എലപ്പുള്ളി ഗ്രാമപഞ്ചായത്തില്‍ വസ്തുനികുതി കുടിശ്ശിക ഒറ്റത്തവണ തീര്‍പ്പാക്കലിന്‍റെ ഭാഗമായി 2018 ഫെബ്രുവരി 28 വരെ പിഴപ്പലിശ ഒഴിവാക്കിയതായി സെക്രട്ടറി അറിയിച്ചു.ഫോണ്‍ : 0491 2583230
    

    മലമ്പുഴ വനിതാ ഐ.റ്റി.ഐ.യുടെ ഇന്‍സ്റ്റിറ്റ്യൂട്ട് മാനെജ്മെന്‍റ് കമ്മിറ്റി നടത്തുന്ന ടാലി കോഴ്സിന് ഇന്‍സ്ട്രക്ടറെ ആവശ്യമുണ്ട്. ബി.കോം ബിരുദവും ടാലി ഇ.ആര്‍.പി.9 യും ഒരു വര്‍ഷത്തെ പ്രവൃത്തി പരിചയവുമാണ് യോഗ്യത. യോഗ്യതയുള്ളവര്‍ അസ്സല്‍ സര്‍ട്ടിഫിക്കറ്റുകള്‍ സഹിതം ഡിസംബര്‍ എട്ടിന് രാവിലെ 11ന്   നടക്കുന്ന കൂടിക്കാഴ്ചയില്‍ പങ്കെടുക്കണമെന്ന് പ്രിന്‍സിപ്പല്‍ അറിയിച്ചു.ഫോണ്‍ : 0491 2815181 

 മലമ്പുഴ വനിതാ ഐ.റ്റി.ഐ.യില്‍ ഫാഷന്‍ ഡിസൈന്‍ ടെക്നോളജി ട്രേഡിലേയ്ക്ക് ഗസ്റ്റ് ഇന്‍സ്ട്രക്റ്ററുടെ ഒഴിവുണ്ട്. അംഗീകൃത യൂനിവേസിറ്റിയില്‍ നിന്നും ഫാഷന്‍ ഡിസൈന്‍ ടെക്നോളജിയിലുള്ള ബിരുദം ബന്ധപ്പെട്ട മേഖലയിലുള്ള ഒരു വര്‍ഷത്തെ പ്രവൃത്തി പരിചയം അല്ലെങ്കില്‍ അംഗീകൃത ബോര്‍ഡ്/സ്ഥാപനത്തില്‍ നിന്നുള്ള ഫാഷന്‍ ഡിസൈനിങ് ടെക്നോളജിയിലുള്ള ത്രിവത്സര ഡിപ്ലൊമ അല്ലെങ്കില്‍ ബന്ധപ്പെട്ട ട്രേഡിലുള്ള എന്‍.ടി.സി./എന്‍.എ.സി.യും മൂന്ന് വര്‍ഷത്തെ പ്രവൃത്തി പരിചയവുമാണ് യോഗ്യത.

    നിര്‍ധനരും മറ്റു സാമ്പത്തിക സഹായങ്ങളൊന്നും ലഭിക്കാത്ത രണ്ടാം ലോക മഹായുദ്ധ സേനാനികളുടെ വിധവകള്‍ക്ക് സര്‍ക്കാര്‍ നല്‍കുന്ന സാമ്പത്തിക സഹായത്തിന് അപേക്ഷിക്കാം. അര്‍ഹരായവര്‍ ജില്ലാ സൈനികക്ഷേമ ഓഫീസില്‍ നേരിലോ ദൂതന്‍ മുഖേനെയോ ഉടന്‍ എത്തണമെന്ന് ജില്ലാ സൈനികക്ഷേമ ഓഫീസര്‍ അറിയിച്ചു. മിലിറ്ററി സേവനത്തിന്‍റെ അസ്സല്‍ പ്രമാണവുമായാണ് എത്തേണ്ടത്. 

                വൈത്തിരി ഗവ.ഹയര്‍ സെക്കന്ററി സ്‌കൂളില്‍ ഹൈസ്‌കൂള്‍ വിഭാഗത്തില്‍ കണക്ക് അധ്യാപക തസ്തികയിലേക്ക് ദിവസവേതനാടിസ്ഥാനത്തില്‍ നിയമിക്കുന്നതിനുള്ള കൂടിക്കാഴ്ച ഡിസംബര്‍ 8ന് രാവിലെ 10ന് സ്‌കൂളില്‍ നടക്കും.  താല്‍പര്യമുള്ള ഉദേ്യാഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുമായി ഹാജരാകണം.ഫോണ്‍.04936 255618.

    കേരള സംസ്ഥാന യുവജനക്ഷേമ ബോര്‍ഡ് സംഘടിപ്പിക്കുന്ന സംസ്ഥാനതല കേരളോത്സവ കായിക മത്സരങ്ങള്‍ ഡിസംബര്‍ 13 മുതല്‍ 15 വരെ തിരുവനന്തപുരത്ത് വിവിധ  വേദികളിലായി നടക്കും. പാലക്കാട്  ജില്ലാ കേരളോത്സവത്തില്‍ ഒന്നാം സ്ഥാനം നേടിയവര്‍ക്ക് സംസ്ഥാനതല മത്സരത്തില്‍ പങ്കെടുക്കുന്നതിനുള്ള  പ്രവേശന പാസ് ജില്ലാ യുവജനകേന്ദ്രത്തില്‍ നിന്ന് നാളെ മുതല്‍ കൈപ്പറ്റാം. ഓണ്‍ലൈനായി ഫോട്ടോ അപ്ലോഡ് ചെയ്യാത്ത മത്സരരാര്‍ഥികള്‍ ഫോട്ടോ അതത്  ബ്ലോക്ക് പഞ്ചായത്ത് ഓഫീസില്‍ അപ്ലോഡ് ചെയ്യണമെന്ന് ജില്ലാ യൂത്ത് പ്രോഗ്രാം ഓഫീസര്‍ അറിയിച്ചു. ഫോണ്‍ : 0491-2505190 .