന്‍ ചെയ്ത് രജിസ്റ്റര്‍ ചെയ്യണം.

മികച്ച ജന്തുക്ഷേമ പ്രവര്‍ത്തനം നടത്തിയ വ്യക്തി/സംഘടനയെ മൃഗസംരക്ഷണ വകുപ്പിന്റെ കീഴില്‍ ജില്ലാ തലത്തില്‍ തെരെഞ്ഞെടുത്ത് പുരസ്‌കാരം നല്‍കുന്നു. മികച്ച ജന്തുക്ഷേമ പ്രവര്‍ത്തനങ്ങള്‍ കാഴ്ച്ചവെച്ച വ്യക്തികള്‍/രജിസ്റ്റേര്‍ഡ് സംഘടനകള്‍ എന്നിവര്‍ക്ക് അപേക്ഷിക്കാം. നിശ്ചിത മാതൃകയിലുള്ള പൂരിപ്പിച്ച അപേക്ഷകളും ബന്ധപ്പെട്ട രേഖകളും പ്രവര്‍ത്തനങ്ങളുടെ വിവരങ്ങള്‍ സഹിതം  നവംബര്‍ 20നകം ജില്ലാ മൃഗാശുപത്രിയില്‍ സമര്‍പ്പിക്കണം.  കഴിഞ്ഞ മൂന്ന് വര്‍ഷത്തില്‍ അവാര്‍ഡ് ലഭിച്ചവരെ ഈ വര്‍ഷം പരിഗണിക്കില്ല. തെരെഞ്ഞെടുക്കപ്പെടുന്നവര്‍ക്ക് 10,000 രൂപ ക്യാഷ് അവാര്‍ഡും സര്‍ട്ടിഫിക്കറ്റും നല്‍കും.

തദ്ദേശസ്വയം ഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് നടപടിക്രമങ്ങളുടെ ഭാഗമായി ജില്ലയില്‍ 130 റിട്ടേണിങ് ഓഫീസര്‍മാരെയും 134 അസിസ്റ്റന്റ് റിട്ടേണിങ് ഓഫീസര്‍മാരെയുമാണ് നിയോഗിച്ചിട്ടുള്ളത്. ജില്ലാ പഞ്ചായത്തില്‍ ജില്ലാകലക്ടര്‍ റിട്ടേണിങ് ഓഫീസറും ഡെപ്യൂട്ടി കലക്ടര്‍ (ജനറല്‍) അസിസ്റ്റന്റ് റിട്ടേണിങ് ഓഫീസറുമാണ്. നഗരസഭയില്‍ 20 റിട്ടേണിങ് ഓഫീസര്‍മാരും 24 അസിസ്റ്റന്റ് റിട്ടേണിങ് ഓഫീസര്‍മാരും  ബ്ലോക്ക് പഞ്ചായത്തില്‍ 15 റിട്ടേണിങ് ഓഫീസര്‍മാരും 15 അസിസ്റ്റന്റ് റിട്ടേണിങ് ഓഫീസര്‍മാരുമാണ്  നിയമിതരായിട്ടുള്ളത്.  ചില നഗരസഭകളില്‍ രണ്ട് വീതം റിട്ടേണിങ് ഓഫീസര്‍മാരെയാണ് നിയമിച്ചിട്ടുള്ളത്.

പൊന്നാനി- തിരൂര്‍ ജില്ലാ വിദ്യാഭ്യാസ ഓഫീസര്‍, പൊന്നാനി ഹാര്‍ബര്‍ എഞ്ചിനീയറിങ് എക്‌സിക്യൂട്ടീവ് എഞ്ചിനീയര്‍, തിരൂര്‍- മലപ്പുറം ഭൂജല വകുപ്പ് ജില്ലാ ഓഫീസര്‍,  മലപ്പുറം മേജര്‍ ഇറിഗേഷന്‍ വകുപ്പ് എക്‌സിക്യൂട്ടീവ് എഞ്ചിനീയര്‍, പെരിന്തല്‍മണ്ണ- ജില്ലാ വ്യവസായ കേന്ദ്രം ജനറല്‍ മാനേജര്‍, മലപ്പുറം- ജില്ലാ പട്ടികജാതി വികസന ഓഫീസര്‍, ജില്ലാ പഞ്ചായത്ത് എല്‍.എസ്.ജി.ഡി ഡിവിഷന്‍ എക്‌സിക്യൂട്ടീവ് എഞ്ചിനീയര്‍, മഞ്ചേരി- മലപ്പുറം വിദ്യാഭ്യാസ ഉപഡയറക്ടര്‍,  മഞ്ചേരി പൊതുമരാമത്ത് ഡിവിഷന്‍ ഓഫീസ് എക്‌സിക്യൂട്ടീവ് എഞ്ചിനീയര്‍.

ശബരിമല മണ്ഡല-മകരവിളക്ക് മഹോത്സവത്തോടനുബന്ധിച്ച്  ശബരിമല ശ്രീ ധര്‍മ്മശാസ്താ ക്ഷേത്രനട തുറന്നു. ക്ഷേത്ര തന്ത്രി കണ്ഠരര് രാജീവരരുടെ മുഖ്യകാര്‍മ്മികത്വത്തില്‍ ക്ഷേത്ര മേല്‍ശാന്തി എ.കെ.സുധീര്‍ നമ്പൂതിരി ശ്രീകോവില്‍ നട തുറന്ന് ദീപങ്ങള്‍ തെളിച്ചു.

പത്തനംതിട്ട ജില്ലയില്‍ ഇന്ന് 171 പേര്‍ക്ക് കോവിഡ്-19 സ്ഥിരീകരിച്ചു. ഇന്ന് രോഗം സ്ഥിരീകരിച്ചവരില്‍ നാലു പേര്‍ വിദേശ രാജ്യങ്ങളില്‍ നിന്ന് വന്നവരും, 17 പേര്‍ മറ്റ് സംസ്ഥാനങ്ങളില്‍ നിന്നും വന്നവരും, 150 പേര്‍ സമ്പര്‍ക്കത്തിലൂടെ രോഗം ബാധിച്ചവരുമാണ്. ഇതില്‍ സമ്പര്‍ക്കപശ്ചാത്തലം വ്യക്തമല്ലാത്ത 27 പേരുണ്ട്.

ഏറത്ത് ഗ്രാമപഞ്ചായത്തിലെ വാര്‍ഡ് 12 (പുത്തുമല ലക്ഷം വീട് കോളനി ഭാഗം ) പ്രദേശങ്ങളെ നവംബര്‍ 16 മുതല്‍ കണ്ടെയ്ന്‍മെന്റ് സോണ്‍ നിയന്ത്രണത്തില്‍ നിന്നും ഒഴിവാക്കി ജില്ലാ ദുരന്ത നിവാരണ അതോറിറ്റി ചെയര്‍മാനും ജില്ലാ മജിസ്‌ട്രേറ്റും കൂടിയായ ജില്ലാ കളക്ടര്‍ പി.ബി നൂഹ് ഉത്തരവ് പുറപ്പെടുവിച്ചു.  

നിലവില്‍ പ്രഖ്യാപിച്ച കണ്ടെയ്ന്‍മെന്റ് സോണ്‍ നിയന്ത്രണം അവസാനിക്കുന്ന സാഹചര്യത്തിലും, കണ്ടെയ്ന്‍മെന്റ് സോണ്‍ നിയന്ത്രണം ദീര്‍ഘിപ്പിക്കണമെന്നുള്ള പത്തനംതിട്ട ജില്ലാ മെഡിക്കല്‍ ആഫീസര്‍ (ആരോഗ്യം) ന്റെ ശുപാര്‍ശ ലഭ്യമാകാത്ത സാഹചര്യത്തിലുമാണ് ഉത്തരവായത്.

ശബരിമല തീര്‍ഥാടനത്തോടനുബന്ധിച്ച് സന്നിധാനം, പമ്പ, നിലയ്ക്കല്‍, വടശേരിക്കര പോലീസ് സ്റ്റേഷനുകളുടെ പ്രവര്‍ത്തനം തുടങ്ങി. പോലീസ് സ്റ്റേഷനുകളുടെ പ്രവര്‍ത്തന ഉദ്ഘാടനം ജില്ലാപോലീസ് മേധാവി കെ.ജി സൈമണ്‍ നിര്‍വഹിച്ചു. തീര്‍ഥാടനത്തോടനുബന്ധിച്ച്  എല്ലാ സൗകര്യങ്ങളും ഒരുക്കിയതായും അതതു സ്‌പെഷ്യല്‍ ഓഫീസര്‍മാര്‍ക്ക് വേണ്ട നിര്‍ദേശങ്ങള്‍ നല്‍കിയതായും, ഒരുക്കങ്ങളും സൗകര്യങ്ങളെയും കുറിച്ച് ശബരിമല ദേവസ്വം കമ്മീഷണറുമായി ചര്‍ച്ച നടത്തിയതായും ക്രമീകരണങ്ങള്‍ വിലയിരുത്തി ജില്ലാ പോലീസ് മേധാവി പറഞ്ഞു.