ചന്ദനത്തോപ്പ്   സര്‍ക്കാര്‍ ഐ.ടി.ഐയില്‍ പ്ലാസ്റ്റിക് പ്രോസസിംഗ് ഓപ്പറേറ്റര്‍, വുഡ് വര്‍ക്ക് ടെക്നിഷ്യന്‍ ട്രേഡുകളില്‍ സീറ്റൊഴിവ്. ഓണ്‍ലൈനായി അപേക്ഷിച്ചവര്‍ സെപ്റ്റംബര്‍ 20ന് രാവിലെ 10 നും വൈകിട്ട് മൂന്നിനും ഇടയില്‍ ഐ.ടി.ഐയില്‍  രജിസ്റ്റര്‍ ചെയ്യണം. ഫോണ്‍: 0474 2712781.
 

ബ്രോഡ്ക്കാസ്റ്റ് എഞ്ചിനിയറിംഗ് കണ്‍സള്‍ട്ടിംഗ് ഇന്‍ഡ്യ ലിമിറ്റഡില്‍ ആറ് മാസം മുതല്‍ ഒരു വര്‍ഷം വരെയുള്ള ഹോസ്പിറ്റല്‍ അഡ്മിനിസ്ട്രേഷന്റെ വിവിധ കോഴ്സുകളിലേക്ക് അപേക്ഷ ക്ഷണിച്ചു.  ഫോണ്‍: 7994449314.
 
 
 

 സംസ്ഥാന യുവജന കമ്മീഷന്‍ ചെയര്‍പേഴ്‌സണ്‍ എം.ഷാജറിന്റെ അധ്യക്ഷതയില്‍  സെപ്തംബര്‍ 18 ന്   രാവിലെ 11  മുതല്‍   കലക്ട്രേറ്റ് കോണ്‍ഫറന്‍സ് ഹാളില്‍   ജില്ലാതല അദാലത്ത് സംഘടിപ്പിക്കും. 18 നും 40 വയസിനും മധ്യേ പ്രായമുള്ള യുവജനങ്ങള്‍ക്ക് പരാതികള്‍   സമര്‍പ്പിക്കാം. ഫോണ്‍: 0471 2308630.

ചാത്തന്നൂര്‍ സര്‍ക്കാര്‍ ഐ.ടി.ഐയില്‍ പത്താം ക്ലാസ് മുതല്‍ യോഗ്യതയുള്ളവര്‍ക്കായി ഇന്റര്‍നാഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍, ഡിപ്ലോമ ഇന്‍ എയര്‍ കാര്‍ഗോ ഷിപ്പിങ് ആന്‍ഡ് ലോജിസ്റ്റിക്‌സ് മാനേജ്മെന്റ് കോഴ്‌സുകളിലേക്ക് പ്രവേശനം ആരംഭിച്ചു. ഫോണ്‍: 9074870849.  
 

 സംസ്ഥാന മലിനീകരണ നിയന്ത്രണ ബോര്‍ഡ്  അന്താരാഷ്ട്ര തീര പരിപാലന ദിനമായ സെപ്റ്റംബര്‍ 20ന് രാവിലെ ഏഴ് മുതല്‍ പരവൂര്‍ തെക്കുംഭാഗം (കാപ്പില്‍)  ഭാഗത്ത് 'ബീച്ച് ശുചീകരണ ക്യാമ്പയിന്‍’ സംഘടിപ്പിക്കും. കടല്‍ത്തീര ശുചീകരണത്തോടൊപ്പം വൃക്ഷത്തൈ നടീല്‍, ഒറ്റത്തവണയായി ഉപയോഗിക്കുന്ന പ്ലാസ്റ്റിക്കിനെതിരെ പൊതുജനങ്ങളുടെ ഒപ്പു സമാഹരണം, വിവിധ ബോധവത്കരണ പരിപാടികള്‍ തുടങ്ങിയവയും  നടത്തും. ജില്ലാ ഭരണകൂടം, തദ്ദേശ സ്വയംഭരണ സ്ഥാപനങ്ങള്‍, വിവിധ സര്‍ക്കാര്‍ ഏജന്‍സികള്‍,  വിദ്യാഭ്യാസ സ്ഥാപനങ്ങളിലെ എന്‍.എസ്.എസ്. യൂണിറ്റുകള്‍, വോളന്റിയേഴ്സ് തുടങ്ങിയവര്‍ പങ്കെടുക്കും.
 
 

അങ്കണവാടി കുട്ടികൾക്കായി സംഘടിപ്പിക്കുന്ന പോഷകാഹാരമാസാചരണ പരിപാടിക്ക് കഞ്ഞിക്കുഴി പഞ്ചായത്തിൽ തുടക്കമായി. പതിനാറാം വാർഡിലെ 39 ാം നമ്പർ കളത്തിവീട് അങ്കണവാടിയിൽ നടന്ന ചടങ്ങ് പഞ്ചായത്ത് വൈസ് പ്രസിഡന്റ് അഡ്വ. എം സന്തോഷ് കുമാർ ഉദ്ഘാടനം ചെയ്തു.  വ്യത്യസ്തതരം വിഭവങ്ങളാണ് പഞ്ചായത്തിലെ ഓരോ അങ്കണവാടിയിലും പദ്ധതിയുടെ  ഭാഗമായി തയ്യാറാക്കുന്നത്. 

പമ്പയാറ്റിൽ കൈനകരി ചാമ്പ്യൻസ് ബോട്ട് ലിഗിൻ്റെ ഭാഗമായി സെപ്റ്റംബര്‍ 19 ന് വള്ളംകളി നടക്കുന്നതിനാൽ അന്നേദിവസം സ്പീഡ്ബോട്ടുകൾക്ക് പൂർണ്ണമായും നിയന്ത്രണം ഏർപ്പെടുത്തി.  അതിക്രമിച്ച് കയറുന്ന സ്പീഡ് ബോട്ടുകൾക്കെതിരെ രജിസ്ട്രേഷൻ റദ്ദ് ചെയ്യുന്നത് ഉൾപ്പെടെയുള്ള കർശന നടപടികൾ സ്വീകരിക്കുമെന്ന് തുറമുഖ ഓഫീസര്‍ അറിയിച്ചു.

മണ്ണിനെയറിഞ്ഞും കൃഷി പാഠങ്ങള്‍ പഠിച്ചും ചാരമംഗലം ഗവ. ഡിവിഎച്ച്എസ്എസ് സ്കൂളിലെ കുട്ടികള്‍ കരനെല്‍കൃഷിക്ക് ഇറങ്ങിയപ്പോള്‍   സ്കൂളിൽ സംഘടിപ്പിച്ച ഞാറ് പറിച്ചുനടൽ ഉത്സവം വിദ്യാർഥികൾക്ക് വ്യത്യസ്ത അനുഭവമായി മാറി. 

എംപ്ലോയബിലിറ്റി സെന്ററിന്റെ രജിസ്‌ട്രേഷന്‍ ക്യാമ്പ് സെപ്റ്റംബര്‍ 20  രാവിലെ 10 ന്  ജില്ലാ എംപ്ലോയ്‌മെന്റ് എക്‌സ്‌ചേഞ്ചില്‍ നടക്കും.

മിനിമം യോഗ്യത പ്ലസ് ടു ആയിട്ടുള്ള 40 വയസ്സില്‍ താഴെ പ്രായമുള്ള ഐ .റ്റി . ഐ, ഡിപ്ലോമ, ബിരുദം, പാരാമെഡിക്കല്‍, മറ്റ് പ്രൊഫഷണല്‍ യോഗ്യതയുള്ള അമ്പലപ്പുഴ താലൂക്കിലെയും സമീപപ്രദേശങ്ങളിലേയും ഉദ്യോഗാര്‍ഥികൾക്ക്  പങ്കെടുക്കാം.