ലീഗല്‍ സര്‍വ്വീസസ് അതോറിറ്റിയുടെ നേതൃത്വത്തില്‍ മാനന്തവാടി, കല്‍പ്പറ്റ, സുല്‍ത്താന്‍ ബത്തേരി കോടതി കേന്ദ്രങ്ങളില്‍ അദാലത്ത് നടത്തും. പൊതുജനങ്ങളില്‍ നിന്ന് നേരിട്ട് സ്വീകരിച്ച പരാതികളും വിവിധ കോടതികളില്‍ നിന്നും റഫര്‍ ചെയ്ത സിവില്‍ കേസുകളും ഒത്തു തീര്‍പ്പാക്കാവുന്ന ക്രിമിനല്‍ കേസുകളുമാണ് അദാലത്തില്‍ പരിഗണിക്കുക.ഫോണ്‍ 04936 207800.

മരണപ്പെട്ട മത്സ്യത്തൊഴിലാളികളുടെ മക്കള്‍ക്ക് പ്ലസ് വണ്‍ മുതല്‍ ഉന്നത വിദ്യാഭ്യാസം ഉറപ്പാക്കുന്നതിനായി ഫിഷറീസ്വകുപ്പ് നടപ്പാക്കുന്ന വിദ്യാഭ്യാസ പദ്ധതിയിലേയ്ക്ക്  അപേക്ഷിക്കാം. മത്സ്യതൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്തവരുടെ  മക്കള്‍ക്കാണ് അവസരം.  അപേക്ഷ ഡിസംബര്‍ 10നകം മലമ്പുഴ ഫിഷറീസ് ഡെപ്യൂട്ടി ഡയറക്ടര്‍ ഓഫീസില്‍ ലഭിക്കണം. വിശദവിവരങ്ങള്‍ മലമ്പുഴ ഫിഷറീസ് ഡെപ്യൂട്ടി ഡയറക്ടര്‍ ഓഫീസില്‍ ലഭിക്കും.   ഫോണ്‍ : 0491-2815245

രജിസ്ട്രേഷന്‍ വകുപ്പില്‍ 1955ലെ തിരുവിതാംകൂര്‍-കൊച്ചി ആക്റ്റ് അനുസരിച്ച് രജിസ്റ്റര്‍ ചെയ്ത് സംഘങ്ങളില്‍ രജിസ്ട്രേഷന്‍ പുതുക്കുന്നതിന് വീഴ്ച്ച വരുത്തിയവര്‍ക്ക് ഒറ്റത്തവണ തീര്‍പ്പാക്കല്‍ പദ്ധതിയില്‍ രജിസ്ട്രേഷന്‍ പുതുക്കാം. ഒരു വര്‍ഷത്തേക്ക് 500 രൂപ പിഴയോടുകൂടി 2018 മാര്‍ച്ച് 31വരെ അവസരം ഉപയോഗപ്പെടുത്താമെന്ന് രജിസ്ട്രാര്‍ അറിയിച്ചു.

കേരള മോട്ടോര്‍ തൊഴിലാളി ക്ഷേമനിധി അംഗങ്ങളുടെ മക്കള്‍ക്ക് 2017-18 വര്‍ഷത്തേയ്ക്കുള്ള വിദ്യാഭ്യാസ സ്കോളര്‍ഷിപ്പിന് അപേക്ഷിക്കാം.  എട്ടാം ക്ലാസ് മുതല്‍ ബിരുദാനന്തര ബിരുദം വരെയുള്ള കോഴ്സുകള്‍, പ്രൊഫഷനല്‍ കോഴ്സുകള്‍, ഡിപ്ലൊമ കോഴ്സുകളാണ് സ്കോളര്‍ഷിപ്പിന് പരിഗണിക്കുക. എട്ട്, ഒന്‍പത്, പത്ത് ക്ലാസുകളില്‍ ഒഴികെയുളള അപേക്ഷകര്‍ യോഗ്യത പരീക്ഷയ്ക്ക് 55 ശതമാനം മാര്‍ക്കോ തത്തുല്യ ഗ്രേഡോ നേടിയവരാവണം.  അപേക്ഷാ ഫോം കേരള മോട്ടോര്‍ തൊഴിലാളി ക്ഷേമനിധി ബോര്‍ഡിന്‍റെ ജില്ലാ ഓഫീസിലും  സാംംളേയ.ീൃഴ.ലും ലഭിക്കും. അപേക്ഷ ഡിസംബര്‍ 31നകം ജില്ലാ ഓഫീസില്‍  നല്‍കണം. ഫോണ്‍ : 0491 2547437.