ജില്ലാ പട്ടികവര്‍ഗ വികസന ഓഫീസ് പരിധിയിലെ (അട്ടപ്പാടി ഒഴികെ) ഒന്ന് മുതല്‍ 10 വരെ ക്ലാസുകളില്‍ പഠിക്കുന്ന പട്ടികവര്‍ഗ വിദ്യാര്‍ഥികള്‍ക്ക് ലംപ്‌സം ഗ്രാന്റ്, സ്റ്റൈപന്റ് എന്നിവ വിതരണം നടത്തുന്നതിന് ഇതുവരെ വിവരങ്ങള്‍ നല്‍കാത്ത സ്‌കൂളുകള്‍ നവംബര്‍ 18 നകം സമര്‍പ്പിക്കണമെന്ന് ജില്ലാ പട്ടികവര്‍ഗ വികസന ഓഫീസര്‍ അറിയിച്ചു. വിദ്യാര്‍ഥികളുടെ പേര്, ബാങ്ക് അക്കൗണ്ട് വിവരങ്ങള്‍, സ്ഥാപനമേധാവിയുടെ ഫോണ്‍ നമ്പര്‍, ഇ-മെയില്‍ ഐ.ഡി സഹിതം എക്‌സല്‍ ഷീറ്റില്‍ തയ്യാറാക്കിയാണ് നല്‍കേണ്ടത്. ഫോണ്‍: 0491-2505383.

1999 ജനുവരി ഒന്നു മുതല്‍ 2019 ഡിസംബര്‍ 31 വരെയുള്ള കാലയളവില്‍ എംപ്ലോയ്‌മെന്റ് രജിസ്‌ട്രേഷന്‍ പുതുക്കാതെ സീനിയോറിറ്റി നഷ്ടപ്പെട്ടവര്‍ക്ക്  2021 ഫെബ്രുവരി 28 വരെ രജിസ്‌ട്രേഷന്‍ പുതുക്കാന്‍ അവസരം. www.eemployment.kerala.gov.in മുഖേന ഹോം പേജിലെ സ്‌പെഷ്യല്‍ റിന്യൂവല്‍ ഓപ്ഷന്‍ വഴി നേരിട്ടും 2021 ജനുവരി ഒന്നു മുതല്‍ ഫെബ്രുവരി 28 വരെ എംപ്ലോയ്‌മെന്റ് എക്‌സ്‌ചേഞ്ചുകള്‍ വഴിയും പുതുക്കാം.

ജില്ലയില്‍ ഉത്സവാഘോഷങ്ങളോടനുബന്ധിച്ച് അനധികൃത സ്‌ഫോടക വസ്തുക്കള്‍, വിദേശ നിര്‍മിത പടക്കങ്ങള്‍ എന്നിവയുടെ ഇറക്കുമതി, സംഭരണം, വിപണനം, അനധികൃത പടക്കവ്യാപാരം എന്നിവ തടയുന്നതിന് താലൂക്ക് തലത്തില്‍ തഹസില്‍ദാര്‍മാരുടെ നേതൃത്വത്തില്‍ പ്രത്യേക പരിശോധനാ സംഘങ്ങള്‍ രൂപീകരിക്കും. സംഘത്തില്‍ ഉള്‍പ്പെടുന്ന ഉദ്യോഗസ്ഥര്‍ പരിശോധന നടത്തി അനധികൃത വസ്തുക്കള്‍ കണ്ടെത്തിയാല്‍ കര്‍ശന നടപടി സ്വീകരിക്കുമെന്ന് എ.ഡി.എം ആര്‍.പി സുരേഷ് അറിയിച്ചു.

തദ്ദേശ തിരഞ്ഞെടുപ്പിനോടനുബന്ധിച്ച് നവംബര്‍ 16ന് വൈകീട്ട് 4.30ന് ജില്ലയിലെ ബ്ലോക്ക് പഞ്ചായത്ത്, നഗരസഭകളിലെ വരണാധികാരികള്‍, ഉപവരണാധികാരികള്‍ എന്നിവരുടെ യോഗം ചേരും. ജില്ലാ കലക്ടറുടെ അധ്യക്ഷതയില്‍ കലക്ടറേറ്റ് കോണ്‍ഫറന്‍സ് ഹാളില്‍ നടക്കുന്ന യോഗത്തില്‍ എല്ലാ വരണാധികാരികളും ഉപവരണാധികാരികളും പങ്കെടുക്കണമെന്ന് ജില്ലാ തിരഞ്ഞെടുപ്പ് ഉദ്യോഗസഥന്‍ കൂടിയായ ജില്ലാ കലക്ടര്‍ ഡി.ബാലമുരളി അറിയിച്ചു.

നാമനിര്‍ദ്ദേശ പത്രികകള്‍ സമര്‍പ്പിക്കേണ്ടതിന്റെ രണ്ടാം ദിനത്തില്‍(നവംബര്‍ 13) ജില്ലയില്‍ മുനിസിപ്പാലിറ്റി, ബ്ലോക്ക്, ഗ്രാമപഞ്ചായത്തുകളിലായി ലഭിച്ചത് 41 നാമനിര്‍ദ്ദേശപത്രികകള്‍. മുനിസിപ്പാലിറ്റികളില്‍ നാലും ബ്ലോക്ക് പഞ്ചായത്തില്‍ ഒന്നും ഗ്രാമപഞ്ചായത്തുകളില്‍ 36 നാമനിര്‍ദ്ദേശപത്രികകളുമാണ് ലഭിച്ചത്.

കാലാവധി പൂര്‍ത്തിയായ സാഹചര്യത്തില്‍ മുന്‍ ഭരണ സമിതി പിരിഞ്ഞു പോയതിനെ തുടര്‍ന്ന് ജില്ലാ പഞ്ചായത്തിലെ ഭരണം ജില്ലാ കലക്ടറുള്‍പ്പെടുന്ന മൂന്നംഗ സമിതി ഏറ്റെടുത്തു. ജില്ലാ കലക്ടര്‍ ഡി.ബാലമുരളി, ജില്ലാ പഞ്ചായത്ത് സെക്രട്ടറി പി.അനില്‍കുമാര്‍, ജില്ലാ ദാരിദ്ര്യ ലഘൂകരണ വിഭാഗം പ്രോജക്ട് ഡയറക്ടര്‍ കെ.പി വേലായുധന്‍ എന്നിവരടങ്ങുന്നതാണ് സമിതി. പുതിയ ഭരണസമിതി നിലവില്‍ വരുന്നതുവരേയാണ് കമ്മിറ്റിയുടെ കാലയളവ്.  

*രണ്ട് സമുദായങ്ങള്‍, ജാതി, ഭാഷ വിഭാഗങ്ങള്‍ തമ്മില്‍ നിലനില്‍ക്കുന്ന സംഘര്‍ഷം മൂര്‍ച്ഛിക്കുന്നതിനിടയാകുന്ന പ്രവര്‍ത്തനങ്ങള്‍ ഉണ്ടാകരുത്.

*എതിര്‍ രാഷ്ട്രീയകക്ഷി നേതാക്കളെ വ്യക്തിപരമായി തേജോവധം ചെയ്യുന്നതും സ്വകാര്യതയെ ഹനിക്കുന്നതുമായ പ്രചാരണം പാടില്ല.

*തെളിവില്ലാത്ത ആരോപണങ്ങള്‍ എതിര്‍കക്ഷിയെ പറ്റിയോ അവരുടെ പ്രവര്‍ത്തകരെ പറ്റിയോ ഉന്നയിക്കരുത്.

*ആരാധനാലയങ്ങള്‍ തെരഞ്ഞെടുപ്പ് പ്രചരണത്തിനുള്ള വേദിയാക്കരുത്.

*ജാതി മത വികാരങ്ങള്‍ മുതലെടുത്ത് വോട്ട് പിടിക്കുന്നത് കുറ്റകരമാണ്

നാമനിര്‍ദ്ദേശ പത്രിക സമര്‍പ്പിക്കുമ്പോള്‍ ശ്രദ്ധിക്കേണ്ടത്

തദ്ദേശ തിരഞ്ഞെടുപ്പ്: ഉച്ചഭാഷിണി പെര്‍മിഷന്‍ ബന്ധപ്പെട്ട പോലീസ് സ്‌റ്റേഷനുകളില്‍ നിന്നെടുക്കണം

*126 പേര്‍ക്ക് രോഗമുക്തി*

*എല്ലാവര്‍ക്കും സമ്പര്‍ക്കത്തിലൂടെ രോഗബാധ*

വയനാട് ജില്ലയില്‍ ഇന്ന് (15.11.20) 101 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ.ആര്‍. രേണുക അറിയിച്ചു. 126 പേര്‍ രോഗമുക്തി നേടി. 2 ആരോഗ്യ പ്രവര്‍ത്തകര്‍ ഉള്‍പ്പെടെ എല്ലാവര്‍ക്കും സമ്പര്‍ക്കത്തിലൂടെയാണ് രോഗബാധ. 4 പേരുടെ സമ്പര്‍ക്ക ഉറവിടം വ്യക്തമല്ല.  

ജില്ലാ പ്രൊബേഷന്‍ ഓഫീസും ജില്ലാ ലീഗല്‍ സര്‍വീസസ് അതോറിറ്റിയും സംയുക്തമായി നടത്തുന്ന നേര്‍ദിശ 2020 പ്രൊബേഷന്‍ വാരാഘോഷ പരിപാടിക്ക് ജില്ലയില്‍ തുടക്കം. ജസ്റ്റിസ് വി.ആര്‍ കൃഷ്ണയ്യരുടെ ജന്മദിനമായ നവംബര്‍ 15 നാണ് പ്രൊബേഷന്‍ ദിനമായി ആചരിക്കുന്നത്. തുടര്‍ന്ന് ഡിസംബര്‍ 4 വരെ പ്രൊബേഷന്‍ വാരാചരണത്തിന്റെ ഭാഗമായി ജില്ലയില്‍ വിവിധ പരിപാടികള്‍ നടക്കും.