'പാഠം ഒന്ന് പുതുയുഗ വിദ്യാലയം' എന്ന പ്രമേയത്തിൽ പൊതുവിദ്യാഭ്യാസ വകുപ്പ് സംസ്ഥാനമൊട്ടാകെ സംഘടിപ്പിക്കുന്ന സ്കൂൾ പ്രവേശനോത്സവത്തിന്റെ ഭാഗമായ കായംകുളം ഉപജില്ലാതല സ്കൂൾ പ്രവേശനോത്സവം ഇന്ന് (ജൂൺ 1) രാവിലെ 10 മണിക്ക് കായംകുളം ഗവ. ബോയ്സ് എച്ച് എച്ച് എസ് ഓഡിറ്റോറിയത്തിൽ എക്സൈസ്, സഹകരണ വകുപ്പ് മന്ത്രി അഡ്വ. എം ലിജു ഉദ്ഘാടനം ചെയ്യും.

ജില്ലാതല സ്കൂൾ പ്രവേശനോത്സവം നാളെ (തിങ്കൾ) രാവിലെ ഒൻപതിന് തിരുവാലി ഗവ.ഹയർസെക്കൻഡറി സ്കൂളിൽ നടക്കും. റവന്യൂ മന്ത്രി എ.പി.അനിൽകുമാർ ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് പി.എ.ജബ്ബാർ ഹാജി അധ്യക്ഷത വഹിക്കും. വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ പി.കെ. അസലു മുഖ്യപ്രഭാഷണം നടത്തും. പൊതുമരാമത്ത് സ്റ്റാൻഡിങ് കമ്മിറ്റി ചെയർമാൻ കെ.ടി. അജ്മൽ, വണ്ടൂർ ബ്ലോക്ക് പഞ്ചായത്ത് പ്രസിഡണ്ട് അമൃത, തിരുവാലി ഗ്രാമ പഞ്ചായത്ത് പ്രസിഡന്റ് സുമ താരിയൻ, ജില്ലാ പഞ്ചായത്തംഗം പി.എച്ച്. ഷമീം എന്നിവർ വിശിഷ്ടാതിഥികളാകും. വിവിധ ജനപ്രതിനിധികൾ, വിദ്യാഭ്യാസ വകുപ്പിലെ വിവിധ ഉദ്യോഗസ്ഥർ, പി.ടി.എ.

പൊന്നാനി സ്ത്രീകളുടെയും കുട്ടികളുടെയും ആശുപത്രിയിലേക്ക്  വിവിധ സാധനങ്ങളും സേവനങ്ങളും ലഭ്യമാക്കുന്നതിന് ദര്‍ഘാസ് ക്ഷണിച്ചു.
ലാബ് ടെസ്റ്റുകള്‍, മെഡിക്കല്‍ പേപ്പറുകള്‍/ജെല്‍, എമര്‍ജന്‍സി മെഡിസിന്‍ & സര്‍ജിക്കല്‍സ്, പ്രിന്റിംഗ് ജോലികള്‍ എന്നിവയ്ക്കാണ് ദര്‍ഘാസ് ക്ഷണിച്ചിട്ടുള്ളത്.  എമര്‍ജന്‍സി മെഡിസിന്‍ വിതരണം ചെയ്യുന്ന സ്ഥാപനങ്ങള്‍ ആശുപത്രിയുടെ ഒരു കിലോമീറ്റര്‍ ചുറ്റളവില്‍ ഉള്ളവയായിരിക്കണം. ദര്‍ഘാസ് ഫോമുകള്‍ ജൂണ്‍ ഒന്ന് മുതല്‍ ആശുപത്രി ഓഫീസില്‍  വിതരണം ചെയ്യും.  അവസാന തീയതി ജൂണ്‍ ഒന്‍പത് രാവിലെ 10.30 വരെ. ഫോണ്‍- 0494-2666439.

കേരള മോട്ടോര്‍ തൊഴിലാളി ക്ഷേമനിധി ബോര്‍ഡിലെ സജീവ അംഗങ്ങളായ തൊഴിലാളികളുടെ ഒന്ന് മുതല്‍ ഏഴ് വരെ ക്ലാസ്സില്‍ 2026-27 അധ്യയന വര്‍ഷത്തില്‍ പഠിക്കുന്ന മക്കള്‍ക്കുള്ള സൗജന്യ പഠനോപകരണ കിറ്റുകളുടെ മലപ്പുറം ജില്ലയിലെ വിതരണോദ്ഘാടനം മോട്ടോര്‍ തൊഴിലാളി ക്ഷേമനിധി ബോര്‍ഡ് ഡയറക്ടര്‍ ഹംസ ഏരിക്കുന്നന്‍ നിര്‍വ്വഹിച്ചു. എന്‍. അറമുഖന്‍ (സി.ഐ.ടി.യു) അധ്യക്ഷത വഹിച്ച ചടങ്ങില്‍ മലപ്പുറം ജില്ലാ എക്‌സിക്യൂട്ടീവ് ഓഫീസര്‍ കെ.സി. ലൈല, കോയ (എസ്.ടിയു), കുഞ്ഞി മുഹമ്മദ് കുഞ്ഞിപ്പ (എ.കെ.ബി.ഒ.എ), മുഹമ്മദ് ഇസ്ഹാഖ് (യു.ടി.യു.സി), കെ. ജാഫര്‍ (ഡി.ബി.ടി.യു) എന്നിവര്‍ സംസാരിച്ചു. ജൂനിയര്‍ സൂപ്രണ്ട് എ. ഷൈനി നന്ദി പറഞ്ഞു.

പിന്നാക്ക വിഭാഗ വികസന കോര്‍പറേഷന്‍ ജില്ലയിലെ സാമ്പത്തികമായി പിന്നാക്കം നില്‍ക്കുന്ന മറ്റു പിന്നാക്ക (ഒ.ബി.സി) വിഭാഗങ്ങളില്‍ ഉള്‍പ്പെടുന്നവര്‍ക്കും മത ന്യൂനപക്ഷ വിഭാഗങ്ങളില്‍ ഉള്‍പ്പെടുന്നവര്‍ക്കും സ്വയം തൊഴില്‍ സംരംഭങ്ങള്‍ തുടങ്ങുന്നതിന് വായ്പ നല്‍കുന്നു.

വനിതാ വികസന കോര്‍പറേഷന്‍ വനിതകളില്‍ നിന്ന് സ്വയംതൊഴില്‍ പദ്ധതിക്കായുള്ള വ്യക്തിഗത വായ്പാ അപേക്ഷ ക്ഷണിച്ചു. 18 മുതല്‍ 55 വയസ് വരെയുള്ള തൊഴില്‍രഹിത വനിതകള്‍ക്ക് സ്വയംതൊഴില്‍ സംരംഭങ്ങള്‍ ആരംഭിക്കുന്നതിനായി ആറ് മുതല്‍ എട്ട് ശതമാനം വരെ പലിശനിരക്കില്‍ ഉദ്യോഗസ്ഥ ജാമ്യമോ വസ്തു ജാമ്യമോ അടിസ്ഥാനമാക്കിയാണ് വ്യക്തിഗത വായ്പ അനുവദിക്കുക. അപേക്ഷ www.kswdc.org ല്‍ ഓണ്‍ലൈനായി നല്‍കണം. വിശദവിവരങ്ങള്‍ വനിതാ വികസന കോര്‍പറേഷന്‍ ജില്ലാ ഓഫീസ്, കുത്തുക്കല്‍ റോഡ്, മഞ്ചേരി പി.ഒ, മലപ്പുറം-676121 എന്ന വിലാസത്തില്‍ ലഭ്യമാണ്. ഫോണ്‍-9496428680, 9446748584.

നിയമസഭാ തെരഞ്ഞെടുപ്പില്‍ മത്സരിച്ച സ്ഥാനാര്‍ഥികളുടെ തെരഞ്ഞെടുപ്പ് ചെലവുകളുമായി ബന്ധപ്പെട്ട അവലോകന യോഗം ജില്ലാ പഞ്ചായത്ത് ഹാളില്‍  നടന്നു. തെരഞ്ഞെടുപ്പ് കമ്മീഷന്‍ നിശ്ചയിച്ചിട്ടുള്ള പരിധിക്കുള്ളില്‍ നിന്നാണോ സ്ഥാനാര്‍ഥികള്‍ തുക ചെലവഴിച്ചത് എന്ന് ഉറപ്പുവരുത്തുന്നതിനും കണക്കുകള്‍ കൃത്യമായി ബോധിപ്പിക്കുന്നതിനുമാണ് യോഗം വിളിച്ചുചേര്‍ത്തത്.

വിദ്യാലയങ്ങള്‍ സജ്ജം: ഫിറ്റ്‌നസ് പരിശോധന പൂര്‍ത്തിയായി

തെരഞ്ഞെടുപ്പിന് ശേഷമുള്ള ആദ്യ ജില്ലാ വികസന സമിതി യോഗം എ.ഡി.എം സി.എസ്. രാജേഷിന്റെ അധ്യക്ഷതയില്‍ ചേര്‍ന്നു. എം.എല്‍.എമാരായ ടി.വി ഇബ്രാഹിം, എം. റഹ്‌മത്തുള്ള, ടി.പി അഷ്റഫലി, വി.എസ് ജോയ്, പി.കെ നവാസ്, ജില്ലാ പ്ലാനിങ് ഓഫീസര്‍ ടി.വി ഷാജു, ജനപ്രതിനിധികള്‍, ജില്ലാതല ഉദ്യോഗസ്ഥര്‍ എന്നിവര്‍ യോഗത്തില്‍ പങ്കെടുത്തു.

ജില്ലാ പഞ്ചായത്തിന്റെ കീഴിലുള്ള പെരിങ്ങമ്മല ഇന്‍ഡോര്‍ സ്‌റ്റേഡിയത്തില്‍ ഒരു കെയര്‍ ടേക്കറുടെ ഒഴിവുണ്ട്. എസ്.എസ്.എല്‍.സിയാണ് യോഗ്യത. കായിക മത്സരങ്ങളുടെ നടത്തിപ്പുമായി ബന്ധപ്പെട്ട് മുന്‍പരിചയമുള്ളവര്‍ക്ക് മുന്‍ഗണന.

താത്പര്യമുള്ളവര്‍ അസ്സല്‍ സര്‍ട്ടിഫിക്കറ്റുകളുമായി ജൂണ്‍ 6ന് രാവിലെ 10ന് ജില്ലാ പഞ്ചായത്തില്‍ അഭിമുഖത്തിന് എത്തണം. ഫോണ്‍: 0471-2550750

തിരുവനന്തപുരം തീരദേശ മേഖലയില്‍ കാലവര്‍ഷ മുന്നൊരുക്കം ഏകോപിപ്പിക്കുന്നത് സംബന്ധിച്ച് ഗതാഗതവകുപ്പു മന്ത്രി സി.പി ജോണിന്റെ അധ്യക്ഷതയിൽ ഉന്നതതല അവലോകനയോഗം നടത്തി.
 
കടലാക്രമണം തടയുന്നതിനാവശ്യമായ ജിയോബാഗുകള്‍ സജ്ജീകരിക്കുന്നതിനും ആവശ്യമായ ദുരിതാശ്വാസ ക്യാമ്പുകള്‍ ഒരുക്കുന്നതിനും മുന്നൊരുക്കങ്ങള്‍ നടത്തുന്നതിനുള്ള അടിയന്തര നടപടികള്‍ സ്വീകരിക്കുന്നതിന് മന്ത്രി നിര്‍ദ്ദേശം നല്‍കി. കോര്‍പറേഷന്റെ ഭാഗത്തു നിന്നും ഇക്കാര്യത്തില്‍ പൂര്‍ണ്ണസഹകരണമുണ്ടാകുമെന്ന് മേയര്‍ വി.വി രാജേഷ് ഉറപ്പ് നല്‍കി.