ഗാന്ധിജയന്തിയോടനുബന്ധിച്ച് നഗര-ഗ്രാമീണ മേഖലകളിലെ ശുചിത്വ പ്രവര്‍ത്തനങ്ങള്‍ ഏകോപിപ്പിക്കുന്ന 'സ്വച്ഛതാ ഹി സേവ' ക്യാംപെയ്ന്‍ 'ശുചിത്വോത്സവം'ഇന്ന് (സെപ്റ്റംബര്‍ 17ന്) ആരംഭിക്കും.  നവംബര്‍ ഒന്ന് വരെ നീണ്ടുനില്‍ക്കുന്ന ക്യാംപെയിന്റെ ഭാഗമായി നഗര-ഗ്രാമ മേഖലകളിലെ അനധികൃത മാലിന്യ തള്ളല്‍ കേന്ദ്രങ്ങള്‍ കണ്ടെത്തി സമയബന്ധിതമായി ശുചീകരണം നടത്തും. ഓഫീസുകള്‍, സ്‌കൂളുകള്‍, ആശുപത്രികള്‍ തുടങ്ങി പൊതുസ്ഥാപനങ്ങളില്‍ മാലിന്യ നിര്‍മാര്‍ജന പ്രവര്‍ത്തനങ്ങള്‍ ഊര്‍ജിതമാക്കും.

കേരള ഖരമാലിന്യ പരിപാലന പദ്ധതിയുടെ ആഭിമുഖ്യത്തില്‍ കാസര്‍കോട് നഗരസഭയിലെ ഹരിതകര്‍മ്മസേനാംഗങ്ങള്‍ക്കായി സംഘടിപ്പിച്ച ഹരിതകര്‍മ്മസേനാസംഗമം നഗരസഭാചെയര്‍മാന്‍ അബ്ബാസ്ബീഗം ഉദ്ഘാടനം ചെയ്തു.  കെ.എസ്.ഡബ്ള്യു.എം.പി. ജില്ലാ ഡെപ്യൂട്ടി കോഓര്‍ഡിനേറ്റര്‍ കെ.വി.മിഥുന്‍കൃഷ്ണന്‍ ആമുഖ പ്രസംഗം നടത്തി. തുടര്‍ന്ന് കൗണ്‍സിലര്‍മാരും ഹരിതകര്‍മ്മസേനാ അംഗങ്ങളും ചേര്‍ന്ന ചര്‍ച്ച  നടത്തി. കെ.എസ്.ഡബ്ള്യു.എം.പി. ജില്ലാസോഷ്യല്‍ എക്സ്പെര്‍ട്ട്  ഡോ.കെ.വി. സൂരജ് മോഡറേറ്ററായി. മികവാര്‍ന്ന ആശയവിനിമയം മികച്ചസേവനത്തിന് എന്ന വിഷയത്തില്‍ കെ.എസ്.ഡബ്ള്യു.എം.പി. സോഷ്യല്‍എക്സ്പെര്‍ട്ട് ടി.ജെ. ജെയ്സണ്‍ ക്ലാസ്സെടുത്തു.

ഇ.കെ നായനാര്‍ മെമ്മോറിയല്‍ ഗവ. ഐ.ടി.ഐ കയ്യൂരില്‍ 2025 വര്‍ഷത്തെ പ്രവേശനത്തിനുള്ള അപേക്ഷാ തീയതി സെപ്തംബര്‍ 30 വരെ നീട്ടി. ഫോണ്‍- 0467 2230980.

സംസ്ഥാന വിവരാവകാശ കമ്മീഷണര്‍ കെ. എം ദിലീപ് ഇന്ന് (സെപ്തംബര്‍ 17) രാവിലെ പത്ത് മുതല്‍ വൈകുന്നേരം അഞ്ച് വരെ കാസര്‍കോട് കളക്ടറേറ്റ് കോണ്‍ഫറന്‍സ് ഹാളില്‍ ഹിയറിംഗ് നടത്തും.

ചീമേനിയില്‍ പ്രവര്‍ത്തിക്കുന്ന കോളേജ് ഓഫ് എഞ്ചിനീയറിംഗ് തൃക്കരിപ്പൂരില്‍ കമ്പ്യൂട്ടര്‍ സയന്‍സ് ആന്‍ഡ് എഞ്ചിനീയറിംഗ് അഡ്ഹോക് അസിസ്റ്റന്റ് പ്രൊഫസറെ നിയമിക്കുന്നതിനുള്ള കൂടിക്കാഴ്ച്ച സെപ്തംബര്‍ 18ന് രാവിലെ 11ന് നടക്കും. എന്‍ജിനീയറിങ്ങില്‍ മാസ്റ്റേഴ്സ് ഡിഗ്രി യോഗ്യത ഉള്ള സി.എസ്.ഇ, ഐ.ടി, ഇ.സി.ഇ, ഇ.ഇ.ഇ, എഐ, ഡാറ്റ സയന്‍സ്  കഴിഞ്ഞവര്‍ക്ക് പങ്കെടുക്കാം.  താല്‍പര്യമുള്ള ഉദ്യോഗാര്‍ത്ഥികള്‍ പ്രായം, വിദ്യാഭ്യാസ യോഗ്യത (എം.ടെക് ), മുന്‍പരിചയം തെളിയിക്കുന്ന അസ്സല്‍ പ്രമാണങ്ങളും വ്യക്തിവിവരണം, കരിക്കുലംവിറ്റ സഹിതം ഹാജരാകണം.  മുന്‍പരിചയംഅഭികാമ്യം.ഫോണ്‍- 04672250377, 9495646060.
 

 
കാഞ്ഞങ്ങാട് വനം റെയിഞ്ചിന്റെ കീഴില്‍ വിവിധ കേസുകളില്‍ സര്‍ക്കാരിലേക്ക് കണ്ടുകെട്ടിയതോ കോടതി അനുമതി ലഭിച്ചതോ ആയ തേക്ക് ഉരുപ്പടികളുള്‍പ്പെടെയുള്ള വിവിധ തൊണ്ടി വഹകള്‍ സെപ്തബര്‍ 26ന് രാവിലെ 11ന് ചെമ്മട്ടംവയല്‍, കാഞ്ഞങ്ങാട് റെയിഞ്ച് ഓഫീസില്‍ ലേലം ചെയ്യും. ലേലത്തില്‍ പങ്കെടുക്കാന്‍ താല്‍പര്യമുള്ളവര്‍ പാന്‍ കാര്‍ഡ്, ആധാര്‍ കാര്‍ഡ് എന്നിവയുടെ പകര്‍പ്പുകള്‍ സഹിതം ഹാജരാകണം. ഫോണ്‍- 04672 207077, 8547602600.

കാറഡുക്ക ജി.വി.എച്ച്.എസ്.എസല്‍ വി.എച്ച്.എസ്.എസ്.ഇ വിഭാഗത്തില്‍ നോണ്‍ വൊക്കേഷണല്‍ ടീച്ചര്‍ കെമിസ്ട്രി (ജൂനിയര്‍) അധ്യാപക ഒഴിവിലേക്കുള്ള കൂടിക്കാഴ്ച്ച ഇന്ന് (സെപ്തംബര്‍ 17 ന്) രാവിലെ പത്തിന് സ്‌കൂള്‍ ഓഫീസില്‍ നടക്കും.

കണ്ണൂര്‍ ഗവ. പ്രസ് ക്വാര്‍ട്ടേഴ്സ് കോമ്പൗണ്ടിലുള്ള 13 മരങ്ങള്‍ വെട്ടി നീക്കം ചെയ്യുന്നതിന് മുദ്രവെച്ച ദര്‍ഘാസ് ക്ഷണിച്ചു. അപേക്ഷകള്‍ സെപ്റ്റംബര്‍ 25 ന് ഉച്ചയ്ക്ക് മൂന്ന് മണിവരെ സ്വീകരിക്കും. ഫോണ്‍: 0497 2747306

എംപ്ലോയീസ് പ്രോവിഡന്റ് ഫണ്ട് ഓര്‍ഗനൈസേഷനും എംപ്ലോയീസ് സ്റ്റേറ്റ് ഇന്‍ഷുറന്‍സ് കോര്‍പ്പറേഷനും സംയുക്തമായി നടത്തുന്ന നിധി ആപ്കെ നികട്- ജില്ലാ വ്യാപന പദ്ധതി ഗുണഭോക്താക്കള്‍ക്കായുള്ള പ്രതിമാസ പരാതി പരിഹാര സമ്പര്‍ക്ക പരിപാടി സെപ്റ്റംബര്‍ 29 ന് രാവിലെ 9.30 മുതല്‍ തളിപ്പറമ്പ് മുനിസിപ്പല്‍ ഷോപ്പിംഗ് കോംപ്ലക്സിലുള്ള പ്രസ് ഫോറം, കാസര്‍ഗോഡ് വിദ്യാനഗറിലുള്ള കലക്ട്രേറ്റ് മെയിന്‍ കോണ്‍ഫറന്‍സ് ഹാള്‍ എന്നിവിടങ്ങളില്‍ നടക്കും. 

വലിയപറമ്പ ഗ്രാമ പഞ്ചായത്തില്‍ പ്രൊജക്ട് അസിസ്റ്റന്റ് തസ്തികയിലേക്കുള്ള കൂടിക്കാഴ്ച്ച സെപ്തംബര്‍ 25ന് രാവിലെ 11ന്  വലിയപറമ്പ ഗ്രാമ പഞ്ചായത്ത് ഓഫീസില്‍ നടക്കും.