തിരുവനന്തപുരത്ത് ഇന്ന് (13 നവംബര്‍ 2020) 439 പേര്‍ക്കു കൂടി കോവിഡ് 19 സ്ഥിരീകരിച്ചു. 727 പേര്‍ രോഗമുക്തരായി. നിലവില്‍ 7,028 പേരാണു രോഗം സ്ഥിരീകരിച്ചു ചികിത്സയില്‍ കഴിയുന്നത്. ജില്ലയില്‍ ആറുപേരുടെ മരണം കോവിഡ് മൂലമാണെന്നു സ്ഥിരീകരിച്ചു. കാഞ്ഞിരംകുളം സ്വദേശി രവീന്ദ്രന്‍ (59), തോട്ടയ്ക്കല്‍ സ്വദേശി രാജദാസ് (85), നേമം സ്വദേശിനി ഗോമതി (62), വര്‍ക്കല സ്വദേശിനി തുളസമ്മ (52), പേരൂര്‍ക്കട സ്വദേശി വിന്‍സന്റ് (68), തിരുവനന്തപുരം സ്വദേശി ജയരാജന്‍ (53) എന്നിവരുടെ മരണമാണു കോവിഡ് മൂലമാണെന്നു സ്ഥിരീകരിച്ചത്.

തദ്ദേശ തെരഞ്ഞെടുപ്പുമായി ബന്ധപ്പെട്ട് കളക്ടറേറ്റില്‍ ഹെല്‍പ്പ് ഡെസ്‌ക് പ്രവര്‍ത്തനമാരംഭിച്ചു. പൊതുജനങ്ങള്‍, രാഷ്ട്രീയ പാര്‍ട്ടി പ്രതിനിധികള്‍, വരണാധികാരികള്‍, ഉപവരണാധികാരികള്‍, ഇലക്ടറല്‍ രജിസ്‌ട്രേഷന്‍ ഓഫീസര്‍മാര്‍ എന്നിവര്‍ക്ക് തെരഞ്ഞെടുപ്പുമായി ബന്ധപ്പെട്ട സംശയനിവാരണം നടത്തുന്നതിന് 0471-2731123 എന്ന നമ്പരില്‍ ബന്ധപ്പെടാം. രാവിലെ 9.30 മുതല്‍ വൈകിട്ട് 6.30 വരെയാണ് ഹെല്‍പ്പ് ഡെസ്‌കിന്റെ പ്രവര്‍ത്തനം. അവധി ദിവസങ്ങളിലും സേവനം ലഭിക്കും. ഡിസംബര്‍ 6, 7, 8 തീയതികളില്‍ 24 മണിക്കൂറും ഹെല്‍പ്പ് ഡെസ്‌ക് പ്രവര്‍ത്തിക്കുമെന്ന് ജില്ലാ കളക്ടര്‍ ഡോ. നവജ്യോത് ഖോസ അറിയിച്ചു.

കോഴിക്കോട് ഇംഹാന്‍സില്‍ പോസ്റ്റ് ബേസിക് ഡിപ്ലോമ ഇന്‍ സൈക്യാട്രിക് നഴ്സിംഗ് കോഴ്സിലേക്ക് അപേക്ഷ ക്ഷണിച്ചു. ജനറല്‍ നഴ്സിംഗ്/ബി.എസ്.സി നഴ്സിംഗ്/പോസ്റ്റ് ബേസിക് ബി.എസ്.സി നഴ്സിംഗ് യോഗ്യയുള്ളവര്‍ക്ക് അപേക്ഷിക്കാം. അവസാന തീയതി നവംബര്‍ 30. കൂടുതല്‍ വിവരങ്ങള്‍ക്ക് 9745156700, 9605770068.

പാരാമെഡിക്കല്‍ ഡിഗ്രി വിഭാഗത്തില്‍ പുതുതായി ഉള്‍പ്പെടുത്തിയ ബാച്ചിലര്‍ ഓഫ് ഒക്കുപേഷണല്‍ തെറാപ്പി കോഴ്സിലേക്ക് എല്‍.ബി.എസ് സെന്റര്‍ ഫോര്‍ സയന്‍സ് ആന്‍ഡ് ടെക്കനോളജി അപേക്ഷ ക്ഷണിച്ചു. ഫിസിക്സ്, കെമിസ്ട്രി, ബയോളജി എന്നീ വിഷയങ്ങള്‍ക്ക് മൊത്തത്തില്‍ 50% മാര്‍ക്കോടെ പ്ലസ് ടു/തത്തുല്യ കോഴ്സ് പാസായവര്‍ക്ക് അപേക്ഷിക്കാം. SEBC/SC/ST വിഭാഗക്കാര്‍ക്ക് സര്‍ക്കാര്‍ നിര്‍ദേശിച്ചിട്ടുള്ള മാര്‍ക്ക് ഇളവ് ലഭിക്കും.

തൃശൂർ ജില്ലയിൽ ഞായാറാഴ്ച്ച (15/11/2020) 425 പേർക്ക് കൂടി കോവിഡ്-19 സ്ഥിരീകരിച്ചു. 892 പേർ രോഗമുക്തരായി. ജില്ലയിൽ രോഗബാധിതരായി ചികിത്സയിൽ കഴിയുന്നവരുടെ എണ്ണം 8388 ആണ്. തൃശൂർ സ്വദേശികളായ 84 പേർ മറ്റു ജില്ലകളിൽ ചികിത്സയിൽ കഴിയുന്നു. ജില്ലയിൽ ഇതുവരെ കോവിഡ് സ്ഥീരികരിച്ചവരുടെ എണ്ണം 51168 ആണ്. 42396 പേരെയാണ് ആകെ രോഗമുക്തരായി ആശുപത്രിയിൽ നിന്നും ഡിസ്ചാർജ്ജ് ചെയ്തത്.  
ജില്ലയിൽ ഞായാറാഴ്ച്ച സമ്പർക്കം വഴി 413 പേർക്കാണ് രോഗം സ്ഥീരികരിച്ചത്. കൂടാതെ 7 ആരോഗ്യ പ്രവർത്തകർക്കും രോഗ ഉറവിടം അറിയാത്ത 05 പേർക്കും രോഗബാധ ഉണ്ടായിട്ടുണ്ട്.

തുടർ ചികിത്സ ആവശ്യമുള്ള കോവിഡ് മുക്തരായവർക്കായി തൃശൂർ ഗവ. മെഡിക്കൽ കോളേജിൽ പ്രത്യേക പോസ്റ്റ് കോവിഡ് ഒ പി തുടങ്ങി. എല്ലാ വ്യാഴാഴ്ചകളിലും രാവിലെ പത്ത് മുതൽ പന്ത്രണ്ട് വരെ പുതിയ അനക്‌സ് ഒ പി  കെട്ടിടത്തിലായിരിക്കും പ്രത്യേക ഒ പി  പ്രവർത്തിക്കുക. പ്രാഥമികാരോഗ്യ കേന്ദ്രങ്ങളിൽ നിന്നോ താലൂക്ക് ആശുപത്രികളിൽ നിന്നോ ലഭിക്കുന്ന പ്രത്യേക നിർദ്ദേശത്തിന്റെ അടിസ്ഥാനത്തിലുള്ള  രോഗികളെയായിരിക്കും മെഡിക്കൽ കോളേജിൽ ചികിത്സിക്കുക. കോവിഡ് വിമുക്തരിൽ കണ്ടുവരുന്ന  ആരോഗ്യ പ്രശ്‌നങ്ങൾ പരിഹരിക്കുകയും ആവശ്യമായ കൗൺസിലിംഗ് നൽകുകയാണ് പുതിയ സംവിധാനം ലക്ഷ്യമിടുന്നത്.

സംസ്ഥാനത്തെ നിർഭയ ഹോമുകൾ പൂട്ടുന്നുവെന്നത് തെറ്റായ പ്രചാരണമാണെന്ന് ആരോഗ്യ-സാമൂഹ്യനീതി-വനിതാ ശിശുവികസന മന്ത്രി കെ. കെ. ശൈലജ. താമസക്കാരെ മാറ്റുക മാത്രമാണിപ്പോൾ. 200 പേർക്ക് താമസിക്കാവുന്ന മാതൃകാഹോമാണ് തൃശൂരിൽ തയ്യാറാക്കിയത്. കുട്ടികൾക്കായി ശാസ്ത്രീയ സൗകര്യം ഒരുക്കുന്നതിന്റെ ഭാഗമാണിത്.

 ഡാറ്റ എന്‍ട്രി നവംബര്‍ 18 ഉച്ചയ്ക്ക് 2 നകം പൂര്‍ത്തിയാക്കണം.

തദ്ദേശ സ്വയംഭരണ സ്ഥാപനങ്ങളിലേക്കുള്ള പൊതു തെരഞ്ഞെടുപ്പിന്  നിയോഗി ക്കുന്ന ഉദ്യോഗസ്ഥര്‍ക്കുള്ള മാര്‍ഗ്ഗ നിര്‍ദേശങ്ങള്‍ പുറത്തിറങ്ങി.  തെരഞ്ഞെടുപ്പ് ഉദ്യോഗസ്ഥരെ നിയോഗിക്കുന്നതിനുള്ള പോസ്റ്റിംങ് നടപടിക്രമങ്ങള്‍ edrop.kerala.gov.in വെബ്‌സൈറ്റ് വഴിയാണ് നടത്തുന്നത്. ഓരോ സ്ഥാപനത്തിലെയും മേധാവികളാണ് അവരുടെ സ്ഥാപനത്തില്‍ നിലവില്‍ ജോലി ചെയ്യുന്ന ഉദ്യോഗസ്ഥരുടെ വിവരങ്ങള്‍ ഡാറ്റ എന്‍ട്രി നടത്തേണ്ടത്.  

വയനാട് ഗവണ്‍മെന്റ് എഞ്ചിനീയറിംഗ് കോളേജില്‍ ഒന്നാം വര്‍ഷ ബി.ടെക് എഞ്ചിനീയറിംഗ് സായാഹ്ന കോഴ്‌സുകളിലേക്ക് (ബി.ടെക്, ഇലക്ട്രോണിക്‌സ്  ആന്‍ഡ് കമ്മ്യൂണിക്കേഷന്‍ എഞ്ചിനീയറിംഗ്) നവംബര്‍ 17 വരെ അപേക്ഷകള്‍ ഓണ്‍ലൈനായി സമര്‍പ്പിക്കാം.www.admissions.dtekerala.in, www.dtekerala.gov.in എന്നീ വെബ് സൈറ്റുകള്‍ വഴി വിശദാംശങ്ങളും പ്രോസ്പെക്ടസും ലഭിക്കും.ഫോണ്‍ 04935257321.