എല്‍ ബി എസ് സെന്റര്‍ ഫോര്‍ സയന്‍സ് ആന്‍ഡ് ടെക്നോളജി കണ്ണൂര്‍ മേഖലാ കേന്ദ്രത്തില്‍ പി.ജി.ഡി.സി.എ, ഡി.സി.എ, പി.ഡി.സി.എ എന്നീ തൊഴിലധിഷ്ഠിത കമ്പ്യൂട്ടര്‍ കോഴ്സുകളില്‍ ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു. പട്ടികജാതി, പട്ടികവര്‍ഗം, മറ്റ് അര്‍ഹതപ്പെട്ട സമുദായം എന്നീ വിഭാഗങ്ങളില്‍പെടുന്ന വിദ്യാര്‍ഥികള്‍ക്ക് നിയമാനുസൃത ഫീസ് ആനുകൂല്യം ലഭിക്കും. ഫോണ്‍: 0497 2702812, 9446442691

കേരള പി എസ് സി ജില്ലാ പട്ടികവര്‍ഗ വികസന വകുപ്പില്‍ ആയ (കാറ്റഗറി നമ്പര്‍: 092/2021) തസ്തികയുടെ 2022 ജൂണ്‍ 27 ന് നിലവില്‍ വന്ന റാങ്ക് പട്ടികയുടെ മൂന്ന് വര്‍ഷ കാലാവധി പൂര്‍ത്തിയായതിനാല്‍  2025 ജൂണ്‍ 26 ന് റാങ്ക് പട്ടിക റദ്ദാക്കിയതായി കെ പി എസ് സി ജില്ലാ ഓഫീസര്‍ അറിയിച്ചു.

പന്ന്യന്നൂര്‍ ഗവ. ഐ ടി ഐയില്‍ (തലശ്ശേരി) ഇലക്ട്രീഷ്യന്‍ ട്രേഡില്‍ ഗസ്റ്റ് ഇന്‍സ്ട്രക്ടറെ നിയമിക്കുന്നു. ബന്ധപ്പെട്ട ട്രേഡില്‍ എന്‍ ടി സിയും മൂന്ന് വര്‍ഷ പ്രവൃത്തി പരിചയം/ എന്‍ എ സിയും ഒരു വര്‍ഷ പ്രവൃത്തി പരിചയം/ ഇലക്ട്രിക്കല്‍ എഞ്ചിനീയറിംഗില്‍ ഡിപ്ലോമയും രണ്ട് വര്‍ഷ പ്രവൃത്തി പരിചയം/ ഇലക്ട്രിക്കല്‍ ആന്‍ഡ് ഇലക്ട്രോണിക്സ് എഞ്ചിനീയറിംഗില്‍ ഡിഗ്രിയും ഒരു വര്‍ഷ പ്രവൃത്തി പരിചയവും ഉള്ളവര്‍ക്ക് അപേക്ഷിക്കാം. ഓപ്പണ്‍ വിഭാഗത്തില്‍പ്പെട്ട ഉദ്യോഗാര്‍ഥികള്‍ അസ്സല്‍ സര്‍ട്ടിഫിക്കറ്റുകളും പകര്‍പ്പുകളുമായി സെപ്റ്റംബര്‍ 24 ന് രാവിലെ 10.30 ന് ഐ ടി ഐയില്‍ എത്തണം.

ഫിഷറീസ് വകുപ്പ് 2025-26 വര്‍ഷം നടപ്പാക്കുന്ന ബി ഐ എഫ് - എച്ച് ഡി എഫ് ഭവന പുനരുദ്ധാരണ പദ്ധതിക്ക് അര്‍ഹരായവരുടെ പ്രാഥമിക കരട് പട്ടിക അതാത് മത്സ്യഭവനുകളില്‍ പ്രസിദ്ധീകരിച്ചു. പ്രാഥമിക കരട് പട്ടികയിന്മേല്‍ ആക്ഷേപം ബോധിപ്പിക്കാനുളളവര്‍ക്ക് മത്സ്യഭവനുകളില്‍ സെപ്റ്റംബര്‍ 23 ന് വൈകീട്ട് നാല് മണി വരെ അപ്പീല്‍ അപേക്ഷകള്‍ രേഖാമൂലം സമര്‍പ്പിക്കാം. അന്തിമ കരട് പട്ടിക സെപ്റ്റംബര്‍ 30 ന് പ്രസിദ്ധീകരിക്കും. കൂടുതല്‍ വിവരങ്ങള്‍ക്ക് തലശ്ശേരി/കണ്ണൂര്‍/അഴീക്കോട്/മാടായി മത്സ്യഭവന്‍ ഓഫീസുകളില്‍ ലഭിക്കും. ഫോണ്‍: 0497 2731081 

വികസനത്തിന്റെ പുതിയ അധ്യായം രചിക്കുകയാണ് തലശ്ശേരിയുടെ ആരോഗ്യരംഗം. തലശ്ശേരിയില്‍ അമ്മയും കുഞ്ഞും ആശുപത്രി പ്രവര്‍ത്തന സജ്ജമാവുന്നതോടെ കണ്ടിക്കല്‍ ഇനി തലശ്ശേരിയുടെ മെഡിക്കല്‍ ഹബ്ബായി മാറും. തലശ്ശേരി കണ്ടിക്കലില്‍ എല്ലാ അത്യാധുനിക സൗകര്യങ്ങളോടും കൂടിയ ഏഴുനില കെട്ടിടമാണ് അമ്മയും കുഞ്ഞും ആശുപത്രിക്കായി കിഫ്ബി സഹായത്തോടെ ഒരുങ്ങുന്നത്. മുന്‍മന്ത്രി കോടിയേരി ബാലകൃഷ്ണന്റെ നേതൃത്വത്തില്‍ ജനകീയമായി സമാഹരിച്ച 3.5 കോടി രൂപ ചെലവഴിച്ചാണ് ആശുപത്രിക്കായി സ്ഥലമേറ്റെടുത്തത്. ആശുപത്രിയുടെ നിര്‍മാണ പ്രവര്‍ത്തനങ്ങള്‍ ഡിസംബര്‍ 31 നുള്ളില്‍ പൂര്‍ത്തിയാക്കി ജനുവരി ആദ്യം ഉദ്ഘാടനം നടത്തും.

*ജില്ലാതല അദാലത്തില്‍ 12 പരാതികള്‍ തീർപ്പാക്കി

യുവജനങ്ങൾ നേരിടുന്ന പ്രശ്നങ്ങൾക്ക് കൃത്യമായ പരിഹാരം ലഭ്യമാക്കുന്നതിന് യുവജന കമ്മിഷൻ ഇടപെടുമെന്ന് ചെയർമാൻ എം ഷാജർ പറഞ്ഞു. കളക്ടറേറ്റ് കോണ്‍ഫറന്‍സ് ഹാളില്‍ നടന്ന ജില്ലാതല അദാലത്തില്‍ അധ്യക്ഷത വഹിച്ചു സംസാരിക്കുകയായിരുന്നു അദ്ദേഹം. യുവജനങ്ങളുടെ മാനസികാരോഗ്യം ഉറപ്പാക്കാനുള്ള വിവിധ പദ്ധതികളും ലഹരിക്കെതിരെ യുവജന പ്രാധാന്യമുള്ളയിടങ്ങൾ കേന്ദ്രീകരിച്ച് നിരവധി കാമ്പയിനുകളും നടപ്പിലാക്കി വരികയാണെന്നും കമ്മിഷൻ ചെയർമാൻ പറഞ്ഞു. 

പുറക്കാട് ഗവ. ഐ ടി ഐ യിൽ ഇന്റീരിയര്‍ ഡിസൈന്‍ ആന്റ് ഡെക്കറേഷന്‍ ട്രേഡിലെ ഒഴിവുള്ള ഏതാനും സീറ്റിലേയ്ക്ക് സ്‌പോട്ട് അഡ്മിഷന്‍ നടത്തുന്നു. വിദ്യാഭ്യാസ യോഗ്യത എസ്.എസ്.എല്‍.സി യാണ്. അവസാന തീയതി സെപ്റ്റംബര്‍ 30. ഫോണ്‍: 0477-2298118, 7907988374.

സഹകരണ വകുപ്പിന്റെ കീഴില്‍ പ്രവര്‍ത്തിക്കുന്ന സ്‌കില്‍ ആന്റ് നോളഡ്ജ് ഡവലപ്‌മെന്റ് സെന്റര്‍ (എസ്.കെ.ഡി.സി), കേരള നോളഡ്ജ് ഇക്കണോമി മിഷനുമായി ചേര്‍ന്ന് എസ്.എസ്.എല്‍.സി /പ്ലസ് ടു യോഗ്യതയുള്ളവര്‍ക്ക് ജനറല്‍ ഡ്യൂട്ടി അസിസ്റ്റന്റ്‌ (നഴ്സിംഗ് അസിസ്റ്റന്റ്)  കോഴ്സ് നടത്തുന്നു.  അറുമാസം ദൈര്‍ഘ്യമുള്ള കോഴ്സ് ഒക്ടോബറില്‍ ആരംഭിക്കും. ഫോൺ: 9496244701 .

ചെങ്ങന്നൂര്‍ ഐ.സി.ഡി.എസ്  ഓഫീസിന്റെ പരിധിയിലുള്ള ചെറിയനാട്, മുളക്കുഴ എന്നീ പഞ്ചായത്തികളിലെയും ചെങ്ങന്നൂര്‍ നഗരസഭയിലെയും
 174 അങ്കണവാടികളിലേക്ക് ഒക്ടോബര്‍ ഒന്നു മുതൽ  2026 മാര്‍ച്ച് 31 വരെ ആഴ്ചയില്‍ മൂന്ന് ദിവസം  പാല്‍, കോഴിമുട്ട എന്നിവ വിതരണം ചെയ്യുന്നതിന് ടെൻഡർ ക്ഷണിച്ചു.  അവസാന തീയതി സെപ്റ്റംബര്‍ 25 ഉച്ചക്ക് ഒരു മണി. ഫോൺ:0479-2452934, 9188959686.

തൈക്കാട്ടുശ്ശേരി ബ്ലോക്ക് പഞ്ചായത്ത് പരിധിയിലെ അരൂക്കുറ്റി ഗ്രാമപഞ്ചായത്തില്‍ ടൈല്‍ പാകല്‍, പുതിയ റോഡ് നിര്‍മ്മാണം എന്നീ പ്രവർത്തികൾക്ക്  പൊതുമരാമത്ത് ലൈസന്‍സുള്ള കരാറുകാരില്‍ നിന്നും  ടെന്‍ഡറുകള്‍ ക്ഷണിച്ചു.  etenders.kerala.gov.in എന്ന വെബ്‌സൈറ്റ് വഴി സെപ്റ്റംബര്‍ 23 ന് നാല് മണി വരെ ഓണ്‍ലൈന്‍ ആയി ടെൻഡറുകൾ   സമര്‍പ്പിക്കാം. ഫോണ്‍: 0478-2523010.