പുതുനഗരം പൊലീസ് സ്റ്റേഷൻ വളപ്പിൽ നിന്നും മുറിച്ചുമാറ്റിയ വേപ്പ്, വാക മരങ്ങൾ മെയ് 29 ന് രാവിലെ 11 ന് ലേലം ചെയ്യും. ലേല വസ്തു ലേല തീയതിക്ക് അഞ്ച് ദിവസം മുമ്പുള്ള പ്രവൃത്തി ദിവസങ്ങളിൽ രാവിലെ 11 മുതൽ അഞ്ച് വരെയുള്ള സമയത്ത് പുതുനഗരം ഇൻസ്പെക്ടറുടെ അനുമതിയോടെ പരിശോധിക്കാവുന്നതാണെന്ന് ജില്ലാ പൊലീസ് മേധാവി അറിയിച്ചു. ഫോൺ:  0491 2536700.

തൃത്താല ജി എം ആര്‍ എസില്‍ അഞ്ചാം ക്ലാസിലും ( എസ് സി- ഏഴ്, എസ് ടി - ഏഴ്, ജനറല്‍ / ഒബിസി - മൂന്ന്) ഏഴാം ക്ലാസിലും ( എസ് സി -രണ്ട്) സീറ്റൊഴിവ്. യോഗ്യതയുള്ളവര്‍ നേരിട്ട് എത്തിച്ചേരണമെന്ന് സ്‌കൂള്‍ അധികൃതര്‍ അറിയിച്ചു. ഫോണ്‍: 09048934271, 09645280810.

കൊടുമ്പ് ഗ്രാമപഞ്ചായത്തിലെ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി ഓഫീസില്‍ അക്രഡിറ്റഡ് എഞ്ചിനീയര്‍ തസ്തികയിലെ (കരാര്‍) ഒഴിവിലേക്ക് മെയ് 29 ന് രാവിലെ 11 ന് കൂടിക്കാഴ്ച നടത്തും. പങ്കെടുക്കാന്‍ താല്‍പര്യമുള്ള ഉദ്യോഗാര്‍ഥികള്‍ അസ്സല്‍ സര്‍ട്ടിഫിക്കറ്റുകളുമായി എത്തിച്ചേരണമെന്ന് സെക്രട്ടറി അറിയിച്ചു.  ഫോണ്‍: 0491 2574135, 9496047187.