മലബാര്‍ ദേവസ്വം ബോര്‍ഡ് തലശ്ശേരി അസിസ്റ്റന്റ് കമ്മീഷണറുടെ അധികാര പരിധിയില്‍പ്പെടുന്ന ക്ഷേത്രങ്ങളിലെ 2016 വര്‍ഷത്തെ ക്ഷേത്രജീവനക്കാരുടെ ശമ്പള കുടിശ്ശിക, 2017 വര്‍ഷത്തെ ശമ്പള അഡ്വാന്‍സിനുള്ള അപേക്ഷ എന്നിവ ഡിസംബര്‍ 15നകം ബന്ധപ്പെട്ട രേഖകള്‍ സഹിതം അസിസ്റ്റന്റ് കമ്മീഷണര്‍ ഓഫീസില്‍ നല്‍കണം.ഫോണ്‍. 0490 2321818.

    കഴിഞ്ഞ ദിവസങ്ങളില്‍ ജില്ലയിലുണ്ടായ കനത്ത മഴയിലും കാറ്റിലും മുണ്ടൂര്‍, പുതുപ്പരിയാരം, കഞ്ചിക്കോട്, വാളയാര്‍,പുതുശ്ശേരി പ്രദേശങ്ങളില്‍ കൃഷിക്കും വീടിനും നാശനഷ്ടം സംഭവിച്ചവര്‍ക്ക് അര്‍ഹമായ നഷ്ടപരിഹാരം നല്‍കാനുളള അടിയന്തര നടപടികള്‍ സ്വീകരിക്കാന്‍ ഭരണപരിഷ്കരണ കമ്മീഷന്‍ ചെയര്‍മാനും സ്ഥലം എം.എല്‍.എ.യുമായ വി.എസ്.അച്ചുതാനന്ദന്‍  ജില്ലാ ഭരണകാര്യാലയത്തോട്  ആവശ്യപ്പെട്ടു. 

    രാഷ്ട്രത്തിനുവേണ്ടി ജീവന്‍ ത്വജിച്ച ധീരരക്തസാക്ഷികളോടുള്ള  ആദരവ് അര്‍പ്പിക്കുന്നതിന് ആചരിക്കുന്ന സായുധസേനാ പതാകദിനം ഡിസംബര്‍ ഏഴിന് ആചരിക്കും. ഇതിനോടനുബന്ധിച്ച് സായുധസേനാ പതാകദിന ഫണ്ട് കമ്മറ്റിയുടെ ആഭിമുഖ്യത്തില്‍ രാവിലെ 11ന് ജില്ലാ പഞ്ചായത്ത് ഹാളില്‍ നടക്കുന്ന വിവിധ പരിപാടികളില്‍ ജില്ലയിലെ വിമുക്തഭടന്മാരും, ആശ്രിതരും പങ്കെടുക്കണമെന്ന് ജില്ലാ സൈനികക്ഷേമ ഓഫീസര്‍ അറിയിച്ചു. ഫോണ്‍ : 0491 2501633

    കേരള മോട്ടോര്‍ തൊഴിലാളി ക്ഷേമനിധി അംഗങ്ങളുടെ മക്കള്‍ക്ക് 2017-18 വര്‍ഷത്തേയ്ക്കുള്ള വിദ്യാഭ്യാസ സ്കോളര്‍ഷിപ്പിന് അപേക്ഷിക്കാം.  എട്ടാം ക്ലാസ് മുതല്‍ ബിരുദാനന്തര ബിരുദം വരെയുള്ള കോഴ്സുകള്‍, പ്രൊഫഷനല്‍ കോഴ്സുകള്‍, ഡിപ്ലൊമ കോഴ്സുകളാണ് സ്കോളര്‍ഷിപ്പിന് പരിഗണിക്കുക. എട്ട്, ഒന്‍പത്, പത്ത് ക്ലാസുകളില്‍ ഒഴികെയുളള അപേക്ഷകര്‍ യോഗ്യത പരീക്ഷയ്ക്ക് 55 ശതമാനം മാര്‍ക്കോ തത്തുല്യ ഗ്രേഡോ നേടിയവരാവണം.  അപേക്ഷാ ഫോം കേരള മോട്ടോര്‍ തൊഴിലാളി ക്ഷേമനിധി ബോര്‍ഡിന്‍റെ ജില്ലാ ഓഫീസിലും  kmwwtfb.org.ലും ലഭിക്കും. അപേക്ഷ ഡിസംബര്‍ 31നകം ജില്ലാ ഓഫീസില്‍  നല്‍കണം. ഫോണ്‍ : 0491 2547437.